رواية كيوبيد حب من 1 إلى 5

يارب تكونوا بخير ان شاء الله
محمد كلهم بخير وبيسلموا عليك وهما كلهم جمبي وامك عمالة تشد مني السماعة وعايزة تكلمك .
شريف هاتها يا بابا لانها وحشتني قوووووي
محمد اهي معاك
مامته وصوتها وهي بټعيط ازيك يا ابني عامل ايه وحشتني قووووي .
شريف لما سمع صوت امه حس برااااحة .
شريف ازيك يا امي وحشتيني جدااااا
مامته انت اكتر يا بني واخبار سارا ايه اوعى تزعلها يا بني
شريف قولي لسارة هى اللى ماتزعلنيش
مامته ربنا يحفظك يارب . هي مراتك فين ادهالي .
شريف ايه دا ياامي انت زهقتي مني ولا ايه
مامته لا يابني انا عمري ما ازهق منك ابدا انا الود ودي اني اكلمك كل ساعة بس علشان مازعجكش وانت قاعد مع عروستك ..فين مراتك بقى الغالية دي .
شريف وانا يا امي مش غالي ولا راحت علينا خلاص
مامته انت مالك النهاردة على كل كلمة تعلق عليها على فكرة غلاوت مراتك من
غلاوتك بالظبط .بس هي اكتر شوية ..ههههههه .
شريف ههههها ما شي يا ست الكل ما خلاص راحت علينا
سارا طول المكالمة وهي قاعدة جنب شريف في السياره وسامعة الكلام كله مع اهله . وكانت فرحانه ومكسوفه وسرحت بافكارها باللى كان امسى وشريف قطع سرحانها وهو بيقولها سارة كلمي 
شريف سارة رحتي فين . سرحانة في ايه
سارا ها لا ولا حاجة
شريف طيب ماما عايزة تكلمك
خدت منه التليفون وكلمت حمتها .
سارا ازيك يا ماما عاملة ايه وحشتيني
شريف هو مستغرب وبيتكلم في سره
ما كنتش اتوقع انها تنادي على امي بماما دى باين عليها طيبه وحنينه اوى 
مامته ازيك يا سارة . ازيك يا مرات ابني اخبارك ايه طمنيني عليكي انت مبسوطة .
سارا الحمد لله بخير يا ماما 
مامته وشريف عامل معاكي ايه مقصر معاكي في حاجة . لو مضايقك قوليلي بس وانا هاوريكي هاعمل فيه ايه
.
سارا لا يا ماما شريف دا مفيش منه ابدا
مش مقصر معايا بالعكس نفسه يعملي أي حاجة عشان يبسطني وانا مبسوطة اووووي . ما تقلقيش يا ماما .
مامته طيب الحمد لله يا بنتي وربنا يسعدكم ويهنيكم يارب ياراعايزة تكلمك يا سارة
يارا ازيك يا سارة عاملة ايه وحشتيني .
سارة ازيك يا يارا انتي اللي وحشتيني اووووي وانا الحمد لله بخير وانت عاملة ايه
يارا انا بخير المفروض اسألك على اخبارك انت
سارا انا تمام والحمد لله 
يارا اخبار شريف معاكي ايه 
سارا الحمدلله كويس
يارا رهف بتسلم عليكي وبتقولكم انها نجحت وطلعت الرابعه على الجمهوريه وكمان بتقولكم ما تزودوهاش وماتطولوش عندكم .وبتقولكم ما تنسوش حفلتها خلاص قربت .
ساره بجد قوليلها الف مبروك هو انتم هاتعملو حفله ليها
يارا ههههه ايه يابنتى هو الجواز نساكى ولا ايه مش الاوائل المدرسه بتعمل ليهم حفله
سارة معلش نسيت طب هايعملوها امتى .
يارا لسة المدرسة اخرتها شوية ..عشان البنات اللي مسافرين ترجع واللي مشغولة في التسجيل يكونوا خلصوا .
سارة طيب طمنيني نتيجة التنسيق ظهرت ولا لسة .
يارا لا لسة هي خلاص على اخرها ومړعوپة المهم انتي احكلي كل حاجة بالتفصيل ..
سارا هههههههه عايزة تفلسي شريف لما ارجع ان شاء الله
يارا هههههههه طبعا اكيد مشتقالك موووت ولا وعملتيها يا بنت عمي شوقي وسحرتي لاخويا .
احمر وش سارة من الكلمة دي 
وشريف حس ان يارا قالتلها حاجة عشان كدة وشها احمر.
سارا لمي نفسك يا يارا .. ويلا سلام بقى ..
يارا طيب يا ستي هنيالك النهاردة انت افراج بس اول ما توصلي مصر مش هاسيبك الا لما تحكيلي كل حاجة بالتفصيل .
سارا ان شاء الله مع السلامة
يارا ههههه مع السلامة وخلي بالك من نفسك
.
شريف ابتسم طبعا الرغي عمره ما يخلص اكيد ما خلصتوش رغي
سارا هههههه انا برغي برضه اصل يارا وحشتني اوووووي
شريف لا كدا انا هازعل واغير
سارا وشها احمر وسكتت
شريف يالا ياسارة احنا وصلنا
ونزلوا ودخلوا الهارودز بعد ما تسوقوا هناك وسارة اشترت هدايا لاخوها جمال ومراته وابنهم مهند واخوات شريفكانت الهدايا بسيطة وحلوة ..
بس شريف لاحظ انها ما اشترتش حاجة لنفسها .
شريف سارة ما اشترتيش ليه حاجة لنفسك
سارا مش لقيا حاجة مناسبة
شريف وهو بيفرجها على طقم حلو اووووي ايه رايك في دي هايطلع عليكي جنان 
سارا بس غالي اوووي يا شريف
شريف وهو رافع حاجب مايغلاش عليكى ياقمرى
وبعدين خير ربنا كتير والحمد لله .. يالا روحي شوفيه.
سارا استغربت اول مره يقولى ياقمرى الراجل دا ايه 
شريف ادى لسارة الطقم عشان تقيسه 
واستغربت سارة انه عرف مقاسها من غير ما يسألها وقاست سارة الطقم اللي طلعت يجننن فعلا عليها وكأنها متفصل عشانها 
شريف وهو معجب بيها لالالا انا مش قادر على كدا ايه العسل دا كله
سارا يعنى حلو
شريف انتى الاحلى اكيد
بعد ما خلصوا ..ذهبوا يتعشوا في المطعم اللي موجود في هارودز .بعدين طلعوا يتمشوا في شارع اكسفورد ..ودخلوا سليفريج مول .. واشتروا حاجات وهدايا من هناك لمعارفهم
وبعد كدا رجعوا للفندق تعبوا من كتر المشى والشرى وهم محملين بالاكياس مع انهم بعتوا الاكياس الي اشتروها من هارودز مع سواق الفندق.
سارا كان نفسها تكلم امها بس مش عارفة تقول شريف .
شريف وهو بيشوف الاكياس عايزين نشتري شنططين سفر عشان الحاجات دي كلها
سارا شريف..
شريف لف لها نعم
سارا اممم .. ممكن اكلم اهلي بقالي يومين ما كلمتهمش .
شريف طبعا ممكن .. وفي أي وقت عايزة تكلميهم خدي موبيلي واتصلي بيهم من غير ما تستأذينيني .
سارا والفرحة على وشها شكرا
شريف اداها الموبيل ودخل الغرفه
وسارة اتصلت باهلها بس كانت خاېفة ان ما فيش حد يرد عليها بس الحمد لله ردوا .
احمد الو
سارا ازيك ياحماده عامل ايه
احمد معقول الانسة سارة قصدي مدام سارة تنازلت وبتكلمنا .
سارا ههههههههحرام عليك يا احمد
وكمان انا بتكسف اطلب من شريف انى اكلمكم
احمد يالهوى انتى لسه بتتكسفى يابنتى دا خلاص بقه جوزك وكمان كويس اوى انك مش بتكلمينى مش ناقصين تكلمينا كل دقيقة انا ما صدقت انك سيبتي البيت من اول ما جيتي على الدنيا وانت سارقة حنان امي وابويا مني هههههههه .
سارا انا برضه اللي وخده حنانهم ولا انت يا دلوع العيلة طبعا ما انت ا خر العنقود .امال ماما وبابا فين وحشوني 
احمد انتي بتتصلي دلوقتي والكل نايم
سارا ليه الساعة لسة 11 عندكم
احمد 11 ايه الساعة 12ونص يا فالحة
لحظة اشوفلك ماما اعتقد اني سمعت صوتها .
وخرج احمد من اوضته ولقى امه رايحة اوضتها ومعاها كوباية مية
احمد بهزر مع مامته في بنت عايزاكي على التليفون .
ايه يا ولا انت مسطول ولا ايه ولا كنت بتحلم .
احمد هههههه انتي تعالي بس كلميها وهاتعرفي انك بتحبيها اوووي .
مامته يالهوى على جيل اليومين دول ماشي هات التليفون . الو .
سارة ازيك يا ماما عاملة ايه وحشتيني .
مامتها ازيك يا حبيبتي والله انت اكتر عاملة ايه يا ضنايا .. ايه الاخبار
سارة ها الحمد لله انتم وحشتونى اوى
مامتها طب الحمد لله والله انتى اكتر يا بنتي بس اوعي تقولي كدة يا بنتي انت
دلوقتي في عصمة راجل .. عشان جوزك ما يحسش انك مش عايزاه .. اسمعي كلام جوزك 
وطاعة جوزك واجبه يا بنتي ربنا امرنا بكدة ..ومهما قالك او عملك لازم تطيعه ماشي يا بنتي فاهماني .
سارا ايوة يا ماما فاهمة انتى كل شويه تقوليلى بس طمنيني على بابا عامل ايه واخواتي .
مامتها كلهم بخير والحمد لله 
سارا طيب ابقى سلميلى عليهم وعلى الواد مهند
مامتها حاضر يا بنتي حوصلها سلامك
.
سارة كان نفسي يا ماما اكلم اخواتي بس مكسوفة اطلب من شريف
مامتها مالهوش داعي يا بنتي انا هاطمنهم عليكي وبلاش تتقلي على جوزك في المصاريف .
سارا ماشى يا ماما انتى مش عايزه حاجه منى
مامتها عايزكى دايما بخير حبيبى
وسعيده
وعدى اليل وجه صباح يوم جديد
شريف وسارا نازلين من الفندق
ليذهبوا الى madme tussauds
متحف الشمع 
كان حلو اوووي وعجب سارة .. طول الوقت وهي بتتكلم مع شريف وبتحس براحة وهي معاه
تصرفات شريف اتغيرت اوووي معاملته احسن من الايام السابقه اللي فاتت كان بيتكلم معاها ويعلق .
في صوت جيه من وراى سارا 
سارا
لفتت سارا على الصوت عشان تعرف مين اللي كان بينادي عليها لقيت صحبتها مريم 
سارا مريييييم
قالت لشريف هاروح اسلم على صحبتي .
شريف طيب روحي وما تتأخريش وانا هاروح هناك
وذهبت لمريم وسلمت عليها مريم صحبة سارا من ثانوي وافترقوا بعد ما راحوا الجامعه
.وجالسوا يتكلموا ويعرفوا اخبار بعض 
مريم مين اللي معاكي دة ياسارة اعتقد انه مش اخوكي وكمان انا بشبه عليه
سارا حبت تهزر مع مريم دى اخو يارا .
.
مريم وهي مستغربة ورافعة حواجبها اه افتكرته وانتي بتعملي ايه معاه هنا ..
سارا هاكون بعمل ايه
مريم ولسة مستغربة وفتحت عنيها على الاخر 
اوعي تكوني عملتيها يا خااااااينة واتجوزتي .
سارا ههههههه ايوة 
مريم طب ليه ما قلتليش 
سارا الموضوع جيه بسرعة دى احنا بقالنا اسبوعين بس متجوزين .
مريم وهي تغمز يعنى انتى في شهر العسل..
سارا ههههههههتقدري تقولي كدة
مريم مبروووك الف مبروك ..والله انك فرحتيني يالا عشان ماخركيش 
شوفي عامل ازاي مش عارف يقف على بعضه وكل دقيقة ببص عليكي وكمان ايه دا امور اوى يابختك بيه ياست سارا
.
سارا ههههههه بت اتلمى
مريم انتي هاتقعدي لغاية امتى في لندن
سارا مش عارفة والله
مريم سارة دة رقم شقتنا اللي هنا ودة رقم موبيلي لما تلاقي نفسك فاضية وحبيب القلب سابك اتصلي بيا ونتفسح مع بعض 
سارا خلاص يالا فرصه سعيده..
ورجعت سارا لشريف..الي كان متضايق شوية..
شريف من دي
سارا دي مريم صحبتي انا ويارا من ايام ثانوي 
شريف اه افتكرتها انا زمان بعدتها عن يارا
سارا ليه هى مالها
شريف انت مش شايفاها ولا ايه من غير حجاب ومكياجها صارخ اوووي
سارا هي كدة واهلها فري خالص
شريف ايه فري دي دي غفلة وما يعرفوش ربنا دى مش حرية
سارا هي حرة انت زعلان ليه
شريف ماعلقش على كلامها وكملوا مشي بعد ما خلصوا من المتحف راحوا عالطول على الهايد بارك 
سارا تعالي نشوف ساعة بيج بن
شريف الجو حلو اوووي النهاردة وما كملش كلمته
الا بنزول المطر
.. والحمد لله ان شريف اللي كان عارف تقلبات الجو في لندن كان عامل حسابة وجايب شمسية ..
بس سارة ماكنش عندها واضطر انه يديها الشمسية بتاعته وهو واقف معاها تحت الشمسية طبعا كانت مغطيه جزء منه لانه كان حريص ان سارة تتغطى كلها
ورجعوا للفندق بسبب المطر 
سارا ياااه يا شريف انت اتبليت خالص
شريف وهو كان بيبص على هدومه اللي كانت مبلولة على الاخر لا عادي
سارا طيب غير هدومك بسرعة قبل ماتاخد
برد
شريف خاېفه عليا..
سارا اتكسفت ووشها احمروبكل غباء العالم لاء بس عشان لو تعبت انا اللي هالوص بيك .ومش هاعرف اتصرف في الغربة .
شريف هههههه قال وانا اللي كنت فاكرك انك خاېفة عليا .
سارا وبرضه خاېفه عليك وكمان مش هاعرف اعمل ايه حاجه ليك
شريف ههههههههه خلاص هاغير اه افرحي يالا خلاص مش هاتعب واخليكي تلوصي معايا
سارا ملعش حقك عليا اوعى تكون زعلت انا مش اقصد
شريف لا ولا يهمك المهم هاروح اغير بسرعه عشان بجد حاسس انى بردت
سارا هههههههه حاسس دا اكيد
شريف قرب من الدولاب ومش قادر يجيب ترنج
من شده البروده
سارا شريف روح انت الحمام انا مليت البانيو مايه دافه على بال ما اطلع ليك بيجامه
شريف نظر لها نظره حب ماشى
سارا 
طلعت له بيجامه وطلبت من الريسبشن مشروب دافىء
وبعد دقائق خرج شريف من الحمام ولباس ترنج
واتفاجه بسارا لبسه قميص لونه زهرى فاتح
وافقه امام المرايا بتسرح شعرها ومش واخده بالها منه انه خلفها
شريف سارا
سارا التفتت ليه احم نعم
شريف انتى حلوه اوووى وكمان حنينه
سارا احم طب تعالى عشان جبتلك مشروب دافىء
عشان تدفىء
شريف لا انا خالص مش حاسس بالبرد بعد ما شوفتك
سارا اتحرجت منه اووووى احم اللى المشروب هايبرد
شريف بيقرب منها انا بحبه بارد
وهنا اغلق الاباجوره