رواية عاشقها من 13-22

إله إلا انت سبحانك إني كنت من الظالمين
بعد مرور٣سنوات
بسمه دينا .. فين القمر بتاعي 
دينا في الاوضه جننت عمو كمال من كتر العياط
بسمه جني تعمل اللي هي عايزاه . دي حبيبه قلب عمتو 
.جني عندها ٥شهور بسمه بتحبها جدا ومرتبطه بيها اوي .
كمال بسمه . انقذيني من بنت اخوكي دي
بسمه دي عسوله يا بابا . تعالي حبيبه عمتو . قمر ياناس 
كمال عقبال اما نشوف ولادك 
بسمه ان شاء الله
كمال ان شاء الله . اما توافقي علي العرسان وله هتفضلي طول عمرك كده لوحدك
بسمه يا بابا انا مش شايفه واحد مناسب 
كمال انتي ادي لنفسك فرصه . رحيم اتصل بيا كذا مره ومستني ردك
بسمه بابا لو سمحت متضغطش عليا
كمال نفسي افرح بيكي يا بنتي . اللي قدك اتجوزو وخلفو انتي لسه عايشه في الماضي.. مش هيرجع ٣ سنين ومفيش اي اخبار عنه
بسمه الكلمه وجعتها بس سكتت حاضر يا بابا . انت عايز ادي لرحيم فرصه .حاضر .
كمال اتصل بيه اقوله انك موافقه
بسمه لا . انا قولت هديلو فرصه . سبني اتكلم معاه الاول
كمال يابنتي رحيم دكتور في المستشفي اللي انتي شغاله فيها وسنه مناسب عنده ٣٠سنه . محترم وفي نفس مكانتك 
واكيد انتي بتتكلمي معاه كل يوم
بسمه لا يا بابا مش بتكلم معاه هو دكتور باطنه وانا اطفال مش بنتكلم 
كمال ماشي يا بنتي . انا خاېف عليكي. نفسي افرح بيكي واشوف عيالك قبل اما اموت 
بسمه حضنته ربنا يديلك طولت العمر يا حبيبي .
اتجمعو كلهم وقعدو يتغدو مع بعض ..
في السعوديه كان محمد وعمر بيعملو عمره مع بعض
محمد عمر انا خلصت اجراءت السفر لمصر 
عمر اتنهد اخيرا . سبحان الله اللي صبرني كل ده 
محمد هترجع للحبايب 
عمر اه من الحبايب .
محمد ايه يا شيخ عمر 
عمر ضحك وانت مش هترجع لمراتك. 
محمد رجعلها يا عم فرنسا. انا قولتلها تيجي تعمل عمره معايا بس هي اللي رفضت 
عمر هتيجي ازاي وهي حامل كده . 
محمد شهر وهتولد. المهم انت عارف عنوانهم في مصر 
عمر اه . متنساش اني خدت نسخه من عقد ايجار الشقه اللي كان ماجرها في فرنسا . وفيها رقم الباسبور . عملت بحث في المطار وعرفت عنوانه في مصر
محمد ربنا يريح قلبك ويفرحك يا توم 
عمر ضحك يا عم انسي توم . ما انا بقولك محمد ونسيت مارتن اصلا 
محمد يلا ننزل نصلي المغرب 
عمر يلا
نزل عمر مع محمد وصلو في الحرم صلاه المغرب وقعدو يقراو قرآن لحد اما صلو العشا
طلعو ونامو وصحيو تاني يوم. 
محمد عمر خلي بالك من نفسك وطمني عليك علي طول بالتليفون اما اتصل رد عليا 
عمر حضنه حاضر يا محمد . انت سلم علي الشيخ . 
محمد حمايا العزيز. 
عمر ضحك يلا يا عم سافر لمراتك مني واول اما تولد تتصل تقولي 
محمد هتولد و تشد حيالها وهجبها وننزل مصر نعيش مع بعض 
عمر ان شاء الله . في حفظ الله
طلع محمد او مارتن الطائره ورجع لفرنسا علشان مراته قربت تولد ولاول مره يسيب توماس او عمر لوحده
عمر رجع الفندق وهو بيفكر في حبه هيقابلها ازاي . كان فرحان جدا . اخيرا هيشوفها بعد ٣سنين . بيفكر في ملامحها اتغيرت . هتفتكره وله لا . قلبه بيدق پعنف
عمر اكيد هتفرح اني حفظت القرآن الكريم وربنا كرمني في شغلي ووسع رزقي . سبت كل ده علشانها هي. هستقر في مصر وهنعيش في سلام . اكيد هتستغرب اني غيرت اسمي . بس كده احلي اسم جديد مسلم وبدايه جديده .
وقت معاد رحلته . خد الشنط وركب الطياره . عمر مش مصدق انه خلاص قرب يحقق حلمه الوحيد هيشوفها اخيرا . قاعد متوتر كل شويه يبص في ساعه . حاسس ان الوقت بيمر بالبطئ . مش قادر يمنع نفسه من التفكير فيها
وصلت الطياره لمطار القاهره نزل وهو قلبه بيدق بسرعه ووشه مرسوم عليه الضحكه
الظابط عمر مختار . حضرتك فرنسي وله عربي 
عمر مسلم فرنسي 
الظابط انت شغال ظابط
عمر كنت ظابط في الشرطه الفرنسيه . لكن دلوقتي لا 
الظابط سبب الزياره ايه
عمر ابتسم وفي سره هيقول علشان بيل حبيبته 
عمر زياره صديق. اسمه احمد كمال
الظابط زياره سعيده يا فندم . ختم الباسبور .
وعمر خده وخد شنطه وخرج من المطار ووقف حيران يروح فين الوقت متاخر
عمر شاور لتاكسي وقفله ..السواق ويلكم هااي
عمر ابتسم السلام عليكم 
السواق انت مش اجنبي 
عمر رد السلام الاول يا راجل يا طيب
السواق ضحك وعليكم السلام ورحمه الله وباركته
عمر ممكن توديني لفندق ابات فيه
السواق اتفضل يا بشمهندس 
عمر انا عمر 
السواق اهلا وسهلا . انا وليد ر 
عمر اهلا يا عم وليد وديني بقي لاي فندق
وليد السواق حاضر يا باشا 
عمر قولي يا عمر وبس
وليد. ر فتحله الباب وحط الشنط علي العربيه وخده علي فندق ال 
عمر شكرا. حسابك كام
وليد المره دي عليا 
عمر اعطي الاجير حقه قبل ان يجف عرقه 
قول يا عم وليد عايز كام
وليد اللي هتجيبه يا باشا . ده رقم تليفوني اتصل بيا في اي وقت 
عمر شكرا . هحتاجك بكره في مشوار مهم 
وليد تحت امرك عايزني الساعه كام .
عمر اممم الساعه ١٠ 
وليد تمام يا باشا
عمر نزل بعد اما حاسب السواق. دخل الفندق وحجز اوضه وطلع وهو مبسوط اوي. فتح البلكونه وواقف يتفرج علي النيل 
عمر ريحه الحبايب 
غير هدومه وقعد كتير يفكر لحد اما تعب من كتر التفكير ونام في الاخر . قام علي صلاه الفجر صلي وقرا قرآن قعد يحمد ربنا علي نعمه الاسلام .
اما بسمه فاقمت بنشاط زي كل يوم فطرت وراحت للمستشفي . ودينا كمان راحت علي المستشفي . واحمد نزل علي المطعم بتاعه
الساعه جت ١٠ عمر كان لابس وواقف مستني وليدالسواق وصل بالعربيه بتاعته
ووليد صباح الخير يا باشا
عمر صباح النور يا عم ووليد
وليد فتح باب العربيه ورا . عمر انا هركب جنبك 
ركب جنب وليد
عمر وديني علي العنوان ده
وليد ماشي يا باشا
وليد راح علي العنوان . عمر نزل وقلبه بيدق جامد خليك واقف هنا
وليد ماشي يا باشا
عمر لسه هيدخل كان في بواب واقف
البواب عايز مين يا باشا 
عمر عايز احمد كمال
البواب دول مش هنا مشيو من الشقه من سنه
عمر بحزن مشيو . طيب متعرفش عنوانهم الجديد
البواب لا . بس اعرف مكان مطعم استاذ احمد
عمر فرح فين قول العنوان 
البواب في شارع .
عمر جزاك الله خيرا . طلع فلوس وادها للبواب
البواب فرح وعارف كمان الست بسمه بتشتغل فين
عمر بجد فين
البواب في مستشفي ال .
عمر طلع فلوس اكتر وهو مبتسم شكرا ليك .
ركب التاكسي وهو فرحان .. وليد هتروح فين تاني
عمر مستشفي ال 
وليد ماشي يا باشاا
ساق بالعربيه للمستشفي وعمر فرحان جدا.

الفصل الحادي والعشرون. 
اللهم صلي وسلم علي نبينا محمد
توماس نزل من العربيه ودخل علي المستشفي وهو متشوق لشوفتها .. سال واحده من الممرضين
عمر السلام عليكم
الممرضه باعجاب وعليك السلام
عمر دكتورة بسمه كمال فين
الممرضه في الكافتيريا حضرتك . اول دور
عمر شكرا
جري عمر وهو قلبه بيدق پعنف .. وقف دقيقه علي باب الكافتيريا قبل ما يدخل علشان يهدي نفسه . خد نفس كذا مره وطلعه . ودخل بيدور بعينه عليها شافها اخيرآ قاعده 
ابتسم بحب 
احلوت اكتر . وابتسمتها زي ما هي جميله منوره وشها
. 
عمر استغفر الله العظيم . مش عارف اغض بصري عنك . سامحني يا الله
لسه هيقرب ويسلم عليها انتباه انها قاعده بتتكلم مع واحد . 
الغيره اتملكت منه اتمني يروح يضربه . بس مسك اعصابه وراح لبتاع البوفيه
عمر السلام عليكم 
الراجل وعليكم السلام .
عمر هو مين ده اللي قاعد مع دكتوره بسمه . من لبسه شكله دكتور
الراجل اه ده دكتور رحيم دكتور باطنه
عمر بغيره باطنه . ماشي ده انا هفتح بطنك
الراجل بتقول حاجه يا استاذ
عمر هو يقرب حاجه لدكتوره بسمه
الراجل بصله بشك .عمر ابتسم وطلع فلوس واداها للراجل
الراجل هو كان متقدم لها ولسه متجوزوش وله اتخطبو
عمر شكرا . ماشي يا هانم وقاعده بتضحكي كمان معاه .
نفخ پغضب وقرب من الترابيزه اللي كانت قاعده عليها
عمر عامله ايه يا دكتوره
بسمه استغربت ورفعت راسها . وفي ثانيه اتجمدت في مكانها . عينها اتشعلقت في عينه الزرقا.. حاسه ان الوقت وقف . صوت نفسها كان عالي . غمضت عينيها كذا مره وفتحتها علشان تتاكد من انه هو اللي واقف . بتدقق في ملامحه اللي اتغيرت شويه . دقنه طويله غير تسريحه شعره وقصه .. ريحه برفيوم بتاعته غيرها . بتتامل في ملامحه وبتفصص فيها
اما عمر واقف وبيمنع نفسه بالعافيه انه ميقربش منها ويحضنها . عينه بتحقق في تفاصيلها من قريب واحشته اوي مع انها مغابتش عنه. 
رحيم انتبه انهم الاتنين متنحين لبعض . حمحم بصوت عالي
رحيم احم. انت مين
عمر انتبه ان في صوت جنبه بيتكلم . بس مردش عليه وله اهتم . ركز بس معاها ومع عينيها اللي بتتكلم كلام كتير. 
نظره عتاب وشوق والم حب ولهفه . كذا حاجه مع بعض 
رحيم بصوت عالي شويه بسمه
عمر جز علي اسنانه بغل بسمه. كده من غير دكتوره
رحيم وانت مضايق ليه . انت مين اصلا
عمر بيحاول يكتم غضبه علشان ميضربهوش مسح وشه بايده وبص لبسمه . عمر اتكلمي وقوليله انا مين
بسمه ركزت انه بيكلمها ردت بتوهان ها
عمر وهو بيتكلم من بين اسنانه قولي للشخص ده انا مين
بسمه ببرود انت مين
عمر رفع حاجبه لا والله
رحيم ما حد يتكلم .
بسمه باڼتقام ده كان صاحب احمد اخويا
رحيم اهلا وسهلا . اتفضل . انا الدكتور رحيم.. مد ايده بالسلام 
عمر مد ايده ليه وضغط علي كفه وهو بيبصلها في عنيها بتحدي انا عمر مختار . صاحب المستشفي دي
بسمه نعممممم . ازاي
عمر ضحك هشتريها حالا
بسمه هتشتري ايه. انت حصلك حاجه في عقلك
عمر باستفزاز اها اټجننت اكتر من ما كنت مچنون
بسمه مقتدرتش تمنع نفسها وهربت ابتسامه لوشها
رحيم انت صاحب احمد من زمان
عمر وعينه عليها قعد علي الكرسي اللي جنبها يعني من ٤سنين
رحيم لاحظ نظرات عمر لبسمه . اضايق منه وحاول يشد انتبه ليه
رحيم انت كنت مسافر 
عمر ولسه عينه هلي بسمه. اه.
رحيم انت شكلك مش مصري 
عمر انا فرنسي . بس بحب مصر اووي. ب ع ش ق ه ا
بسمه ابتسمت ڠصب