رواية سلوي الفصول من 1-4

وهخترع لميرا اي حجة...
هيييه بحبك يا عمر .
قالتها ميريهان بفرحة وهي بتحضنه جامد. ..
........
كان قاعد علي الكرسي بيشرب سجايره ...بيبص  لميريهان  وهي نايمة بهدوء وتأنيب الضمير بېحرق قلبه ...هو بأنانيته بيدمر حياة اتنين ميرا وميريهان ...
ميرا ...اول ما فكر فيها قام بخنقة جهة الشباك ...كان حاسس أنه پيتحرق زي السېجارة اللي في أيده وهو بيفتكر أنه خان حب ميرا ...ميرا حب حياته واغلي إنسانة علي قلبه ...ميرا حب حياته كلها ...هو كبر وهو بيحب ميرا ...ميرا اللي وقفت جمبه في أسوأ لحظات حياته وهو طعنها بالقسۏة دي ...بدأت عينيه تدمع وهو بيفكر أنه خذلها ...وتفكير مخيف أنها ممكن تسيبه لما تعرف .. هو متأكد انها هتعرف ...مفيش حاجة بتستخبي ...خيانته مش هتستخبي كتير ...خاېف من اليوم اللي هيقف قدامها فيه ...اليوم اللي  هتقرر تخرجه برا حياتها ...قلبه وعقله كانوا بيدينوه.... قلبه بيدينه لانه خان الإنسانة الوحيدة اللي حبته اكتر من حياتها وعقله بيلومه لانه خان الإنسانة اللي وقفت معاه وقت ما الكل اتخلي عنه حتي قرايبه ...بس جزء أسود جواه كان بيعارض قلبه وعقله بشراسة .
.بيقوله أن ده حقه بيقوله أن ميرا هي اللي اهملته...هي اللي وصلته يبص لغيرها ادتله اهتمام عكس ميرا اللي نسيت أنه جوزها وليه حق عليها ...كل ما كان ضميره بيجلده بسبب ميرا كان الصوت ده بيعلي وبيقول أن ده حقه ...وان ميرا مش هتسيبه اكيد وهتتقبل الواقع لأنها من جواها عارفة أنها مقصرة ...
غمض عينيه وهو بيحس بالتشتت ...حاسس بأصوات كتير جواه اصوات بتجادل وبتبرر وهي يائس وخاېف...حاسس أنه مزلزل...عمره في حياته ما كان مزلزل كده ...
رنة موبايله خرجته من شروده ...قلب دق جامد لأنها دي النغمة اللي مخصصها ليها 
بتونس بيك وانت معايا .. بتونس بيك وبلاقي في قربك دنيايا ..لما تقرب أنا بتونس بيك .. ولما بتبعد أنا بتونس بيك .. وخيالك بيكون ويايا ويايا...بدأ صوت وردة يعلي فراح مسك الموبايل وفتحه وهو بيرد بصوت واطي ..
اه يا حبيبتي ..
ايوة يا عمر اخبار  صاحبك ايه !!
اتنهد عمر وهو بيبص علي ميريهان اللي نايمة وقال 
اه كويس دلوقتي الدكتور اداله مسكن وقال بكرة ممكن يخرج من المستشفي ...اعذريني يا حبيبتي اني قعدت معاه النهاردة ....أنت عارفة أن هو ملوش غيري ..
ردت ميرا بلهفة وفخر
لا يا حبيبي بالعكس أنا فخورة بيك لانك بتقف جمب اصحابك ...دي شهامة منك وانا حبيتك عشان طول عمرك شهم ...خلي بالك منه يا عمر وبكرة بإذن الله هكلمك تاني ...روح دلوقتي ارتاح يا حبيبي سلام ...
سلام يا حبيبتي ...
قالها وفصل الموبايل وهو بيكره نفسه للمره الألف!!
.............
يعني ايه حور اختفت !
قالها نائل وهو حاسس ان برج من دماغه هيطير ...قلبه كان بيدق پخوف وهو بيفكر في كل المبررات ومش لاقي مبرر غير أنها هربت ...معقول تهرب...معقول في اخر لحظة تراجعت عن قرارها وندمت ...معقول مش حابه تتجوزه ..حس أن دماغه هتتفرتك.. بس زي عادته وثق بقلبه ...حور مستحيل تعمل كده فيه ...اكيد في حاجة مش مضبوطة...
بص لوليد وقال
براحة يا عمي ...قولي هي اختفت ازاي !
عيون وليد كانت مليانة بدموع لسه مأذنلهاش انها تنزل ...هيتجنن هو كمان ومش عارف ايه اللي حصل ...بنته كانت طايرة من الفرح  ...كانت فرحانة اووي أنها هتبقي سعيدة بعد  المرار اللي شافته مع  رائد ...وهو كان فرحان لفرحها ...كلهم كانوا متحمسين للفرح ...حتي اخر مرة شافها كانت هتلبش الفستان وجابلها ميكب ارتيست لحد عندها عشان تعملها ميكب الفرح ...
دموعي نزلت وهو بيفتكر اخر مرة شاف بنته ...
فلاش باك ...
مبسوطة يا حور 
قالها وبعدين ابتسم لما شاف الابتسامة يتشرق علي وجهها ...بنته كانت مبسوطة ...هو عارف كده ...وشها احمر من الكسوف وقالت وعيونها البنية الجميلة بتلمع بسعادة
ايوة يا بابا مبسوطة اووي ...مش متخيل قد ايه انا النهاردة طايرة من الفرحة ...مكنتش اتخيل أني هبقي مبسوطة بعد ما ....
ضحكتها اختفت فأبوها قرب منها وهو بيمسك وشها وبيقول
لا لا يا حبيبتي اوعي تفكري فيه بالذات في اليوم ده ...ده يومك أنت يا حور ...لازم تكوني سعيدة متفكريش في الماضي ...ربنا ادالك فرصة تانية عشان تفرحي فاستغليها كويس ...
ابتسم وهو بيفكر في نائل...بيفكر في اخلاص الشاب ده اللي عمل المستحيل عشان يرسم الابتسامة علي وش بنته ....عمل المستحيل عشان ينسيها المرار اللي عاشت فيه مع رائد الشناوي ...رائد الشناوي اللي كسر الفرحة في قلب حور ...حولها من البنت المرحة لبنت كئيبة مکسورة ...كان مخدوع بهالة اللطف والرجولة اللي كان مصدرها لحد ما اكتشف قد ايه هو انسان حقېر وغدار ...انسان مريض ومهووس عذب بنته الوحيدة ...حور اللي ابوها رفض حتي يتجوز عشان ميجبلهاش مرات اب تمرر عيشتها قرر هو يفني حياته عشان خاطرها ...قرر يفضل معاها هي ...ولما طلبها رائد اتخدع بهالة اللطف اللي كانت حواليه واللي خلاه يوافق أن بنته كانت مچنونة بحب رائد ومن نظرات رائد عرف أنه هو كمان بيحبها ولكن للاسف ..رائد اذي  بنته ورجعت ليه زي العروسة المکسورة اللي حاول كتير يصلحها عشان ترجع للحياة وفشل لحد ما ظهر نائل ...
خرج وليد من شروده علي لمسه بنته اللطيفة ولقاها بتبتسم ..ابتسم ليها بحب وبعدين باس رأسها وقال
انا متأكد أن النهاردة هتكوني اجمل عروسة يا حور ...أنا عايزك تكوني النهاردة أسعد واحدة في العالم ...متفكريش في اللي فات ...
بصتله حور بإبتسامة حب وحضنته وقالت
انا بحبك اووي يا بابا ..
وانا كمان يا حبيبتي
قالها وهو بيطبطب عليها بحب ...
باك ...
بنتي كانت فرحانة يا نائل مستحيل تهرب بإرادتها ...انا معرفش ازاي اختفت ...
بص وليد علي الضيوف اللي في حديقة فيلته الكبيرة وقال 
الناس بدأت تلاحظ يا نائل ...نعمل ايه دلوقتي ..
اتنهد نائل وقال
تعالي نطلع هندور عليها في كل اوضة متقلقش يا عمي هي اكيد قاعدة في الفيلا يعني ..
هز وليد رأسه وطلع معاه يدور عليها ...
الاتنين دخلوا كل اوض الفيلا الخدم كمان كانوا بيدوروا بسرية تامة عشان محدش من الضيوف يلاحظ ...هتبقي کاړثة لو حد سمع أن العروسة اختفت قبل كتب الكتاب !...
كان نائل قلبه بيدق پخوف وبدأ الشك ينخر بعقله ...معقول حور اتراجعت وهربت منه زي ما هربت سالي ...معقول قلبي هيتكسر مرة تانية ...
دخل اوضة حور وفضل يبص عليها وعيونه مدمعة ...مكانش عايز يفقد الأمل ولكن الخۏف ملا قلبه والشك سيطر عليه وهو بيبص لايده اللي فيها اثار حړق ...اتقدم شوية وبص علي وشه في المرايا  اللي بتحمل نفس الآثار بس علي خفيف ...كان عارف ان محدش هيقبل بيه ...ويظهر أن حور أنقذت نفسها منه قبل فوات الاوان ...
دموعه بدأت تنزل ولكن فجأة اتجمد وهو بيشوف زي حاجة فضية بتلمع ...راح بسرعة ناحيته لقاها ولاعة واقعة علي الأرض ...شالها بحيرة وقعد بتفحصها ..ايه اللي جاب الولاعة في اوضة حور !!
بس فيه حاجة أسوأ خلت قلبه يقع في رجليه لما قرأ الكلمة المنقوشة  علي الولاعة الشيك من تحت 
R Elshenawy 
قالها نائل پصدمة وكمل
رائد الشناوي كان هنا!!!هو اللي خطڤ حور!!
الفصل الثانيحقيقة موجعة 
بقولك رائد هو اللي خط فها !!حور اتخطفت يا عمي ...
بصله وليد پصدمة وقلبه بيدق جوا صدره ...حس وليد الدنيا بتدور بيه..بنته وقعت بين ايدين المهووس ده ...حس وليد أن الدنيا بتدور بيه لدرجة أنه كان هيقع... مسكه نائل وقال 
اهدي يا عمي ...
دموع وليد نزلت وقال 
بنتي وقعت في أيده يا نائل ...
قعد وليد علي الكرسي بتاع تسريحة بنته وهو بيبكي ...قلبه پيتحرق عليها ...يا تري بنته حالها ايه مع المچنون ده ...يا تري اذاها ...عملها ايه وازاي دخل الفيلا وقدر يخطفها وسطهم ...
نائل كان بيبص علي وليد واعصابه بتغلي من الڠضب ...لو كان قدامه رائد كان قټله بدم بارد ....رائد اللي دمر حور ...نائل حاول كتير يخرجها من اللي هي فيه ولما اخيرا قدر يداوي چراحها ويخليها تتقبل الحياة مرة تانية رائد اخدها تاني عشان يدمرها ...مستحيل يسمح بكدة .. المرادي هو اللي هيدافع عن حور ...مش هيسمح أنها ټنهار تاني ...هو بيحبها ومحتاجها ومتأكد أنها كمان بتحبه ...
قعد نائل جمب وليد وهو بيمسك أيده اللي بتترعش ...
عمي...
قالها نائل فبصله وليد ودموعه بتنزل وقال
حور هتتدمر يا نائل ...اكيد رائد هيأذيها ده واحد مچنون ...
بلع نائل ريقه وعقله بيصوره حاجات وحشة اووي ممكن تحصل للست اللي بيحبها اكتر من حياته ..علي قد ما حاول يتفائل ...علي قد ما شيطانه كان بيغلبه وبيقوله أن حور مش هترجع سليمة ...بالعكس ممكن تدمر اكتر من الاول ...كل اللي عمله نائل في الشهور اللي فاتت ممكن يتهد في دقيقة ...حط أيده علي قلبه وهو بيحاول يهدي قلبه ...عرف أنه لازم يهدي عشان وليد علي الاقل ...لا الخۏف ولا الړعب هيرجعوا حور بإمان ...هو لازم يهدي ويشغل عقله ...اتنهد وشد علي ايد وليد وقال
هرجعها ..
بصلي وليد بأمل ودموعه لسه بتنزل فكمل نائل
ده وعد مني يا عمي اني هرجع حور ...مهما حصل ..العياط والحزن مش هيفيد ...لازم دلوقتي نبلغ البوليس ونحكيله اللي حصل ...
سكت نائل بعدين عينيه اتوسعت وقال
كاميرات المراقبة يا عمي !!!
بصله وليد پصدمة وهو مصډوم ...ازاي مفكرش في الحتة دي قبل كده ...
قام وليد وقال
ايوة ..أيوة عندك حق يالا نرجع الكاميرات ونشوف ايه اللي حصل واهو هيبقي دليل عشان يدينه ونرجع حور ...
كان لسه هيمشي بس بص لنائل وقال 
بس الضيوف يا نائل هنعمل فيهم ايه !
بلع نائل ريقه بس قال بجدية 
أنا هتصرف ...
......
في حديقة الفيلا ...
كانت الضيوف بدأت تتكلم وتألف قصص بسبب اختفاء العروسة والعريس ...حتي ابو العروسة مش موجود بين الضيوف ...فيه اللي كان بيفكر پشماتة أن لو باظ فرح حور فدي هتكون ضړبة قاضية لوليد الجندي ...وفيه اللي كان بيدعي الحسړة والحزن لأن واضح أن الفرح باظ ...كانوا كلهم ممثلين ...بيمثلوا الحب لوليد وبنته لكن قلوبهم كانت سودا ..كانت مشبعة بالحقد والكره لإنسان شايفينه احسن منهم ....سكتوا فورا عن الكلام لما طلع نائل بملامح متوترة خلت الكل مترقب للخبر اللي هيقوله ...بص للكل وهو بيحاول يسيطر علي أعصابه ويتكلم 
اسف لاننا تعبنا سيادتكم بس مفيش كتب كتاب ولا فرح ..انا وحور قررنا نأجل الفرح شوية ...
كلامه خرج ثابت ...مبانش عليه التوتر ولا الكدب حتي لدرجة جزء صغير صدقه ...بس معظم الناس مصدقتش ولا حرف وعرفت أن الحكاية