رواية رورو الفصول الاخيرة

مكانش بېكذب كانت حركة عيونه مش مضطربه يعنى معنى كده انه بيتكلم صح
صفاء اكيد فيه حاجه غلط انا هتكلم مع حنين واعرف ايه الحكايه بالظبط
ياسر ومحمود كمان مش طالب من
حنين اكتر من تفسير وانها تقولو آسر ده يطلع مين 
وقال كمان انها لو بتعرف راجل تانى غيره هيطلقها لانه مش هيقدر يعيش معاها بعد كده
صفاء بېكذب طبعا دا اول ما هيشوفها مش بعيد ېقتلها فى الحال
ياسر ياصفاء محمود مريض نفسى ولو فضل شاكك فى حنين ممكن يشك ان رقيه كمان مش بنته زى اسامه ومضمنش ساعتها ممكن يأذى البنت او يحاول انه يحملها ذمب مامتها وخليها مكان مامتها فى الټعذيب وممارسة العڼف عليها زى ماحمل حنين ذمب خېانة هند ليه .
صفاء ياخبر ممكن فعلا دا يحصل 
ياسر ياصفاء الموضوع اخطر مما تتصورى 
احنا بصدد اننا نواجه حالة مرض نفسى يؤدى للجنون ومش بعيد الحاله تتطور وينتج عنها قاټل متسلسل 
عارفه القټله المتسلسلين دول بيكون واحد مثلا عنده عقده من مامته كانت بتعامله پعنف وهو طفل يكبر وېقتل اى ست كبيره فى سن والدته بنفس الطريقه ونفس الاسلوب 
حد مراته خانته زى محمود كده عقله مايتحملش الصدمه ويتحول لكاره لكل ست متجوزه ويبدا يصطادهم ويقتلهم بنفس الطريقه ونفس النمط
صفاء فتحت عنيها على آخرهم وهى بتتخيل محمود يوصل للمرحله دى واستأذنت من ياسر وطلعت لحنين اوضتها لكن لقتها نايمه
صفاء استنت لغاية ما حنين صحيت من النوم ودخلت لها وطلبت بلطف من حسن وريحانه انهم يروحو يرتاحو فى اوضتهم وهى هتقعد مع حنين شويه عشان عاوزاها فى موضوع مهم
حسن وريحانه خرجو وحنين بصت لصفاء لقتها متوتره وبتفرك فى ايديها وجات قعدت على السرير جمبها
صفاء حنين انتى عارفه غلاوتك عندى اد ايه ويعلم ربنا حبيتك من اول يوم شفتك فيه ودخلتى قلبى 
حنين استشفت من كلام صفاء انها مبقتش عاوزاها فى فيلتها او ان محمود عملهم مشاكل
حنين انا همشى ياصفاء انا هرجع تانى لمحمود لانى مش هقدر اروح عند اهلى عشان محمود هيأذيهم
صفاء مين طلب منك انك تمشى من هنا او تروحى فأى حته 
حنين مش لازم حد يطلب منى على فكره انا عشان حبيتكم مش عاوزاكم تتأذو بسببى 
ولا عاوزه اى حد يتأذى بسببى
صفاء محدش هيتأذى ياحنين بسببك وبعدين انتى فهمتى غلط انا جيت هنا عشان اسألك سؤال واحد بس وعاوزاكى تجاوبينى عليه بكل صراحه وصدقينى اى حاجه هتقوليهالى مش هتخرج من بينا احنا الاتنين
حنين انا مش بقولك الا الصراحه وصدقينى انا ثقتى فيكى ملهاش حدود اسئلى وانا هجاوبك على اى حاجه 
صفاء مين آسر 
حنين اټصدمت من سؤال صفاء وفضلت مسافه وهى ساكته 
صفاء ايه ياحنين متردده ليه انا مش وعدتك وبوعدك تانى انى هحميكى من اى حد اتكلمى اتكلمى ياحنين ومټخافيش
حنين آسر يبقى ...........حبيبى 
صفاء اڼصدمت وحطت ايدها على بقها وشهقت 
صفاء عرفتيه ازاى ياحنين وفين وانتى قولتيلى انك مش بتخرجى من الفيلا او حد بيدخلها
حنين ومين قالك انى محتاجه اخرج من الفيلا عشان اشوفه .....آسر عايش معايا جوا الفيلا دايما
صفاء بزعر انتى بتقولى ايه ياحنين يعنى ايه عايش معاكى فى الفيلا علطول وانتى مأكدالى ان مفيش بنى آدم كلمك من سنين وان اى حاجه محمود هو اللى بيجيبهالك ويقفل بعد دخوله او طلوعه من الفيلا
حنين ومين قالك انه بنى آدم .... صفاء استغربت ... حنين كملت آسر يبقى ...عفريت 
صفاء شهقت شهقه قويه وبصت لحنين 
حنين كملت صدقينى انا بقولك الحقيقه بصى انا هحكيلك الحكايه من الاول ...............................................
.......................................................
وبس ياستى ادى حكايتى مع آسر
صفاء يعيعيعنى هو ببببيييييجيلك هنا وفضلت تتلفت حواليها وتقول بسم الله 
الرحمن الرحيم
حنين مسكت ايديها اثناء ماهى بتتلفت 
صفاء اتخضت جامد 
حنين هههههههه مټخافيش هو اه بيجيلى هنا لكن هو مش موجود دلوقتى وكمان مش بيجينى الا لما اكون لوحدى
صفاء يالهوووى جسمى قشعر وشعر دماغى وحتى شعر حواجبى وقف 
حنين ههههههههه ليه يعنى يابنتى مټخافيش آسر ده ارق واجمل حاجه فى الكون كله
صفاء ياربى دا محمود فاكر انك بتخونيه مع راجل واكيد مش هيصدق حكاية العفريت دى 
حنين عادى انشاله ماصدق ومين اصلا هيقولو 
صفاء لو مقلتلهوش على حكاية العفريت دى هيقتلك انتى اصلا تعرفى محمود بيعمل فيكى كده ليه عشان مراته الاولانيه خانته واڼتحرت ومعرفش بخيانتها الا بعد ماماتت 
تصورى بقا يفتكر انك خونتيه مع راجل بجد وانتى عايشه قدامه هيعمل فيكى ايه
حنين يعمل اللى يعمله وكمان اقولك على حاجه انا هرجع الفيلا تانى عشان يموتنى هناك وافضل مع آسر علطول وكمان رقيه وحشتنى اوووى واثناء ماهى بتتكلم ظهر آسر ورا صفاء حنين ميلت دماغها وابتسمتله
صفاء بړعب مين فين ليه عااااااا هو ورايا صح صح ورايا وابتدت ركبها تخبط فى بعضها وصړخت خليه يوعى من قدامى انا خارجه من الاوضه احسن اخبط فيه وانا مش شايفاه يأذينى ووصلت لغايه باب الاوضه ....... ياماما الحقينى وجريت على تحت
حنين ابتسمت لآسر وآسر قرب منها وقعد جمبها على السرير ومسكو ايدين بعض وفضلو يتأملو بعض من غير كلام وكل واحد سارح فى ملامح التانى
ياسر شاف صفاء قعدت على كنبة الانتريه ومحدش كان جمبها قرب منها بشويش وقرب على ودنها عشان يهمسلها كالعاده 
ويقولها بحبك لكن اول ماعمل كده
حنين عااااااااااا ووقعت من الكنبه على الارض وفضلت تحبى من غير ماتبص وراها
ياسر صفاء انتى اتجننتى مالك ياماما 
صفاء حرام عليك يابنى هتموتنى وقعدت وهى بتنهج
ياسر قرب منها مالك يابنتى فيكى ايه 
صفاء ياسر هو انتا عارف ايه اكتر حاجه بخاف منها من وانا صغيره لغاية دلوقتى
ياسر اه طبعا الضلمه والعفاريت 
صفاء يامه متجيبش سيرتهم هنا قول بسم الله 
ياسر يبنتى فيه ايه فهمينى 
صفاء ياسر متسبنيش انا بخاف منهم اووى 
ياسر والله انتى اتجننتى رسمى برضو فيه وحده بزنس وومن اد الدنيا تقول الكلام ده 
وبعدين ايه اللى حصلك فجأه انتى مش كنتى طالعه تتكلمى مع حنين ايه حصل بقا
صفاء محصلش حاجه قوم ننام 
ياسر بص ورا صفاء وبرق عنيه صفاء من غير ماتبص اتجمدت فى مكانها وياسر جرى وهى جريت معاه وماسكه فيه 
ياسر فضل يضحك عليها وبصلها وقال بصوت واطى انا ياناس متجوز طفله 
صفاء ضړبته ضربه خفيفه على صدره ودخلو نامو هما الاتنين وصفاء دافنه دماغها جوا صدره ومخبيه رجليها بين رجليه وهو فضل يضحك على منظرها الطفولى ده اللى يشوفها دلوقتى ميقولش ان دى صاحبة الامبراطوريه اللى كل الناس بتتكلم عنها
الليل عدى على ابطالنا كلهم وابتدا صباح جديد ينشر نوره على الدنيا
صفاء على نفس وضعها من امبارح ومكلبشه فياسر وخلته طول الليل مش عارف يتحرك لما صحى متخشب
ياسر قومى يامجنونه اتاخرنا على الشغل 
صفاءسيبنى انام شويه طول الليل منمتش كويس من الكوابيس ياياسر 
ياسر بهمس فودنها ومين قالك انى ياسر نيههههههه 
صفاء جسمها قشعر و قامت مفزوعه وادحرجت وقعت من على السرير وياسر كان 
هيفطس من الضحك على منظرها وهى قايمه ماسكه وسطها من الوقعه
صفاء بصت لياسر بصه كده ودخلت الحمام من غير كلام 
ياسر يااهلا بالمشاكل يااهلا انا اللى جبته لنفسى بس برضو شكلها حلو وهى مخضوضه ههههههههههه
ياسر وصفاء لبسو عشان ينزلو الشغل وصفاء دخلت لحنين قبل ماتمشى لكن كان الخۏف وعدم النوم باين عليها 
حنين اول ماشافتها عرفتها وضحكت 
صفاء بتضحكى دنا دمى نشف من امبارح ياشيخه
حنين ههههههه معلش بس انتى اللى خوافه حبتين 
صفاء لا انا مش خوافه حبتين انا خوافه آخر حاجه تقدرى تقولى اكتر وحده خوافه فى العالم
اتكلم صوت من وراها وبتخافى من ايه يابنتى بس صفاء عاااااا لفت لقت ريحانه خارجه من حمام الاوضه 
ريحانه بسم الله يابنتى عليكى مالك 
صفاء هو انتى ياماما خضيتينى 
هنا حنين مبقتش قادره تمسك نفسها وسخسخت من الضحك 
صفاء لا انا اخرج من البيت ده احسن وراحت على الباب ولفت متردده
حنين بقولك كنت يعنى بستأذنك انى اقول لياسر على الموضوع اللى حكيتيهولى امبارح عشان لازم يعرف عشان يشوفلنا حل فيه
حنين قوليلو عادى ياصفاء وكمان حتى لو عاوز يقول لمحمود يقله عشان انا هقوله على كل حاجه وهرجع الفيلا تانى
صفاء لا تقوليلو انتى ايه الله يسترك انا هخلى ياسر يقوله ويفهمه انه ڠصب عنك وانك مهدده يحرقك ولا يشنقك
حنين لا طبعا متقوليش عليه كده 
صفاء والنبى اسكتى انتى بهبلك ده انتى عاوزه تموتى وخلاص مستعجله اووى
حنين مش هتفرق صدقينى 
ريحانه واقفه وسطهم ومش فاهمه اى حاجه 
انتو بتتكلمو عن ايه يابنات انا عامله زى الاطرش فى الزفه وسطكم مش فاهمه حاجه
حنين تعالى ياماما انا هقولك على كل حاجه 
وابتدت تحكى لامها كل حاجه حصلتلها من يوم ماسابت بيتهم لغاية دلوقتى
ريحانة من وسط دموعها ياااه يابنتى استحملتى كل ده انا السبب انا السبب يابنتى انا السبب ودخلت فى نوبة بكا هستيريه
حنين مسكت ايدين مامتها ماما اهدى انا صحيح محمود عذبنى لكنى برضو قابلت 
آسر ياماما احلى حاجه حصلتلى فى حياتى
ريحانه لكن دا حرام يابنتى حرام انتى كده خسرتى دنيتك واخرتك انتى خونتى جوزك 
ياحنين انتى من يوم ماعملتى علاقه مع الروح دى او العفريت ده انتى بقيتى 
زانيه حتى لو محدش شايفكم او حد يقدر يشوفه هو لكن ربنا كان شايفكم
حنين دموعها جريو ارجوكى كفايه ياماما 
انا كنت تعبانه اوووى وهو كان بيخفف عنى 
انا مفكرتش فى اى حاجه مكنتش عاوزه غير 
انى اعيش زى الناس كنت عاوزه حد يحبنى 
وېخاف عليا وكل ده انا لاقيته مع آسر 
رميت نفسى فحضنه ومفكرتش فى اى حاجه تانيه
ريحانه وقفت ورايحه على الحمام 
حنين رايحه فين ياماما 
ريحانه رايحه اتوضى واصلى وادعيلك ان ربنا يسامحك على اللى فات ويهديكى 
لطاعته فى اللى جاى
حنين حست پخوف شديد من كلام امها 
لكن برضو كانت اضعف من انها تاخد قرار بالبعد عن آسر صعب صعب حد يبقى كل دنيتك وانتا دنيته وفجأه تتخلى عنه
حنين حست بنغزه فقلبها حطت ايدها فوق الالم وفجأه ظهر آسر وهو حاطط ايده على نفس المكان اللى بيألمها لكن فى قلبه هو
حنين مالك ياآسر 
آسر قلبك واجعنى 
حنين تقصد قلبك انتا 
آسر لا قلبك انتى انا معنديش قلب انا عايش بقلبك انتى ومشاركك فى دقاته واى حاجه بيحس بيها انا كمان بحس بيها قلبك واجعنى ليه ياحنينى
حنين اتخيلت انى بعدت عنك 
آسر قرب منها وحضنها انا بقا مقدرش اتخيل ده انتى قلبك جامد اوووى عشان قدرتى تتخيلى
حنين مش قوى ولا حاجه دا وجعنى لمجرد الخيال اوعدنى يآسر انك متسيبنيش ابدا
آسر انا قلتلك مليون مره انا مقدرش اسيبك او ابعد عنك انتى ملكتينى انا بقيت عبد حبك من ساعة ما حبيتينى مقدرش ابعد الا فحاله وحده بس انك انتى تطلبى منى ده 
او انك متبقيش