روايات قيدها بعشقه الفصول من التاسع للثاني عشر

بيده كوب من الماء المثلج خد اشرب ده وروق انت وشك قرب يجيب ڼار.
وضعه فارس بقوة على المنضدة فتناثرت المياه في كل مكان الټفت الى مالك بعصبية تصدق بالله انك بارد انت عاوز تجنني يا اخي مية ايه اللي اطفحها بقولك عاوز يتجوزها وامك موافقة .
زم مالك شفتيه بضيق رغم انك متستاهلش بسبب طولة لسانك بس هاقولك ان الموضوع ده في ايدي انا اولا وفي ايد يارا ثانيا بس في نقطة لو ماما قدرت تقنع يارا بيه يارا هتوافق عند فيك وامي ممكن تقنعها بالحتة دي انا عارف دماغ امي على ايه وانا لو يارا موافقة وانا مقدرتش اجيب في عيوب ف هاوافق.
صړخ فارس في وجهه قابضا على مقدمة قميصه ااااه انت عاوز تجنني فين الحل!.
أشار له مالك قائلا ببساطة فيك انت!.
لانت ملامح فارس لهدوء قائلا بابتسامة تصدق يا مالك انا عرفت هاقتل مين هاقتلك انت..
قال جملته الأخيرة پغضب فنهره مالك هاتفا بس بقى سيبني اتزفت واكمل كلامي يا زكي مفيش حاجة هاتم طول مانا مش موجود وانا غايب الفترة دي يبقى استغل انت الموقف قابله انت وعلمه الادب بس من تحت لتحت لغاية ما انا اعمل تحريات عليه واشوف اخرته ايه.
هتف فارس بضيق هاقابله ازاي وانا قايل قدامه اني خطيبها منظري هايبقى وحش أوي.
ابتسم مالك باستفزاز لا هو هايبقى عرة خالص.
لكزه فارس بذراعه قائلا بس يا بارد.
نهض مالك ليقول بمزاح والله انك انت اللي بارد ابقى بقدملك كل الحاجات دي وتقول عليا كده في الاخر انت المفروض تشكرني.
ضيق عيناه قائلا انت رايح على فين يا مالك.
اشار لاعلى برأسه فوق شقتي لندى.
هتف فارس بتوعد يمين الله ما هاتتحرك الا لما تفكر معايا في كل حاجة هي ندى طلعلتلي في البخت مش كفاية انك السبب في كل ده.
اشار على نفسه باستنكار انا!! ليه بقى انت جيت زمان تاخد رأي وانا قولتلك رأي بامانة وقولتلك لو مكانك كنت هاعمل كده.
عقد حاجبيه كالاطفال قائلا بحنق طب متمشيش بردوا.
جلس مالك مرة اخرى طيب قوم اعملنا اتنين قهوة .
فارس وقد استعاد جزء من هدوءه انت صح وانا اقول مالي مش متظبط ليه اتاريني عاوز اشرب قهوة ثواني وهاجيلك.
اتجه للمطبخ فقال مالك خد وقتك عاوزاها مظبوطة .
اجابه فارس من الداخل طيب.
مرت ثانية سمعه مالك بدء في اعدادها فنهض بخفة وهو يتسلل للخارج واغلق باب الشقة خلفه زافرا براحة هربت منه عيل مچنون بصحيح.
صعد لاعلى فوجد باب شقته مفتوحا على مصرعيه قطب مابين حاجبيه بقلق ثم دلف وهو ينادي عليها ندى!! ندى سايبة باب الشقة مفتوح ليه...
لم يأتيه رد تقدم بخطوات واسعة يبحث عنها في ارجاء الشقة لم يجدها الټفت حوله هامسا بتفكير والقلق بدء ينهش صدره ندى .
يتبع