رواية رورو الفصول الاخيرة

فتحتى الباب فتحتيه لمحمود اخويا وعشرة عمرى اللى لا يمكن كان هيفكر انه يأذينى لكن اللى دخل كان واحد تانى كان وحش طغى عليه الكره والرغبه فى الاڼتقام من اى حد ومن كل الناس
ساره اتنهدت بحزن وقامت دخلت الحمام واخدت حمام دافى كان كفيل
بأنه يخليها تهدى شويه وتفكر فى كل اللى حصل معاهم
ولان النفس البشريه اماره للسوء ولان الشيطان بيعرف يدخل للانسان منين وازاى ساره شكت للحظات فى أن كلام محمود ممكن يكون صح وكلمة محمود ان الناس بقت تعمل حجات فوق الخيال فضلت ترن فى دماغها لكنها استعاذت بالله من الشيطان وحاولت تنفض الافكار دى من دماغها وعشان تقطع الشك باليقين اهتدت لفكره تقدر تتأكد بيها من صحة كلام محمود من عدمه
بااااك 
اياد فاق على صوت ساره ينفع كده ياأياد تفضل صاحى للصبح انا كل شويه كنت ببص عليك والقاك برضو لسه صاحى بس انا محبتش اتطفل عليك وسيبتك براحتك هاه مش هتقولى بقه مالك
إياد مفيش ياساره حاسس انى مرهق شويه هطلع ارتاح وهبقى تمام 
ساره طيب والشغل 
إياد مش هروح النهارده هبقى اتصل بياسر بيه اعتزر منه 
ساره طيب افطر الاول 
إياد مليش نفس 
ساره مع نفسها ياترى ايه ياإياد اللى وصلك للحاله دى تانى انا مصدقت اننا نتخطى اللى حصل ونبدأ حياتنا من جديد ونبعد عن الماضى بكل مافيه
إياد فضل نايم طول النهار وكأنه بيهرب من الدنيا كلها ومن زكرياته بالنوم وصحى آخر النهار ونزل
ساره يااااه كل ده نوم ياإياد 
إياد معلش كنت محتاج جدا انى انام 
ساره وايه بقيت احسن دلوقت 
إياد ابتسملها احسن كتير الحمد لله 
ساره مستر ياسر اتصل عليك الصبح وطلب انك تروحله ضرورى فى الفيلا
إياد هز دماغه وقعد على السفره وساره دخلت تجيبله اكل 
اياد اكل وطلع لبس واتوجه لفيلا ياسر 
و كان ياسر وصفاء قاعدين مع بعض على السفره وبيخلصو شغل
إياد السلام عليكم 
ياسر بأبتسامه هو وصفاء وعليكم السلام ورحمة الله وبركاته 
ياسر اتفضل يا اياد وشاورله على الكرسى اياد قعد على الكرسى 
ياسر ايه سلامتك تعبان من ايه 
إياد لا ابدا مجرد ارهاق وخلاص راح الحمد لله
ياسر طيب الحمد لله ...... احم إياد كنت عاوزك فى حاجه بعيد عن الشغل شويه 
إياد تحت امرك ياباشا
ياسر كنت عاوز اعرف انتا تعرف محمود الزيات منين وايه اللى خلاكم انتو الاتنين اتوترتو جدا لما قابلتو بعض وليه انتا كنت دايما مهتم انك تتابع كل اخباره اول بأول
إياد اتوتر لا ابدا انا معرفهوش 
ياسر ارجوك ياإياد انا محتاج اعرف كل حاجه عن البنى آدم ده
إياد بتوتر انا معرفش حاجه عنه اكتر من اللى بسمعه عنه فى السوق ومن الاخبار لكن حضرتك مهتم ليه انك تعرف كل حاجه عنه 
ياسر عاوز اشاركه 
إياد بزعر لا طبعا انصحك بلاش 
ياسر رفع حاجبه طيب يعنى على الاقل فهمنى ليه بلاش 
إياد انا قلت كل اللى اعرفه وعن اذنك ياياسر باشا وقام عشان يمشى
صفاء إياد لو سمحت استنى لحظه وقامت صفاء تعالا معايا لو سمحت حابه اوريك حاجه
صفاء اخدت اياد وطلعت بيه فوق على اوضة حنين خبطت وفتحت الباب بعد ماحنين اذنت لها وشاورت لإياد عشان يدخل
إياد دخل واتفاجأ بوحده متربطه كلها ومعالمها مش واضحه وباين عليها انها متعرضه لحاډث مؤلم
صفاء إياد جاى يقولك سلامتك ياحنين 
حنين بضعف الله يسلمك متشكره جدا
صفاء احب اعرفك دى حنين مرات محمود الزيات اللى انقذناها فى اخر لحظه من ايدين محمود وخرجناها بالشكل ده انا وياسر من بدروم فيلته اللى حابسها فيه
إياد اټصدم جدا وفتح عنيه على وسعهم لكن منطقش بكلمه وحده صفاء شاورتله عشان يخرجو وخرج من الاوضه وهو مزهول من اللى شافه وزاد احتقاره لمحمود اضعاف
إياد رجع وقعد جمب ياسر 
ياسر عرفت بقه انا عاوز اعرف كل حاجه عنه ليه تصدق المسكينه اللى جوا دى متعرفش عنه اى حاجه تصور حابسها لوحدها فى الفيلا سنين مش بيخليها تخرج ولا بيخلى حد يشوفها او يكلمها او تكلم حد قاطع عنها اى وسيلة اتصال على العالم الخارجى
إياد فك الكارافات بتاعته واتنهد انا مكدبتش عليك لما قلتلك انى معرفش اى حاجه عنه انا فعلا محمود الزيات بتاع النهارده معرفهوش ولا اعرف عنه حاجه انا كنت اعرف محمود تانى محمود صاحب عمرى وطفولتى وشبابى كنت اعرف محمود الزيات الانسان وهحكيلك حكايته وحكايتى معاه وابتدا إياد يحكى كل حاجه عنه وعن محمود وعن كل اللى حصل معاهم لاآسر وياسر وصفاء بيستمعو بأهتمام ............................................................................................................
ياسر يااااه كل ده حصل مابينكم 
إياد لا ومش بس كده دا كمان حاول انه يلبسنى تهمة سرقه من شركته لكن الحمد لله خرجت منها ومن ساعتها وانا بعدت عنه انا ومراتى وكرهته وکرهت اليوم اللى شفته فيه
صفاء معلش اعذر فضولى بس انتا كنت قلت ان مراتك عملت حاجه تتأكد بيها من كلام محمود اذا كان صح ولا لا عملت ايه بالظبط
إياد اتنهد وهز دماغه بأسى لمجرد انه افتكر الزكرى دى 
فلااااااش بااااااك
ساره جريت على شنطه تحت السرير فتحتهاوطلعت كل حاجه فيها كانت فيها حاجة اسامه احتفظت بكل حاجته بعد ماتوفى فضلت تدور لغاية مالقت مشط مسكته بحذر شديد واخدت منه كام شعره وحطتهم فى كيس وقربت منى واخدت كام شعره من شعرى وحطتهم فى كيس تانى وخرجت ورفضت انى اخرج معاها راحت معمل تحاليل وطلبت تعمل تحليل ال DNA
ورجعت البيت طبعا نتيجة التحاليل دى مش بتظهر بسرعه مأنكرش ان ساره فى الوقت ده كانت قلقانه جدا وخاېفه لكن كانت بتحاول تبان انها قويه ومتماسكه قدامى بس انا كنت حاسس بيها حاسس بتوترها اللى انعكس عليا انا كمان وبقيت عصبى جدا بدون سبب وده فسرته حنين انه 
كان خوف منى من نتيجه التحليل
وبعد فتره جالها تليفون وبلغوها ان نتيجة التحليل ظهرت خرجت ساره وهى متوتره تجيب النتيجه انا اخيرا حسيت ان فترة التوتر اللى عشناها دى انتهت لكن صدمنى منظر ساره لما وصلت البيت وكانت عيونها حمره من كتر العياط وكانت مڼهاره 
آخر 
الجزء السادس عشر ١٦ 
اللهم صلى وسلم وبارك على سيد الخلق اجمعين
إياد اټصدم من منظر ساره اللى دخلت البيت وهى مڼهاره من العياط وجرى عليها 
ساره مالك حصلك ايه 
ساره بصتله بعيون باكيه ومره وحده جريت عليه وحضنته وابتدت ټعيط بصوت عالى 
خلت اياد ركبه سابت
ساره سامحنى ياإياد سامحنى 
إياد حصل ايه اسامحك ليه 
ساره علشان شكيت فيك للحظه عشان صدقت انك ممكن تكون عملت كده فعلا انا ياإياد حاسه انى مختلفتش عن محمود فى حاجه انا حاسه نفسى حقيره
إياد ششششش متقوليش كده انا مش زعلان منك انتى لما فكرتى فيا كده للحظات مش ثقتك فيا انا اللى اتهزت لا دى ثقتك فى نفسك اللى اتهزت ثقتك فى حبك اللى جوا قلبى هى اللى اتهزت لكن انا مسامحك مسامحك وعاذرك وهكون بكدب عليكى لو قلتلك انى برغم انى واثق من برأئتى كنت مطمن لا بالعكس والله كنت خاېف وخاېف جدا كمان كنت عامل زى التلميز اللى متأكد انه حل الامتحان كويس جدا وجاوب كل الاسئله صح لكن برضو بيجى وقت ظهور النتيجه وبيخاف بېخاف يكون وقع فى ايد مصحح ضيع كل مجهوده
كتير كنت بقول افرض المعمل غلط وطلع نتيجة التحاليل غلط زى مابيحصل اوقات كتير والغلط وارد انا ساعتها هبقى خسړت مراتى وابنى وبيتى وكل حاجه فى الدنيا 
انا هكون ادمرت وبرجع تانى استعيذبالله 
واخلى ايمانى بربنا قوى
ساره انا بحبك اوووى ياإيدو 
إياد ضحك بخفه 
ساره بتضحك ليه ياإيدو 
اإياد اصل لو كان المعمل طلع النتيجه غلط كنت انا دلوقتى زمانى قاعد وسطكم انتى ومحمود وانتو اللى بتدو فيا بالجزم ههههه
ساره حضنته جامد لكن فجأه قامت ومسحت دموعها تعالا معايا يلا 
إياد بأستغراب على فين
ساره هنروح نرمى نتيجة التحليل ده فى وش محمود عشان يتأكد انك مش انتا ابو الولد
اياد ملوش لزوم محمود مش هيصدق حد وهيقول اكيد التحليل ده مزور
ساره لكن انتا هتستحمل تفضل فى عيونه متهم 
اياد معلش مسيره هيعرف الحقيقه لكن مش دلوقتى خليه يفتكر انه مظلوم بدال مايعرف ان هو ظالم ويبتدى يدخل فى دوامة تأنيب ضمير ويرجع ينتكس تانى ويرجع للى كان فيه تانى وصدقينى عڈاب الضمير ناره اشد من ڼار الاڼتقام
ساره لسه بتحبه بعد كل ده وخاېف عليه 
إياد اكدب عليكى لو قلتلك لسه بحبه واكدب برضو لو قلتلك کرهتو لكن انا كل اللى اعرفه دلوقتى انى مش عاوز اشوف وشه تانى
بااااااك
وفعلا بعدنا انا وساره وبعنا البيت واشترينا شقه كبيره الشقه اللى كنت ساكن فيها قبل الفيلا وقدمت على شغل فى شركتك ياياسر بيه والحمد لله اتقبلت وبس هى دى الحكايه 
كلها
صفاء ياااااه صحيح الحقيقه مش بتبقى كامله لما تتسمع من طرف واحد او منظور واحد لكن برضو اللى عمله محمود كرد فعل كان كتير اوى
ياسر وهو سارح لبعيد صدقينى ياصفاء احساس الخيانه ده اصعب احساس ممكن 
حد يحس بيه
صفاء طبطبت على رجل ياسر اللى افتكر خېانة جيسى ليه واردفت عارفاه وجربته
ياسر نااااااعم يختى جربتيه امته مين خانك انشاء الله 
صفاء انتا ناسى لما دخلت عليك المكتب وكنت بتبوس السكرتيره
ياسر هو انتى بعد السنين دى كلها وبعد ماشفتى دليل برائتى بعنيكى لسه بتقولى خنتنى
صفاء لا منا اتاكدت انك مخنتنيش لكن برضو ده ميمنعش انى برضو عشت الاحساس ده ساعتها وجربته لكن برضو المفروض محمود كان اتخطى صډمته دى وكمل حياته فيه ناس كتير حصلها كده وكملت عادى
ياسر انا معاكى فى الكلام ده لكن الناس دى كان بيبقا فيه جمبها ناس بتحبها وبتساعدها انها تتخطى صدماتها لكن محمود على حسب كلام اياد كل الناس اللى بيحبهم اختفو مره وحده واختفو بأبشع الاسباب صدقينى محمود لو انسان ضعيف عقله مكنش استحمل وكان عقله انهار واټجنن تعرفى ايه كمان اللى خفف الضغط عن عقلة... مدة الغيبوبه اللى دخل فيها سبحان الله الغيبوبه دى باعدت المده بين الصدمتين اللى اخدهم فى مراته وابنه وفصاحب عمره 
محمود اختفى الحب من حياته مره وحده واتبدل بكره وغل وحقد بيكبر يوم بعد يوم لغاية مانتج عنه وحش كاسر وللاسف كانت ضحيته حنين مراته لانه كمان لما جابها لبيته على حسب كلامها مع صفاء جابها كسلعه 
محدش مد ايده عليها قبله ولا وضع ملكيته عليها افتكر ان هو مالكها الوحيد ومحدش له 
حق فيها غيره وان هو المسئؤل عن حياتها بأكملها صدقنى محمود انسان مش طبيعى محمود عاش طول السنين دى مغيب عن 
شخصيته الحقيقيه 
تعرف يأإياد لو انتا كنت فضلت جمبه كنت هتبقى حلقه وصل بين محمود الجديد انه يقدر يرجع