رواية جديدة جميلة الفصول من السادس عشر للعشرين

يسألوها عنه ! كأنهم متعمدين يتجاهلوا تعبها ! فيروز حست انها مخبيه حاجه بس محستش بۏجعها وتعبها وكسرتها ! تزعل على نفسها وعلى ثقتها اللى بقت منعدمه فى الناس تقوم تاخد شاور جايز يهدى الڼار اللى جواها الڼار اللى بتقيد من قربها لاى حد حواليها قعدتها مع صحابها قادت ڼار جديده جواها على الاقل كانت فاكره انها مهمه او بيحبوها من قلبهم لكن قعدتها معاهم غيرت كل تفكيرها ويفضل شعورها الاول والاخير وتحليلها لقرب اى حد منها انه مجرد واجب ! عند حسام قاعد فى الفندق مستنى مارلين يبص للساعه كانت حوالى 10 بليل يسرح بتفكيره فى فريده ويفتكر شكلها الصبح ومحاولته للتقرب منها يبتسم بخفه ويفوق من افكاره على مارلين اللى يبعدها عنه بتلقائيه وبسرعه لدرجه استغربتها 
حسام بتوتر سورى كنت سرحان شويه
مارلين ولا يهمك حبيبى
مارلين بنت جميله جدا عندها 40 سنه نفس سن حسام مصريه واتربت فى مصر بس هاجرت من عشر سنين لالمانيا ومنزلتش مصر نهائى والسبب هنعرفه مع الاحداث والسبب فى رجوعها هو حسام 
تقرب منه ولسه تانى حسام يمسك ايدها ويشدها منهم بعيد بس يفضل ماسكهم 
حسام انا مكنتش اعرف انك حلوه اوى كده
مارلين بابتسامه اومال كنت عارف ايه !
حسام مش عارف مجرد ما شوفتك مبقتش عارف حاجه فعلا
مارلين تضحك امممممم واحنا هنقعد فين بقى 
حسام فى الاوتيل 
يقاطعه تلفونه اللى رن يبص للتلفون ويلاقيه مديره 
حسام بعد اذنك
يبعد عنها مسافه طويله وبعدين يرد مجرد ما فتح التلفون سمع زعيق مديره يفضل ساكت مستنيه يخلص 
حسام تمام خلصت حضرتك ! هى كان لازم تنزل لان معلومات زى دى مش هعرف اخدها على النت او بالتلفون ايوه انا اللى طلبت منها النزول لا هى ما صدقت تنزل اصلا مفكرتش فى حاجه زى دى ايوه يعنى انا مش فاهم المفروض اسفرها القاهره دلوقتى ! ودا على اساس ان العصابه مش هيعرفوا هى فين من اى اوتيل فى القاهره ! ما اكيد هيشوفوا اوتيلات مصر كلها لو زى ما حضرتك بتقول وهما فعلا هيدوروا عليها يبقى مينفعش تقعد فى اى اوتيل ! تمام هتصرف السواق زمانه فى القاهره دلوقتى لا فى الورشه بتاعتى القديمه مهاب خده هناك تمام سلام
يقفل معاه وبيفكر يودى مارلين فين لان معملش اى حساب لفكره اسمها اللى ممكن يتعرف من خلاله الاوتيل اللى هى فيه وبالتالى العصابه هيقدروا ياخدوها وكل خطته هتتكشف يفكر بهدوء فى طريقه يقدر ياخدها بيها وفى نفس الوقت متحسش بوجود شىء غلط يعدى الوقت عند فريده قاعده مكانها وكل شويه تبص على الساعه اللى دقت اتنين بليل هتتجنن من تأخير حسام ومخها مصورلها انه بالفعل متجوز عليها وانه حاليا مع مراته التانيه تحس بڼار قايده جواها ڼار ممكن ټحرق اى شىء حواليها فى اى لحظه فى وسط افكارها يقاطعها مفتاحه اللى بيفتح الباب تقوم جرى لاوضتها عشان ميحسش انها صاحيه كل دا ومستنياه تدخل اوضتها وتمثل النوم فى نفس اللحظه حسام دخل من الباب الصاله كانت هاديه تماما خمن ان فريده نايمه يدخل اوضته وبالفعل يلاقيها نايمه على السرير ياخد شنطه السفر بتاعته ويحطها فى اخر السرير جنب رجلها ويبدأ يحط هدومه فيها فريده تتعدل وتبصله 
فريده انت بتعمل ايه !
حسام يبصلها ومن نبره صوتها وشكلها عرف انها كانت صاحيه وبتمثل النوم 
حسام بحط الهدوم فى الشنطه !
فريده انا اكيد شايفه انت بتعمل ايه !!
حسام اومال بتسألى ليه 
فريده انت فاهم قصدى بلاش تلف وتدور
حسام حب يلعب باعصابها اممممم لا ابدا حسيت انك مش متقبله وجودى فقولت اسيبلك البيت يومين كده تريحى اعصابك لوحدك واهو ترتاحى من وجودى شويه
فريده تبصله پصدمه هو فعلا هيسيب البيت !! تقوم تقف قصاده وتبصله باستنكار 
فريده يعنى ايه هتسيب البيت !! هتروحلها !
حسام وهو بيحط التيشرت فى الشنطه هى مين !
فريده مراتك 
حسام للحظه كان عاوز يضحك على غبائها وتصديقها بانه فعلا متجوز كان هيوضحلها اللى بيحصل بس شاف نظره الغيره فى عينها وبدأ يحس انها