رواية القصر الفصول الاولي
المحتويات
وعاوزك تطمني يا ماما الي حصل قبل كده مش هيحصل تاني ...وعشان تطمني اكتر انا وصيت بهلول لما نزل يجيب طلبات القصر أنه يجبلي دكتور بيطري لل احصنه مع البنت الي هتشتغل مرافقه ليكي من بكره
تتحدث ناريمان بتفجئ تاني يا كمال ...بردوا صممت وبعت تجيب بنت تاني
كمال لازم يا ماما واحده تبقي قاعده مرافقه معاكي وتشوف طلباتك وعلشان كمان لو بعد الشړ جاتلك غيبوبة السكر تبقي معاكي
ناريمان زمرد بنت بهلول مش مقصره وبتابعني كل فتره
كمال زمرد يا ماما حضرتك نسيتي المره الي فاتت لما جاتلك الغيبوبه زمرد كانت بتساعد مامتها في الأكل وانا مش مستعد نعيد التجربه دي تاني احنا لحقنا حضرتك بالعافيه والدكتور حذر أن الغيبوبه دي تجيلك تاني
مراد عمي عنده حق يا آنا
ناريمان يا حبيبي انا معنديش اعتراض بس انا بيصعب عليا البنات دي والي بيحصلهم خصوصا البنت الاخيره و...
لم تكمل كلامها ونظرت لدولت بحزن وانتقلت أنظارهم جميعا لها
وعندما رأت دولت نظراتهم المصوبه إليها انصرفت بهدوء بعد أن استأذنت من ناريمان
تذهب مرجان خلف والدتها
عثمان يا آنا مټخافيش احنا هنخلي بالنا منها ومش هنخليها تنام في اوض الخدم هنخليها في اوضه جنب الأوضه بتاعت حضرتك علشان تبقي جنبك وعلشان محدش يضايقها ثم ينظر لنبيل نظرات تطلق شرار
نظر له نبيل بإبتسامه إستفزاز
ناريمان ماشي انتم احرار بس لو البنت دي هي كمان جرالها حاجه انا هحملكم الذنب وتكمل موجهه حديثها لكمال وديني اوضتي يا كمال
كمال حاضر يا ماما
يقوم كمال بسحب الكرسي المخصص لها بإتجاهه
غرفتها
وينصرف كلا منهم إلي غرفته
انعام مين الي جه يا هاله
هاله احمد يا ماما
انعام طب كويس خليه يغير هدومه ويجي نتغدي علشان عاوزة اقولكم علي حاجه
وأثناء تناولهم الطعام ينظر احمد إلي نوران التي تحرك الطعام بملعقتها ولم تتناول الا لقيمات بسيطه
احمد مش بتاكلي ليه يا نوران ..ده انتي الي عامله الاكل وطعمه حلو كمان
تنظر له وقبل أن ترد تتحدث هاله بابا بعت جواب امبارح
يترك احمد الملعقه من يده وينظر لهاله بإنتظار إستكمال حديثها
تكمل هاله وهو تعبان اوي
احمد بضيق وازاي متقوليش
هاله انت جيت امبارح متأخر وجيت تعبان مردتش اقولك علشان متزعلش
احمد انتي غبيه يا هاله مفيش تفكير خالص ازاي حاجه زي دي معرفهاش
انعام اهدي يا احمد
احمد اهدي إزاي بس طب هو عامل ايه ومرجعش ليه
انعام وهي تنظر لنوران انا هتصرف وان شاء الله يرجع قريب
تقف شاردة الذهن وتأخذها الأفكار بعيدا كيف لها أن تعمل كخدامه وكيف لها أن تعيش بدون عائلتها نعم هي تعلم أنهم ليسوا عائلتها الاصليه ولكن هم من قامو بتربيتها ورعايتها حتي يومهم هذا
تري ماذا سيحدث لي عندما ارحل من منزلي
ولكن مهلا نوران أنه والدك من فعل المستحيل لكي تتعلمي رغم رفض والدتك هو من سافر الي بلد أخري فقط ليجلب لي ولإخوتي ما نحتاج فهل ابخل عليه بالمساعدة !
ظلت تفكر لمده طويله ولم تلاحظ وجود احمد بجوارها
نوران ايه ده انت هنا من أمتي
احمد كنت داخل انام فحسيت أن في هوا داخل من البلكونه فدخلت عشان اقفلها لقيتك واقفه ..وقفت مستنيكي لحد ما تخلصي سرحان بتفكري فيا وانا موجود وده ينفع بردو
نوران بإبتسامه جميله أظهرت غمازتها التي لا تظهر إلا عندما تبتسم لاء انا بفكر في بابا وحشني اوي وعاوزة اسمع صوته واطمن عليه
احمد بتنهيده ووحشني انا كمان ان شاء الله هحاول اوفر من مرتبي و اطلب سلفه من مديري في المستشفي
نوران يا خبر مش هينفع انت لسه تحت التدريب ومش بقالك كتير معاهم اكيد مش هيرضي يسلفك وحتي لو فكر عمره ما يسلفك مبلغ كبير زي ده
احمد عندك حق بس انا مقدرش ابقي عايش حياتي وباكل واشرب ومعرفش حاجه عن بابا انا كل ما بقرأ الجواب الي بعته بزعل اوي
وهنا وقد تذكرت نوران شيئا ما يخص هذا الجواب
احمد نوران انتي معايا
نوران اه معاك بس في حاجه كده جت في بالي
احمد ايه هي
نوران الجواب ده مش بخط بابا مش زي كل الجوابات الي كان بيبعتها
احمد بتركيز ازاي ما اخدتش بالي ممكن يكون خلي حد من صحابه الي معاه في الشغل يكتبه عشان هو مش قادر مثلا
نوران ممكن بس ده معناه ان....
يضرب احمد يده بالحائط المجاور له ويقول عارف معناه ان بابا تعبان اوي
نوران وبعد أن أدركت أن الحل بالفعل بيدها قررت أن تذهب لهذا القصر تحدثت مطمئنه إياه خلاص يا احمد مضايقش نفسك ان شاء الله هنلاقي حل
احمد أن شاء الله يلا عشان تنامي الوقت أتأخر
ظلت تنظر للسقف وتفكر بما هو اتي وألقت نظره للنائمه جانبها بعمق حتي انتي هتوحشيني يا هاله
قالت هذه الكلمات ونامت علي جنبها بهدوء محاولتا عدم تسبيب إزعاج فهذا السرير ذو العمدان العاليه يسبب ضجيجا من اقل حركه
البارت الثالث
لا تنسوا الصلاه علي النبي
صباحا عند نوران
نوران پبكاء نابع من القلب هتوحشوني اوي يا ماما انا لسه مش مصدقه اني هبعد عنكم كل المده دي وكمان هقعد مع ناس معرفهاش ومش عارفه ممكن يحصلي ايه هناك ده انا حتي مش عارفه هرجع امتي
انعام متعيطيش يا حبيبتي اكيد هتجي كل شهر وتقعدي معانا هي فتره يا حبيبتي ونستحملها مش انتي عاوزة بباكي يبقي كويس
نوران وهي تهز رأسها اكيد انا اصلا بعمل كده عشانه
انعام شاطره يا حبيبتي يلا بقا عشان منتأخرش علي بهلول
نوران وهي تجفف دموعها طب حتي أسلم علي هاله وأحمد
انعام مش هينفع يا نوران مش انا قولتلك مش عاوزة حد يعرف حاجه عن الموضوع ده غيري انا وانتي
نوران بقله حيله طب ليه يا ماما مش عوزاهم يعرفوا حتي اقول لهاله
انعام هاله يا حبيبتي مش بيتبل في بقها فوله وايه حاجه تسمعها بتقولها فأكيد هتروح تقول
لأحمد وأحمد مش هيرضي انك تروحي وساعتها مش هنبقي حلينا حاجه وابوكي مرمي في الغربه لا عارف يرتاح ولا ينام من التعب وحالته عماله تتدهور فهمتيني يا نوران
نوران ماشي ....طب وانا هطمن عليكم ازاي وهطمن علي بابا ازاي
انعام مټخافيش انا معايا رقم القصر كنت اخدته من بهلول وهبقي ارن عليكي من عند واحده جارتنا معاها تليفون ارضي واخليكي تكلمي ابوكي وأخواتك ويلا بقا قبل ما حد يصحي
أطلقت نوران تنهيده وظلت تنظر لأركان البيت وكأنها لن تراه مجددا
ربتت انعام علي كتفها
اخذت نوران شنطه احضرتها لها انعام وقد ملئتها بملابس وفطائر بيتيه وماء ...ف الطريق سيستغرق ما يقارب يومان
ظلت تلوح بيدها لأنعام وهي في الاوتوموبيل السيارات قديما حتي اختفت تماما عن مرمي بصرها حيث كان يسير السائق سريعا
وأثناء سيرهم توقف السائق ونزل بهلول
وبعد عده دقائق رجع ومعه رجل يبدو علي ملامحه الوقار والطيبه أيضا
حسنا إذا سيرافقني أحدا ما بما أن الطريق طويل فلن أتحدث مع السائق وبالطبع لن أتحدث مع هذا البهلول الذي ينظر لي نظرات لم استطيع تفسيرها اهي نظرات شفقه ام استحقار لا يهم سأتحدث مع هذا الرجل فهو يبدوا كبيرا وسيعتبرني مثل ابنته
مهلا بما سأتحدث فأنا فاشله كثيرا في فتح المواضيع خاصتا مع الاغراب
نوران بعد تفكير حضرتك رايح قصر التركماني بردو
الرجل بهدوء يشوبه بعض المرح طب مش نتعرف الاول
تبتسم نوران وتمد يدها له قائله انا نوران وحضرتك
الرجل وهو يسلم عليها دكتور عبد الرحمن
نوران اتشرفت بحضرتك
عبد الرحمن انا اكتر ايوة انا رايح القصر عشان اعالج الأحصنه بتاع عائله التركماني باشا
نوران هو ليه القصر اسمه كده اسمه غريب
عبد الرحمن ده طبيعي لان أصحاب القصر اتراك
نوران تشهق بتفجئ بجد يعني انا هروح اشتغل عند ناس اتراك بجد مش مصدقه
يبتسم عبد الرحمن علي برائتها مش بالضبط كده لان جدهم فخري بيه وجدتهم ناريمان هانم هما الي اتراك لكن ولادهم واحفادهم مصريين زي وزيك ...وانت بقا هتشتغلي ايه هناك
نوران هبقي مرافقه لجدتهم الي حضرتك لسه قايل اسمها نريمان
عبد الرحمن وانت ازاي اهلك يبعتوكي تشتغلي هناك رغم الي بيحصل في القصر
نريمان وقد شعرت بالخۏف ليه هو ايه الي بيحصل في القصر
فكر عبد الرحمن قليلا ثم قال اكيد هتعرفي كل حاجه لما توصلي
شعرت نوران بالضيق من حديثه لما لم يخبرها ما يحدث بالقصر يالله بدأت أشعر بالخۏف منه قبل ذهابي إليه
وضعت رأسي علي الشباك وقررت النوم فالمسافه بعيده جدا وماذا عساي أن أفعل غير ذلك
فهذا الرجل وبعد أن شعرت بالراحه تجاهه بدي لي طيبا قد أظهر عكس هذا بكلامه
هيا نوران كفاكي تفكير فلتنامي يا عزيزتي فرحلتك ستبدأ من الآن
صوت الطرق العالي علي باب الغرفه ما جعلها تستيقظ
فتحت باب الغرفه وذهبت الي سريرها إستكمالا لنومها ولكن استقامت علي السرير بفزع الذي أصدر ضجيجا عاليا بسبب حركتها العڼيفه عليه من صوت أخيها والتي أتت انعام علي صوته أيضا
انعام في ايه يا احمد بتزعق ليه
احمد نوران فين
هاله بقا عمال تخبط وترزع في الباب وتزعق بصوتك العالي ده عشان نوران
احمد لاء عشان في بهيمه نايمه بقالي ساعه بخبط علي الباب وحضرتك مش بتردي ثم مش هو ده موضوعي نوران فين
هاله هو انت بتدور علي طفله صغيره يعني ايه نوران فين
احمد يعني انا متعود لما اصحي من النوم القيها في المطبخ بتعملي الفطار عشان افطر قبل ما اروح الشغل لما صحيت النهارده ملقتهاش في المطبخ وخبطت علي الحمام مفيش رد دخلت ملقتش حد وقعدت اخبط علي أوضتكم انتي وهي وحضرتك نايمه ومش بتردي وهي حاليا مش موجوده
هاله هتكون راحت فين يعني تلقيها بتشتري حاجه من بره ولا حاجه
احمد لاء نوران عمرها ما نزلت اشترت حاجه بدري اوي كده ومحدش بيبقي فاتح في الوقت ده
انعام انا عارفه نوران فين
احمد وساكته كل ده يا ماما ..هي فين
انعام انا بعتها عن ستها علشان تعبانه تروح تزورها شهر كده وهتيجي
احمد نعم في حد يزور حد شهر بحاله بعدين مقولتليش ليه وازاي تخرج من البيت من غير علمي
انعام عادي يعني يا احمد وهي تستأذن منك ليه المهم ان انا موافقه
احمد ولما ستي تعبانه مبعتيش بنتك تروحلها
ليه وانت عارفه أن دي مش ست نوران الحقيقيه
انعام اولا يا حبيبي عشان اختك دي كسوله ومبتتحركش من مكانها هتخلي بالها من ستها ازاي وكمان يا حبيبي ستك هي الي طالبه نوران بلسانها علشان بتحبها بعدين انت مكبر الموضوع كده ليه هو شهر وجايه
احمد طب علي الاقل كنتي خليني اوصلها
انعام خفت عليك يا حبيبي لتتأخر علي الشغل ويلا جهزتلك الفطار
احمد مش هاكل حاجه انا ماشي سلام
انعام بعد أن انصرف طبعا مش بياكل الا من ايد الشحرورة بتاعته
هاله ماما ممكن
متابعة القراءة
