رواية تبدلت كثيرا من 24للاخير

حاولت ترجع تعيد نفس الحاجه معايا بس انا طردتها.
كندا و ليه مقولتليش دا من الأول
مازن انتى مسألتيش.
كندا مكنش لازم اسألك.. على العموم الكلام دا مش هيغير أى حاجه دلوقتى.
مازن يعنى ايه عاوزه تحاسبينى على حاجه كانت قبل معرفك خالص.. حاجه حصلت معايا و كانت غلطه هتفضل تعذبنى طول حياتى.
اڼهارت كندا فى البكاء قائله مش عارفه.. مش عارفه اى حاجه دلوقتى.. كل اللى اعرفه انى مش قادره دلوقتى اشوفك او اتكلم معاك.
و خرجت من المنزل مندفعه و اغلقت الباب خلفها. وقف مازن مصډوما فى الريسيبشن لا يعرف كيف يتصرف. لم يكن يتصور ان هذا ما سيحدث له فى اول ايام زواجه و بعد كل السعاده التى شعر بها.
ذهبت كندا مڼهارة إلى بيت الخاله روعه التى فزعت لمظهرها الباكى و المڼهار.
الخاله روعه پخوف شو يا بنتى اللى صار.. ليش بكيانه مازن صار معه شي مو منيح احكى ما تغليلى قلبى
كندا محصلوش حاجه متقلقيش البيه فى احسن حالاته.
الخاله روعه طيب شو اللى صار
حكت كندا للخاله روعه كل شئ حدث منذ وصول ساندرا.
الخاله روعه هاى الحيه الله يلعنها.
كندا مش قولتيلى انه محترم و عمره ما عمل حاجه زى كدا و ان علاقته بكندا كانت بريئه.
الخاله روعه و الله يا بنتى هاد اللى كنت بعرفه. مانى متخيله انه مازن يسوى هيك.. بس هاى الحيه مانها سهله هى اكيد اللى عرفت توقعه.
كندا و هو عيل صغير.. أى واحده تتمايص و تتمايع عليه ينسى نفسه.
الخاله روعه كل الرجال هيك مو بس مازن.
كندا متدافعيش عنه لو سمحتى. لأنى مش قادره حتى اسمع اسمه.
الخاله روعه كندا بنتى.. هاد اللى صار كان قبل زواجكن و هاى العقربه تلاقيها سمعت من حدا انه اتزوجك و اديش بيحبك فصار بدها تقلب حياتكن چحيم.. ما تعطيها هيك فرصه.. و الله مازن كتير منيح و لو صار هيك بتكون غلطه اكيد مانه مسامح حاله عليها.. هو حتى ما حكى معى ابدا بهيك شغله لأنه اكيد خجلان كتير من حاله.
كندا مش قادره حاسه بڼار بتاكل قلبى.. مش متخيله انه لما بيبقى معايا بيقارن بينى و بينها و ممكن يكون متخيلها هى فى حضنه.
الخاله روعه لا يا بنتى استعيذى بالله من الشيطان هو اللى بيسوى هيك.. انتى كمان كنتى مزوجه و اكيد ما بتفكرى بالمرحوم و انتى مع
زوجك.. ما تدخلى الاشيا ببعضها.. بنتى خليكى عندى للمسا و حاولى تهدى و بليل بتروحى عبيت جوزك.. لكن اتذكرى انه كل شي صار قبل ما يعرفك مازن
و كل شي خلص كمان قبل ما يعرفك فما تخلى شي متل هيك ېخرب عليكى حياتك
الله يوفقك.
الفصل الرابع و الثلاثون 
اتصل مازن بكندا و لكن هاتفها كان مغلقا فإتصل بالخاله روعه التى أعلمته بوجود كندا لديه و لكنها طلبت منه ان يعطيها الوقت لتهدأ و لا يضغط عليها و اخبربته انها ستجعل كندا تعود للمنزل فى المساء.
كان مازن طوال اليوم يشعر بالحزن و الألم و الندم و لكن لا يعلم كيف يجعلها تسامحه. لا يعرف كيف مر عليه اليوم فلم يأكل أو يشرب شيئا و ظل جالس يفكر فيها فقط و ينتظرها حتى تعود.
عادت كندا إلى المنزل فى وقت متأخر وهى تحمل عمرو نائما. دخلت لتجد مازن فى الريسيبشن بإنتظارها لم تلقى حتى التحية عليه و توجهت إلى غرفت عمرو لتضعه فى فراشه ثم ذهبت إلى غرفتها و أغلقت الباب لتبدل ملابسها ثم نامت بسريرها.
دخل مازن ليجدها نائمه و ظهرها له.
مازن كندا انا لازم اتكلم معاكى.
كندا لو سمحت مش قادره اتكلم فى حاجه.
مازن طيب حتى ادينى فرصه اعتذرلك.. كندا متعذبينيش دى حاجه حصلت من زمان و و الله انا ندمان عليها.. لو اعرف انى هقابلك فى يوم من الأيام و هجرحك بتصرفى الغبى دا كنت موتت نفسى قبل ما اعمل كدا. انا مش عارف اعمل ايه عشان تسامحينى. حرام عليكى تعذبينى كدا.
كندا اعتدلت فى السرير لتجلس بعصبيه متتكلمش عن العڈاب انت عمرك ما هتفهم إيه اللى انا حاسه بيه.
مازن لا صدقينى فاهم و حسيت بيه من يوم ما شوفتك و عرفت ان فى واحد قبلى
كندا دا كان جوزى لكن انت اللى عملته مختلف انت خونتنى.
مازن انا مش بشبه الموقفين ببعض لكن بعرفك انى فاهم انتى حاسه بأيه بس انا برضو مخونتكيش لأنى مكنتش لسه عرفتك.
صمت للحظات ثم استطرد انا مش بدافع عن نفسى و لا فخور باللى عملته بس كل اللى واجعنى من جوايا انى سببتلك الحزن دا.. مش عارف اعمل ايه عشان تسامحينى.
كندا يمكن اللى قولته صح و فعلا انت مخونتنيش بس مش قادره اعدى الموقف دا لازم اخد وقتى.. دى حاجه ميحلهاش غير الوقت.
مازن اد ايه
كندا معرفش.. مقدرش اقولك.. بس لما چرحى يلتئم.
مازن دا المسجون بيعرفوه امتى هيخرج.
كندا بس المجروح مبيعرفش امتى هيخف جرحه.
مازن عشان خاطرى متطوليش الفتره دى.
انتبه مازن إلى ان كندا لا تضع السلسله التى ألبسها اياها و طلب منها ان تضعها دائما.
مازن انتى ليه مش لابسه السلسله.. احنا مش اتفقنا انك مش هتشيليها حتى لو كنتى متضايقه منى.
كندا حسيت انها خنقتنى.
مازن للدرجه دى أى حاجه منى بقت تتعبك.
كندا مازن الكلام هيزود المشكله اكتر.. لو سمحت ادينى وقتى عشان اهدى.
رجعت لوضعها السابق و اعطته ظهرها لتنام ذهب مازن لينام بجانبها قبل رأسها فلم تعطه أى رد فعل فإقترب منها ليضمها ابعدت يدها عنه دون قول أى كلمه.
استيقظ مازن فى الصباح و ذهب إلى عمله ثم عاد فى المساء ليجد كندا فى غرفة عمرو تلعب معه.
مازن مساء الخير.
كندا دون ان تنظر إليه مساء النور. فى أكل فى المطبخ لو حابب تتغدى.
مازن محاولا ان يطيل معها الحوار و يكسر حدة الموقف بينهما مش هتاكلوا معايا.
كندا لا احنا كلنا خلاص.
ذهب إلى غرفته و بدل ملابسه و تناول طعام الغذاء و عاد مرة اخرى لغرفة عمرو ليحاول ان يجد أى وسيله يلفت بها نظر كندا إليه.
مازن موجها كلامه لعمرو عموره مش عاوز تلعب معايا بلاى استيشين
عمرو اه نلعب.
مازن طيب ياللا تعالى.. عشان نورى ماما مين الأشطر فينا.
خرجت كندا دون أى كلمة و توجهت إلى غرفتها تاركة إياهم سويا. جلس مع عمرو ليلعبا قليلا ثم أخذه لينيمه فى غرفته و بعد ذلك ذهب إلى كندا فى غرفتهما.
مازن انا نيمت عمرو خلاص.
كندا شكرا.
مازن لسه برضو قلبك محنش عليا.
كندا يا ريت كان قلبى بأيدى.
مازن بحزن كنتى هتطلعينى منه
كندا مازن.. لو ليا خاطر عندك بلاش نتكلم دلوقتى.. خلينى اهدى لواحدى.
مازن مش هتسامحينى.
كندا مسامحاك بس مش قادره انسى اللى حصل و اتعامل معاك زى ما كنا قبل كدا.. مش قادره اقبل منك كلمه حلوه و لا قادره احس بأيدك بتلمسنى.. يمكن اكون مقتنعه ان دى حاجه حصلت قبل ما تعرفنى و مش من حقى احاسبك عليها. بس مش قادره انسى و اكمل زى ما كنا.. سيبنى انا كل اللى