رواية القصر الفصول الاولي
المحتويات
فتحها لباب الجناح اصتدمت بشئ صلب لكنه ليس بجماد أيعقل!! أنه إنسان وعند هذه النقطه نظرت للأعلي قليلا وجدت زوجين من العيون الزرقاء تنظر لها بترقب وعندما التقت أعينهم لثواني ابتعدت سريعا عنه ونظرت أرضا من إحراجها
تحدث هو محاولا أن يبدو طبيعيا بعد أن رأي كل هذا الجمال والبراءه أيضا بشخص واحد احم...انت الشغاله الجديده
بعد أن كانت تنظر أرضا بخجل رفعت عيناها الزرقاء له پحده قائله نعم!!
تدخلت ناريمان في الحديث قائلة دي نوران المرافقه بتاعتي يا مراد
مراد اه تمام
لم يعيرها إهتمام وأكمل كلامه لجدته وهو يدخل الجناح
وعندما شعرت بأن لا يوجد سبب لوجودها هنا
استأذنت ناريمان
وانصرفت بهدوء وأغلقت خلفها الباب
وظلت تنظر حولها پضياع تحاول أن تجد المطبخ لتنده علي زمرد
_بتدوري علي حاجه
انتفضت بفزع عندما سمعت صوتا ما اتي من خلفها ووضعت يدها علي قلبها تهدئ ضرباته
نوران اه بدور علي المطبخ علشان انده زمرد
مد يده لها قائلا انا نبيل وانت
صافحته وحاولت أن تسحب يدها منه بهدوء لكنه كان ممسكا عليها بإحكام انا نوران مرافقة ناريمان هانم
نبيل اتشرفت بيكي يا نوران
نظرت له ثم ليدها التي يمسك بها
فهم هو ما ترمي إليه وترك يدها قائلا اوه اسف بس ملمس إيديكي ناعم جدا
احست بالنفور منه ومن كلماته وإيضا نظراته التي تتأكلها من أعلاها لأسفلها
نوران بضيق ممكن حضرتك تقولي المطبخ فين
نبيل بما انه أول يوم ليكي في القصر فأكيد مش هعرف اوصفلك وزي ما انت شايفه القصر كبير ..تعالي انا هوريهولك
نوران لاء شكرا
وأثناء حديثهم تأتي فتاه ذات ملامح جميله مرتديه فستان احمر قاني مطعم بحزام عند منطقه الوسط بالون الاسود قصير يظهر جمال ساقيها ويكمل الفستان جمالا الحذاء الاسود ذو الكعب العالي الذي يدل علي أناقتها
مرجان انت البنت الجديده
نوران أيوة انا بعد اذنكم
تركتهم ونزلت علي الدرج للبحث عن المطبخ في هذا القصر العجيب
مرجان خساره البنت شكلها طيبه
نبيل متتخدعيش بالمظاهر
مرجان ياريت تسيبها في حالها البنت شكلها بريئه
نبيل ياريت انتي تخليكي في حالك ولا اقولك ثم اقترب منها وهمس بأذنيها خليكي في حبيب القلب الي هتضيعي عمرك كله وأنت مستنيه نظره منه
ألقي هذه الكلمات علي مسامعها ثم تركها وعلي وجه إبتسامة خبيثة
_زمرد
إلتفتت زمرد لتلك الواقفه خلفها ويبدو عليها الضيق
زمرد نوران ايه الي منزلك المطبخ
نوران وفيها إيه لو نزلت
زمرد مفيش بس اصل المطبخ محدش بيخشه غير الخدم بس والجنايني
نوران زمرد حبيبتي علي فكره احنا مش خدامين احنا اسمنا بنشتغل بعدين هو فيه هنا جنينه
زمرد اه في ضهر القصر
نوران غريبه مع أني كنت فاكره أن حولين القصر صحراء
زمرد لاء ده فيه جنينه وجميله بس مراد بيه مش بيخلي حد يجي جنبها وبالذات جنب الورد الي هو زارعه مفيش غير الجنايني بيسقي الجنينه ما عدا الورد مراد بيه هو الي بيسقيه وبيهتم بيه
نوران ده مراد ده مغرور جدا
زمرد ايه ده أنت شوفتيه
نوران اه شوفته بس هحكيلك بعدين انا جيت علشان اقولك ناريمان هانم عوزاكي
زمرد طيب انا طالعه وأما ارجع ابقي احكيلي
نوران طنط فوزيه هو حضرتك مجهزه كل وجبه لوحدها ليه
تلوك فوزيه فمها وتتحدث بتهكم والله يا بنتي سكان القصر دول تعبوني كل واحد بياكل لواحده وكل واحد عاوز اكله معينه مبلحقش اعمل كل الاكل ده لوحدي علشان كده زمرد بتبقي معايا في المطبخ اغلبيه الوقت
_وعلشان كده طلبوا مرافقه لنريمان هانم لإن زمرد مش بتبقي فاضيه !اكملت نوران بهذه الكلمات بتساءل
فوزيه عليكي نور مفيش بس غير يوم الجمعه الي بيتجمعوا فيه وياكلوا مع بعض من نفس الاكل الي بتختاره ناريمان هانم اما بقا بقيت الايام بنودي لكل واحد فيهم الاكل لحد عنده
نوران بجد القصر ده غريب جدا والي عايشين فيه اغرب
_الي عايشين فيه بيحبوكي قالت هذه الكلمات زمرد التي أتت للتو
نوران وأنت عرفتي منين بقا
_ناريمان هانم قالتلي اشوفك بتحبي أكل ايه واجبهولك في اوضتك زي اي حد عايش في القصر
اكملت زمرد بتوضيح
فوزيه يبقي كده شكل ناريمان هانم ارتحتلك فعلا لأنها مكنتش بتعمل كده مع اي بنت اشتغلت عندها
زمرد بسخريه آل يعني هما كانوا بيفضلوا موجودين
فوزيه بتحذير زمرد متتكلميش في الي ملكيش فيه ...واكملت موجه حديثها لنوران الواقفه بشرود قوليلي يا حبيبتي علي الاكل الي بتحبيه علشان اعملهولك
نوران لاء يا طنط انا هعمل اكلي بنفسي كفايا عليكوا طلبات الناس العجيبه الي في القصر ده
فوزيه وهو انتي بتعرفي تطبخي
نوران اه انا اصلا الي كنت بعمل الاكل عندنا في البيت
فوزيه سامعه يا مقصوفه الرقبه...بس يا بنتي اخاڤ حد يعرف انك أنت الي عملتي الاكل ويزعقلي
نوران وهما هيعرفوا منين ...عرفيني بس أماكن الحاجه وانا هعمل ...ولو لقيت نريمان هانم نايمه ومش عاوزة مني حاجه اجي اساعدك
فوزيه ربنا يخليكي يا حبيبتي
وبالفعل بدأت فوزيه إرشادها وعرفتها أماكن الأشياء
توالت عدة أيام بدون احداث تذكر عرفت فيها نوران مواعيد دواء ناريمان وكيفية التعامل معها ومع مرضها وايضا كانت تعمل لها تدليكات مسائية قبل النوم وقد عرفتها ناريمان علي الجرس الذي وضع بالجناح ..فإذا احتاجت ناريمان نوران ولم تكن بالجناح تضغط عليه
كانت نوران تتحدث معها وبدأت ناريمان بالتجاوب ومجارتها في الحديث
شعرت نوران وكأن ناريمان ام لها فكانت تسألها علي طعامها وعلي راحتها وعلي إن كان ضايقها أحدا ما وقد استغربت نوران سؤالها هذا لكنها أنكرت
واقتربت أيضا من زمرد كثيرا وكانت تحكي لها عن عائلتها وحاولت بقدر الإمكان عدم التواجد بأي مكان يوجد به نبيل
ولم تري هذا المغرور المسمي بمراد فهو في سفرية عمل مع أخاه عثمان ..أما عن دولت فكانت تنظر لها نظرات لم تستطيع نوران تفسيرها بسبب قلة خبرتها ولكنها تشعر أنها ترسل لها نظرات شفقه أو لا اعلم لا يهم ...ومرجان لا تخرج من غرفتها فلم تقابلها نوران من ذلك اليوم الذي كانت واقفه به مع نبيل
وفي إحدى الليالي بعد أن اطمئنت نوران علي ناريمان ذهبت إلي غرفتها كانت تود النوم وبشده فهي تستيقظ مبكرا لإعطاء الدواء لنريمان
وعندما إقتربت من السرير وكادت أن تنام لمحت ورقه مطويه
نظرت للورقة بإستغراب فمن سيدخل غرفتها غيرها
علي كل حال فتحت الورقه ورأت ما جعل ضربات قلبها ترتفع پعنف وجحظت عيناها وجلست بهمدان علي السرير وعيناها علي الورقه بدأ الخۏف يتسرب إليها رويدا رويدا
اهربي بدل ما يحصلك زي البنات الي قبلك .
البارت السادس
وعند بزوغ أشعة الشمس فتحت نوران عينيها المنتفخة قليلا من قلة النوم فهي لم تنم سوى ساعتين بسبب كثرة التفكير .
انطلقت تبحث عن فوزيه بعد أن ارتدت فستان وردي قد أحضره لها احمد بعيد ميلادها السابق وعقدت شعرها علي هيئة ذيل حصان ..تمرددت بعض خصلاتها ونزلت علي وجهها الابيض الناعم مما أضفي عليها جمالا فوق جمالها.
دخلت المطبخ وجدت فوزيه تفطر بصحبة بهلول زوجها الذي إبتسم تلقائيا عندما رأها وتحدث بود اللهم صلي علي النبي ...ايه الجمال ده
إبتسمت نوران بخجل علي كلامته البسيطه التي ذكرتها بوالدها يالله كم اشتقت له وكم أود أن استمع لصوته الحنون
فاقت من شرودها علي صوت فوزيه وهي تناديها للإفطار معهم لبت ندائها وفطرت بصحبتهم ..ذهب بهلول إلي عمله خارج القصر وتبقت هي وفوزيه فقط فاستغلت الفرصه وحدثتها قائلة طنط فوزيه هو مفيش حد ..يعني..اتصل عليا ..أو ..سأل عليا
فوزيه لاء والله يا حبيبتي بس انتي ممكن ترني عليهم
تحدثت نوران بإحباط احنا مش عندنا تليفون في البيت ..بس ماما قالتلي انها هترن عليا من عند جارتنا
شعرت فوزيه بالحزن علي هذه الفتاة المسكينه وحدثتها محاولتا التهوين عليها اكيد يا حبيبتي حصلت ظروف منعتهم من أنهم يتصلوا بيكي
هزت الأخري رأسها بحزن وهي تفكر هل من الممكن أنهم لم يشتاقو لها أم أن هناك شئ حدث بالفعل
نوران انا هروح اشوف ناريمان هانم صحيت ولا لسه
فوزيه ماشي يا بنتي وانا هطلع اشوف الكسلانه بتاعتي مصحيتش ليه لحد دلوقتي عندنا شغل كتير النهارده الجمعه وزي ما انتي عارفه هيتجمعوا ومراد وعثمان وكمال بيه رجعوا من السفر
كانت تسير وهي شاردة الذهن ولم تنتبه لتلك التي اصتدمت بها
مرجان پحده مش تفتحي يا بنتي انت
نوران انا اسفه مكنتش مركزه
كانت ستذهب ولكنها ألقت عليها نظره سريعه
متفحصه وتحدثت بسخريه ايه الي أنت عملاه ده
تنظر نوران لنفسها ثم تنظر لها وتقول في ايه في حاجه غلط في لبسي أو شكلي !
مرجان في اهتمام زياده
ردت نوران بإستغراب وتسأل أيضا و ده يضايق حضرتك في ايه!
مرجان لاء طبعا مش مضايقني بس اصل المرافقين مش من عادتهم يلبسوا فساتين ويهتموا بنفسهم زي سكان القصر إلا لو في حاجه في دماغهم و ده الي انا مش هسمحلك بيه ابدا
نوران انا عن نفسي لما بهتم بنفسي بيكون علشاني انا مش علشان حاجه ..ومليش دعوة الباقين بقا بيهتموا بنفسهم ليه أو إيه هدفهم ...بعد اذنك
تركتها نريمان وسط زهولها من جرائتها وتوجهت لجناح ناريمان
ابتسمت ناريمان عندما أتت إليها نوران وألقت عليها تحية الصباح كالعاده بإبتسامتها الهادئه
ناريمان انا مبسوطه انك بدأتي تاخدي علي جو القصر هنا
نوران طب ممكن بقا ناخد العلاج واطلب منك طلب صغير ولو سمحتي من غير اعتراض
ابتسمت ناريمان وقالت من غير اعتراض ايه بقا هو الطلب
تحدثت نوران وهي تعطيها كأس الماء المطلى بماء الذهب لتشرب الدواء ممكن نخش نقعد في الڤرنده
ناريمان هو ممكن بس إيه السبب
نوران علشان خاطر انا سمعت من احمد أن الشمس في الوقت ده بتكون مفيده جدا للجسم
ناريمان احمد مين أنت مخطوبه
نوران لاء فاكره حضرتك اول يوم جيت فيه هنا القصر وقولتلك أن عندي واحد قريبي دكتور وهو الي علمني هو ده احمد ...بصراحه هو مش قريبي هو اخويا في التربيه
اخذتها نوران إلي الڤرنده التي كانت تطل علي الحديقه التي حكت عنها زمرد من قبل وقد كانت حقا رائعة حيث الاشجار العاليه وصوت زقزقات العصافير ومنظر الورود الحمراء التي يعكسها ضوء الشمس الساقط عليها .
ناريمان أنت اول مره تشوفي الجنينه دي صح
نوران أيوة بس زمرد حكتلي عليها قبل كده
ناريمان أنت مشوفتيهاش قبل كده علشان اوضتك جانبيه بتطل علي الطريق العمومي إنما الجناح بتاعي بيطل علي الجنينه ...وجناح عثمان وجناح مراد من بعيد بيطلوا علي اسطبل الخيول
نوران أيوة انا عارفه أن فيه هنا اسطبل دكتور عبد الرحمن حكالي عنه لما جينا مع بعض
ناريمان كفايه كده قعده في الڤرنده
حركت نوران الكرسي إلي الداخل واستأذنت من ناريمان وذهبت إلي غرفتها لتنعم ببعض ساعات النوم التي قضتها ليلة البارحه في التفكير
إلتف الجميع حول طاولة الطعام التي زينت بأشهي المأكولات والعصائر
وقبل أن يبدأ احد بتناول الطعام
نادت
متابعة القراءة
