رواية نسيان صعب من 46-53

بالك من لوجي يا سنيه
سنيه حاضر يا ابني
عاد آدم الي المنزل بعد ان احضر الادويه صعد الي غرفه سهي ليجدها جالسه تحتضن لوجي التي كانت قد توقفت عن البكاء فقال لهم آدم 
آدم هو يجلس بجانب سهي علي السرير عامله ايه
سهي تمام الحمدلله
سنيه مش راضيه تاكل
آدم وهو يأخذ منها الصينيه طيب روحي انتي يا سنيه
لوجي وهي تنظر لامها ببرائه انا بحبك اوي يا مامي
سهي وهي تقبل وجنتي ابنتها و انا بمۏت فيكي يا لولو
آدم وهو يطعم سهي بيديه طيب لو خلصتي طبق الشوربه ده اطلبي اللي انتي عايزاه
سهي بطفوليه هيييه ثم قالت وهي تأخذ منه الطبق هاته
آدم بعد ان انهت سهي صحنها ها يا ستي اطلبي اي حاجه و انا موافق
سهي مفكره امممم هي حاجه ممكن متوافقش عليها
آدم لأ متقلقيش قولي بس انتي
سهي بسرعه عايزه اروح قابل عمرو
آدم باستغراب عمرو مين
سهي عمرو يا آدم هو انا عمري ما حكيتلك عن عمرو
آدم بملل لأ ياختي عمرك ما حكيتيلي عن عمرو
سهي بص يا سيدي انت عارف مروان و الناس دي لما كنا في القاهره بقي كان في بنت و ولدين كمان نورهان و عمرو و امير المهم نورهان فضلت في القاهره و عمرو دخل كليه شرطه و امير سافر انجلترا بس يا سيدي و انا مشوفتوش بقالي كتييير اوي و بصراحه عايزه اقابله
آدم طب و انتي ايه اللي فكرك بيه دلوقتي ده انتي تقريبا مشوفتيهوش بقالك عشر سنين
سهي ايوه فعلا انا كنت نسياه اصلا بس لما روحت ساعه التحقيق ده هو اللي كان بيحقق معايا بس و عرفت انه اتنقل اسكندريه هنا
آدم بتفكير يعني انتي مصممه يعني
سهي وهي تومئ برأسها امم
آدم موافق بس بشرط
سهي و كأنها قرأت ما يريد قوله مروان جاي كده كده
آدم طيب خلاص موافق
لوجي وهي تنظر لوالديها انا عايزه اروح انا كمان ملوان مروان وحسني وحشني 
آدم و انتي شويه مروان و شويه سيف هو في ايه
سهي ضاحكه هههههه متركزش ثم قالت مخاطبه لوجي عايزه تيجي يا لولو
لوجي لأ خلاص هقعد مع بابي
آدم وهو يقبل ابنته حبيبه بابي انتي
في اليوم التالي توجهت سهي الي حيث ستقابل عمرو و مروان بعد ان اذن لها آدم بساعتين فقط حفاظا علي صحتها المهمله نزلت من سيارتها لتجد مروان و عمرو جالسين بصحبه بعضهما البعض فتوجت اليهما و قالت 
سهي وهي تصافح عمرو و مروان اتأخرت عليكو
عمرو لا ابدا ما مروان باشا لسه جاي حالا
مروان ممازحا باشا ايه ده انت اللي باشا ثم قال لسهي البيه دخل كليه شرطه و اتنقل هنا
سهي منا عارفه ما هو اللي كان بيحقق معايا في قضيه آدم
مروان هو عامل ايه صحيح
سهي كويس الحمدلله
عمرو باستغراب ايه ده هو انتوا بتتكلموا و عادي يعني حتي بعد الطلاق
سهي ما هو آدم رجعني لعصمته تاني
عمرو باستغراب رجعك ازاي يعني انتوا متطلقين بقالكوا قد ايه
سهي من سنتين
عمرو بعدم فهم ازاي يعني رجعك تاني و انتي مش في شهور العده اصلا
سهي بذهول يا نهار ازرق و لا خدت بالي
عمرو معني كده حاجه من الاتنين يا أما هو طلقك و رجعك في ساعتها قبل ما يسافر يا اما هو بيستهبل
سهي وهي تغادر قائله بسرعه طيب سلام دلوقتي
و رحلت سهي و تركت ورائها عمرو و مروان قلقيين مما يمكن ان يحدث
دخلت سهي الي منزلها وهي تشبه البركان الثائر صعدت الي غرفه آدم بسرعه البرق و فتحت الباب بعصبيه و قامت بركله لاغلاقه محدثه صوتا اهتزت له اركان الفيلا نظر آدم الي سهي باندهاش فقالت له سهي 
سهي بعصبيه آدم احنا متطلقين من امتي
آدم ببرود ايه السؤال الغبي ده
سهي بعصبيه و صوت عالي بقولك متطلقين من امتي رد عليا
آدم بهدوء من سنتين
سهي بنفس العصبيه و رجعتني لعصمتك امتي
ثم قالت بعد ان صمت آدم رد عليا بقولك
آدم بنفس الهدوء في ساعتها اول ما طلعتي علي اوضتك
سهي وهي تقترب منه انت انسان ساڤل و حقېر و واطي
آدم بعصبيه وهو يمسك ذراع سهي ساڤل عشان بحبك و كنت خاېف عليكي من واحده حقيره زي سالي بعد ما هددتني انها تأذيكي انتي و لوجين لو متجوزتهاش ولا عشان قلتلك حجه مش موجوده اصلا بس عشان عارف ان كرامتك اهم من اي حد تاني كدبت عليكي و قلتلك اني بحب واحده تانيه و هتجوزها عشان تكرهيني و تقدري تنسيني عشان مكنتش ضامن اني ارجع تاني اصلا ثم قال و قد هدأ قليلا و لا انا واطي عشان كنت عايش علي صورك انتي و لوجي اللي كانت معايا و لا عشان الناس اللي سالي بتشتغل معاهم كانوا عايزين يجيبوا رجلي في اي مصېبه و خلاص و يوم ما اتقبض عليا قلت دي فرصتي عشان ارجع لمراتي و بنتي ثم قال وهو يغادر الغرفه مش انتي لوحدك اللي اتعذبتي و إذا انتي تعبتي في بعدي عنك قيراط انا تعبت اربعه و عشرين علي الاقل انتي كان معاكي لوجي لكن انا كل اللي كان معايا صور
خرج آدم من الغرفه ليترك سهي شارده فيما سمعت للتو إذا فقد هددته تلك البغيضه سالي و قامت بالتفرقه بينهما و جعلتهما يعيشان اسوء عامين في حياه كليهما نفضت سهي تلك الافكار من رأسها و عزمت علي ان تعيد الامور مثل سابق عهدها عندما كان الحب و الدفء يسريان في اركان هذا المنزل
نزلت سهي لتبحث عن آدم وبينما هي متوجهه الي السلم سمعت صوت ضحك لوجي فتوجهت الي غرفتها و فتحتها لتجد آدم يجلس معاها و هما يلعبان مع بعضهما و ما ان رآها آدم حتي صمت بينما قالت لوجين 
لوجي تعالي يا مامي العبي معانا
آدم وهو يغادر الغرفه انا هنام بقي يا لوجي شويه و هجيلك تاني
لوجي اوكي ثم استطردت قائله تعالي يا مامي
سهي بسرعه وهي تغلق باب الغرفه خلفها معلش يا لوجي شويه و هاجي تاني
توجهت سهي مسرعه الي غرفه آدم بسرعه فتحتها دون ان تطرق علي الباب و اغلقت الباب خلفها التفتت لتجد آدم ينظر لها بجمود ثم ما لبث ان اكمل ما كان يفعله فوقفت سهي امامه و قامت بجذبه من يديه ليصبح في مواجهتها فقالت له 
سهي وهي تنظر له انا اسفه بس جرب تحط نفسك مكاني و انت تعرف انا عملت كده ليه و قلت كده ليه ثم قالت و قد امتلئت عينها بالعبرات لتذكرها هذا اليوم لما تبقي خاېف اوي ان حد انت بتحبه يسيبك و تلاقي بين كل الناس اللي حواليك حد بيعمل المستحيل عشان يخليك تثق فيه و يفضل جنبك علي طول و فجأه تلاقيه سابك هو كمان عارف الاحساس دهان روحك تبقي في بني آدم في يوم و ليله يقولك احنا لازم نسيب بعض عشان انا بحب واحده تانيه و مش قادر تنسي عشان في حته منه قدامي علي طول ثم قالت و قد نزلت دمعه حاره علي خديها عارف لوجي اللي كنت بتقولي ان هي دي اللي مصبراني و ان انت مكنش معاك غير صور لوجي دي كانت مصدر عذابي شايفاها كل يوم بتكبر قدامي كأني شيفاك انت قدامي كل ما كانت بتجيب سيرتك قدامي كنت بمۏت و كل مره تسألني فيها هو بابي بيحبني كنت بتقطع فيها كنت عارفه انك هيجي وقت و تسيبني فيه انا مكنتش عارفه ده انا كنت متأكده انك هتسيبني بس مامتك هي اللي اقنعتني ان كل دي مجرد اوهام من خۏفي و اول ما بدأت اتعود علي وجودك معايا علي طول و في اكتر وقت انا محتاجاك فيه الاقيك اختفيت من حياتي فص ملح و داب معرفش عنك اي حاجه و كل ما بنتك تسألني هو بابي سابني ليه ابقي حاسه ان روحي هتطلع بتفكرني بكل كلمه قلتهالي يا آدم من اول ما عرفتك و اسرح و اقول معقول آدم يحب واحده غيري ابقي بغلي و انا متخيله ان انت في حضنك واحده تانيه غيري و اضطر اقولها ان انا اللي غلط و ان انا اللي زعلتك و ان انا سبب معاناتها و هي شايفه كل الناس ماشيه مع ابهاتها و هي لأ بس انا فعلا وقتها كنت حاسه اني غلط كنت حاسه اني غلط في حق بنتي لما خلفتها و غلط في حق نفسي لما اتجوزتك او اني فكرت اتجوز اصلا ثم قالت وهي تنظر له بعمق عرفت دلوقتي انا كنت حاسه بايه
آدم وهو يضمها اليه كل ده انا السبب فيه انا اسف بجد حتي و انا مسافر عمري ما تخيلت انك ممكن تكوني پتتعذبي بسببي للدرجادي ثم قال وهو يحتضن وجهها الملئ بالعبرات بكفيه انا اسف بجد و اوعدك اني اعوضك عن كل لحظه ۏجعتك او اتعذبتي فيها بسببي
سهي وهي تنظر له بعينيها الدمعتين انا مش عايزه اي حاجه غير انك تفضل جنبي علي طول ده كل اللي انا عايزاه
آدم وهو يقبل رأسها و انا اوعدك ان المره دي فعلا مش هسيبك حتي لو ھموت
سهي بحبك
آدم وهو يقبلها بمۏت فيكي
51
استيقظت سهي في اليوم التالي علي صوت رنين هاتفها ردت وهي مغمضه العينين قائله 
سهي بصوت نائم الو
نيڤين انتي لسه نايمه قومي يا ماما اصحي
سهي وهي لاتزال مغمضه العينين نيڤين مش قادره و الله
نيڤين يا بنتي انتي ناسيه اني واخده المعاد ده بطلوع الروح قومي بقي
سهي وهي تفتح عينيها بتثاقل هو الساعه كام
نيڤين تسعه
سهي بخضه وهي تقوم من علي السرير فزعه يا نهار ازرق
آدم وهو لايزال نائما ايه في ايه
نيڤين البسي بسرعه يلا مقدمناش غير ساعه و نبقي هناك
سهي بسرعه وهي تتوجه الي الحمام طيب طيب سلام
آدم وقد بدأ يفيق من نومه ايه يا بنتي في ايه
سهي بسرعه نازله انا و نيڤين كانت قالتلي علي مدرسه كويسه هنروح نشوفها عشان سيف و لوجي
آدم كل الهوجه دي عشان مدرسه نامي يا ستي و انا افتحلها مدرسه ليها لوحدها
سهي وهي تدخل الي الحمام ېخرب بيت برودك
دخلت سهي بصحبه نيڤين الي احدي المدارس لتنظر سهي الي ريسيبشن المدرسه الفاره باعجاب فقالت لنيفين 
سهي لنيڤين عرفتيها منين المدرسه دي
نيڤين بهمس واحده صاحبتي قالتلي عليها
سهي مخاطبه السكرتيره صباح الخير
السكرتيره صباح النور يا فندم
سهي لو سمحتي انا كنت عايزه اقدم لبنتي ثم قالت مشيره الي نيڤين