رواية كيوبيد حب من 1 إلى 5

7 ونص الصبح ودة طبعا بتوقيت القاهرة .
كان النور شوية طلع يعنى باقي حول ساعه ويوصلوا لندن بعد ما خلصوا الفطار وشالت المضيفه الاكل
حبت سارا تروح للحمام عشان تغسل وتظبط نفسها بعد النوم عشان
خلاص قربوا يوصلوا حاولت تفتح الحزام بس ما عرفتش وفضلت فتره تحاول
وما حبتش تسال شريف شريف شعر بيها وهي محتاسة ولف ليها ومن غير ما يتكلم ابدا
يعلق ..مد يده وفتح لها الحزام بكل سهوله رفع راسها وقام يشوف سارا الي كانت عنيها
علي ايده وهي تفتح الحزام ولاصقه فيها شريف بصلها كأنه اول مرة يشوفها في حياته لقى فيها الطفولة والبراءة وانها جميلة جدا حتى بالحجاب الي لابساه جمالها باين فيها برائه ورقه نادر ما تكون البنت تمتلكهاخدودها كانت حمرة من الاحراج 
بتتكسف مني وانا جوزها .بعد ما فتح الحزام شال أيده وقام عشان يخليها تعدي..مش لازم
تقوله وهو ما حبش يسالها وخلاها على راحتها.. وهو ما يعرفش هي رايحة فين بس مسألهاش علشان ما تتكسفش اكتر بس اكيد كانت عايزة تروح الحمام وكفاية احراج .. سارا وهي بتقوم لقيت ايد بتمسكها بتلف لقيت عبدالعزيز بيمسك ايديها بكل حنان 
شريف اتوضي علشان نصلي الفجر في الطيارة 
سارا حاضر .
ذهبت للحمام وبصت في المرايا .. حسيت انها متبهدلة على الاخر ايه الاحراج دة انا كنت قاعدة قدامه بالمنظر دة وبسرعة ظبطت نفسها وأتوضت عشان تصلي الفجر ولما رجعت مالقيتش شريف جالس مكانة معرفتش هو ذهب فين ..
المهم جلست فى مكانها وبعد دقايق رجع شريف ..
شريف على فكرة انا صليت روحي انت كمان عشان تصلي هناك في اخر الطيارة في مكان الصلاة
سارا اروح لوحدي 
شريف وهو يرفع حواجبه ما تخافيش ما حدش حيكلك .
هنا اتنرفزت وقالت في سرها .هو ما يعرفش اني عروسة جديدة والمفروض يكلمني بطريقة احسن من كدة شوية وقامت سارة وهي متنرفزة وراحت تصلي ولما رجعت
قام شريف عشان تدخل مكانها .
شريف تقبل الله
سارا منا ومنكم ان شاء الله 
وجالست في مكانها جاءت المضيفه بعربيه المشتريات لو كان فى احد يريد يشترى حاجة . قامت سارا اشترت أسوره عجبتها كانت مرة شافتها بالكتالوج .عشان تديها لميرنا هديه لانها عارفة ان ميرنا بټموت فى الاساور .
شريف مش عايزة حاجة تاني
سارا لا شكرا حشتريلهم من هناك
شريف ليه هي دي مش ليكي
سارا لاء دي ليارا لانها بتحب الاساور اوووي.
شريف شكلك كدة علاقتك بيارا قوية جدا 
سارا ايوة انا يارا اكتر من الاخوات
شريف كانوع من الهزار وازاي صابرة عليها دي رخمة جدا
سارا بصت له بصة على فكره هي مش رخمة
شريف ههههههههههه . ورهف مش صحبتكم اعتقد ان بينك وبينها سنة 
سارا انبسطت لان شريف بيتكلم معاها
سارا ايوة رهف معانا على طول بس انا ويارا اكتر لانها معايا في الجامعة وفي نفس تخصصي ومن ابتدائي واحنا مع بعض عمرنا ما افترقنا ..
شريف وايه هو تخصصك .
سارا وهي ترفع حاجب انت مش عارف تخصص اختك ايه .
وتقول في سرها واحد يخطب واحدة ومش عارف بتدرس ايه
شريف ما اعتقدش ان الحكاية مهمة علشان اعرف..
سارا وهي متنرفزة طيب لو هي مش مهم بتسأل ليه دلوقتي 
شريف بدا يعجب بيها من عصبيتها دلوقتي لازم اسأل على تخصص أختي لانه نفس تخصص مراتي ولا ايه
سارا اتحرجت دراستنا هندسه ..تصميم داخلي..
شريف حلو التخصص دة خصوصا للبنات
سارا ايوة مع انه صعب شوية ومحتاج لشغل كتير 
الكابتن قطع كلامهم وطلب من الركاب الاستعداد للهبوط لانهم دلوقتى فوق حدود مطار هيثرو وقال لهم ان الساعه دلوقتى السادسة صباحا بتوقيت جرينتش.
ولما بدات الطيارة بالهبوط رجع الخۏف لسارة مرة تانية . الهبوط غير الاقلاع بس الاثنين بيخوفوا
شريف حتى الهبوط پتخافي منه..
سارا ما ردتش عليه وعضت على شفايفها ولفت للشباك شريف هنا مد ايده ومسك ايد سارا الي جنبه وقربها منه وضغط عليها..سارا استغربت منه وبصت له..عينها كانت في عينه .سارا كانت بتفكر في الانسان الغامض اللى مرة ينرفزها ومرة يكون حنين ومره يحرجها ياترى انت مين يا شريف.
الحلقه الثالثه
شريف عمال يراقبها وينظر للاسئله اللى فى عينونها ..كانها بتسأله ..انت ايه بالنسبة ليا ..في الوقت دى تعهد شريف بينه وبين نفسه ان مهما كان يسعد الانسانه دي بس طبعا من غير حب ..الاحترام واداء الحقوق هو المطلوب
اما سارا هي ما تنكرش ان شريف مثال للشاب الوسيم بكل المقاييس واكيد البنات وصديقاتها بيحسدوها عليه بس شكله ابدا مش رومانسي ..من كلام يارا ورهف يمكن بس شريف لا اصلا هو مش حنين مع اخواته اومال هايعمل معايا انا ايه وعلاقته معاهم مش جامدة وخصوصا انه درس بعيد عنهم 7 سنين ياترى الانسان دة جوة قلبه في ايه يمكن يكون انسان مليان بالاحاسيسوأخواته مش عارفين الحكاية دي بس انا ما بحبهوش ودة مش حلمي ولا فارس احلامي..
شريف شعر بدوشه كتير وعرف انهم وصلوا ساب ايد سارا وفك ليها الحزام
سارا فاقت من السرحان اللي كانت فيه ومش عارفة هو ايه اللي حصل
الا لما فتح حزامه وبعدين فتح حزامها .
شريف سارة حمدالله على السلامة
وقام عشان ينزل الشنطه الي شايلها فوق وقامت سارا وهي لسة مكسوفة لانها ماحستش بهبوط الطياره ..وفي نفس الوقت بتشكرشريف على اللي عمله معاها ومراعاته لشعورها..
نزلوا من الطياره وبعد ماخلصوا اجراءات المطار شريف طلع موبيله عشان يطمن اهله بالوصول
شريف الووو..
سارة كانت بتسمع شريف وهو بيكلم اخته ويطمنها كان نفسها تكلم يارا وتقولها على اللي عمله شريف معاها وحنيته .. واتكسفت تقوله انها عايزة تكلم اهلها لان نسيت تعمل تليفونها تجوال .
شريف سارا مش عايزة تكلمي اهلك
سارا عادي ممكن اكلمهم يعني 
شريف ايوه اكيد طبعا عادي ..خذي.. الموبيل وكلميهم براحتك
وسابلها التليفون ورنت على اهلها بس ما حدش رد
سارا محدش بيرد
شريف يمكن نايمين
سارا بس امي بتقوم من بدري..
شريف خلاص ولا تقلقي انا حكلمهم في البيت حخليهم يطمنوهم
سارا بس انا عايزة اكلمهم
شريف خلاص لما نروح الفندق هانجرب تاني
وذهبوا ركبوا العربية اللي حاجزوها عشان يذهبوا الفندق ويرتاحوا
فى مكان تانى
يارا ماما شريف اتصل دلوقتي وقال انه وصل وبيطمنكم
ام عمر طب وليه ما خلتنيش اكلمه .
يارا كان مستعجل وتعبانين من السفر .
ام عمر ربنا يوفقهم ان شاء الله ويبعد عنهم كل سوء.
يارا ماما هوشريف حيسكن معانا هنا في البيت .
ام عمر ايوة ان شاء الله..
.
يارا ليه والفيلا اللي بابا بانيها له
ام عمر مش عارفة يمكن يأجرها لانه مش عايز يطلع من البيت .
يارا طب ليه
ام عمر وانا اش عارفني .. خليه يعمل اللي هو عايزه .
يارا بس ما فيش في البيت الا جناحين جناح ليكم وجناح لعمر اوعى يكون عايز ياخد جناح عمر .
ام عمر لاء طبعا اوضته كفاية واسعة وكبيرة
.
يارا وهي فاتحة عنيها ومذهولة بس اوضته ما فهاش حمام ايوة كبيرة بس ماتنفعش اوضة عرايس.
ام عمر وانتي مالك هو انتي اللي حتعدي فيها
يارا خلاص انتوا حرين انا ورهف حنوضبها ونخليها احلى اوضة .
ام عمر كويس ريحتوني .
يارا خلاص يا ماما ولا تضايقي نفسك انا ورهف هانشوف الموضوع دة
ام عمر هي فين اختك
يار راحت تنام . حتموت من التعب
ام عمر طيب اقوم بقى علشان اجهز الغدا.
يارا ماشي يا ماما طيب اروح بقى اريح انا كمان لاني تعبانة جدا مانمتش من امبارح .
وطلعت يارا وعدت على اوضة رهف ..الي جنب اوضتها
رهف كانت نايمة على السرير ووضعه الهاند فيرى فى اذونها وسرحانه فى اغنيه لعمرو دياب
وبتتكلم في سرها
ياترى احمد قال لسارة انه شافني .بس هو اصلا مايعرفش انا مين ايه الهبل بتاعى دا دا قلى ازيك يارهف يبقى عارفنى.. وأصلا ما اظنش عنده الجراءه انه يقولها الا عنده الجراءه ..هو جرئ جدا ..والا ماكانش قال اللي قاله..لو ان واحد غيره كان لف وشه لما لقاني من غير حجاب نزل على طول مش قعد يبص فيا بالطريقة دي ويكلمى كدا .
بس الحق يتقال هو وسيم جدا 
يارا اااااااااااااااااااااااايه انتى رحتى فين
رهف هاه ماانا قعدة اهو حروح فين يعني
يارا انا بحسبك نايمة وغرقانة في الاحلام اتاري الهانم سرحانة 
رهف ماردتش ولسة سرحانه 
يارا رهف حبيبتى مالك انتي مش عجباني من ساعة لماكنا في الفرح في حاجة حصلت 
رهف لا ما فيش حاجة و ايه اللي حيحصل يعني بس قلقانة انت عارفة النتيجة لسة ما ظهرتش ومش عارفة الجامعة حتقبلني ولا لاء .
يارا طيب ما تدخلي النت وتشوفي يمكن ظهرت .
رهف بعدين انا موصية اصحابي اول ما تظهر يبلغوني
يارا طيب انا حروح انام شوية لاني حاسة اني حيغمى عليا .
رهف وانا كمان
يارا اه صحيح يا رهف ماما قالتي اننا نرتب اوضة شريف وسارة
.
رهف ليه هم هايقعدوا معانا
يارا ايوة احلى حاجة ان سارة تبقى معانا هنا .
رهف بس ما اتعتقدش هاينبسطوا هنا طب بابا باني لشريف فيلا ليه مش حيسكن فيها .
يارا مش عارفة بس ماما بتقول انه يمكن ياجرها
رهف ياجرررررررها..ليه هومش محتاج فلوس..
يارا بقولك ايه انا مالي يسكن هنا يسكن برة هما حرين انا عايزة انام خلاص انا فصلت شحن .
وطلعت يارا وسابت الباب مفتوح
رهف يارا ..اقفلي الباااااااااااااااااب
يارا ههههههههههههه عندك رجلين قومي اقفليه انت
رهف ماشي يا رخمة
وقامت وهي متنرفزة وقفلت الباب جامد ..ياراذهبت لاوضتها وهي بتضحك على تصرفات اختها .
في الفور سيزون هوتيل بلندن ..وصلت السياره باللي فيها سارا وشريف بعد ما نزل الحمال الشنط .ودخلوا الريسبشن سجل شريف المعلومات المهمه وذهبوا فوق للجناح الي حاجزينهكان الجناح حلو جدا وفخم عباره عن غرفه نوم بسرير ملكي كبير تطلع على صاله فيها طاوله طعام باربع كراسي وكنب وتلفزيون ..وفيها كمان حمام كبييير ومجهز بكل وسائل الراحه..
بعد ما خلص الحمال وحط الشنط في الغرفه ..قال لهم انه هايبعت ليهم هاوس كيبر عشان ترتيب الشنط .. شريف اعطى له البقشيش وقفل الباب وراه
وقتها حست سارا بشعور غريب ..هو خليط من الرهبه والخۏف ..دي اول مرة تقعد مع شريف في مكان لوحدهم من غير اي حد . .يوم كتب الكتاب كان معاهم احمد اخوهاويوم الفرح كانت معهم يارا. وفي الطياره كانت مليانه ركابوفي العربية كان معاهم السواقبس دلوقتي هي معاه لوحدها .. فضلت واقفه ما تتحركش ..
شريف بعد ما قفل الباب دخل وقعد على الكنبة ..وقام يبص لسارا ..بعدين رفع حاجب بعد شافها ما بتحركش من مكانها ولا خطوه فحب انه يطمنهالانه حاسس باللي جواها من ړعب وخوف.
شريف سارا مش عايزة تكلمي اهلك