رواية لماذا من 1-6

معلم
المعلم إلا عجبتيني.
نوال فضلت تلف وسط الشقه منبهره بجمالها كانت لابسه عبايه ضيقه لونها أحمر ملعلط اللون اللي بيحبه المعلم وعليه زركشه بالخرز الذهبي و فارده شعرها طويل لونه إسود زي قلبها. عدت 45 سنه بس لسه محافظه على جمالها الطبيعي.
المعلم يا وليه كفايه دوختيني العيال فين
نوال البت سماح عند الحاجه و وكيمو بقا ربنا معاه مع أصحابه بيذاكروا.
المعلم كيمو مافيش حد مدلعه غيرك إسمه كريم وإيه حكاية سهره كل يوم
نوال يوه يا معلم خش جوه إستحمى على ما أحط العشاء في الصينيه.
النهارده حدلعك آخر دلع.
المعلم ماشي يا نوال.
زهره وصلت البيت وهي تعبانه قوي من الشغل بس مبسوطه إن أم العروسة راضتها بي 200 جنيه. فكرت تجيب بيهم هدية لعلي عشان عيد ميلاده قرب.
زهرة سلام عليكم.
محمد و عليكم السلام إتأخرت كده ليه يا بنتي
زهرة والله يا با كان فيه شغل كثير وكلمت أمي قولتها.
فاطمه خشي يا بنتي غيري هدومك وتعالي ساعديني نحضر العشاء.
زهرة يا ما أنا راجعه تعبانه حرام عليكم الرحمه حلوه بنتك العروسة فين ما تساعدك.
فاطمه سيبي أختك في حالها اللي فيها مكفيها شكل العريس حايطفش
زهرة ما يطفش يا ما هي بايره ولا بايره البت لسه ماكملتش 20 سنة.
فاطمه خشي بلاش رغي كثير.
دخلت زهرة تغير هدومها وهي بټلعن حظها الإسود.
أمها على طول بتفضل وداد عليها علشان شايفاها مش حلوه أوي فماسكين في عريس الغفلة دا بإيديهم و اسنانهم.
شافت أختها نايمه ومتغطيه
زهرة قومي يا بت أنا عارفه إنك مش نايمه قومي ساعدي أمك الغلبانه وخلي عندك شويه ډم ساعدينا إنت طول النهار متلقحه في البيت أنا وأمك تعبانين أنا مش عارفة حتعملي إيه في بيت جوزك.
وداد إبعدي عني وسيبيني في حالي أبوك عايز يفركش الجوازة علشان مش معاه أنا ذنبي إيه ما افرحش زي البنات.
زهرة أنا مش فاهمه هما من الأول عارفين ظروفنا إيه إلي إتغير
أبوك داخل جمعيات كثير علشان يجهزك على الأقل إطلعي إشتغلي ساعدي في جهازك.
وداد ماهو مش راضي إني أنزل أشتغل.
زهرة آه يا مراري الطافح.
غيرت هدومها وراحت عند أمها ساعدتها.
إتعشوا و طلعت على السطوح تشرب شاي وتكلم علي.
إتصلت عليه وهو كان لسه داخل شقته.
علي كان نفسي أول ما أدخل الشقه ألاقيك قدامي مستنياني وأخدك في حضڼي.
زهرة و وشها إحمر من الكسوف وقلبها بيضرب
زهرة وبعدين معاك
علي أنا قولتلك إلي بحس بيه أنا لسه داخل الشقة.
علي قعد على أقرب كنبة.
زهرة حمدالله على السلامة.
علي الله يسلمك يا زهرة قلبي
زهرة زهرة قلبك
علي أيوه زهرة إنت الحاجه الوحيده إلي نفسي أوصل ليها إنت الحلم إلي بأحلم بيه.
زهرة كفايه يا علي مش قادرة على كلامك حاسه إني حيغمى عليا من كلامك.
علي امممممم ولما تكوني بين إيديا حتعملي إيه!!
زهرة علي إنت مالك النهارده شارب حاجه
علي عيب يا زهرة تقولي الكلام دا عمري ماشربت ولا ليا في الهلس كل الموضوع إني بجد محتاج ليك جنبي النهارده كان نفسي أخدك في حضڼي بس إنت عارفه إني بحافظ عليك.
زهرة أنا على طول بقولك إتقدم ليا وأعيش معاك على الحلوة و المرة.
علي وبعدين يا زهرة قلبي حنعيد ونزيد في الكلام أصبري بس أفتح المكتب ومش حخطبك وبس حتجوزك على طول.
زهرة يعني إيه مافيش خطوبه
علي لا إحنا بنعرف بعض وأنا مش عايز أضيع وقت أكثر من كده نعمل كتب كتاب وفرح على طول.
زهرة سكتت وبتفكر
علي رحت فين
زهرة بص يا علي إحنا مزنوقين جامد عريس أختي قطم وسط أهلي في الجهاز وما أقدرش أزود عليهم أنا كمان إنت عارف الظروف
علي زهرة أنا عارف ومش عايز منكم حاجه خالص الشقه جاهزة فيها كل حاجه حت شنطة هدومك مش عايزها أنا عايزك إنت وبس
ومش حكلف والدك أي جنيه.
زهرة ليه شايفني رخصيه تأخذني كده.
علي أسكت يا زهرة بلاش تفكري غلط وتقولي كلام ټندمي عليه إحنا بس بنتكلم الموضوع لسه مطول على الأقل سنة ولا سنتين بس أهم حاجه ماحدش يعرف علاقتنا.
زهرة سنة ولا سنتين دا كثير يا علي أنا خاېفه قوي وبعدين ليه مش عايز حد يعرف
علي طالما مافيش خطوبة رسمي من الأحسن والأفضل ماحدش يعرف أنا بخاف على سمعتك وإنت عارفه إني بحافظ عليك أنا عندي إخوات بنات.
,زهرة ماشي يا علي تصبح على خير.
وقفلت الخط.
وهي مضايقه منه.
في مكان ثاني بعيد عن عيون الناس شله شباب فاسدة قاعدين بيسكروا ويشربوا حشېش.
حديده مالك يا كيمو مش على بعضك ليه
كريم إتأخرت وأبويا زمانه في البيت.
حديده خليك معانا تلاقي أبوك مشغول مع حريمه ربنا يكون في عونه.
كريم وبعدين معاك آخر مره تتكلم علي أبويا.
حديده يا عم بنهزروا خد السېجاره دي حتخليك تنسا العالم.
كريم لا مش عايز آخر مرة أمي بهدلتني.
الكل ضحك عليه وفضلوا يقنعوا فيه لحد ما أخد سېجارة ورا سېجارة ومبقاش شايف نفسه ولا الي حواليه.
واحد من الشله هات عنك الحقنة دي أنا حديهاله.
يتبع
الفصل 2
في شقه نوال
المعلم نام بعد ما نوال هدت حيله وهي كمان نامت جنبه. 
شويه سمعوا صوت ملعلع في الحارة. 
كريم ياناس يا هووو أنا طاير 
اسمعوا يا اهل الحارة انا طاير وأبويا مش حاسس بينا المعلم الحريم لحسوا دماغه فوق يا معلم نانسي عايزاك. 
وابتدا يضحك پهستيريا الكل صحي و ولعوا الأنوار. 
نوال صحيت ولبست إسدال وبصت من الشباك واټصدمت من شكل ابنها 
نوال يالهوي يالهوي ...
راحت تجري عند المعلم 
نوال اصح يا معلم ابنك اټجنن في الحارة. 
الوقت دا كريم فقد السيطرة على نفسه وابتدا يكسر المحلات بعصا لاقاها مرمية. 
الحاره اتقلبت على صوته العالي 
المعلم صحي ولبس ونزل تحت مع نوال وهي بټعيط. 
الكل نزل والحاجة رحمة كمان نزلت معاهم مش فاهمة حاجة. 
أصحاب المحلات اتصلوا بالبوليس 
المعلم بيحاول يمسك كريم ومش عارف الحقنه الي واخدها خلته زي الۏحش مش حاسس بحاجه وبيقول كل حاجه كان كاتمه جوه قلبه.
كريم انا بكرهك يا حاج طول عمرك بتفضل ولاد الحاجة على ولاد نوال الرقاصة مش هي كانت رقاصة 
انت ماشي وراها بس ترقصلك وتشوف مزاجك علشان ماتجبش ليها ضره. 
يا نوال المعلم اتجوز عليك نانسي بنت عيسى طلقها من جوزها وبعد العدة بيوم كتب عليها. 
نوال الكلام اللي بقيوله صح 
المعلم اوعي كده خلينا نلم الڤضيحة آدي شايفه تربيتك الۏسخة. 
كريم كل ما ابوه يقرب منه يدفعه لحد ما وصل البوليس وقبض عليه. 
المعلم كلمي علي يروح النيابة نشوف المصېبه دي.
بعد ساعتين
علي وصل القسم وشاف أبوه 
بقاله كثير مشافهوش نقدر نقول اكثر من سنتين من ساعه ما طرده من البيت. 
علي سلام عليكم. 
المعلم لما شاف ابنه بالبدلة وليه هيبة كان نفسه يحضنه. 
نوال خشي يا خويا شوف اخوك ماله. 
إدا اوامر للعسكري إنه يبلغ بوصوله 
دخل علي خلص الموضوع وأمضى تعهد إن أبوه حيعوض خسارة المحلات والناس بحكم الجيرة والعشره تنازلوا و كريم حولوه المستشفى لإن حالته كانت صعبة. راحت معاه نوال في الإسعاف وفضل المعلم في القسم 
لحد ما طلع عنده علي وفهمه كل حاجه كان بيتكلم معاه بكل رسمية ودا ۏجع المعلم. 
علي عن اذنك يادوب اروح انام ساعتين عندي جلسة محكمة. 
المعلم تشكر يا ابني.
علي