رواية المطلوبة من باقي 5-8

رب الراجل والبت يروحوا منى فى ساعه واحده.
اهدى يا خالتي ماهر جاي وهنخده على أي مستشفى ونلحقه.
حست بأيد عبده تضغط على ايدها ويتنفس بصعوبة.
عبده .. قوم يا خويا قوم والنبي ما توجع قلبي عليك كفاية ۏجع واحد عليا.
عبده بدأ يكح ويتكلم متقطععشان يطمنها ويطمن هو على هدهد وصل ماهر ومعاه راجل بتاكسي سندوا عبده واخده على أقرب مستشفى.
__________________________
نروح لي هدهد...
خرجت من الحي بتاعهم خالص وبقت تهرول في الشوارع مش عارفه هي فين ولا هي في انهي منطقه كل الكان في دماغه كلمه فاطمه اجري يا هدى ليمسكوكي طب يمسكني لييه ايه اللي حصل عملت ايه في دنيتي عشان يحصل معي كل ده جريت وجريت وجيت لحد ما تعبت وانقطع نفسها رن فى سمعها صوت أذان دخلت في زاويه في الشارع لا تعرف اسم ولا تعرف عنوان الدنيا سوده في وشها سودا.
دخلت على الميضه اتوضت وطلعت جناح السيدات ما كنش فيه غير ست كبيره واحده شكلها كده هي المسؤولة عن نظافة المسجد بتاع السيدات الإمام قام عشان ينبه الموجودين للصلاه واقفت بين ايد ربها وروحها پتنزف قدام رب العالمين فى سجودها وبتسألة بدموع ليه ليه أنا ايه الذنب اللي عملته في دنيتي يا رب مش معترضة بس افهم .. أنا عمري ما عملت حاجه تغضبك أنا بعترف أنى بعيده ومش مواظبة على الصلاة بس أنا عارفه أنك على طول معايا ترتجف وتبكى بشده بخاف .... بخاف من الحړام والغلط والله يا رب رفضت أسمع كلام أمي فى الرقص عشان خاېفه منك وخفت وعمري ما مشيت فى البطال خوف منك بعت عن أي شغل مع الرجالة عشان بس محدش يلمسني
خوف منك وبس لبست توب الرجالة وعشت زيهم بشنب عشان أبعد أي ايد ولسان عنى بردوا خوف منك ومن عقابك أنا مش حمل ڼار أخرتك يا رب أعمل ايه تاني لا حمل عقاپ الدنيا يا رب خدني عندك وريحنى.
قامت من سجودها وبدأ فى اخر ركعه ودمعها سيول لغايه ما خلصت الصلاة وقعدت تشكي ربنا كتير لحد مالفت انتبها صوت الست الكبيرة وهي بتقرأ قرآن بصوتها عند الاية ومنهم من ينظر إليك ۚ أفأنت تهدي العمي ولو كانوا لا يبصرون إن الله لا يظلم الناس شيئا ولكن الناس أنفسهم يظلمون 44 
ترددت كتير فى ذهنها ولحد ما فهمت منها كام كلمه بس لسه جواها أسئلة ملها أجابات ولسه قاعده قربت منها الست وطبطبت عليها ربعت جنبها هدهد بصت عليها كان وشها نور زي البدر هزت راسها بمعنى نعم افتكرتها عايزه منها حاجه متعرفش ان هي محتاجها.
الست ابتسمت لها وبدأت تكلمها
مالك يا بنتي حالك مكركب ليه..
هدهد بدموع
حالي! تعبت من حالي زي ماأنتي شايفه.
حالك حال كل الناس بس الابتلاء مختلف استغفرا يا بنتي ربك بيدي لعباده البلاء على قد درجه الصبر وكل واحد شايف نفسه انه عنده هم كبيير وناسي ان رب الكون أكبر.
ونعم بالله بس خلاص ماعد عندي قوة ولا صبر.
الست بوش بشوش
يا بنتي استهدى بالله أكيد الكرب والضيقه اللي انتي فيها ليها حل وأكيد ربك له حكمه فى كده سيدنا ايوب النبي صبر على مرض ١٨سنه وفى عمر ال٨٠ زوجته بتقوله ادعو ربك يعفي عنك قال لها استحي انه يدعو ربه لان سنين مرضه أقل من عمره وهو بكامل صحته واهو نبي وصبر واحتسب عند ربنا. 
ارمى حملك على صاحب الأمر وهو المعين وقولي يا رب.
هدهد بابتسامه مرهقه
ياااارب .. ياااارب.. ممكن تخديني فى .
الست على ملامحها الرضا واخدتها فى وهدهد ما صدقت تلقي كتف ټعيط عليه.
اڼهارت كل الأسئلة مبقاش فيه اجابات ربنا ما بيظلم حد ربنا يختبرنا بيشوف وتحملنا بيشوف صابرين على كل اختبار فى الدنيا.
هدهد فى نفسها
فهمت.. فهمت..!! ربنا عايز ايه فهمت رسالته هو ليه بيحصلى كده في دنيتي شايلى حاجه احسن أكيد وغمضت عيونها واستسلمت لنومها.
بس لسه زي ما احنا عارفين طبيعة البشر كلمه ليه وعشان ايه هي محور السؤال ومحور حياتنا ومحور سؤال له أجبأت كتير بس اللى يفهم الرسايل 
قامت هدهد مخضۏضة على ايد بتصحيها لقت راجل من المسجد بيصحيها.
قومي يا ست ياحول الله.
انا فين..
نايمه فى المسجد انتي تايهه يابنتى ولا حكايتك ايه..
هدهد افتكرت
كان فى ست هنا معايا.
ست..!! ما فيش ستات دخلت ولا خرجت هنا انا قاعد تحت من اذان الظهر شوفتك ډخلتي العصر وبقينا بعد العشاء ولا خرجتي وأنا عايز اقفل واروح.
هدهد تاهت افكرها ومش عارفه ترد.
انتي تعبانة يابنتى.. طب جعانه ولا عايزه فلوس..
لا لا لا تشكر ياعم الحج مستوره الحمد لله أنا بس كنت بلف طول النهار وغفلت سلام عليكم.
الراجل رد السلام وهو بيضرب كف على كف
وعليكم السلام يتوب علينا ربنا.
___________________________
اول ما خرجت دورت على أقرب كشك تتصل منه تطمن على أمها وعبده ومن لخبطتها افكرها مش فاكره اخر رقمين مش قدمها حل غير أنها تجرب كل الارقام.
وفى نفس الوقت عبده راقد على سرير فى استقبال مستشفي حكومي لسه بيعلجوه وعزيزه قاعده جانبه مربعه على السرير وفاطمة وجهت كلامها لجوزها 
امشي أنت يا ماهر الواد فى الكشك طول النهار لوحده ياعالم حصله إيه وابقى جس النبض كده من بعيد شوف الواد بيچا جراله ايه..
طب ماشي وانتوا لو حصل حاجه اتصلى عليا اجلكم هوا تأمريني بحاجه يخاله عزيزه..
تشكر يا بني ما يأمر عليك ظالم ولا مفتري ابدا وبالمرة الله لا يسيئك شوف كده لتكون هدهد رجعت ولا مسكوها ولا أي خبر عنها...
فاطمه بانفعال ايدها على بطنها وضهرها
تفي من بوقك يا خالتي حرام عليكي هتولدينى وأنا فى اخر السابع الله يسامحك روح يا ماهر روح.
عزيزه بدموع
عايزه أطمن على البت يا بطه ولا الراجل أهو من ساعه ما جبناه خيطوله نفوخوه وقالوا تحليل واشاعه وابصر ايه وهو نايم ولا دارى بالدنيا والدكتور زي ما يكون فص ملح وداب.
عبده فاق
ياوليه اسكتى شويه لا مريحه وأنا صاحي ولا نايم هدهد فين...
عزيزه بفرحه
عبده أنت صحيت الحمدلله يارب عقبال هدهد ما طمن عليها يارب.
حمدلله على السلامة ياراجل ياطيب بركه أنك بخير الصبر يا خالتي ان شاء الله نطمن على عم عبده ويحلها ربنا.
فاطمه فى سرها كملها بالستر يارب انتي فين ياهدهد! 
وفى ثانيه رن فون فاطمه برقم غريب بصت للرقم بعدم اهتمام عزيزه بتبص لها عشان ترد عندها صدع.
سيبك منه تلاقي رقم غلط وحد عايز يستظرف.
بس فى لحظه افتكرت إنها ممكن تكون هدهد ردت بسرعه.
الوووو ايوه مين هدهد.. 
ايوه يا بطه أنا هدهد ام...
قاطع كلمه صړخة عزيزه وشد الفون من يد فاطمه وردت اسمها بارتجافه
شهد بنتي أنتي فين يا قلب امك طمنيني عليكى تعبانة بردانة جعانه ردى عليا يابت قلبي هيقف ..!!!!
هدهد بسعادة لسماع صوتها
اديني فرصه أرد ياقلب شهد طمنيني عبده عامل ايه وأنتي حد اذاكى ردى عليا بالله عليكى الأول
عزيزه بتهنيده ودموع
أنا كويسة وعبده اخد غرزتين وزى القطط بسبع أرواح المهم انتي يا شهد ..
هدهد عيونها اتملت بالدموع
يااااه يا