رواية داليا الفصول من التاسع للثاني عشر

بلاش تسرع علشانك وعشاني.. ادي لنفسك وقت شويه للتفكير وتأنى.
أحمد طيب أنا
محتاج اتكلم معاك.. استحالة نتكلم في الشغل وأنت عارفه كده كويس.. واستحالة نتكلم في التليفون أديك شايفة الوضع... لازم بجد نتقابل بره.
داليا كده بسرعه..... استحالة طلع الفكرة دي من دماغك خالص.. أنا لا يمكن أخرج مع أي حد مفيش بيني وبينه أي علاقه وأقعد معاه واتكلم كمان لا يمكن وبدون علم ماما وبابا... انسى بجد الموضوع ده مليش فيه تماما.
أحمد طيب اسمعيني بجد.... داليا أنا بجد داخل جد وقصدي شريف أنا مش داخل ألعب بيكي وبأهلك.. وعندي استعداد أقابل والدك الوقتي... كل حاجه عندي جاهزة .. محتاج بس شهر اضبط فيه الدنيا.
داليا قاطعته شهر أيه... هو أنت داخل تسلق بيض... ده جواز وارتباط ابدي اديني وأدي لنفسك فرصة أكتر لو سمحت.
أحمد طيب خليني اتكلم مع مامتك لو سمحتي.
داليا پخوف أرجوك يا أحمد.. أكيد الخطوة دي ليها وقتها ولازم تتم .. بس بلاش الوقتي.. مش كده اديني فرصة أفكر مع نفسي شويه.
أحمد شوفي يا داليا أنا مقدر تخوفك مني ومن الارتباط في الفترة دي .. ومسير الأيام بإذن الله تثبت لك أد ايه أنا بحبك بس لغاية أما تيجي اللحظة دي اديني فرصه اثبت لك ووافقي تخرجي مرة واحدة بس معايا في مكان عام .. نتكلم محتاج أعرف منك حاجات وتعرفي عني حاجات ونتفق مع بعض على حاجات كتير.
داليا طيب اديني فرصة أفكر وهرد عليك بكرة إن شاء الله.
أحمد خلي بالك بكرة آخر دوام فعلي قبل أجازة العيد.. يوم الخميس مش محسوب كل الناس حتسافر فيه بدري.
داليا متقلقش حرد عليك بكرة إن شاء الله .
قفلت داليا مع أحمد التليفون واتصلت بأميرة علطول.
داليا أميرة الحقيني بسرعة
أميرة فيه أيه يا داليا مالك حصلك ايه طمنيني
داليا بجد مصېبة.. ومش عارفة اتصرف فيها أزاي
أميرة طيب احكي لي أيه اللي حصل بالضبط 
وحكت داليا لأميرة من بعد الحفلة لغاية طلب أحمد الخروج معاها.
استغربت أميرة من مواقف خالد المتناقضة ومعرفتش بجد تفسرها واستغربت أكتر لسرعة أحمد في اتخاذه خطوات وكانت نفسها تعرف أيه هو السبب ورا السرعة دي.
داليا مش دي المشكلة يا أميرة الوقتي هو مصر يخرج وأنا مش عارفة أهرب منه إزاي.
أميرة وتهربي ليه مش قادرة أفهم
داليا أنت تقصدي ايه.. موافقة... إزاي يا أميرة
أميرة ما أحنا لازم نعرف هو عاوز يقول إيه.. وإيه سر الحب اللي فجأه ده.. ومن أمتى
داليا طيب أزاي بعد ما ارفض أوافق كده وحقول لماما ايه.
أميرة ومين قال لك إنك حتقولي لماما
داليا المرة اللي فاتت مشيت وراك ومقلتش لماما وكان هتحصل لي مصېبة لولا ستر ربنا عاوزاني اخرج معاه من غير ما أقول تاني لماما ازاي.
أميرة المرة دي غير.. في مكان عام ولازم تعرفي تفاصيل علشان نقدر نحكم صح عليه.
داليا صدقيني يا أميرة أنا بجد مش عارفه.. مش قادرة أحدد .. مشكله أحمد أنه جالي في وقت غير مناسب خالص.. مينفعش أشيل حد وأدخل التاني كده زي ما يكون حبل غسيل عليه هدوم نشفت وبتبدليها بالمبلولة.
ضحكت أميرة أيه التشبيهات دي يا داليا.. حبل غسيل ايه وهدوم مبلولة ايه.
داليا بصي يا أميرة أنا قلبي الوقتي في مرحلة تمرد علي.. مقفول بالضبة والمفتاح.. مش حيسمح لأي مشاعر تدخله الوقتي خالص على الإطلاق...بس في نفس الوقت عقلي مفتوح على الآخر بيرحب بكل معادلة ناجحة ومتساوية الطرفين وأنا متأكده إنه حيحكم صح وفي النهاية حيجبر قلبي إنه يوافق أنا سمعت كلام قلبي مرة وندمت خليني بقى أجرب عقلي المرة دي.
أميرة علشان كده بقول لك لازم تقابليه.
داليا اتصدقي يا أميرة بصلي استخارة كل يوم علشان ربنا يحلها من عنده ويخليني اختار صح.. يا رب بقى يكون بجد خير لحسن قلبي خلاص معندوش أي استعداد لأي چرح تاني.
أميرة مفيش قدامكم فرصه إلا يوم الخميس حتخرجوا بدري لأن الكل مسافر بدل ميسافر علطول تخرجي معاه ساعتين لغاية موعد السفر.
داليا أوك حبلغه كده.
أميرة ربنا يعمل لك اللي فيه الخير.
داليا يارب.
وقفلت السماعه مع صحبتها وغيرت هدومها وطلعت من غرفتها تقعد مع عيلتها.
في الوقت ده أحمد كان قاعد عل طرف السرير بيفكر مع نفسه في تليفونه مع داليا وبيسأل نفسه ياترى هو فعلا كده استعجل زي ما بتقول داليا ... يا ترى لازم يدي نفسه فترة للاجتياز بعد فشل خطوبته الأولى .... بس وهنا دخل خالد عليه ما هو خالد شريك معاه في سكن الشركة وقال له مالك كده قاعد تكلم نفسك زي المجانين فيه إيه...
أحمد خالد الحقني بجد.. 
خالد مالك في ايه جرى لك
أحمد مش عارف بجد مالي .. حاسس إني بتقطع من جوايا شعور غريب متملكني مخليني عاوزها وبشدة عاوز آخدها بين ايدي دي ومسيبهاش تخرج منها... خالد أنا بجد بحلم بيها كل يوم ... معدش في يوم بيعدي علي إلا وهي معايا في الحلم ده .
طبعا خالد كان بيتقطع مع اعتراف صاحبه ده .. بس قرر يحط مشاعره على جنب ويتكلم معاه بصراحه.
خالد أحمد اللي أنت بتقوله ده مش حب خالص...
أحمد أزاي يعني بتقول كده أمال وصفك للحالة اللي أنا فيها دي إيه
أحمد ليه بتقول كده يا خالد.. أنا عمري ما كنت حيوان كده وعمري ما سيبت رغبتي تتحكم ففي أحاسيسي تجاه أي بني آدم.
خالد أما تفسر بأيه سرعتك دي لاتمام الموضوع .
أحمد بحبها يا أخي وخاېف حد يسبقني ويخطفها مني بجد مش حسامح نفسي وحتقهر.
خالد كلم نفسه زي ما أنا مقهور كده الوقتي وفعلا مش حسامح نفسي على التأخير في رد فعلي تجاهها.
أحمد وبعدين الحمد لله كل حاجه جاهزة عندي ليه لا... بجد البنت دي يا خالد غريبة.
خالد إزاي يعني مش فاهم
أحمد عندها مقدرة غريبة على الجذب.. بجد زي المغناطيس.. روحها غريبة وجميلة بتسيب بصمة ليها مختلفة في أي مكان تدخل فيه وده مش رأيي لوحدي رأي كل اللي اتعاملوا معاها.. فعلا بصمه أنثى رقيقة مهذبه على كل حاجه بتعدي عليها.
خالد على البركة يا ابو حميد.. بس طالما كده بقى عاملها بحرص.. هي وردة بلدي جميلة مفتحه.. اهتم بيها واسقيها دايما من حبك وأهتمامك وعواطفك... حسسها بالأمان معاك.. وأوعى تدبل منك .
أحمد تسلم يا خلود دلوقتي أنا حخرج معاها بس مش عارف امتى.
خالد باستغراب ايه ده بسرعه كده وافقت
أحمد دي طلعت عيني... ولغاية الوقتي مردتش عليا آه ولا لا علشان نتفق فيه على كل حاجه لأني ناوي آجي أزورهم مع والدتي بإذن الله.
خالد على البركة يا حبيبي وقام حضنه واتمنى له التوفيق وسأله حيعزمها فين
أحمد على الكافيه
خالد أما انت بني آدم قفل.. يعني حتخرج البنت من الشغل وتاخدها تتناقشوا ومتعزمهاش على الغدا في مكان محترم بتقول لي كافيه.. كافيه ايه.. يترب ترفضك.
أحمد لا والله مجاش في بالي خالص خلاص حعزمها على الغدا حاجه تانية
خالد مش المرة دي علشان متتفهمش غلط وأنت بتزورهم أنت ووالدتك خصها بهدية قيمة.
أحمد برفان يعني
خالد برفان ايه أنت كمان.. ده أنت ملكش في أي حاجه
أحمد عرفني يا خلود أنا خبرتي في الأمور دي زيرو
خالد أولا لازم تدخل بحاجه لصحاب البيت وليكن شوكولاته في طبق كريستال أو جاتوه أو تورته ويكونوا من مكان قيم علشان دي أول مرة تدخل عليهم أنت ووالدتك فحتكون دي من قيمتكم.
أحمد دي أولا بسيطة ومقدور عليها ايه ثانيا.
خالد بوكية ورد محترم من أغلى الأنواع وياريت تعرف هي بتحب أي نوع بالضبط ونوع الألوان حسب الرسالة اللي أنت عاوز توصلها لها.
أحمد واش ضمني إنها هتفهم
خالد هتفهم المشكله فيك أنت اللي مش فاهم أعمل سيرش على جوجل على كل ألوان الورد ومعانيها حيطلع لك وشوف أشكال لبوكيهات ورد فخمه من النت وخلي الراجل ينفذه.
أحمد دي كمان بسيطه.. خلاص كده
خالد لا طبعا.. لسه أهم حاجه هديتها هي.
أحمد ايه ده كله .. كده في الزيارة الودية أمال بعد كده حعمل ايه.
خالد أنت يا واد بخيل ولا أيه... أنت مش بتقول بتحبها
أحمد آه بمۏت فيها
خالد مفيش حد بيحب حد يبخل عليه بأي حاجه ولو حياته.. المهم إنه يشوفه قدامه متهني ومبسوط حتى ولو على حساب نفسه.
أحمد ماشي طيب إيه هي الهدية
خالد يا بني أنت مش كنت خاطب قبل كده كنت بتعمل مع خطيبتك إيه
أحمد داليا هي اللي كانت بتختار لي الهدايا وساعات كنت بخليها تشتريها لي وأحاسبها.
هنا خالد سخسخ على نفسه من الضحك .. يعني من يومك كده قفل ومكمل على العموم أحسن إن البنية عندها فكرة عنك مش حتتصدم يعني.
أحمد بلاش تهريج بقى يا خالد وقول لي إيه هي الهدية
خالد دي حاجه ترجع لك اسوره ذهب شيك خاتم ملفت عقد ذهب حسب إمكانياتك يعني إنت اللي هتحدد.
أحمد أيوه دخلنا على خړاب البيوت المستعجل
خالد بجد شكلك بخيل.. هو أنت عاوز تتجوز كده ببلاش ومن اللي أنت بتحبها كمان... لا وألف لا يبقى بتحلم.
أحمد خلاص يا أستاذ خالد على بركة الله ممكن تيجي معايا بقى وأنا بختار الهدية علشان أشك إن المحلات تقفل في العيد.
خالد بتردد مفيش مشكله يوم السفر قبل ما نسافر الخميس إن شاء الله نطلع مع بعض على الصاغه نشتري اللي أنت عاوزه.
أحمد إن شاء الله .. شكرا يا أخويا وصاحبي
خالد ربنا يتمم لك على خير ويعمل لكم كل اللي فيه الخير بإذن الله.
أحمد يا رب المشكلة إني مش جايب معايا أي بدل هنا معايا أنت عارف شغل المواقع عاوز بس جينزات وتيشيرتات وبالكتير قمصان سبور.
خالد لا مشكله ولا حاجه..خلي البدلة للزيارة مع مامتك أما بكرة خليها قميص وبنطلون عادي خلي معاك بس البرفان بتاعك.. 
أحمد آه .. عندك حق .. شكرا بجد لك يا خلود
خالد ربنا يتمم لك على خير إن شاء الله... على فكرة خلي بالك يستحسن متنزلش معاها في نفس العربية ومتلفتش
النظر ليها لغاية أما يحصل في الموضوع حاجه.. حرام تشوشر على البنت.
أحمد كويس إنك نبهتني.. علشان محدش يربط الاستئذان بتاعنا في نفس الوقت مع بعضه.
خالد كده إنت صح.
تاني يوم وصلت داليا الشغل بدري عن موعدها نص ساعه وأول ما دخلت مكتبها لقت التليفون بيرن رفعت السماعة لقته المهندس أحمد بيسألها هاه فكرتي ولا لسه
داليا من الصبح كده بتسأل.
أحمد بجد كده آخري
داليا فكرت
أحمد بتحفز والنتيجه
داليا إن شاء الله بكرة بعد الشغل اقدامك ساعه قبل سفرك نقعد في أي مكان.
أحمد بجد يا داليا مقدرش أقول لك أد ايه فرحتيني.
داليا
طيب اسيبك بقى لحسن عندي