رواية عشقه من 21 الى 27

بحبك وبشكرك من كل قلبي!!
رد عليها ببرود
مجرد جواز على الورق مش أكتر ولا أقل وزي ما أتفقنا!. شوية وهنطلق!
طيب!!
قالتها وهي من جواها بتقسم إنها هتخليه يقع في حبها في كام يوم بس بصلها عمران وقال بضيق
مش هتيجي على بيتك يا. يا عروسة!
قال جملته الأخيرة بسخرية واضحة فإبتسمت وقالت بحب
أكيد يا حبيبي!
قام وقف وفتح الباب وقال بهدوء
أستاذ كارم أنا ومرااتي هنروح على بيتنا!!
بص كارم لروجين بضيق وقال
تمام!
مسك دراعها وأخدها وراه وهي بتبصله بعشق
فضل ماشي لحد ما وصلوا قدام الطريق ووقف عربية
أجرة وركبوا فيها.
عند حورية
روحت البيت بعد تعب في الشركة وأول ما دخلت شافت محمد اللي كان في الصالة شايل زين إبتسمت بحب وقفلت الباب وقربت منهم
السلام عليكم يا بابا
إبتسم محمد وقال بحنان
وعليكم السلام ورحمة الله وبركاته ياقلب بابا بص لمنظرها وقال بهدوء شكلك جاية تعبانة روحي نامي ياحبيبتي وماسة كده كده نايمة وأنا هدخل زين ينام جمبها.
إبتسمت حورية وقربت منه وطبعت بوسة على خده وقالت بإبتسامة
ربنا يخليك ليا يا حبيبي!!
إبتسملها محمد ف دخلت أوضتها وغيرت هدومها لهدوم مريحة وإترمت على السرير وفتحت موبايلها بحماس وهي بتقلب في سجل المكالمات ولكنها ملقتهوش إتصل بيها! إبتسامتها إختفت وقالت في نفسها
ممكن يكون عنده ظروف شغل! هتصل عليه أنا!
بدأت حورية تتصل عليه وفي نفس الوقت.. سمع عمران رنين تليفونه واللي كان مسجل باسمها إتوتر عمران وبص لروجين وقال بتحذير
وعهد الله لو عملتي صوت مش هيكفيني موتك!!
إستغربت روجين ولكنها هزت راسها بالموافقة
فتح عمران المكالمة وقال بحب
حوريتي عاملة ايه يا حبيبي وأخبار الأولاد ايه!
بصتله روجين بضيق ورجعت بصت من شباك العربية ودمعة من عيونها نزلت بدأ عمران يتكلم معاها لحد ما السواق وقف فإبتسم وقال
حبيبي معلش هقفل دلوقتي علشان وصلت البيت شوية وهكلمك
إبتسمت حورية وقالت بحب
ماشيهستناك لحد ما تخلص اللي وراك برغم من إني تعبانة شوية..
رد عليها عمران بقلق وهو بينزل من العربية
تعبانة مالك بس ايه اللي تاعبك!!
كانت لسه هتحكيله عن الشركة لكنها سكتت شوية وبعدها قالت بهدوء
متقلقش بس الأولاد غلبوني شوية..
إبتسم عمران وقال بحب
يعيشوا ويغلبوكي يا حبيبي هههه
ضحكت بخفة وأنهت المكالمة بصتله روجين وقالت بدموع
هو مش أنتوا إطلقتوا يا عمران ليه بتتكلموا مع بعض بالطريقة دي!! مفيش واحدة غالية تقبل على نفسها كده!!
بصلها عمران ومسكها من إيديها پعنف وسحبها وراه لحد ما دخلوا البوابة 
إياااكي!!! إياااكي سيرتها تتجاب على لسانك الۏسخ ده!! ولو هنتكلم على الرخص ف هو من طبعك أنت!! ولا نسيتي!
دمعت عيونها من قسوته وقالت بدموع
بس أنا بغير عليك يا عمران!! أنا أسفة!
بص عمران لعينيها بقسۏة وقال بسخرية وجعتها
غيرة غيرة ايه يا أم غيرة أنت!! أنا متجوزك شفقة!! وخدي في بالك إني قلبي ملكها هي وبس!! ومش هتيجي واحدة رخيصة شبهك تاخد مكانهاا!! أنت فاااهمة!!!!!
جسمها إترعش من صراخه فيها ف بصت لعيونه وبعدها بصت لشفايفه وقالت بإرتعاش
بس أنا.. أنا بحبك!!
بعد إيده عنها وقال بسخرية
حب ايه اللي أنت جاي تقول عليه! عموما بطلي كلامك ده ويلا نطلع ولو ابني إتكلم مش عايز صوتك!! أنا هرد عليه!!
هزت راسها بحزن وطلعت معاه
فتح عمران الباب وهو بينده على سليم اللي طلع من أوضته وقال وهو بيجري ناحيته
باابا!!! وحشتني أوي!!
ملس عمران على شعره وقال بحنان
قلب بابا أنت!
بعد سليم عنه وبص لروجين بإستغراب وقال
مين دي يا بابا!
بص عمران لروجين بنظرات تحذير وقال
الدادة. الدادة يا سليم!!
إتصدمت روجين وهي بتبصله وبتهز راسها بالنفي
ف بصلها بقسۏة علشان متتكلمش سكتت وحبست دموعها بالعافية بصلها سليم وقال بإبتسامة
إزيك!
إبتسمتله بۏجع وماردتش عليه شاورلها عمران على أوضة بمعنى إنها تدخل فيها هزت راسها بهدوء وراحت ناحية الأوضة
إبتسم عمران وقال بحنان
معلش يا حبيبي علشان هي مش متعودة علينا ف متوترة شوية لكنها لما تاخد على المكان هتحبها أوي!!
هز سليم راسه بتفهم فإبتسم عمران وميل عليه باس جبينه وقال بحنان
يلا يا حبيبي إدخل أوضتك!
مشي سليم من قدامه ف دخل عمران للأوضة اللي فيها روجين.. بصتله بحزن لما قعد جمبها وقالت
أنت ليه مش قولتله إني مراتك!
زفر بضيق وقام راح لدولاب وقال وهو بيقلع قميصه
قولتلك مليون مره إنها فترة وهنطلق!!
ماخدتش بالها من كلامه بل بصت على عضلات ضهره بإنبهار وقامت وقفت وقالت بإعجاب
هو أنت كنت بتروح چيم!
لفلها عمران وقال بهدوء
أيوة في مصر كنت بروح بس مش كتير أوي..
وقالت بإغواء
مش كتير ايه بس!!!
غمض عمران عينه ولكنه بعدها بهدوء وقال
مش هتنامي!
بصتله برغبة وملست على وشه وهتفت
تؤ تؤ
نفض إيديها بعيد عنه وراح ناحية السرير وقال
طب أنا هنام!!
إتنهدت بحزن وبصت على الدولاب وأخدت منه قميص مكان عمران وقالت
الواضح إن مفيش هنا لبس ليا ف هلبس قميصك!!
هز راسه بلامبالاة وطلع تليفونه وبدأ يتصل على حورية وبعد لحظات أتاه الرد إبتسم عمران وقال بحب
صوتك نعسان أوي عايزة تنامي ولا ايه
ردت عليه بضحك
شوية!!
إبتسم عمران وقال
نتكلم شوية بس علشان وحشاني وبعدها نامي يا حوريتي..
إبتسمت بخجل ولسه كانت هتتكلم بس عطست روجين بصوت عالي وبدلع مقصود.
غمض عمران عينه وهو بيلعنها وبيسبها في سره ف إتكلمت حورية پصدمة
ايه ده يا عمران!!! صووت مين دييي!!
الفصل السادس وعشرون
ايه ده يا عمران!!! صووت مين دييي!!
سكت وهو مش عارف يرد يقول ايه بص لروجين پ چحيمي وتوعد ف إتكلمت حورية تاني
عمران!! رد علييا!!
أخد عمران نفس عميق وقال بهدوء
التلفزيون يا حبيبي..
ردت بعدم تصديق
التلفزيون يعطس إزاي يعني!
نفخ بضيق وقال بكذب
أنا جبت خدااامة علشان سليم لأني لما بكون في الشغل مين اللي هيأكله ويهتم بيه وكانت جاية تقولي يعني إنها هتروح وتيجي الصبح وعطست ومكنتش عايز أقولك علشان متضايقيش
إبتسمت حورية وقالت بحنان
خلاص ماحصلش حاجة يا عمران أقفل بقى أنت وشوفها علشان تروح..
ماشي يا حبيبي تصبحي على خير
وأنت من أهل الخير.
قالت كلامها وأنهت المكالمة وحطت التليفون على الكوميدينو وغمضت عينيها بتعب.
أما عنده..
بص لروجين بغيظ وقال بأمر
تعالي يا روجين!!
قربت منه پخوف ووقفت قدامه شهقت بقوة لما شدها ف وقعت على السرير ميل عليها وقال پ
عملتي كده ليه ايييه هدفككك!! قولتلك أنا بحبها هي!!
بصت لعيونه وحاوطت وشه بإيديها وقالت بعشق
وأنا بحبك!!
قالتها وهو مش قادر يبعد أو حتى يقرب إبتسمت لما حست بكده 
هنا فاق لنفسه وبعدها عنه ولكنها مسكت دراعه وقالت بترجي
أرجوك يا عمران أنا محتاجاك أوي!!
سكت وهو مش عارف يعمل ايه هي حست بيه وملست على وشه وقالت بحنان
صدقني دي مش خېانة أنا مراتك! يعني حلالك.. أنا ليا حقوق عليك وأنت ليك حقوق عليا! ولو بعدت عني هتاخد ذنب!
قالت كلامها وقربت منه و.
في صباح يوم جديد على سماء مصر
فتحت عينيها على صوت المنبه قفلته وقامت بتكاسل..
دخلت الحمام أخدت شاور وخرجت إبتدت تلبس هدومها وطرحتها وبعد ما خلصت أخدت شنطتها وطلعت بره لقيت محمد بيحط الفطار على السفرة قربت منه وقالت بحنان
يا بابا مصحتنيش ليه أساعدك!
إبتسم ورد عليها
عادي يا حبيبتي دي حاجة بسيطة يلا إفطري قبل ما تنزلي شغلك!
هزت راسها بأسف وقالت
مش هقدر والله أنا يادوب ألحق أوصل في المعاد ويا
عالم المواصلات هتكون عاملة إزاي!! يلا يا حبيبي معلش بقى صحي ماسة علشان تاكل والببرونة اللي فيها لبن لزين في التلاجة جهزتها بعد صلاة الفجرة
إتنهد محمد وقال بإبتسامة بسيطة
ماشي يابنتي ربنا يوفقك.
إبتسمت وطلعت من باب الشقة وهي رايحة لشركة.
عند عمران
فتح عينه بتعب وأول ما وقعت عليه عينيه هي اللي كانت نايمة في حضنه لعڼ نفسه وضعفه في اللحظة دي وبدأ يزيحها بهدوء وقام دخل الحمام
بعد شوية 
خرج وهو بينشف شعره بالفوطة ولاقها صاحية وبتبصله بحب إتنهد بضيق وبدأ يروح ناحية الدولاب وطلع هدومه لكنه حس بيها بتحضنه من ضهره وهي بتقول
بحبك كتييير يا عمراني أتمنى ربنا مش يحرمني منك!
لفلها وقال ببرود وهو بيبعدها عنه
دي لحظة ضعف مني يا روجين أتمنى متتكررش تاني!
إبتسمت برقة وقالت
ليه بس يا حبيبي ياريت لو تتكرر على طول!
نفخ بضيق وقال وهو بيلبس تي شريت
خلاص مش عايز سيرة الموضوع ده تاني أقفليه وإعتبري مفيش حاجة حصلت!!
تعتبر مفيش حاجة حصلت طب إزاي! إزاي وهي بتحفر الذاكرة دي في دماغها بكل تفاصيلها! إزاي هتقدر تنسى قربه منها! إزاي أصلا هتنسى نظراته العاشقة ليها بالرغم من إنها عارفة كويس إنه متخيلها واحدة تانية!!
قالت الكلام ده في دماغها وبعدها بصتله وقالت بتنهيدة
طيب ممكن نطلع نتجول بره أنا وأنت شوية
رد عليها وهو بيتفحص هيئتها
نتجول بمنظرك ده! أنت مهما كان مراتي وحتى ولو إتفاق!! ومعتش ينفع حد يشوفك وأنت  بلبسك اللي كنتي بتلبسيه!!
حقيقي أشد أنواع الصدمة ماتوصفش اللي كانت حاسة بيها بيغير عليها! أو يمكن هي بتتوهم!
بلعت ريقها وقالت بلمعة سعادة واضحة في عيونها الخضرا
بت بتغير عليا يا عمران!
زفر بضيق وهتف
أغير عليكي أنت مچنونة ولا ايه! كل الحكاية إني مابحبش حد يكون قريب مني أو يخصني يمشي في الشارع بالبس ده! كمل وهو بيملس على شعرها وبلاش دماغك تتخيل حاجات مش موجودة بالمره!
بعد عنها ف بصتله بحزن وقالت
فرصة واحدة بس!
ولا واحدة ولا نص لو عايزة تخرجي ف إتفضلي البسي اي حاجة من هدومي وهننزل نجيبلك هدوم يلا!
قال كلامه ببرود وهو بيسرح شعره ف إتنهدت روجين بحزن وبدأت تنقي حاجة من هدومه وبعد ما خلصت لبس لفتله وقالت
أهو أنا مش عارفة ايه دي بس هي محتشمة زيادة عن اللزوم!
ضحك ضحكة رجولية بصوت عالي ولكنها مفهمتش هو بيضحك على ايه بصتله برفعة حاجب وقالت بإستغراب
ايه المضحك من اللي قولته!
قرب منها خطوات بسيطة وقال بضحك
دي جلابية يا ماما!! جلابيية!!
عقدت حواجبها بعدم فهم ف إتنهد ومسكها ولفها قدام المرايا وقال بهدوء
دي جلابية مخصصة للرجال بس يا روجي وأنا أصلا جسمي أكبر منك ف حتى ولو كانت شكلها حلوة بس وحشة عليكي مبيناكي سوري يعني شحاتة!
مركزتش في ولا كلمة هو قالها ركزت بس مع روجي
بيدلعها هي! لفتله وبصت لعيونه وقالت بفرحة
أنت قولت ايه
بصلها بإستفسار ف همست بهيام
أنت قولت روجي مش كده يارووحي أنت بتدلعني!!
لا والله الفكرة بس إن اسمك يجبلي جلطة وأنا بنطقه وبحسه طويل ف سهلت على نفسي!
قالها وهو بيتابع تغيرات ملامحها لصدمة وبعدها الحزن إتنهدت بعمق وقالت
خلاص مش عايزة أطلع أنا عاوزاك جمبي!
إتكلم بنفاذ صبر وهو رايح ناحية الباب
اللي هنعيده هنزيده ولا ايه!!!
إنتفض جسمها لما رزع الباب وراه پعنف
راحت قعدت على السرير وفركت إيديها وهي بتنوي على خطة معينة
بمرور الوقت في مصر
دخلت الكافية وهي بتدور عليه بعينيها لكنها ملقتهوش.. كانت لسه هتمشي بس أول ما لفت لقيته في وشها شهقت بفزع وقالت
بسم الله الرحمن الرحيم!
إبتسم
جلال وقال