رواية نسيان صعب من 46-53

و ابنها في المدرسه هنا
السكرتيره مخاطبه نيڤين ابن حضرتك عنده كام سنه
نيڤين تلت سنين
السكرتيره طيب تمام بس معلش بقي الانترفيو هتبقي بعد بكره عشان خلاص هو اسبوع و الدراسه هتبتدي
نيڤين بابتسامه اوكي تمام
السكرتيره لسهي و بنت حضرتك عندها كام سنه
سهي سنتين
السكرتيره وهي تمط شفتيها امم هي صغيره شويه فممكن متتقبلش بسهوله
سهي بدون مقدمات و بسرعه انا سهي الشاذلي حرم آدم الشاذلي
السكرتيره بترحيب زائد اهلا اهلا بحضرتك يا فندم المدرسه نورت
سهي بابتسامه صفراء اهلا بحضرتك
السكرتيره طيب تمام يبقي بنت حضرتك كمان تيجي الانترفيو مع ابن المدام صاحبتك
سهي بسرعه نسيبتي
السكرتيره اها اهلا بحضرتك
نيڤين اهلا بيكي
سهي وهي تستعد للمغادره تمام يبقي هنيجي بعد بكره بقي باذن الله
السكرتيره اه تمام يا فندم
سهي وهي تغادر بصحبه نيفين تمام باي
السكرتيره باي باي نورتوا
ركبت سهي السياره و بجانبها نيڤين التي قالت لها 
نيڤين بس ايه ده اول ما قلتي انك مراة آدم الست زي ما يكون اټجننت ايوه يا فندم حاضر يا فندم دي كانت لسه هتقولك ان لوجي مش هتنفع عشان سنها صغير و اول ما قولتيلها كده كان ناقص تقولك انها اتقبلت خلاص
سهي ضاحكه منظرها كان مسخره اصلا ثم استطردت قائله بس تصدقي انا مدايقه عشان قولتلها كده
نيڤين باستغراب ليه
سهي اصل انا عمري ما كنت حابه يبقي اسمي حرم فلان الفلاني و لا اني استغل الموضوع ده في حاجه شخصيه زي اللي حصل من شويه ده
نيڤين و لا انا بصراحه بس عادي يعني مفيهاش حاجه
سهي وهي تصف السياره علي جانب الطريق طب اتفضلي يا ستي وصلنا
نيفين وهي تقبل سهي باي باي
سهي مع السلامه
عادت سهي الي المنزل دخلت لتجد المنزل في حاله يرثي لها فلا يوجد مكان واحد علي حالته الطبيعيه حتي انها وجدت بعض قصاصات الورق و لعب لوجي مرميه في ارضيه الصالون كما وجدت الطاوله مليئه بعلب الطعام و المشروبات الغازيه و وجدت وسادات الاثاث مرميه في عده اماكن شعرت بالقلق الذي سرعان ما اختفي عندما وجدت لوجي و آدم ينزلان السلم و هما يركضان وراء بعضهما و ما ان رأوها حتي توقفا عند الركض و وقفت لوجي وراء والدها قطع هذا الصمت صوت سهي وهي تقول 
سهي وهي تقترب منهما انا و لا هتعصب و لا هعمل حاجه بس المهزله دي تتنضف و دلوقتي حالا بدل ما ارتكب جنايا فيكو انتوا الاتنين النهارده
آدم مخاطبا لوجي اطلعي انتي يا لوجي
سهي بصوت عالي عارفين لو في نص ساعه البلاوي دي متشالتش انا هتصرف تصرف مش هيعجبكوا
آدم بهدوء طب اهدي بس و انا هعملك كل حاجه ثم قال مخاطبا لوجي يا بنتي اطلعي
لوجي بصوت خاڤت اطلع يا مامي
سهي لأ
آدم بعند اطلعي يا لوجي قلت
سهي بعند هي الاخري و انا قلت لأ
آدم و انا الراجل و كلمتي هي اللي تمشي
سهي و لو الدنيا دي منضفتوهاش انتو الاتنين انا هسيبلكوا البيت و امشي
آدم مخاطبا لوجي خلاص يا بنتي يلا ننضفها احنا الاتنين و خلاص
سهي وهي تصعد السلم نص ساعه و تكونوا خلصتوا
نزلت سهي بعد نصف ساعه لتجد المكان اصبح نظيفا فجلست علي احدي الكنبات و ظلت تعمل علي اللاب توب و ما هي الا دقائق حتي وجدت آدم ينزل بصحبه لوجي و يقول لها 
آدم وهو ينزل السلم سهي احنا نازلين تحبي تيجي
سهي وهي لم ترفع عينها عن شاشه اللاب لأ شكرا
آدم طيب مش عايزه حاجه نجيبهالك
سهي لأ ميرسي ثم قالت كأنها تذكرت شيئا اه لوجي
لوجي نعم يا مامي
سهي وهي تبعد اللاب عنها و تنظر لابنتها احنا هنروح المدرسه بعد بكره عشان عندك انترفيو اوكي
لوجي اوكي
آدم يلا يا لوجي
لوجي يلا ثم قالت وهي تذهب الي سهي بس اسلم علي مامي
سهي وهي تحتضن ابنتها بقوه حبيبتي ثم قالت وهي تداعب وجنتيها انتي زعلتي عشان انا زعقتلك النهارده
لوجي وهي تهز رأسها نفيا لأ بس خفت
سهي وهي تقبلها طب المنظر النهارده كان صح و لا غلط يا لوجي
لوجي غلط ثم قالت وهي تشير الي آدم بس انا قلت لبابي كده غلط و مامي هتزعل بس هو قالي مټخافيش و مش هتقدر تعملنا حاجه
سهي وهي تنظر الي آدم الذي ادار لها ظهره عندي اتنين عيال
آدم متصنعا الڠضب مين دول اللي عيال
سهي انت ثم قالت كأنها تذكرت شيئا صحيح انتوا رايحين فين
لوجي مس مش عارفه بابي قالي تعالي ننزل نجيب حاجات من تحت
سهي بمرح و اي حد يقولك تعالي معايا كده تروحي
آدم بخبث انتي حسابك معايا لما نرجع بليل
سهي هتجيبوا ايه يعني مش فاهمه
آدم هنجيب هدوم للوجي
سهي ايه ده الله انا عايزه اجي
آدم طب يلا بسرعه بسرعه
عادت لوجي بصحبه والديها الي المنزل في المساء فصعد آدم الي غرفه ابنته ليضعها علي سريرها بعد ان نامت في الطريق بينما صعدت سهي الي غرفتها و ابدلت ملابسها و جلست تتابع عملها دخل آدم الي الغرفه ليجد سهي تنظر لللاب توب بضيق فقال لها 
آدم في ايه مالك
سهي وهي تغلق اللاب توب انا هنزل الشركه بكره تيجي
آدم ليه خير في ايه
سهي بضيق مش عارفه و عشان كده هروح اعرف في ايه
آدم طيب انا جاي و هشوف في ايه عشان يعرفوا اني رجعت و يحترموا نفسهم بقي
سهي بضيق اكبر انا مش عايزه سلمي و شاهيناز
آدم باستغراب ليه دول شغالين كويس
سهي بس لسانهم مدلدل
آدم ايوه يعني عملولك حاجه
سهي بضيق اه قعدوا يقولو انك طلقتني عشان
آدم بملل عشان ايه يا بنتي اخلصي
سهي بسرعه الكلام ده كله تخريف طبعا يعني
آدم بجديه سهي في ايه
سهي بسرعه قالوا انك طلقتني عشان عرفت اني بخونك و ان لوجي مش بنتك
آدم پصدمه و صوت عالي نععععععممممم
سهي بضيق في ايه
آدم بحزم انتي متروحيش الشركه تاني سامعه و لا لأ
سهي حاضر بس ليه
آدم بعصبيه عشان محدش يقعد يلوك كتير و انا الاتنين دول هنفخهم بكره
سهي لأ يا آدم خلاص مفيش داعي كفايه اللي احمد عمله معاهم
آدم بنفس عصبيته عايزاهم يقعدوا يتكلموا علي مراتي و انا اقعد اتفرج ليه شايفاني سوسن
سهي محاوله تهدئته طب اهدي طيب لوجي هتصحا علي صوتك
آدم و قد هدأ قليلا خلاص هديت اهو بس نزول الشركه تاني لأ. عشان اللي يسوي و اللي ميسواش ميقعدش يتكلم عليكي
سهي حاضر يا آدم
آدم وهو يجلس علي السرير بجانبها تعجبيني و انتي مطيعه كده
سهي وهي ټضرب كفا بكف لحقت قلبت المود في ثانيه كده
آدم وهو يقترب منها انا كده إذا كان عاجبك
سهي وهي تعطيه ظهرها طيب تصبح علي خير
لوجي وهي تدخل الغرفه بسرعه مامي بابي
سهي بفزع ايه يا لوجي في ايه
لوجي وهي تقترب من امها مس مش عارفه انام لوحدي
آدم وهو يمسك يد ابنته بصي يا لولو انتي دلوقتي بقيتي كبيره و هتخشي المدرسه و مش هينفع تنامي معانا بصي انا و مامي هنيجي نحكيلك حدوته لحد ما انتي تنامي في اوضتك ماشي
لوجي اوكي
52
ذهب كل من سهي و آدم الذي قام بحمل لوجي الي غرفتها ثم قام بوضعها علي سريرها و تدثيرها جيدا بالغطاء ثم حكي لها آدم قصه و بعد دقائق نامت لوجي فخرجت سهي بصحبه آدم بهدوء من الغرفه و توجها الي غرفتهما فقال لها آدم 
آدم وهو ينام في سريره لوجي عسوله اوي
سهي وهي تسند رأسها الي صدره اكيد مش بنتي لازم تبقي عسوله
آدم طب بس بس ثم قال لها وهو مبتسم فاكره يوم ما قلتلك اني بحبك
سهي وهي تنظر له طبعا فاكره يومها كنت خاېفه و مطمنه في نفس الوقت كان احساس غريب
آدم بصراحه كنتي مستفزه كل شويه آدم احنا رايحين فين لأ قولي دلوقتي احنا رايحين فين لأ نزلني جننتيني يومها
سهي ما انت كنت مخيف بصراحه فاكر يوم عزومه مامتك اللي اتفشكلت دي
آدم متفكرينيش باليوم ده ده كان اسوأ يوم في حياتي
سهي و انا كمان مكنتش مصدقه اني مش هشوفك تاني كان احساس صعب اوي
آدم وهو يقبل جبينها مبسوطه يا سهي
سهي وهي تنظر له مبسوطه جدا كفايه ان انت معايا انت و لوجي دي لوحدها عندي بالدنيا
آدم وهو يقبل شفتيها بحبك اوي
سهي و انا كمان
استيقظت سهي في اليوم التالي علي صوت آدم وهو يوقظها و ما ان استيقظت حتي قال لها 
آدم صباح النور يا جميل
سهي وهي تفتح عينها بتثاقل صباح النور
آدم بسرعه يلا قومي هنروح الشركه بعدين نروح عند ماما
سهي باستغراب انت مش قلت اني مش هروح تاني
آدم ايوه فعلا بس انا محتاجك معايا النهارده
سهي وهي تقوم من علي السرير طيب اوكي ثم استطردت قائله هنودي لوجي فين
آدم هناخدها معانا بس يلا انتي بسرعه شويه
سهي حاضر حاضر
نزلت سهي صباحا بصحبه آدم و ما ان وصلا حتي صعدت سهي مع آدم الي الشركه بعد ان تركوا لوجين برفقه جدتها توجهوا الي مكتب آدم الذي قام بعمل اجتماع طارئ مع جميع مهندسي الشركه تناقش مع الجميع في امور العمل و في نهايه الاجتماع قال 
آدم شاهيناز و سلمي
شاهيناز و سلمي نعم
آدم انتوا من النهارده متورونيش وشكوا تاني في الشركه هنا و كفايه عليكو التوصيه اللي انا كاتبها فيكوا تقدروا تتفضلوا تلموا حجاتكوا من دلوقتي عشان في اتنين مهندسين تانيين هيستلموا الشغل مكانكوا من بكره
نظر الجميع الي آدم باندهاش فقال لهم 
آدم وهو يقوم ده جزاء اللي يفكر يقرب من سهي او حتي يمسها بكلمه واحده
عاد آدم و سهي بصحبه لوجي متأخرا الي المنزل و ما ان دخلا حتي قالت سهي للوجين 
سهي لوجي يلا عشان تنامي عشان هنروح المدرسه بكره الصبح بدري
لوجي يا مامي بقي انا مش عايزه انام دلوقتي
آدم خليها قاعده معايا شويه
سهي وهي تصعد السلم براحتكوا انا هنام تصبحوا علي خير
آدم و لوجي و انتي من اهله
استيقظت سهي من نومها في الصباح التالي بعد ان سمعت صوت لوجي وهي توقظها فقالت لها سهي 
سهي وهي تفتح عينيها بتثاقل انا صحيت اهو يا لوجي
لوجي طيب اصحي انا بابي
سهي وهي تقوم من علي السرير ماشي اوكي
لوجي وهي تهز والدها بابي بابي بابي اصحي يا بابي
آدم وهو لايزال مغمض العينين صباح الخير يا لوجي
لوجي صباح الخير يا بابي يلا قوم بسرعه عشان نروح المدرسه
آدم وهو يقوم من علي السرير طيب حاضر هي مامي فين
لوجي في الحمام
سهي وهي تخرج من الحمام انا خلصت اهو تعالي البسي انتي يا لولو لحد ما بابي يخلص هو كمان
لوجي
وهي تمسك بيد والدتها اوكي
53
قبلت لوجين في المدرسه هي و سيف و كانا فرحين لدخولهما ما يسميالمدرسه كما فرحت سهي ايضا بقبول ابنتها فحتي ان كانت تحب لوجين و ستشتاق الي وجودها معها طوال اليوم الا ان ذهاب لوجي الي المدرسه سيريحها من ظاهره الكركبه التي اصبحت تحدثها لوجي مؤخرا اثناء لعبها مع آدم.
كما عاد آدم منتظما في عمله مثل سابق عاهده قبل ان يتزوج سهي مما أشعر سهي بالملل لكن نزولها مع لوجين و نيفين و سيف يوميا من أجل اغراض المدرسه هو ما كان يهون عليها هذا الشعور.
و في صباح احد الايام استيقظت سهي مبكرا توجهت الي الحمام ثم خرجت لتجد آدم قد استيقظ من نومه و ما ان خرجت حتي قال لها 
آدم وهو يعد حقيبته صباح الخير
سهي دون ان تنظر اليه صباح النور
آدم وهو يترك ما بيده ليتوجه لها عامله ايه
سهي وهي تجلس علي السرير بقالك قرن مسألتنيش السؤال ده
آدم وهو يجلس امامها انا اسف و الله انا عارف اني كنت مشغول عنك الفتره دي بس الشغل بقي صعب اوي ثم استطرد قائلا و هو يتفرس بملامحها ده انا حتي هسافر النهارده
سهي پخوف حاولت اخفائه هتقعد اد ايه
آدم وهو يمط شفتيه مش عارف يمكن اسبوع يمكن اكتر يمكن اقل
سهي بصوت خاڤت تيجي بالسلامه
آدم وهو يمسك يديها مټخافيش مش هسيبك والله
سهي وهي تحتضنه اتمني
لوجي وهي تدخل الغرفه بسرعه مامي مامي مامي
سهي و هي تتوجه الي ابنتها صباح الخير يا لولو مالك
لوجي بحماس صباح النور يا مامي يلا بسرعه عشان نروح المدرسه
آدم وهو يحمل ابنته الصغيره حبيبه بابي كبرت و هتروح المدرسه
لوجي وهي تقبل والدها سوفت شوفت مبقتس مبقتش Small
آدم ما عاش و لا كان اللي يقول عليكي كده
سهي و هي تنظر في ساعتها مدرسه ايه يا لوجي الساعه لسه سته
آدم وهو ينزلها انتوا هتنزلوا الساعه كام
سهي علي سبعه و نص تمانيه كده
لوجي مشيره الي الحقيبه ايه ده يا بابي
آدم وهو يغلق الحقيبه انا مسافر يا لولو
لوجي و قد ادمعت عيناها ليه هي مامي سعلتك زعلتك ثم قالت لامها و قد بدأت دموعها بالنزول انتي سعلتيه زعلتيه تاني
آدم وهو يجلس علي ركبته ليكون في نفس طولها لأ يا لولو مامي مزعلتنيش بس انا عندي شغل و يومين تلاته كده و هاجي تاني اوكي
لوجي وهي تبكي لأ انت بتدحك بتضحك عليا انت مس مش جاي تاني
آدم وهي تجفف دموعها بيديه و الله يا لوجي هاجي تاني بس انتي بطلي عياط و خلي بالك من مامي اوكي
لوجي حاضر
آدم وهو يحمل حقيبته طيب انا هنزل دلوقتي بقي
سهي وهي تنظر الي ساعتها بسرعه كده
لوجي وهي تتعلق بقدم والدها خليك سويه شويه يا بابي
آدم ممازحا ابنته انتي مالك قصيره زي مامتك كده ليه
سهي وهي تضع يدها في خصرها و مالها مامتها ان شاء الله
آدم وهو يهمس بأذنها قمر
لوجي و هي تقف بينهما طب و انا
آدم وهو يقبلها انتي روحي يا لوجي ثم استطرد قائلا يلا انا هنزل بقي عشان اكتر من كده الطياره هتفوتني
سهي وهي تسلم عليه تيجي بالسلامه
آدم وهو يقبل وجنتيها الله يسلمك
لوجي وهي ترفع يديها الي والدها هتوحسني هتوحشني يا بابي
آدم وهو يحملها و يقبل وجنتيها و انتي كمان هتوحشيني اوي يا لولو
لوجي وهي تنزل عن كتف والدها طيب جيبلي شكولاته معاك يا بابي
آدم وهو يقرص وجنتها بس كده ده انتي تؤمري ثم استطرد قائلا يلا سلام بقي
سهي و لوجي مع السلامه
اوصلت سهي لوجين الي المدرسه ثم عادت الي القصر فقد قررت ان تكون اقامتها في هذه الفتره في قصر عائله الشاذلي حتي لا تشعر بالوحده و الملل صعدت الي غرفتها و ابدلت ملابسها ثم وجدت هاتفها يرن برقم مجهول فردت قائله 
سهي الو
آدم وحشتيني
سهي بحبور دومتي و انت كمان وحشتني اوي
آدم عامله ايه
سهي الحمدلله انت عامل ايه وصلت
آدم اه لسه واصل حالا و قلت اكلمك علي طول
سهي امم حمدلله علي السلامه
آدم وديتي لوجي المدرسه
سهي اه وديتها و لسه راجعه حالا
آدم طيب كويس
سهي بسرعه اه صحيح يا آدم انا قاعده عند مامتك بقي لحد ما تيجي من السفر عشان مزهقش من القعده في الفيلا لوحدي
آدم ببعض الضيق طيب
سهي لو عايزني ارجع بيتنا تاني عادي مفيش مشاكل
آدم بسرعه لأ لأ براحتك مش قصدي بس عشان آسر و كده
سهي خلاص انا هرجع البيت
آدم يا بنتي لأ خليكي انا كده هبقي مطمن عليكي اكتر
سهي طيب اوكي
آدم انا عايزك تروحي الشركه بكره
سهي باستغراب اوكي بس ليه
آدم في ملفات هناك انا عايزها لما توصلي المكتب قوليلي و انا هقولك عليهم و تديهم لأحمد عشان هو جاي بعد بكره
سهي طيب اوكي
آدم طيب باي باي بقي
سهي باي
عادت لوجي الي البيت بباص المدرسه هي و سيف و كان يبدو عليها الحزن و الضيق بينما كان يبدو علي سيف الحماس و الفرح و ما ان صعدت لوجي غرفتها هي و امها حتي قالت لها سهي 
سهي مالك يا لولو
لوجي بحزن مفيس مفيش 
سهي مش هتقولي لمامي مالك
لوجي كنت عايسه عايزه بابي يبقي موجود
سهي وهي تملس علي شعر ابنتها يا لولو و الله بابي عنده شغل و هيجي علي طول
لوجي يعني هيجي تاني
سهي وهي تقبلها ايوه يا روحي هيرجع
لوجي بفرح اوكي سوفي شوفي يا مامي المدرسه بتدينا حاجات كتيييير اكتر من ميس نوره
سهي وهي تجلس بجانبها طب تعالي نذاكر بقي
لوجي يلا