رواية فاطمة الفصول من 10-12

الام والاب الأهل هو جدك اللي ممكن يهد الدنيا علشانك عمتك اللي شيفاكي بنتها عمي سليم وولاده اللى شايفينك منهم أنا ماليش حد واللي كان ليا راح راح وسابنى أنا تعبت تعبت من كل حاجه ومن الكل مش عايزه غير انى ابقي لوحدي لولا بنتى كنت روحت لشفيق خلص عليا وخلصت بقي أنا عايشه و بحارب و اقاوم الكل بس علشانها علشانها هي وبس 
تحدثت بهدوء وهى تشير لها كي تعود لغرفتها 
بلاش جنان دلوقتي كلنا تعبانين ممكن نكمل كلامنا الصبح
صعدت علياء أولا ولاحظت ميرا تعب فاطيما لتنظر لشقيقها بحزن ليغادر كي لا يضعف أمامها لتنظر له بدموع اقتربت ميرا منها للتحدث معها لكنها اتجهت لغرفتها لا تريد شيء الآن سوى النوم و الهروب من أحداث اليوم
يجلس فى المكتب ويتابع أعماله لتخبره السكرتيرة بوجود سليم تعجب فى البداية من وجوده خاصة أنه لم يعلن عن قدومه مصر ليرحب به بعد دخوله و يجلسان معا
أردف جسار بهدوء 
حضرتك ليه مقولتش إنك هتنزل مصر 
تحدث بجدية شديدة 
اخبارك ايه واخبار الشركة
رغم تعجبه من سؤاله 
تمام جدا أطمن تحب تشرب إيه 
ليخبره بنوع القهوة ثم قام بسؤاله عن جده 
ممكن قهوة مظبوط .. امال فين جدك أو عمتك !!
ليتأكد حينها أن هذه الزيارة وراءها سر وبالطبع سيعلم ما الأمر 
فى المزرعه خير في حاجه حصلت ولا إيه !!
تحدث بغموض و جدية 
هاه لا سمعت إن فيه قلق و توتر فى الشركة كان لازم أنزل علشان أفهم أيه بيحصل هنا
ليخبره بتأكيد و ثقة 
لأ اطمن كل شئ اتحل والأمور حاليا مستقره المهم اخبار الصفقه الاخيره ايه عايز اخلص الأوراق علشان ابعت الشغل
دخلت السكرتيرة ومعها القهوة قدمتها لهما و تركتهما كي يتحدثا ليهتف سليم بمكر 
طيب المفروض حد منهم يكون هنا علشان نتكلم فى الشغل بخصوص الصفقة الجديدة
ليردف بمهنية شديدة 
اتفضل اتكلم أنا حاليا المسؤول عن الشركات والشغل كله
لكن كان رد سليم بمثابة صدمة له 
يعني إيه معني كلامك جسار الصفقه مش بسيطه الأفضل وجود جدك معانا
تنهد پغضب شديد بسبب حديث سليم معه ليردف بحدة 
فى إيه يا أستاذ سليم هو أنا عيل صغير قدامك ولا دي أول مره اتعامل معاك فيها جدي خلاص قرر يقعد يتفرغ بسبب تعبه و أنا حاليا اللى مسؤول عن كل حاجه
كان يتابع غضبه و انفعاله ليتحدث بتعجب 
يعني الكلام اللى وصلني صح بقي !!
أجابه بتعجب و حيرة 
كلام إيه مش فاهم وضح قصدك
تحدث وهو يتابع انفعاله 
انك استوليت على الشركه و طردت جدك و عمتك منها
ليدق على المكتب پغضب و انفعال 
إيه استوليت لأ حاسب عندك يا أستاذ سليم و متنساش نفسك أنا أخدت حقي أظن مفيش حد بيستولي على حقه ثم دي حاجه متخصكش اللى بينا شغل وبس ياريت متتعداش حدودك
وقف ونظر له پغضب من يظن نفسه ليتجاوز معه في الحديث هكذا 
انسى نفسى واضح إن إنت اللى ناسى نفسك ومش عارف بتتكلم مع مين فوق لنفسك وإلا هتخسر كتير أوى فى شغلك و لو الشغل اللى بينا ها يخليك تتجاوز معايا يبقي ميلزمنيش الشغل ده
وقف مقابله ليهتف بصوت مرتفع وتحدي 
لأ أنا فايق كويس أوى وعارف نفسي كويس اوى وبالنسبه للخسارة مش في قاموسي والشغل ماتقدرش تنهيه لانه مش ملكك وقرار الفسخ مش فى إيديك لوحدك ده غير الشرط الجزائي ولا نسيت
ليخرج من حقيبته دفتر الشيكات كتب له المبلغ وقام بالامضاء عليه ليمنحه له 
لو على الشرط الجزائي اتفضل شيك بالمبلغ ويبقي انتهى أى شغل بينا
كانت يتابع ما يحدث پصدمه شديدة 
إنت اټجننت ازاى يعنى بتنهى الشغل بالشكل ده والسرعه دي إنت تعاملك معانا شغل ولا إيه بالظبط إنت مالك ومال مشاكل عائليه ملهاش أي ستين لازمه علشان تنهي الشغل كده هاه
ليتحدث بجدية ويعترف أن حديث عزت عن حفيده كان صحيحا 
أنا فعلا اټجننت علشان توقعت إنك شخص عاقل لكن اللى يتجاوز معايا ميلزمنيش الشغل اللى يقلل من قيمتي لو هكسب من وراه مليارات
تراجع ليتحدث بهدوء لأنه يعلم أن انسحاب سليم سيضعه فى مأزق حقيقي 
اسمعنى يا أستاذ سليم الشغل مالهوش علاقه بخلافتنا الشخصيه لو سمحت اركن الخلافات على جنب وبالنسبه لكلامي بعترف إني اتعصبت بس ما هو ده مش كلام برده
ليجيبه بسخرية و هدوء 
من البداية وجدك هو المسؤول عن الصفقة يعني أى تعامل الطبيعي يكون معاه اللى وصلني إن أسهم الشركه بتخسر الفترة دى أنا معنديش استعداد أكمل فى مكان فيه توتر وقلق
تنهد بغيظ ليقسم فى سره أنه سيجعل سليم يندم لاحقا
اللى وصلك غلط وانا ممكن اخلى الصفقه دى على مسؤوليتي الشخصيه وبعدين اسم الشركه و العيله لوحده مكسب ولا ايه
وقف كي يغادر لن يظل دقيقة أخرى فى هذا المكان 
أسف بس معنديش استعداد أكمل فى مكان كله قلق التعامل وقف بينا من دلوقتي
ليردف بهدوء شديد بعد أن توقع من المسؤول عن إنهاء هذه الشراكة 
تمام أوى كده حاجه تانيه
هتف سليم بجدية وهو يتابعه بتركيز 
لا الصفقة بينا وقفت ومفيش أى تعامل بعد كده بين الشركتين
تحدث بغرور كي لا يظهر نقاط ضعفه 
وماله إنت الخسران في عملاء غيرك كتير يتمنوا يكونوا مكانك
أردف سليم بثقه شديدة 
مش للدرجة دى يبقي متعرفنيش كويس
تحدث بمهنية و هدوء 
ومش عايز أعرفك كنت فاكرك بيزنس مان شاطر كل همك الشغل وبس و تركن الحياه الشخصيه بره بس واضح كنت غلطان
ليجيبه بمنتهى الهدوء 
اللى أعرفه إن الشغل مرتبط بحياتي الشخصية والا هكبر شركاتي ازاي إذا كنت بخلق عداوت شخصية
أجابه باعتراض و سخرية 
الشغل شغل والحياه الشخصية مالهاش علاقه لانك لو دخلت دي في دي يبقي هتخسر الشغل عايز تفكير دماغ وبس الحياه الشخصيه كلها عواطف والعواطف بتضييع
اقترب منه وأشار له 
أنا مش جديد فى المجال ده انت اللى تفكيرك غلط هستفاد ايه وأنا بدوس على الناس فى النهاية هكون لوحدي
ليجيبه وهو يشعر بالقلق من حديثه 
بس هكون كسبان
أردف بحزن عميق بسبب تفكيره 
هتكسب إيه تفكيرك غلط لما تكبر و تلاقى نفسك لوحدك ومفيش حد معاك هتفهم كلامي
جلس على الكرسي مره أخرى واجابه بدون اهتمام وهو يشير للباب 
ولادى مستقبليا هيكونوا معايا كانت مقابله لطيفه فرصه سعيده يا استاذ سليم الباب من هنا 
غادر سليم ليقوم بالاتصال بالمحامي كي يخبره أنه سيقابله لعمل توكيل له لبداية إجراءات تأسيس الشركة الجديدة وهو يتوعد بالاڼتقام من جسار .. بعد مغادرته جلس جسار ليفكر فى حل سريع كي لا يلجأ ل شفيق ليقرر أن يدمج شركته الخاصه مع المجموعه 
التقي المحامي ب سليم لينهوا الإجراءات ثم قرر العودة لعزت ليقرر الاتصال ب ميرا أولا ليطمئن عليهم .. كانت تجلس فى الحديقة ولا تعلم ماذا تفعل بسبب غياب والدها لتبتسم بعد رؤية اسمه على الهاتف لتجيب سريعا 
بابي وحشتني
أجابها بحب شديد 
وانتى كمان يا حبيبتي طمنيني عليكم
أردفت بهدوء فهي لا تريد إخباره بما حدث لكن 
كويسين إنت عامل إيه طمني عليك
شعر من صوتها أنها تخفي عنه شيئا 
أنا كويس المهم انتم صوتك بيقول فيه حاجه
تراجعت فهي لا تريد أن تزعجه ستنتظر لحين عودته 
هاه لأ ياحبيبي اطمن لما ترجع
تحدث بجدية و قلق 
ميرا اتكلمي فى إيه !!
تنهدت بحزن لتخبره بما حدث 
بصراحه كده يا بابي الأوضاع هنا مش مستقره خالص نزار عرف إن فاطيما اتجوزت واټخانق معاها وخرجنا وفريده تاهت مننا ونزار اټخانق هو وعلياء وعلياء مصممه تمشي لولا فاطيما اقنعتها بالعافيه تنتظرك بس قلقانين لانها مصممه تمشي
كان يستمع لحديثها پصدمة ليردف بإرهاق 
إيه كل ده ده أنا سافرت يوم واحد امال لو كنت طولت شوية كنتم عملتوا ايه و ازاى نزار عرف عن جواز فاطيما
أردفت بحزن وهى تشاهد نزار يغادر بسيارته 
مش عارفه أنا نزلت لاقيته هو وفاطيما و علياء بيتكلموا تقريبا عرف من علياء
هتف بعتاب شديد لابنته 
ازاى فريدة تاهت منكم يعني مش قادرين تشيلوا يومين المسؤولية امال هتديروا الشركة ازاى بعد كده
أجابت بحزن بسبب ڠضب والدها منها 
يا بابي حضرتك بتزعقلي ليه دلوقتى إحنا كنا بنتكلم وهي معانا وفجأة اختفت من جنبنا أعمل إيه طيب
أجابها وهو يتجه للفيلا 
متعمليش حاجه أنا جاي بكره متعرفيش حد وبلاش تتعاملوا معاه لغاية ما اوصل
أردفت بهدوء وهى تتجه للداخل 
حاضر يا بابي مش تتأخر تحب استناك فى المطار
ليتحدث برفض واعتراض 
لا بلاش تيجي مش عاوز حد يعرف نهائي خلي كل شئ طبيعي فاهمه
تحدثت بهدوء 
فاهمه حاضر
تنهد بتعب مما يحدث 
طمنيني فاطيما أخبارها ايه دلوقتي
تحدثت وهى تنظر لغرفتها 
مش كويسه خالص وزعلانه و قافله على نفسها من وقت اللى حصل
ليسأل باستفهام 
طيب علياء فين دلوقتي !!
أجابته بهدوء و هى تتجه للمطبخ كي تعد طعاما لهم 
فى أوضتها هي كمان مخرجتش من وقتها هي وفريدة
ليردف بجدية شديدة 
طيب بلاش أى حد فيكم يتكلم معاه علشان وقت ما يتعصب بيبقي واحد تاني وأكيد طلع غضبه من فاطيما على علياء
هتفت وهى تتذكر غضبه الشديد من الجميع أمس 
هو فعلا كان واحد تانى أول مره اشوفه بيتعامل مع حد كده
أردف بهدوء وهو يعلم أن القادم ليس سهلا 
انتى عارفه وقت الموضوع ما بيتعلق بها بتكون حالته ايه وموضوع جوازها مش هيقبله بسهوله
لتهتف بجدية و سخرية 
ماشي بس يهدي يا بابي ده اتعصب عليا أوى وكمان علياء هي أه مش سكتت له بس أنا استغربت قولت أنه هيراعي أنها لسه جديده ويهدي لأ مفيش تفاهم كان واحد تاني خفت منه بجد 
تحدث باستنكار من جنان ابنته 
أكيد رديتي عليه زى كل مره هو وقت الڠضب ها يميز جديدة ولا قديمة بتضحكي لما اجي هقوله يكمل عليكي
لتجيبه بحزن شديد 
يا بابي كنت مټعصبه وزعلانه منه وآه رديت عليه علشان زود الموضوع واتصلت ب فاطيما علشان تيجي وإلا مكنتش هقدر أقنع علياء تستنى
ليهتف باستنكار بسبب ما يحدث معهم 
انتم الاتنين محتاجين إعادة تربية من الأول استني لبكره بس هتشوفي
تحدثت بتوتر و حزن 
كده يا بابي ههون عليك انا أصلا زعلانه منه ومش هتكلم معاه تانى
تحدث بهدوء لأنه يعلم عناد ابنته 
أكيد عاندتي صح مش جديد عليكي
أجابته بتردد و غيظ 
يا بابي إنت عارف وقت ما يتعصب بيكون واحد تاني حقيقي خفت منه
ليردف بحب حقيقي كي يجعلها تهدأ 
متزعليش انتى عارفه انى بهزر معاكي المهم قوليلي أخباره ايه
لتجيبه بحب وجدية 
وأنا امتى زعلت منك يا قمر إنت بالنسبه للدكتور بيخرج الصبح ويرجع اخر الليل ولا بيكلم حد ولا بيشوف حد
أردف بتعب من حالة نزار 
مش عارف هيتغير امتى ولا امتى هطمن عليكم
تحدثت وهى تدعي الحزن 
مش عارفه جايز يتغير و نطمن عليه هو بس محتاج واحده تغير تفكيره وتعرفه إن البنات مش كلهم واحد محتاج واحده تحتويه و تطمنه نزار محتاج يحس بالامان والاستقرار محتاج يأسس عيلة وهو وقتها هيتغير بجد
ليهتف بجدية بعد وصوله للفيلا 
كل شئ فى وقته كويس خلينا نشوف المهم هقفل دلوقتي و هكون عندكم بكرة
ماشي ياحبيبي هستناك
أغلق معها ليجد عزت ينتظره فى الحديقه اقترب منه 
هتف عزت بقلق 
سليم اتاخرت ليه كل ده
أجابه بهدوء فهو لا يريد إخباره بما حدث مع جسار 
على ما خلصت معاه وكنت بطمن على الولاد
عزت بقلق و توتر 
قولي عمل ايه و ايه رد فعله
هتف بهدوء وهو ينظر بعيدا 
فى الأول كان هادى بس لما اتكلمت معاه أكتر اكتشفت إن قرارك كان صحيح لآخر وقت كنت متوقع إنه ممكن يتراجع بس 
ليعلم عزت أن سليم لن يخبره بما حدث معه فى اللقاء 
يعني اتاكدت من كلامى دلوقت
سليم بجدية و هدوء 
حقيقى هو بقى واحد تاني مش ده جسار أبدا متوقعتش يتغير بالشكل ده 
ليهتف بجدية وهو ينظر للسماء 
من وقت ما بدأت علاقته مع شفيق وبنته وللأسف كل شئ اتغير 
ليجيبه بهدوء كي ينهي الحديث فى هذا الأمر 
كفاية كلام كده عملنا اللى علينا
ليردف بتفهم وهو يشرب العصير 
ماشي هصدق كلامك بس أكيد هعرف الحقيقة بعدين
ليجييه بجدية وهو يغير مجري الحديث 
خلاص يا عمي كده اول خطوه تمت بنجاح باقي الخطوه التانيه بس للأسف مش هكون هنا لانى لازم اسافر بكره
هتف عزت بقلق أن يكون قد حدث لهم شيئا 
الاولاد كويسين ولا حصل ايه
ابتلع ريقه بتوتر 
اه كويسين الحمدلله اطمن بس علشان الشغل
تحدث بجدية 
طيب كده باقي الإجراءات المحامي هيكملها أكيد
أيوه أنا اديت المحامي الورق يخلص كل حاجه الصبح
تمام ارتاح بقي علشان السفر هتمشي امتى
الفجر باذن الله علشان اوصل بدرى هناك
أردف عزت بقلق 
وليه السفر بدرى كده سليم لو مخبي حاجه قول
ليجيبه بتوتر و قلق 
مفيش يا عمي اطمن بس ست ميرا مجنناهم هناك لأ وزعلانه انى اتاخرت عليها اطمن مفيش حاجه
هتف بشوق حقيقي 
وحشتني ميرا قولها جدك عاوز يشوفك
هي كمان لسه بتقولى أن مصر وحشتها وعايزه تنزل الأمور تهدى و هننزل كلنا بإذن الله
اتمنى فعلا ترجعوا بس صعب وانت عارف
يوم مش هيعمل حاجه وبعدين الأوضاع هتكون اهد من كده اطمن هأمنه كويس أوى 
إنت عارف رجوعه معناه إيه
هيرجع بهويته التانيه ومش رجوع بس هينزل ويرجع تانى علشان يبقى يوم للذكرى اطمن
وقبل أن يجيبه اقتربت سمية منهم لتهتف پصدمه 
نزار عرف عن جواز فاطيما و جسار
يتبع