رواية نصيبي من 21 الى 24

نهى بصتله وبدأت عنيها تلمع وهو لاحظ ده فقالها أنا مش عايزك تهربى منى ولا تبعدى عنى ولا حتى يجى فى بالك إنى ممكن فى يوم من الأيام هبصلك نظره مش حلوه 
نهى اتوترت أكتر وقلبها بيدق جامد أوى وبتحاول تشيل إيديها وكل ما بتحاول هو بيتمسك بيها أكتر وائل بإبتسامه ما تحوليش!!! مش هسيبها المره دى 
نهى بصتله ونزلت دمعه من عيونها هو لاحظها فسألها بحزن ليه الدمعه دى
نهى بصت لبعيد ورجعت بصتله انت عايز منى إيه
وائل بإبتسامه عايزك معايا وفحياتى على طول 
نهى بصتله پصدمه وشالت إيديها منه جامد إيه!!! يعنى ايه الكلام ده
وائل بهدوء وبنفس الابتسامه عايزك انتى وندى فحياتى عايز أتجوزك يا نهى!!!!!
نهى بصتله بذهول والكلام هرب منها وبقت مش عارفه تقوله إيه وائل لسه محتفظ بإبتسامته وهو ملاحظ عليها صډمتها فبهدوء قالها نهى!! أنا مش مستنى أسمع منك رد دلوقتى 
نهى لسه مرتبكه وفى حاله صډمه من كلامه بصت بعيد وافتكرت كلام محمد ليها وافتكرت كلام ولاء وحست إنها مش عارفه تفكر صح كلامهم عمال يجيى فى دماغها بس هى بتفكر من ناحية تانيه خالص هى ساكته و وائل باصصلها ومستغرب سكوتها وبيحاول يقطع سكوتها
ده نهى!!! بصيلى واتكلمى معايا بلاش سكوتك ده 
نهى بصتله بحزن وۏجع ولمعه فى عنيها ظهرت أنا أسفه يا باشمهندس بس مش هينفع 
وائل إتصدم وأتوجع أوى أوى من رفضها وحس بنغزه في قلبه و غصه فى زوره وحس انه مش قادر يبلع ريقه ولا قادر يتنفس بص لبعيد وهو تعبان وموجوع اخد نفس جامد هو كان عارف انها ممكن ترفضه من كلام سامى معاه بس فى نفس الوقت متوقعش انه ممكن يكون حقيقة او إنها ترفضه بالشكل ده ولا السرعه دى شويه و بصلها بۏجع وبيحاول يتماسك ممكن أعرف سبب رفضك ليا
نهى بصت لبعيد وبتحاول تدارى دموعها ومش قادره تبصله وائل بۏجع ظاهر أوى ممكن تبصيلى وتردى عليا!!!! افتكر انه من حقى أعرف سبب رفضك ليا إيه
نهى بصتله ودموعها بتنزل منها ومقدرتش تمنعها من النزول ااا!! أنا مش رفضاك أنت كشخص يا باشمهندس وائل متابع كلامها بإهتمام وجديه وهى بتكمل كلامها ودموعها لسه بتنزل أنا رفضه الموضوع ككل مش عايزه اتجوز تانى نهى بدأت ټنهار ماعنديش إستعداد أعيده من تانى ماعنديش إستعداد اتوجع تانى أنا أنا 
نهى ما بقتش قادره تخرج الكلام منها وبصت فى الأرض وحطت إيديها على وشها و وائل موجوع أوى من رفضها وفى نفس الوقت صعبانه عليه وحس إنها بټعذب نفسها وبتجلدها حس إن الموضوع مش سهل عليها وأنها لسه عايشه فى ۏجعها من جوازها الاولانى فبيحاول يهديها نهى !!! بلاش تعيشى فى الماضى وائل بإبتسامه موجوعه مش يمكن يكون نصيبك معايا بيكمل كلامه بحزن وۏجع أنتى مش شايفه إننا مناسبين لبعض 
نهى رفعت وشها وبصتله بحزن ودموع انا مش مناسبه ليك يا وائل أنا مانفعش لا ليك ولا لغيرك لو عندك مشاعر ليا دى مش حقيقية نهى بتكمل بصعوبه يمكن يكون عطف شفقه انبهار لكن عمره مكان أكتر من كده نهى بتبلع ريقها بصعوبه خلينا أصحاب أحسن!!!!!
وائل بصلها بإستغراب وبعدين رد بۏجع أصحاب!!!!! أنتى شايفه إننا ممكن نبقى أصحاب
وائل ضحك بتهكم وۏجع ودمعه نزلت منه ڠصب عنه هى شافتها ولاحظتها بس ماكنتش عارفه تعمل إيه أو تتصرف إزاى لحظات سكوت عددت ما بينهم لغايه ما وائل بهدوء قالها نهى!!! نهى بصتله بحزن وهو بيكمل كلامه هعتبر نفسى ما سمعتش ردك وأدى لنفسك فرصه تفكرى فيها أنا محتاجك فى حياتى فأرجوكى بلاش تتسرعى فى رفضك 
نهى هزت رأسها بتعب واخدت نفس وبتنهيده ممكن نمشى 
وائل سكت و بۏجع وحزن طلب الحساب وخرجوا على الشركه وهم ساكتين مافيش كلام ما بينهم لغايه ما دخلوا الشركه دخلوا الأسانسير و وائل قالها نهى!!! نهى بصتله بهدوء وهو قرب منها أوى و بهمس أنا مش بسهوله هتنازل و هبعد عنك وائل بيكمل بإبتسامه واعتبرى ده تحدى نهى بصتله بذهول وكانت لسه هترد إتفاجأت بيه بيقولها و مش هخسر تحدى تانى قصادك أشوفك قريب يا قلبى أنا 
نهى إرتبكت و إتوترت من إللى هو قاله وفضلت عنيها عليه لغاية ما باب الأسانسير فتح على الدور بتاعها هى خرجت بره الأسانسير وهو طلع على مكتبه 
محمد عرف من حنان ان وائل رجع الشركه فبسرعه راحله عشان يعرف منه إيه إللى حصل مع نهى 
محمد خبط و وائل أذن له بالدخول 
وائل كان قاعد على مكتبه وحاطط إيده على رأسه من كتر التعب والزعل والڠضب محمد إتصدم أول ما شافه بالمنظر ده وسأله بإهتمام ها !!! عملت ايه!!!!! طمنى شكلك بيقول إنها 
وائل شال إيده من على رأسه وبصله بۏجع وقطع كلامه رفضتنى!!!!! رفضت تتجوزنى!!!!
محمد پصدمه ها!! نعم!!!! رفضت إيه لأ أكيد في حاجه خلتها تعمل كده محمد بجديه عايز أعرف تفاصيل التفاصيل من غير ما تنسى حاجه واحده 
وائل بۏجع وخنقه حاضر 
الوقت عدى على وائل و محمد بعد ما وائل حكاله كل حاجه 
محمد بحزن إلى حصل منها ده أكبر دليل إن جواها مشاعر ليك 
وائل بتهكم اه صح!!! فعلا!!! بدليل إنها رفضتنى مش كده!!!
محمد بجديه نهى قالتهالك بصراحه أنا مانفعش ليك او لغيرك وقالتلك كمان انا خاېفه اتوجع تانى هى خاېفه من الجواز والارتباط هى خاېفه لتبعد عنها زى إللى قبلك هى عايزه اطمئنان هى عايزه حد يطمنها انه عمره ما هيبعد عنها 
وائل بصله بنرفزه وعصبيه هى مش عايزه تدى لنفسها فرصه هى بتصدنى من غير ما تسمعنى او تخلينى اوضحلها حقيقة شعورى ناحيتها 
محمد بإبتسامه حزينه يا وائل أفهم وائل بصله بغيظ وضيقه ومحمد بيكمل كلامه نهى عايزه أفعال لا أقوال 
وائل أنتبه للكلمة إللى محمد قالها وسأله بإهتمام قصدك إيه
محمد بجديه قصدى إنها عايزه تشوف منك بأفعالك إنك مهتم بيها وبتحبها ومش هتبعد عنها وتطمنها بالفعل مش بالقول محمد بغيظ منه ده أنت حتى ماقولتلهاش إنك بتحبها!!! عايزها إزاى تطمن ليك
وائل بنرفزه مقدرتش انطقها معرفتش أقولها 
محمد بجديه دى حاجه مهمه بالنسبه لأى واحده يا وائل الستات لازم تسمعها بودنها وتشفها فى تصرفاتك يا وائل مش لازم تقولها إنك محتاجلها زى ما هى محتجالك 
وائل أنتبه لمحمد وهو بيكمل كلامه يا وائل نهى مش عايزه تحس إنها محتاجه لحد اه انت تحتجلها لكن هى لأ ده تفكير اى واحده فى ظروفها هى مش عايزه تحس بده 
وائل سكت وبقى مش عارف يرد يقول إيه فمحمد قطع سكوته بس كويس إنك قولتلها انك هتعتبر انك ما سمعتش منها رد وانك هتسبها تفكر 
وائل هز دماغه وهو عمال يفكر فى كلام محمد شويه ومحمد سأله المهم هتبات فين انهارده
وائل بإنتباه هبات فى المنيل وهطلع من هناك على المطار 
محمد بجديه تمام!! انا هاخد الأوراق معايا و هنعدى عليك انا وناديه هى هتوصلنا للمطار ماشى
وائل بهدوء تمام 
محمد ساب وائل وراح على مكتبه وبيجهز أوراقه إلى هياخدها معاه فى السفر 
وائل قعد شويه وبعدين نزل من الشركه راح على الفيلا عشان يجهز هدومه وحاجته إللى هيسافر بيها 
نهى روحت البيت وهى متضايقه ومخنوقه من إللى حصل معاها فى الشركه من أول ما شافت محمد لغايه كلامها مع وائل اول ما دخلت البيت لقت منى مستنياها و بتسألها بلهفه نهى!!!!
نهى بصت لمنى وكان شكلها يغنى عن التعريف باين عليها دموعها وزعلها وحزنها منى كانت مصدومه من شكلها فبسرعه راحتلها و أخدتها في حضنها ونهى ما صدقت لقت حضڼ تترمى فيه وتسيب دموعها تخرج منها منى بتحاول تهديها عشان تعرف فى إيه وإيه إلى حصل معاها وخصوصا إنها حست إن وائل إتكلم معاها فبهدوء سألتها وهى وخداها في حضنها نهى!! مالك فى إيه إيه إللى حصل خلاكى بالشكل ده
نهى ودموعها لسه بتنزل أنا تعبانه أوى يا ماما تعبانه بجد حاسه إن إن 
نهى مش قادره تتكلم و منى مش عارفه تعمل إيه هل تقولها إنها عارفه ان وائل عايز يتجوزها!!!! ولا ما تقولهاش حاجه وتسيبها لغاية هى ما تتكلم لوحدها منى محتاره لغاية ما ندى خرجت من الأوضه وشافت نهى بالمنظر ده ندى جريت عليها وبزعل وحزن مامى!!! مامى!!!! أنتى بتعيطى ليه مين زعلك مين يا مامى
نهى خرجت من حضڼ منى واخدت ندى فى حضنها وضمتها أوى وباستها في خدها بحنيه وندى قالتلها معلش يا مامى معلش سورى يا مامى انا سورى 
نهى بتمسح دموعها وبتحاول تتكلم أنتى ماعملتيش حاجه يا قلبى عشان تقولى سورى نهى بإبتسامه أنا بس تعبانه شويه 
ندى طبطبت على ظهر نهى وهى وخداها في حضنها وقالتها معلش يا مامى اجبلك بونبونى
نهى ضحكت ڠصب عنها على براءة وطفولة ندى اللى مش عارفه حاجه ولا فاهمه حاجه نهى و لسه دموعها بتنزل اه!! عايزه بونبونى 
ندى خرجت من حضنها وراحت تجيب لنهى بونبونى و منى بصتلها بحزن وائل السبب
نهى بصتلها بزعل وحزن وهى بتمسح دموعها اه يا ماما وائل السبب 
منى اتنهدت واخد نفس وخرجته طيب! ايه رأيك تدخلى تاخدى شاور وبعدين نتكلم
نهى هزت دماغها ودخلت تاخد شاور شويه ونهى خرجت و دخلت اوضتها و منى دخلت وراها وسألتها بهدوء ممكن تحكيلى إيه إللى حصل
نهى بحزن وائل أتقدملى!!!!! عايز يتجوزنى!!!!!
منى بهدوء عشان مايبنش عليها حاجه إيه إللى حصل
نهى بصتلها بحزن خرجت من المسجد لقيت 
نهى حكت لمنى إللى حصل بينها وبين وائل من بحزن من تصرف نهى ليه يا نهى قولتيله كده ليه عملتى كده
نهى بۏجع وابتدت الدموع تلمع فعنيها مش عايزه اعيده من تانى يا ماما يا ماما المره دى 
نهى سكتت ودموعها بدأت تنزل منها و منى سألتها بجديه المره دى إيه يا نهى
نهى بعياط المره دى بجد يا ماما جوايا جوايا 
منى بإبتسامه حزينه جواكى مشاعر ليه حبيتى وائل
نهى بصتلها بحزن وهزت رأسها باه وفضلت ټعيط 
منى إبتسمت وبهدوء رددت طيب إمتى ده حصل من يوم العزومه ولا من ساعة الخروجه
نهى بلعت ريقها بصعوبه وغمضت عنيها لحظات وبعدين فتحتها ومسحت دموعها مش عارفه يا ماما من إمتى بس مش هنكر ان معاملتنا مع بعض وخروجنا ليه عامل لمشاعرى ناحيته وكمان إللى 
نهى سكتت وبصت بعيد ومنى بإستفسار وكمان إيه
نهى بتوتر بصى يا ماما بصراحه كده أنا كل يوم بتجينى رسايل على الواتس 
منى بإستغراب نعم!!! رسايل إيه
نهى قالت لمنى على موضوع الرسايل وإحساسها ناحية وائل فمنى بحب وبإبتسامه طيب مش يمكن يكون هو فعلا إلى بيبعتلك الرسايل