رواية القصر الفصول الاولي

تقفلي الباب وتطلعي علشان عاوزة انام 
انعام وهي تلوي فمها طبعا يختي هو ده الي فالحه فيه اتخمدي نوم الظالم عباده 
وبعد عدة ساعات
نوران نوران 
فتحت عينيها علي أثر هذا الصوت لتجد عبد الرحمن ينظر لها 
نوران ايه وصلنا 
عبد الرحمن لاء وصلنا ايه دي استراحه لو عاوزة تعملي اي حاجه 
نوران وهي تحتضن حقيبتها لاء شكرا 
لكنها أخرجت شئ ما من حقيبتها وشربت
نوران بحنين ياه انتو وحشتوني من دلوقتي ازاي هقدر اعيش شهر من غير ما اشوفكم يا تري بتعملي ايه دلوقتي يا هاله نايمه متقلقيش 
مر اليوم بسلام وكذلك اليوم التالي 
فتحت نوران عيناها الزرقاء التي تشبه السماء في صفائها لتجد خيوط الشمس بدأت تتجمع وبالرغم من أنها كانت تشعر بالتعب ألا أن هذا المنظر الرائع قد اشعرها بالراحه والطمأنينة 
حدثت نوران نفسها ايه الطريق الطويل ده معقوله في طريق طويل كده ده انا نمت وصحيت أربع مرات ومكناش لسه وصلنا
وبعد أن أنهت هذه الكلمات حتي بدأ يتضح لها هذا القصر ياالله كم هو جميل ورائع ومخيف أيضا
حسنا كنت أود أن لا أتحدث مع هذا الدكتور حتي وصولي الي هذا القصر ولكن لا استطيع منع فضولي من أن اسأله لما جئنا من هذا الممر
عبد الرحمن موضحا لما ننزل من التروموبيل هتلاقي علي جنب الممر رمال متحركه وطبعا مش محتاج اقولك علي مدي خطورتها وعلي الجنب التاني في جبال مرتفعه جدا ومش هتوصلك لحاجه زي ما انتي شايفه القصر في حته منعزله يعني متقدريش ترجعي من المكان الي جيتي منه إلا من الممر ده 
انهي هذا الكلام وتوقف السائق ونزل بهلول ومن بعده عبد الرحمن إذن فهذا دوري 
كلما اقتربت من هذا القصر كلما اكتشفت مدي روعته وبراعة تنفيذة وكلما شعرت بالرهبه ف إذا كان القصر بهذه الضخامه فكيف حال سكانه 
البارت الرابع
لا تنسوا الصلاه علي النبي
فتحت بوابه كبيره وخلف هذه البوابه توجد إمراءة ذات وجه بشوش تنظر لنوران بإبتسامه وجانب هذه الإمراءة فتاه يبدو علي ملامحها الطيبه والعفويه 
المراءة بترحاب ازيك يا حبيبتي انا محسوبتك فوزيه اكملت وهي تشير علي هذه الفتاه الواقفه بجانبها ودي زمرد بنتي 
سلمت عليهم نوران بترحاب شديد فهي حقا شعرت بالراحه تجاههم وانا نوران 
فوزيه اتفضلي يا حبيبتي 
الاول ننزل الحاجات اللى جابها عمك بهلول من العربيه وبعد كده زمرد هتعرفك الاوضه الي هتنامى فيها تلقيكي يا حبة عيني تعبتي من المشوار وتوريها اوضتها وتمشي حاكم انا عرفاكي مش هتسبيها تنام وهتفضلي ترغي معاها 
زمرد بإمتعاض حاضر 
اقتربت من نوران وهمست لها ننزل الحاجه مع بابا ونتكلم براحتنا 
وبعد أن أدخلوا جميع الأشياء التي أتي بها بهلول من مستلزمات للقصر 
فوزيه يلا يا زمرد ودي نوران جناح ناريمان هنام تتعرف عليها وبعدين وديها الأوضه الي عثمان بيه قالنا عليها 
تدخل نوران إلي داخل القصر تصطحبها زمرد التي ظلت تثرثر وتحكي عن ذكرياتها بالقصر لكن لم تستمع نوران لها فكانت تنظر إلي هذا القصر الرائع من الخارج والاكثر رونقا وجمالا من الداخل 
رفعت رأسها عاليا لتري ولأول مره بحياتها سقف مرتفع للغايه وطبعت عليه رسمات وزخارف بألوان متداخله جعلت منه وكأنه لوحه فنيه 
زمرد نوران انتي معايا 
نوران ببلاهه هه ..اه معاكي بس بتفرج علي القصر إزاي بالجمال ده كله 
زمرد هو انت كده شوفتي حاجه ..أنت لسه مشوفتيش جناح مراد بيه وعثمان بيه و...
نوران خلاص خلاص فين جناح طنط نريمان 
تشهق زمرد وهي تنكذها بديها انت بتقولي نريمان كده من غير القاب ده لو حد سمعك تبقي مشكله 
نوران بتوضيح لاء ما انا قولت طنط 
زمرد طنط ايه بس هفهمك الستات الي في القصر بنقولهم هوانم والرجاله بيه فهمتي 
نوران طيب فين بقا جناح ناريمان هانم 
زمرد الجناح الي في وشنا ده
طرقت علي باب الجناح حتي سمعت الإذن بالدخول
زمرد ناريمان هانم دي البنت الي هتشتغل مرافقه لحضرتك 
أشارت لها ناريمان بالإنصراف 
وبعد أن تركتهم زمرد وأغلقت الباب 
ناريمان اسمك ايه يا بنت 
نوران بتوتر اسمي نوران 
ناريمان عندك كام سنه 
نوران عشرين 
ناريمان اشتغلتي مرافقه لحد قبل كده 
نوران بإرتباك لاء اول مره 
ناريمان بصوت عالي زمرد 
طرقت زمرد الباب ودخلت 
زمرد أوامرك يا هانم 
ناريمان اندهي علي بهلول بسرعه 
نظرت زمرد لنوران بترقب لثواني ثم انطلقت لتنده والدها الذي أتي مسرعا
بهلول نعم يا ست هانم 
ناريمان پحده وصوت عالي انت ازاي تجبلي واحده اول مره تشتغل مرافقه 
وقبل أن يرد يأتي عثمان متسائلا مالك يا آنا بتزعقي ليه 
وعندما قبل بالصمت نظر لبهلول بحيره وجده ينظر تجاه فتاه بإرتباك 
الان علم لما هذا الصوت فقد أتت هذه الفتاه ولكن ماذا عساها فعلت وهي لم تمضي عده ساعات بالقصر 
اوه ما هذه الفتاه أنها كتله من اللطافه والجمال أيضا بعيناها الزرقاء وشعرها المنسدل علي كتفيها ووجها الملاكي المحمر بشده ويوحي بأنها علي وشك البكاء
أخرجه من شروده صوت بهلول المرتبك يا ست هانم اصل...
تحدثت نوران مقاطعة إياه طب ممكن اتكلم 
نظرت لها ناريمان مطولا تتفحصها بعيناها ولم ترد 
فرد عثمان بدلا عنها اتفضلي 
نوران انا فعلا اول مره اشتغل مرافقه بس انا عندي خبره ازاي اعتني بمريض واهتم برعايته وده يرجع لإن ليا واحد قريبي هو دكتور وعلمني ازاي اهتم بمريض وعلمني الاسعافات الاوليه وأعتقد اني اقدر اشتغل الشغلانه دي 
للحق اعجبت ناريمان كثيرا بها وبشجاعتها فرغم أنها يبدوا عليها الضعف والهدوء إلا أنها استطاعت إقناعها 
هزت ناريمان رأسها بهدوء قائلة خديها يا زمرد في الاوضه الي هتنام فيها 
سحبت زمرد نوران خلفها 
وادخلتها بغرفه مجاورة لجناح ناريمان وفور أن أغلقت زمرد الباب حتي اڼفجرت نوران بالبكاء
شعرت زمرد بالأسي عليهاولكن حاولت عدم إظهار هذا وذهبت تجاهها وربتت علي ظهرها ايه يا نوران احنا هنعيط من اولها انا عاوزاكي تكتسبي مناعه ومهما اتشتمتي متعيطيش 
نوران انا مش عارفه انا ذنبي ايه بتتعصب عليا ليه 
زمرد لاء هي اتعصبت علي بابا مش عليكي ...بعدين بقا لعلمك مفيش احن من ناريمان هانم في القصر كله 
نوران لاء ما هو واضح 
زمرد هي في الشغل والجد بتبقي جاديه جدا ومبتحبش الهزار والدلع لكن صدقيني لو عوزتي حاجه او في اي مشكله تحصلك محدش هيقف جنبك أو

يساعدك غيرها من الاخر كده هي مامتك هنا في القصر 
نوران لاء ما خلاص بقا مش هشوفها تاني اصلا اديني اترفضت من اول يوم 
زمرد لاء طبعا طالما قالت اوديكي الأوضة يبقي مش هتمشي 
نوران بجد 
زمرد أيوة بعدين هي تحمد ربنا اصلا انك جيتي بعد الي بيحصل ده 
جففت نوران دموعها سريعا وقالت هو ايه الي بيحصل 
حاولت زمرد تغيير الموضوع فممنوع منعا باتا أن تتحدث حول هذا الأمر مفيش حاجه المهم اعرفك بقا علي الناس الي عايشه في القصر 
نوران ماشي 
زمرد طبعا انتي شوفتي ناريمان هانم هي أكبر واحده هنا في القصر ومخلفه 3 ولاد عاصم اكبر واحد بعدين كمال بعدين عدلي ...عاصم وعدلي ماټو ...عدلي كان متجوز دولت وخلفوا مرجان ..وعاصم مخلف مراد وعثمان وكمال مخلف نبيل بس يستي هما دول صحاب القصر 
وعوزاكي يا نوران تحذري ن....
فتح الباب علي مصرعيه ودخلت فوزيه الغرفه وأمسكت ذراع زمرد وهزتها پعنف انتي يا هانم بقالك ساعه بتعملي ايه هنا وسيباني كل ده ..انتي مش عارفه أننا ورانا شغل بيت لازم نعمله طبعا تلاقيكي عماله ترغي مع البنت الغلبانه ومسبتيهاش تنام 
زمرد وهي تحاول أن تفلت يدها انا اسفه يا ماما انا بس كنت بعرفها علي صحاب القصر 
فوزيه انجري قدامي علي المطبخ يلا 
ظلت تبرطم حتي خرجت من الغرفه 
فوزيه معلش يا بنتي بس لازم اقفلها لو سبتها هتفضل ترغي من هنا لتاني يوم 
نوران بس انا مش مضايقه يا طنط ده انا فرحت أن في حد هتكلم معاه طول فتره قعادي هنا 
فوزيه يا ريت يا بنتي تفضلي معانا وميحصلكيش زي الي حصل قبلك حاكم انا حبيتك قوي 
نوران برجاء ممكن يا طنط تعرفيني ايه الي حصل للبنات الي قبلي 
فوزيه انا اسفه يا بنتي بس انا مينفعش اتكلم 
نوران علشان خاطري يا طنط 
فوزيه انا يا بنتي زي زيك معنديش معلومات المعلومات كلها عند دولت ...يلا اسيبك انا اشوف الهبله الي معايا عملت ايه 
بعد أن خرجت فوزيه من الغرفه ظلت نوران تفكر في كلامها حتي غلبها النوم فهي حقا متعبه وتود النوم وبشده 
وفور أن أغلقت عينيها حتي احست بباب الغرفه وكأنه يفتح 
قفزت فوق السرير ودب الخۏف قلبها وفجأه عم السكون المكان 
انطلقت تجاه الباب وفتحته لكنها لم تجد أحد 
تنهدت طويلا ثم أغلقت الباب خلفها بالمفتاح وخلدت الي النوم 
أما بالجناح المجاور لغرفه نوران كانت تتحدث ناريمان بصرامه مع نبيل المرتبك 
ناريمان كنت بتعمل قدام الأوضة يا نبيل 
نبيل بإرتباك يا آنا ...انا لقيت الأوضة منورة وهي دايما بتبقي مقفوله فقولت اشوف مين جوة 
ناريمان ده علي اساس انك مش عارف ان البنت الي هتشتغل مرافقه ليا جت وإني خليت الأوضة دي ليها 
نبيل وانا كنت هعرف منين بس 
ناريمان وهي تنظر لعينيه بتحذير الي حصل لسوزان مش هيتكرر تاني يا نبيل ثم شددت علي حروف كلماتها التي تنطقها انا عيني عليك وبراقبك وخليت اوضت البنت جنبي علشان متفكرش مجرد تفكير انك تعيد الي عملته تاني ماشي
تهرب هو من نظراتها ثم أجاب بضيق ماشي بعد اذنك 
البارت الخامس
مساءا بعد أن استيقظت نوران وأبدلت ملابسها 
توجهت الي جناح ناريمان لتطرق طرقات خفيفه تدل علي رقتها 
دخلت بعد أن سمحت لها ناريمان بالدخول
_مساء الخير قالت نوران هذه الكلمات لتلك الجالسه بهدوء علي مقعدها
هزت ناريمان رأسها كرد علي تحيتها ده مش معاد الدوا بتاعي وبعدين انتي شغلك إبتداءا من بكره 
نوران عارفه بس مش كل العلاج بيبقي دوا في حجات تانيه 
ناريمان زي ايه!
نوران شويه تمارين بسيطه 
تضحك ناريمان بسخريه أنت جايه تهزري صح ..انا مبتحركش من علي الكرسي هعمل تمارين!
نوران لاء طبعا انا الي هعمل 
نظرت لها بإستغراب لثواني وكانت الأخري تقترب منها بتحفذ حتي أصبحت أمامها مباشرة 
وبدأت بتدليك أكتافها ويدها
ثواني وارتخي جسد ناريمان تحت لمسات نوران الحنونه 
تحدثت ناريمان بحنين تعرفي انتي فكرتيني بحركتك دي بواحده غاليه عليا الله يرحمها ..كنت بحبها جدا 
توقفت يد نوران عما كانت تفعله وشعرت بالربية لما أغلب من بالقصر قد ماټ 
وقفتي ليه
اكملت نوران فعلتها نزولا إلي رجلها وظلت تدلكها برقه وعندما انتهت نظرت لناريمان بتوتر وظلت تفرك يدها بإنتظار تعليقها 
شعرت ناريمان بالراحه لهذه الفتاه وكم اعجبها ما فعلته ولكنها لم تظهر ذلك بالطبع 
ناريمان انت كنتي بتعملي كده

لمامتك 
تذكرت نوران والدتها واخواتها أيوة ..حضرتك تؤمريني بحاجه تانيه 
_لاء
وعندما أصبحت نوران أمام الباب تحدثت ناريمان وقد تذكرت شئ انتي اكلتي حاجه من ساعه ماجيتي 
نوران انا كان معايا اكل جبته وانا جايه وأكلته 
ناريمان طيب اندهيلي زمرد 
نوران حاضر بعد اذنك ناريمان هانم
فور