رواية عاشقها من 13-22

عنها من طريقته ولفت وشها علشان ميخدش باله . بس هو انتبه من ابتسمتها
رحيم بس انت بتتكلم مصري كويس
عمر اه ما انت اتعلمت اتكلمت مصري . وعربي علشان اقرا قرآن الكريم . انا حافظ القرآن الكريم 
بسمه لفت راسها ليه اما قال الكلمه دي. دي هديتها اللي كمال طلبها من توماس
عمر بصلها بحب والله حفظته . وكمان بالتفسير ولسه راجع من العمره . واه حافظ احاديث كتير عن الرسول الكريم. صلي الله عليه وسلم
بسمه ورحيم عليه الصلاه والسلم
رحيم شايف بسمه وهي عينها بتلمع ووشها مبتسم
رحيم طيب كويس انك جيت من السفر علشان تحضر خطوبتنا انا وبسمه
بسمه بصتله اوي . وعمر شعر بنغزه في قلبه من الكلمه .
عمر اهدا . اهدا. متتعصبش .
جز علي اسنانه و بص لبسمه وكشر مستني تنفي الكلام . بس هي سكتت علشان ترد كرامتها .
عمر هتتخطبي .
بسمه بصت لرحيم وقامت وقفت ميعاد استراحتي خلصت انا راجعله لاوضه الكشف
مشيت بسمه . ورحيم قعد شويه مع عمر اللي كان ساكت ومضايق منها . محاولتش تنكر . 
رحيم سلم عليه ومشي . وهو قام سال علي عيادتها وطلع
عمر خبط ودخل وهي كانت متوقعه انه هيرجعلها 
عمر قفل الباب بقوه ووقف قدامها وهو بيبص جواه عينها
بسمه اتوترت من نظراته في ايه عايز ايه
عمر عايزك .
بسمه وانا مش عايزاك . انت فاكر بعد ٣سنين هتيجي . اكون انا قاعده منتظره جنابك
عمر طيب مش الاول تعرفي ايه سبب الغياب .
بسمه لفت وعطته ضهرها .. عمر اسمعيني
بسمه پغضب لا . اتفضل اخرج من هنا ومن حياتي .
عمر بغيظ اخرج من حياتك . هو انا اصلا في حياتك. انتي مش مخطوبه ل رحيم . ماشي يا بس مه
خرج من عندها وهو مضايق ومش طايق نفسه
قرب من الاستعلامات وسال علي رقم صاحب المستشفي . خده وخرج من المستشفي زي العاصفه
وليد السواق كان قاعد في العربيه مستنيه .
عمر ركب بسرعه العربيه وهو متعصب
ووليد مالك يا باشا كنت داخل مبسوط. مضايق ليه كده 
عمر مخڼوق وهطق .
وليد تعال انا هوديك مكان يناسيك همومك 
عمر ماشي
وليد خده علي الحسين انزل يا باشا . المكان هنا هيعجبك . انت جيت هنا قبل كده
عمر لا اول مره في مصر
وليد تعال نشرب حاجه علي القهوه يكون العصر أذن وندخل نصلي في المسجد هترتاح اوي
عمر قعد مع وليد السواق علي القهوه بس عقله وقلبه مع بسمه الجديده العنيده والمتكبره. 
عمر اتنهد وهو سرحان قد ايه اتغيرت كانت الاول رقيقه وسهل انه يتعامل معاها. دلوقتي بقت صعبه وعنيده . 
بس هو مش هيستسلم اصله محاربش الدنيا كلها وجه من اخر الدنيا علشان يستسلم وتضيع منه في الاخر
عمر ماشي يا بسمه انا هوريكي مين عمر . انسي خالص توم اللي كان بيعشقك ومچنون بيكي .وبيتذلل علشان ابتسامه منك. انتي بقي هتشوفي عمر اللي مبيركعش وله بيتذل غير لربنا بس

الفصل الثاني والعشرون. 
اللهم صلي وسلم علي نبينا محمد
بسمه قاعده في المستشفي وهي مش طاقه نفسها . حرب جواها عقلها بيحارب قلبها
عقلها فاكر انه اما يرجع بعد ٣ سنين هخده بالحضن ونتجوز . وله مره في الفتره دي فكر انه يتصل بيا وله يطمني عليه. 
قلبها هو كان يعرف رقمك منين وبعدين انتي مش اتديلو فرصه يبرر غيابه
دينا خبطت ودخلت وهي سرحانه وبتتخانق مع نفسها
دينا استر يارب . مالك يا بسبوس
بسمه مردتش . دينا بت في ايه
بسمه مفيش . انتي عايزه ايه
دينا لا في . مټعصبه كده ليه. هو رحيم كلمك تاني في موضوع الجواز
بسمه افتكرت كلام رحيم لتوماس غبي الله يخربيته 
دينا عمل ايه
بسمه امشي من هنا يا دينا . انا مش طايقه نفسي اصلا 
دينا طيب اهدي وفهميني
بسمه قامت وقفت وجمعت حجتها ومشيت من المستشفي ركبت العربيه وفضلت تلف بيها وهي مخنوقه . بعد كده نزلت علي كافيه بتحب تقعد فيه .
بسمه سرحانه في توماسانا مش هضعف تاني ليه وله هفكر فيه وله في حبه انا معنديش ثقه فيه اصلا ممكن يختفي تاني في اي لحظه و ايه حكايه عمر دي. اه هو كان واحشني اووي . بس لا مش هضعف . هو صح ممكن يشتري المستشفي. لا لا لا . اكيد بيكدب علشان كان عايز يعصبني . هو هيشتريها اصلا منين . وله شكله رجع تاني للماڤيا . اووف انا اصلا بفكر فيه ليه. هو ميهمنيش صفحه واتقفلت . اه. كده صح 
انا طردته وهو مشي واكيد مش هيقرب مني تاني . 
بس هو ممكن يبعد ويسافر تاني . 
ما يعمل اللي يعمله انا اصلا هضايق نفسي ليه
الجرسون واقف قدمها يا دكتوره. يا دكتوووره 
بسمه ايه في ايه
الجرسون الكابتشينو بتاع حضرتك .
بسمه شكرا يا سعيد .
الجرسون العفو يا فندم
بسمه نفخت في ڠضب اطلع من مخي بقي . انا ماصدقت كملت حياتي
عند توماس و وليد كانو قاعدين في مسجد الحسين بيصلو 
بعد اما انتهي من الصلاه قعد علي جنب بيراقب الناس
وليد قعد جنبه عامل ايه . لسه متعصب
عمر الحمد لله . إلا بذكر الله تطمن القلوب
وليد ونعم بالله . هو ممكن اسألك سؤال .
عمر ابتسم اسال مع اني عارف انت هتسال علي ايه 
مختار ضحك اصل المصرين حشرين
عمر اتنهد اه. عادي
وليد انت روحت المستفي لمين وكنت مضايق كده ليه
عمر روحت المستشفي لحبيبتي اتعرفت عليها في فرنسا وحبيتها وطلبت ايديها من ابوها وهو وافق واتفقنا اسافر معاهم واشتغل هنا . وبعدين حصلت مشكله ومعرفتش ارجع معاها مصر واشتغلت هناك. ورجعتلها . عرفت انها هتتخطب
وليد يعني متخطبتش لسه .
عمر لا . لسه
وليد طيب كويس عندك فرصه وانت كنت خطبها 
بناء على حديث الرسول صلى الله عليه وسلم لا يخطب أحدكم على خطبة أخيه
عمر بفرحه صح. يا الله . الحمد لله .
وليد ضحك انت بتحبها اوي كده . يا بختها
عمر حط ايده علي قلبه بحبها بس . ده انا بتنفس حبها . سبحانه اللي كان مصبرني علي فراقها
وليد ربنا يجمع بينكم علي خير يا بني انت تستحق الخير 
عمر يااارب .. انا جعان . مفيش مكان هنا ناكل فيه
وليد في طبعا . تعال معايا وانا هفسحك ايه فسحه حلوه
عمر جزاك الله خيرا. انت ريحت قلبي
وليد ربنا يسعد قلبك يا بني 
عمر يارب معاها ان شاء الله
خرجو من الجامع واتغدو في مطعم. وعمر اتصل بصاحب المستشفي واتفق معاه انه يشتري المستشفي باكتر من حقها باسرع وقت .
صاحب المستشفي انت مستعجل ليه
عمر انا رجل اعمال وجي هنا استثمر فلوسي مش بحب اضيع وقتي . موافق علي العرض وله لا
صاحب المستشفي موافق. انا هكلم المحامي وارد عليك علي الميعاد
عمر تمام . بس يكون في اسرع وقت
صاحب المستشفي ماشي
قفل عمر مع الراجل وبص لمختار كتير . 
عمر تعرف محامي كويس
وليد اعرف يا بني . محامي كويس اوي وشاطر
عمر اتصل بيه وخليه يجي هنا . او احنا نروح نقابله في مكتبه
وليد اتصل بالمحامي اسعد المر .. واتفق معاه انه هينتظرهم في مكتبه . قام عمر مع وليد وراح مكتب المحامي واتعرف عليه .
عمر انا هشتري مستشفي ال .. وعايزك تخلص الورق مع محامي التاني باسرع وقت . وياريت تقبل تكون المحامي بتاعي 
اسعد المحامي طبعا يا فندم اكون سعيد بالتعامل معاك . ممكن بطاقه حضرتك
عمر انا معايا الباسبور ..
طلع عمر الباسبور لاسعد . بص فيه المحامي . 
المحامي انت فرنسي
عمر اه . فيها مشكله
المحامي لا . انا استغربت بس علشان بتتكلم مصري كويس 
عمر ابتسم اه اتعلمت
صاحب المستشفي رجع اتصل بعمر وحدد معاه مقابله علشان يخلصو الاورق
بسمه رجعت البيت . سلمت علي بابها ودخلت غيرت ونامت من كتر التعب والتفكير ..
عمر كمان رجع الفندق ونام. وهو مرتاح
بعد اسبوع
كان عمر اشتري المستشفي . دخل المستشفي بكل فخر و اتعرف علي الموظفين والادريين والمحاسبين وطلب اجتمع مع الدكاتره
الدكاتره اتجمعو ومش فاهمين ايه سبب الاجتماع إلا اما دخل عمر. وهو لابس البدله وكان شيك جدا. وده شد انتباه الدكاتره ليه. راح قعد علي كرسي وابتدي يتكلم
بسمه اول اما شافته تنحت ووشها اتغير . افتكرت انه مشي زي ما قالتله . لا ده رجع واشتري المستشفي . طريقته بتقول كده داخل بثقه اوي
عمر عينه عليها ووشه عليه ابتسامه انتصار .
عمر احب اعرفكم بنفسي انا عمر مختار المالك الجديد للمستشفي . في شويه قوانين كده هنغيرها ولو حد عنده اعتراض يقول . 
اولا ..مواعيد العمل بتاعتكم هتتغير . 
ثانيا .. يوم الجمعه هيكون في كشف مجاني للفقراء . 
ثالثا .. دكتورة بسمه هتكون مسؤله معايا علي اداره المستشفي 
بسمه برقت پصدمه ولسه هتتكلم 
عمر اتكلم لاني معرفش حد هنا غيرك. ومش بثق في حد غيرك 
الدكاتره بصولها اوي . وهي اتكسفت 
بسمه بس 
عمر شاور بايده بعدين . بعدين 
دينا قربت من ودنها انتي تعرفيه منين الواد ابو عين زرقه ده 
بسمه خبطتها في رجلها علشان تسكت لان عمر متابعهم بعينه
رحيم دي مستشفي اسثماري .ازاي هتعمل فيها يوم كشف مجانا للفقراء 
عمر رفع حاجبه وبصله اووي وانت معترض انه يكون مجاني 
رحيم اه طبعا معترض 
عمر بص لبسمه بنظره هو ده اختيارك .. ابتسم ربع ابتسامه 
ورجع بص لرحيم 
عمر دكتور رحيم اليوم ده اجرك مش هينقص منه حاجه . وبعدين دي اسمها تجاره مع الله. ثواب ياعم. انا متحمل كل الخساير . ولو الحالات زادت عليك هزود اجرك
رحيم اتكسف وسكت
دكتوره اتكلمت واسمها سمر سمر انا دكتوره سمر دكتوره مخ واعصاب . بصراحه تفكير حضرتك عجبني. بتفكر بره الصندوق .
بسمه رفعت حاجبها ليها بغيظ ورجعت بصت لعمر اللي ضحك علي حركتها .
عمر شكرا. يا دكتورة 
دينا اتكلمت انا دكتوره دينا. حضرتك قولت انك هتغير مواعيد العمل 
عمر اه . بس مش هيكون فيها مشكله. انا هظبط المواعيد مع بس. قصدي دكتورة بسمه . ومش هيكون فيها مشاكل وله ضرر لحد. 
ككل المهم عندي دلوقتي انك تشتغل وتراعو ربنا في المړضي وتنسو خالص موضوع انكم في مستشفي استثماري . المهم عندي سلامه المړيض 
الاجتماع خلص . كل واحد علي مكانه ...
وقفو كلهم . وقربو سلمو عليه وكل اللي يسلم يخرج 
قربت سمر بدلع وكانت ماخره نفسها لحد اما الكل خرج ما عدا بسمه . لان عمره
شاورها تقعد. سمر وقفت قدامه ومدت ايديها لعمر
عمر اسف مش بسلم بايدي علي النساء
بسمه فرحت اووي وابتسمت جدا من تغير توماس .
سمر برغم كسفتها الا انها ابتسمت مش بقولك تفكيرك عجبني علي العموم .هنتقابل كتير . واه ريحه البرفيوم بتاعتك تجنن
عمر مش مركز معاها هو عينه علي بسمه اللي قاعده متابعه الحديث والغيره باينه عليها
عمر شكرا .
بسمه قربت علشان سمر تخلص وتمشي تو.. قصدي مستر عمر . ممكن تقولي كنت عايز تتكلم في ايه
عمر قعد علي الكرسي وشاورها تقعد علي كرسي قريب وفتح ملف فيه ورق معاه
سمر عن اذنك انا . سلام 
عمر شاورها براسه وهي خرجت . بسمه غبيه
ضحك اوي انتي بتشتميها ليه 
بسمه عادي مزاجي كده عندك اعتراض 
عمر اه عندي . يهمني العلاقه بين الدكاتره تكون طيبه زيك كده انتي والدكتور رحيم 
بسمه هه. مفيش حد زي انا ورحيم 
عمر يحرقكم
بسمه نعممم. بتقول ايه 
عمر انتي هتفضلي مټعصبه كتير كده . اقعدي علشان نتكلم في الشغل 
بسمه انت اصلا اشمعانه اخترتني انا ليه. ما في كذا حد ممكن يسعدك 
عمر والله مش انا اللي اخترت
بسمه مين اللي اخترني
عمر ده. هو اللي اختارك شاور علي قلبه
بسمه وشها احمر وعينه ااتجمعت فيها الدموع بۏجع وبصتله بعتاب 
عمر بس لو تديني فرصه افهمك
بسمه دموعها هتبتدي ټخونها قدامه . قامت وقفت وخرجت من المكتب قبل ما تضعف قدامه
عمر شد علي شعره بقوه يارب الصبر من عندك