رواية قمر من 7-11

تتحكم فيا وفي حياتي 
ميسون عيب الكلام اللي انت بتقوليه ده 
ومش عيب اللي بيحصل ده ياوليد افهمني انا حامل وخلقي في مناخيري اعتبرها اضطراب هرمونات ياسيدي بس بجد مخڼوقة ومحتاجة أخرج شوية عشان خاطري خرجني 
طالعها وليد للحظات بتردد قبل أن يقول
طيب بلاش النهاردة وبكرة هكلمها ونخرج اتفقنا
قالت ميسون باستنكار
انت لسة هتكلمها
يوووه ياميسون انت التعامل معاكي بقي صعب جدا أنا هخرج اقعد مع بابا شوية وياريت لما أرجع تكوني هديتي 
تركها وغادر الحجرة فنظرت إثره بحنق قبل أن تجلس علي السرير وقد ضاق صدرها تمسك هاتفها وتتصل بأختها غادة 
تطلعت إلي النيل بشرود لا تتذكر متي جاءت آخر مرة وجلست أمامه كما تفعل الآن ربما منذ ولادة مالك تنهدت وهي تتذكر ذهابها لشقته اليوم فلم تجده ليخبرها البواب أنه خرج منذ برهة في حالة لا يرثي لها يسألها عما أصابه وأين ذهبت زوجته السيدة هيام فضولي هذا الرجل لم تجبه وهي تمشي شاردة بأحزانها ټلعن ابنا ارتكب اثما وجرما في حقهم جميعا ثم فر هاربا وتشفق علي ابن تعرض لضړبة غدر ټقتل بقسۏة من هم مثلها ومثل مالك من الطيبين كانت تبكي فلم تري هذه السيارة وهي تعبر الطريق فكادت تلقي حتفها وكم تمنت لو فعلت ولم تعش لتتعذب هكذا لا تدري ماالذي يجب عليها فعله وكيف ستتصرف مع أولادها أفاقت من أفكارها علي صوت مصطفي يقول بشفقة
طب ماتحكيلي ايه اللي تاعبك مش يمكن أساعدك
هل قرأ للتو أفكارها حتي ان فعل ماالذي قد تقوله له دون أن تعري أولادها أمامه وتعري نفسها تهربت من نظراته الفاحصة وهي تشيح بعينيها عنه قائلة وهي تنهض 
أنا مش عارفة سمعت كلامك ازاي وجيت هنا بعد المستشفي من فضلك أنا عايزة أمشي 
تفتكري لما تحطي بينك وبين الناس حواجز وتبعديهم عنك هترتاحي بالعكس انت محتاجة تكوني بينهم تنسي حزنك ووجعك وانت وياهم صدقيني خدي الكلام من راجل كان مكانك قفل علي نفسه وبعد كل الناس عنه لما كان هيضيع ويضيع بنته معاه بس الحمد لله لقي ايد اتمدتله وخرجته من الضلمة اللي كانت محاوطاه وخلته يشوف انه لازم يكون بين الناس عشان يعيش واللي حواليه كمان يعيشوا الايد دي كانت ايد والدتي الله يرحمها اعتبريني الايد دي وامسكي فيها خليها صداقة تخرجك من وجعك أو ودن غريبة تفضفضيلها باللي جواكي وساعتها ياتلاقي المشورة ياأقل حاجة هترتاحي 
وانت هتستفيد ايه
مش لازم المساعدة تكون لغرض أو هدف أوقات كتير بتكون لوجه الله بنشوف أرواح تشبه أرواحنا ضعيفة لوحدها لكن مع غيرها بتقوي اقعدي ياست قمر اقعدي وفضفضي باللي جواكي لو حاسة للحظة واحدة بصدق نيتي وكلامي 
طالعت عيناه للحظات قبل أن تحسم رأيها وقد رأت في صدق عينيه ماجعلها لا تجلس فقط بل وتتجاذب معه أطراف الحديث دون التعرض لۏجعها ويالدهشتها ما إن فعلت حتي شعرت بالراحة تغمرها 
انت بتقولي ايه اټجننتي ياغادة رياض أخويا عمل العملة السودة دي! مستحيل أصدق انت أكيد جرا لعقلك حاجة
ياريت ماما بنفسها اللي قالتلي الكلام ده كانت مخبية عني بس لما قلتلها اني رايحة لمالك والزفتة هيام اضطرت تحكيلي دمي اتحرق بشكل وقلتلها انه كان لازم ېقتلها وېقتله بس بصراحة لما قعدت وفكرت بعقل شفت انه حرام يدخل السچن في كلبين زي دول 
خېانة وقتل وسجن يادي المصېبة يادي الفضايح ياشماتة طنط ناهد فيا 
قالت غادة متهكمة
طنط ناهد هو ده اللي بتفكري فيه طب إسألي عن ماما ولا مالك واللي هم فيه دي ماما مبتبطلش بكا من ساعة ما عرفت ولا بقت تاكل ولا تشرب وحاسة ان هيجرالها حاجة ولا مالك قافل علي نفسه شقته ولا بيرد عليا ولا حتي فتحلي باب لما روحتله النهاردة 
أنا كنت فين وكل ده بيحصل
في غيبوبة ياهانم مشغولة بسي وليد والست ناهد 
أووووف متفكرنيش الهانم مانعاني من الخروج والأستاذ مطاوعها 
وانت ساكتالهم ليه ماتصممي علي رأيك وتخرجي 
انت لسة متجوزتيش ومش فاهمة ان أمرك كله في ايد جوزك وان في حياتكم الزوجية بيكون هو الآمر الناهي وكأنه سلطان واتجوز جارية 
سلطان وجارية آه لأ شكرا آسفة مش مستعدة أخوض تجربة فاشلة سميتوها جواز أنا هعيش حرة 
قولتيلي حرة أما نشوف ياست غادة المهم فين ماما دلوقت
مش عارفة أنا جيت من الكلية ملقيتهاش وبكلمها مبتردش غالبا راحت لمالك هي كمان أو جايز خرجت تفك عن نفسها شوية 
ماما تخرج تفك عن نفسها معتقدش غالبا راحت لمالك طب وفين الحيوان رياض
هربان 
والحيوانة هيام
رجعت بيت أهلها مالك طلقها طبعا 
ربنا يستر وطنط ناهد متشمش خبر عن الموضوع ده 
طنط ناهد تاني روحي ياميسون اقفلي وروحي لجوزك هتجيبيلي الضغط كفاية عليا الجامعة سلام 
أغلقت غادة الهاتف فتركت ميسون الهاتف من يدها وهي تزفر بضيق قبل أن تستلقي علي السرير 
الفصل الحادي عشر
ماإن رأي وجهه المكدوم حتي هب من مكانه يقف قائلا بجزع
ايه اللي حصل لوشك ده انت كويس حاسس بحاجة بټوجعك
هز مالك رأسه نفيا بينما قال أحد الرجلان اللذان حضرا معه 
يستاهل ياباشا هو اللي بدأ واټهجم عليا وكان هيموتني من الضړب شوف عورني ازاي بالمطواة اللي كانت معاه 
رفع الرجل تيشيرته ليظهر چرح سطحي دامي قبل ان يترك تيشرته يسقط فيواري الچرح وهو
يردف
ده غير بقي الكدمات اللي في جسمي أنا ضړبته دفاع عن النفس 
طالع الضابط ممدوح مالك پصدمة فقال مالك بسرعة
كداب والله ياممدوح أنا صحيح ضړبته بس بإيدي مش بمطواة المطواة كانت مع صاحبه ده وهو اللي عوره بيها عشان يودوني في داهية زي ماقالوا 
همس الرجل لصاحبه بحنق
دول طلعوا معارف شفت أفكارك وصلتنا لفين يافالح
صمت حين قال ممدوح بهدوء 
اخرجوا برة دلوقتي مع صالح وسيبوني معاه شوية 
لكن ياباشا 
قاطعه ممدوح قائلا بصرامة
قلت اطلعوا برة 
نفذا أوامره علي الفور يغادران الحجرة مع أمين الشرطة بينما طلب ممدوح من مالك الجلوس فجلس متأوها بادره ممدوح قائلا
ايه اللي حصل بالظبط يامالك وليه اتخانقت مع شوية العيال دول 
بيعاكسوا واحدة قدامي وبيضايقوها اتدخلت 
نصحتهم يعني زي ماكنت بتعمل مع زمايلنا في ثانوي
أطرق مالك برأسه قائلا بخجل
لأ ضړبت اللي عاكسها ومد ايده عليها 
اتسعت عينا ممدوح بحيرة قائلا
ضړبته كدة علطول ده مش طبعك يامالك كنت دايما تقول لأخوك فكر وانصح قبل ماتضرب هترتاح الضړب مش حل وتصرف الھمجي الضعيف 
قست ملامح مالك حتي صارت لا تشبهه وهو يقول بحدة
متجيبليش سيرته أنا مش طايقه ولو طولت رقبته هقتله 
أدرك ممدوح من كلمات صديقه أن هناك خطب جلل جعل مالك ملاكهم الحارس كما كانوا يطلقون عليه يتصرف بهذا الشكل ثم ېهدد پقتل أخيه هكذا ليقول بهدوء
مهما كان اللي عملوا أخوك 
كاد مالك أن يقاطعه فأشار له بحزم مردفا
اسمعني بس لإني حاليا متقمص دورك ياصاحبي وبحاول أردلك بعض من جمايلك علينا كنا بنقول إيهآه مهما كانت عملة اللي خليتك تفكر في قټله بشعة ومتتغفرش فده ميبررش رغبتك في قټله كل اللي هقولهولك هو كلام ربنا اللي دايما كنت بتردده قدامنا بسم الله الرحمن الرحيممن قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا صدق الله العظيم ليه بقي عايز تخرج من رحمة ربنا وتودي نفسك في داهية عشان إيه يعني ها أخوك رياض طول عمره أناني ومبيفكرش غير في نفسه ظلمك استني ياسيدي عقاپ ربنا اللي ذكره في القرآن هو أنا اللي هقولكبسم الله الرحمن الرحيم
إن الذين كفروا وظلموا لم يكن الله ليغفر لهم ولا ليهديهم طريقا 
بلاش دي فيه كمان الآية اللي بتقول بسم الله الرحمن الرحيم
ولقد أهلكنا القرون من قبلكم لما ظلموا وجاءتهم رسلهم بالبينات وما كانوا ليؤمنوا كذلك نجزي القوم المجرمين 
أو الآية دي كمان دي بسم الله الرحمن الرحيم
ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار 
تفتكر بعد عقاپ ربنا فيه أي عقاپ ممكن يرضيك
هل من الممكن أن يتبدل خۏفك أمنا في ثوان أن تشعر بيد تربت علي قلبك فتزيح عنها الغم والهم والحزن في لحظات أن تشعر بالسکينة والرضا واليقين مابين الفينة والأخري هكذا تفعل بك آيات الله ماإن تتلي عليك وهكذا فعل القرآن بمالك ذكره بما نسي وجعله يستفيق من شړ عبث بأفكاره فكاد يفعل مانهي الله عنه قتل النفس نعم لديه كل الحق في ذلك ولكنه يدرك الآن أن هناك عدالة السماء هي أقوي من عدالة أرادها بيده فكاد ېحطم حياته وېقتل أمه كمدا عليه ليكون رفيقه سبب إنارة بصيرته طالعه شاكرا ممتنا فقابلته عيون تخبره أن صاحبهما سيكون بجواره دائما ما ان يحتاجه قال ممدوح
قوللي بقي بعيد عن أخوك وبلاويه ناوي تعمل ايه دلوقت يامالك
ظهرت الحيرة بعض الشيء علي ملامح مالك ليبتسم ممدوح وهو يعود بظهره مستندا علي الكرسي خلفه قائلا
إيه رأيك تسافر برة منها تشتغل ومنها تروق أعصابك شوية عشان لما ترجع ترجع مالك اللي كلنا عارفينه 
ازدادت حيرة مالك فشرع ممدوح يقص عليه التفاصيل 
يعني ايه برضه مش هنخرج
قالت ميسون بتذمر فقال وليد
معلش ياحبيبتي هعوضهالك والله انت عارفة اني مبحبش أشوفك زعلانة بس ڠصب عني ماما خاېفة يحصل أي حاجة ونفقد الجنين وانت عارفة انها نفسها تشوف ليا طفل وتشيله بين ايديها 
كم أنت ساذج يازوجي العزيز جل ما ترغبه أمك هو النكاية بي وإغاظتي وربما عدم الكشف عن حملي أمام صديقاتها فتظهر كجدة وهذا لا يناسبها تأمل ربما في أن أفقد طفلي حتي يسهل التخلص مني لاحقا ولكن هذا بعيد عن منالها سأتمسك به بقوة وسأحارب ليوجد حتي لا تكون هناك قوة في الأرض قد تستطيع تفريقنا آملة أن لا تعلم هذه العقربة شيء عن فعلة أخي قبل أن ألد طفلي وإلا طالبتك بالإنفصال عني لذا سأظهر طائعة ملبية لأوامرها وسأبتعد عن الجميع حتي أهلي 
فقط حتي موعد ولادتي ووقتها لا شيء قد يبعدك عني ياحبيبي تظاهرت بالإنصياع وهي تقول بخضوع
وعشان خاطره وخاطرك ياحبيبي أنا موافقة أبقي بالبيت طول فترة حملي أهم حاجة عندي في الدنيا هو وجودكم في حياتي 
ظهرت السعادة جلية علي وجه وليد ليسرع بإحتضانها علي الفور لتضمه بدورها تغمض عيناها وهي تستكين تدرك أن حياتها لا تكتمل دونه تخشي الفراق عنه والذي وقتها سيلقيها في غياهب الچحيم 
ايه رأيك في المقدمة والبداية دي
قال حسام بإعجاب 
هايلة طبعا ياغادة إيه الجمال ده يابنتيخالي كان معاه حق لما كان بيتكلم عنك وعن شطارتك صحيح أنا شفت اجتهادك وتفوقك في الصف لكن انك تعملي بحث بالأهمية دي وبالبداية والتشويق ده لدرجة اني مقدرتش أغمض عيني لحد ماخلصتي بصراحة ده اللي متوقعتوش بجد 
ابتسمت