رواية ماضي من 10للاخير

الحلقه العاشره
جابر خرج بره أوضه الضيوف لقى فريال بتبصله قامت وقفت 
فريال سيف ولدى حصله حاجه
جابر ولدك برئ واحنا ظلمناه 
فريال أنا كنت عارفه والله عارفه ووقعت فى الارض يونس ونواره وجابر جريو عليها حاولو يفوقوها مش بتفوق نقلوها المستشفى 
يونس وجابر بره مستنين الدكتور يطلع وأول ما طلع جريو عليه
الدكتور أزمه قلبيه بس علشان سنها أثرت فيها أوى
يونس هتبقى زينه يا دكتور
الدكتور كمان 24ساعه هنحدد 
يونس هينفع ابص عليها.
الدكتور لأ للأسف هى دلوقتى فى وضع حرج ولما تفوق مش عايز أى كلام ينرفزها ومشى وسابهم
جابر أتصل بأخوك خليه يجى 
يونس مفتكرش هيجى يابوى أكيد كرامته هتمنعه 
جابر بنرفزه أتصرف قوله اى حاجه قوله أمك بټموت أبنى لازم يرجع مرفوع الراس وهارون ده أنا ليا حساب معاه بس سيف يجى هنا 
يونس بيعيط أحنا اتصلنا بيه قبل كده ورفض أنه يكلمنا من نفسه قال لما تعوزو تسمعو صوتى اتصلو انتو 
جابر متقطعش قلبى عليه وكفياك بكا عاد اتصل بس قوله كده 
.....
فى الوقت ده جاسر راح لإلين البيت 
إلين تعال يا جاسر أهلا وسهلا
جاسر مش وقت سلامات سيف رايح لشفره ياخد منه المستندات علشان يسلمها وقالى مش مهم أهلى المهم اطلع ابوها طالما ده اللى هيثبت لها أنى بحبها سيف بيحبك يا إلين ده كان ھيموت نفسه أمبارح علشان ينقذك إلين بصت لجاسر ومش بتنطق
جاسر أنتى لسه بتفكرى تعرفى أنتى اللى متستهليش سيف 
ليلى إلين روحى الحقيه الولد ده بيحبك روحيله أبوكى بأذن الله هيطلع 
إلين نزلت مع جاسر جرى اتصلو بشفره قالهم لسه نازل من عنده بيتصلو بيه كتير مش بيرد اتصلو بالمحامى قالهم انه مجاش طلعو على بيته كان التلفون الأرضى بيرن إلين ردت 
يونس صوته مخڼوق ايوه أنتى مين فين سيف
إلين انت يونس فى حاجه حصلت عندك 
يونس قولى لسيف أمك بټموت ولازم تبقى معاها دلوقتى 
إلين حاضر يا يونس
قفلت السماعه وجريو على القسم بسرعه
كان سيف دخل القسم وطلب يقابل على 
على انت ايه اللى جابك هنا كل ده بسببك طبعا
سيف أنا جاى هنا فى خير 
على وأنت يجى من وراك خير ابدا
سيف أنت عارف أنى بحب بنتك وعايز اتجوزها ودلوقتى جاى اقدملك مهرها دليل برائتك وأدانه هارون 
وعطاله الورق اللى يثبت تورط هارون فى القضايا اللى مرفوعه عليه
على انت بتعمل كده ليه ما أنت أصلا متجوزها 
سيف اتنهد عايز اطلبها منك وتبقى موافق وفرحان بفرح بنتك عايز افرحها وأخليها أسعد واحده فى الدنيا 
إلين وجاسر كانو وصلو القسم وطلبو يشوفو أبوها والظابط قالهم ان معاه واحد ودخلهم لقو سيف معاه
إلين سيف استنى أنا خلاص مش عايزه اثبات
سيف خلاص يا إلين الموضوع انتهى 
ووقفو يبصو لبعض
جاسر مش وقت ولا مكان حب قولتيله على يونس
سيف ماله يونس 
إلين أتصل قال ان امك تعبانه أوى 
سيف جرى بره القسم وإلين وراه وجاسر وراهم
جرى اتصل على تلفون بيت أمه محدش بيرد وبعدين ردت نواره
سيف أمى مالها يا نواره 
نواره الست فريال فى المشتشفى تعبانه قوى 
يونس كان لسه داخل وسمعها بتتكلم
يونس مين يا بت
نواره ده سيف بيه 
يونس مسك السماعه سيف
سيف أمك مالها يا يونس 
يونس الدكتور قالنا فاقت وهناخدها بس تعبانه قوى وبتنادى عليك تعال شوفها 
سيف قفل السكه وفى وقت قصير كان هو وإلين فى محطه القطار 
ركبو القطار وطول السكه سيف سرحان ومتوتر إلين كل شويه تطبطب عليه علشان تطمنه 
سيف تفتكرى هيستقبلونى أذاى هيقبلونى بينهم تانى أذاى بعد اللى..
إلين ممكن متفكرش كتير هو أنا مش مكفياك مش قولتلى أنتى كل عيلتى ودونيتى يعنى حتى لو ضايقوك أنا جانبك ومعاك 
سيف أنا بحبك أوى يا إلين وفعلا أنتى كفايه عليا أنا مكنتش ناوى أرجعلهم بس أمى
إلين بصيتلو بحب ومسكت أديه ونامت على كتفه وهو سند رأسه على راسها مجرد لمسه منها كانت بتحسسه بالأمان وراح فى النوم لحد ما وصلو سوهاج كان وقت الغروب نزلو من القطار سيف فضل واقف بيتنفس بصعوبه كان شايل فى أيده شنطه صغيره فيها بيجاما ليه ولإلين علشان كان مقرر هيبات يوم واحد او مش هيبات خالص هيشوف أمه ويمشى 
إلين حست بيه أنه مش قادر يتحرك ناحيه بيته مسكت أديه يلا بينا يا حبيبى ربنا عارف أنك مظلوم وأكيد هينصرك قدامهم وأكيد هما عرفو غلطهم 
فجأه سمعو صوت بينادى يا سيف بيه يا سيف بيه 
سيف بص وراه لقاه الغفير اللى شغال عند أبوه 
الغفير يا سيف بيه أنا واجف منتظرك من بدرى العمده بعتنى حمد الله على السلامه يا بيه وحاول ياخد منه الشنطه اللى فى أيده بس سيف رفض
سيف لأ سيبها خفيفه 
الغفير العربيه بالسواق مستنيه بره المحطه
سيف وإلين ركبو معاه طول السكه مفيش ولا كلمه ماسك أيد إلين لحد ما وصلو 
أول ما وصل فضلو يضربو ڼار فى الهوا فرحه برجوع سيف لقى أبوه وأجواز أخواته ويونس كلهم واقفين بره مستنينه 
أول ما نزل من العربيه يونس جرى عليه حضنه جامد سيف طبطب عليه بس ببرود مش بلهفه ذى الاول
يونس أتوحشتك جوى 
سيف شكرا يا يونس أمك عامله أيه
يونس تعال سلم على أبوك
ومسك ايده ومشاه ناحيه جابر 
كان أبوه واقف وسط جواز بناته قدامه مستنيه يجى يسلم عليه سيف وقف قدامه كان مفروض يوطى يبوس أيده ذى ماكان بيعمل زمان بس مقدرش فضل باصص ليه سيف السلام عليكم أذيك يا حاج 
جابر مد ايديه على كتف سيف وشده فى حضنه وحضنه جامد سيف هو كمان حضنه ودى يمكن أول مره فى حياته أبوه يحضنه سيف خبى وشه فى كتف أبوه ودموعه نزلت ڠصب عنه كانت مشاعره متلخبطه زعلانه منهم كلهم جدا بس عايز يرجع وسط أهله 
جابر عنيه دمعت بعد سيف عنه بس حاطط أديه على كتفه وباصصله
جابر كل شئ هيتحل ذى ما أنت عاوز وأكتر حبتين 
سيف مسح عنيه أمى فين 
يونس جوه منتظراك على ڼار تعال سيف دور بعنيه على إلين لقاها واقفه جنب العربيه قرب منها ومد أديه وهى مسكت أديه وراحو على البيت أول ما دخل .
يونس دخل قبله وبفرحه ياما سيف وصل 
فريال كانت قاعده وسط أخوات سيف البنات وامهاتهم كلهم قاعدين مستنين سيف
سيف أول ما دخل عنيه دورت على أمه لقاها قاعده وأول ما شافته قامت وقفت وفتحت أديها علشان تحضنه كان وشها أبيض جدا من التعب وأديها بتترعش وعنيها مليانه دموع 
سيف جرى عليها وحضنها وبالحضن ده أختفى كل الزعل اللى كان حاسس بيه سلم على أخواته البنات كأنه غريب عنهم من بعيد غير الأول خالص 
فريال بصت لإلين 
سيف إلين مراتى ياما أحنا اتجوزنا
فريال وماله يا ولدى اللى أنت رايده تعالى يا حبيتى جارى هنا سيف قعد معاهم وأهله كلهم قاعدين
هارون تعالى نقعد كلنا رجاله بره
سيف لأ لو عايز تكلمنى يبقى الكلام قدام الكل 
جابر هارون جه البلد وأعترف وعمل قعده وأحنا غلطناه 
سيف ما أنا عارف أنه أكيد جه ما هو لو مجاش كنتو هتفضلو ظلمنى وسايبنى لوحدى فى المصاېب اللى كنت فيها مفيش غير إلين الوحيده اللى مصدقتش حاجه عليا ووقفت جنبى
جابر حط نفسك مطرحى يا ولدى 
سيف قاطعه مكنتش هسيب أبنى مهما حصل كنت هقف جنبه فى محنته لو الدنيا كلها وقفت قصاده 
فريال بدئت ټعيط تانى 
جابر خلاص الدكتور قايل متزعلش
سيف خلاص ياما أنا جايلك علشان متزعليش مش علشان أزعلك 
هارون أحنا مرضناش نقول طلباتنا لحد ما أنت تيجى
سيف بلهجتو الصعيدى وأنا مش هتهاون لا فى حجى ولا فى حج بنتى يا يجى لحد أهنا شايل كفنه يا هيكون بينى وبينه طار ليوم الدين 
يونس بأستغراب حق بنتك ليه هو صحيح فين مريم بقت أد ايه دلوقتى ياترى هتعرفنا
سيف بصله ومنطقش مش عارف ينطق لأحسن فريال يحصلها حاجه إلين حطت أديها على شفايفها من الخضه انهم ميعرفوش
جابر ما تنطق يا سيف حق بنتك ليه وفين بنتك
سيف ......... 
فريال مريم كويسه صح يا سيف انطقى انتى يا بنتى مريم فين 
إلين ........
سيف مريم مامتها أخدتها وسافرت بعد المشاكل دى 
جابر وايه دخل هارون بالموضوع ده انطق
سيف خلاص يابا بعدين
يونس لا يابا مش هتنفع تعدى من غير ډم لازم ېتقتل هارون 
جابر الحاج وهدان جالى ومادد ايده بالسلام وملوش ذنب فى اللى عمله الزفت هارون أنا هتكلم مع كبرات البلد وطلباتك كلها لازم تتنفذ 
سيف كل ده بيتكلم وهو مش بيبص لجابر مش عارف يبصله بعد الكلام اللى سمعه منه مش قادر يصدق أن ده أبوه وأتخلى عنه بالطريقه دى 
جابر حاسس أن سيف لسه مسمحهوش علشان كده كان عايز يردلو كرامتو قدام البلد كلها يمكن يسامحو 
فريال أطلعو ريحو أنت ومراتك أنتو جايين من سفر يا بت يا نواره طلعى شنطهم فى أوضه سيف
سيف خليكى يا نواره مفيش شنط أصلا
فريال ليه يا ولدى مش هتبات عندينا والله شكلك جاى تموتنى مش تزورنى بصت لإلين قوليلو حاجه يا بنتى
سيف خلاص ياما هنبات معايا شنطه صغيره انا كنت جاى اطمن عليكى وهمشى بس هبات علشان خاطرك
فريال ربنا يجبر بخاطرك يا ولدى
يونس قام أخد الشنطه من سيف 
يونس تعال انا هوصلك يلا بينا
إلين قامت مشت مع سيف وطلعو فوق أول ما فتح الأوضه لقى أوضه متغيره تماما مش أوضته
سيف أمال فين اوضتى 
يونس اتردد غيرناها
سيف مكنتوش عايزين حاجه تفكركو بيا
يونس لأ ابدا دى أمك كانت كل يوم تيجى تقعد فيها وټعيط ولما أبوك كل يوم شافها كده 
سيف اتخلص من الأوضه 
يونس صدقنى ياخوى محدش نساك على طول كنا فكرينك طيب تعال معايا تعالى معايا أنتى يا إلين ومسك سيف وشده على أوضته وشال السجاده وشال بلاطه كان مخبى تحتها صندوق فيه صوره مع سيف واخر تيشرت لبسه سيف وهو عندهم 
يونس علشان تصدقنى والله ما نسيتك لحظه كنت مخبيهم من أبوك علشان ميحرقهاش ذى ما حړق...
سيف ذى ما حړق كل حاجه خاصه بيا
يونس انت عارفه برغم قسوته بس كنت بليل أروحله الاقيه بينشف دموعه 
رجعو على اوضه سيف ويونس معاهم
يونس هترجع بنتك أذاى
سيف اه انا مرضيتش اتكلم قدام امك بس قول لأبوك أنه قتل بنتى 
يونس أنت بتقول أيه 
سيف وطى صوتك أمك هتسمع بقول اللى سمعتو كان عايز يقتلنى جت الړصاصه فى مريم
يونس مريم ماټت يا سيف والزفت ده اللى مۏتها 
سيف اتنهد اه يا يونس بنتى اټقتلت 
يونس دور وشه و نزل وكان باين عليه النرفزه راح لجابر
جابر اتعاركت انت واخوك ولا أيه 
يونس لأ تعال بره عايزك فى موضوع
جابر خرج ويونس حكاله اللى سيف قاله
جابر أنت بتقول ايه اتجنيت أياك
يونس سيف مرضاش يقول علشان أمى
جابر قام بنرفزه أنا رايح لوهدان أشوفه على علم بكل ده