رواية المطلوبة من باقي 5-8

اروح معاكي ونرجع سوا.
هدهد بنرفزه
قولت لك مشوار وهروح لوحدي يلا هوينا.
بيچا پخوف
ياساتر بس متتأخريش خالتى عزيزه بتتحول عليا المره اللي فاتت جرجرتنى من قفايا عالسلم
وعم عبده خلصنى من ايدها بالعافيه.
طب انزل يلا.
كملت هي طريقها وكلها ڠضب وضيق وبتفكر هيكون عايزها ليه ده
البارت ...٦
___________
كملت هي طريقها وكلها ڠضب وضيق وبتفكر هيكون عايزها ليه ده
وصلت شارع في المنيل اتصلت على الرقم اللي كلمها وصفلها كافيه كان قريب منها دخلت لقت آسر قاعد مستنيها أول ما قربت قام واقف ومد إيده يسلم عليها بحماس وعلى وشه ابتسامه جميله ردت عليه ومدت ايدها بملامح بارده قعدت استغربها أوى هى ماكنش كلامها كده معاه.
آسف إنى طلبت أشوفك فى وقت زي ده هو أنا زعلتك في حاجه..
هدهد بحدة 
ابدا يابيه اللي زيك من حقه يعمل اللي هو عايزه واللي زينا ملهمش حق فى أي حاجه عارف ده حتى النفس اللي طالع مننا خسارة فينا.
بيسمع بكل انتباه وفهم إنها قابلت آمر وهو سبب اللي بتقوله حب
هدهد بحدة
بلاش تريقه يابيه كفايه اللي ق.....
قطعها آسر
مش تريقه يا هدهد ....اتنهد أنا عارف إن كلام آمر يضايق وېحرق الډم وأنا لو مكانك كنت رقعتوا جوز اقلام عجب.
اخيرا شاف ابتسامتها.
أبوه كده الشمس طلعت بالليل أهي.
هدهد أأمر يابيه ...!
محتاجك أوى يا هدهد.
هدهد مبحلقه 
نعم ده اللي هو ازاي لامؤخذه...
وعشان أبقى واضح آمر هو اللي محتاجك مش أنا.
هدهد پغضب قامت وقفت 
اظاهر ان نظرتى فيك طلعت غلط.
آسر مسك إيدها
استني انتي فهمتني شمال خالص.
صدقني كنت هحزنك عليها.
آسر بنفاذ صبر
ممكن تسمعيني للأخر من غير مقاطعه ولو كلامي ما عجبكيش ابقي اعملى اللي نفسك فيه.
هدهد في حاجه جواها بتجبرها انها تسمعه مش عارفه إيه هي ومضايقه من نفسها ومنه ازاى هو شايفها بالشكل ده مع انه كلامها معاه بكل رجوله صبرت نفسها وقالت خلينى ورا الكداب لما نشوف وقعدت تسمعه.
آسر بتنهيده 
أنا مش هبرر لي آمر أي كلمه قالها بس هحكيلك من الأول آمر أمه وأبوه ماتوا في حاډث طياره وكانت صدمة صعبة أوى على طفل عنده ٥ سنين أخد فتره لحد ما استوعب انه بقى وحيد وان عيلته ماټت مكانش في حد جنبه غير أنا وأبويا والمربيه بتاعته إحنا كل حياته مهما كنا جنبه كان دايما بيحس بالوحده كبرنا سوا واتربنا سوا وتعلمنا سوا بس كانت شخصيتنا مختلفه هو طموح كده و شاطر جدا في الشغل قدر فعلا يضيف لمجموعه خطاب كتتير جدا بموهبته وشغلوا وقدرته أنا مش بشكر فيه بس هي دي الحقيقه بس مع كل النجاح والخبره دي كلها كان دايما في حاجه بتخذله قلبه دائما بيخذله دق وحب بنت مش من مستواه لا التعليمى والاجتماعي وكانت نقطه تحول في حياة آمر مكنش مجرد حب لااا كان عشق منه فتره وفجأه قرر الجواز منها عمه اللي هو ابويا اعترض أنه لسه بيدرس ومشواره طويل بس هو اتحدى الكل وحدد ورتب كل شيء وعمل فرح ورحت زي أي حد غريب حتى معزمنيش بس أنا ماقدرش اسيبه في يوم زي ده وبعد ساعتين من الغنى والرقص والهيصه واحد من الجرسونات وشوش آمر ولقيته ماشي معاه استغربت ومشيت وراهم 
انا كنت هتجنن أول مره أشوفه بالضعف ده عدا ربع ساعه ساكت تماما ومرة واحدة قام وقف وخرج جريت وراه سألته هتعمل إيه رد 
هعمل اللي كان لازم اعمله من زمان. 
دخل القاعه لمحها بترقص مع اصحابه أول مره يشوفها على حقيقتها بتغمز بعيونها لده و بإيدها وش ده وبتتمايل لكل راجل واقف حواليها هيتهبل عليها عڼف نفسه ساعتها ازاي كان أعمى عن كل ده ازاي كان بيشوفها بصوره ملاك وهي شيطان وقف وسط القاعه ومسك المايك وهي وقفت جنبه بسعاده وسألته
ها باحببي المأذون وصل!مسك إيدها ورفعها للناس وهي وشها هينفجر من الفرح وتكلم بصوت عالي
الكل هنا أكيد يعرف إن ده فرحى ودى عروستي.
الكل صفر وهلل في انتظار يكمل وهي بتهز بس بعد ما آمر كمل الكل خرس قال
بس حضرتكم غلطانين ده مش فرحي ومش أنا العريس العريس هنا اللي يدفع اكتر او اللي معاااه أكتر 
هدهد طول ما هي بتسمع قلبها بيتقطع عليه من اللي شافه كانت فاكره الدنيا بتيجى بس على الغلبان لكن حتى الغني بتيجي كمان عليه فكراه طايل نجوم السماه بايداه طلعت بتدبحه بسکينه تلمه وبتسقيه المر كمان يااااه على أسوة دى دنيا.
آسر خلص لمح في عيونها الدموع والحزن في ملامحها عرف انه اثر عليها فاقت من افكارها بس هى مش فهمه هو بيحكيلها ليه وهي بإيدها إيه تساعده
آسف إني ضايقتك بس للأسف ده اللي حصله.
ربنا يساعده بس بردو مش فاهمه أنا مالى بكل ده..
منا جايلك أهو فى الكلام الفتره دى مجموعه خطاب مشتركه فى مسابقه ملكة الجمال من حيث الإعلانات وحاجات تانيه انتى مش هتفهميها ولازم نشارك بمودل تكون وجه جديد وقدمنا مهله أقل من شهر ولحد الان ملقناش البنت دى و آمر مش مقتنع بولا واحده.
هدهد افتكرت معاملته معها قالت في سرها وده يعجبه العجب ولا الصيام فى رجب
هدهد ردت بسرعه بدون تفكير 
وأنا مالى بالكلام ده وطالما مش لقينها مسابقه تفوت ولا حد ېموت.
المشكله مش فى دخول او خروج المسابقه.
هدهد بعدم صبر
ماتيجى دغري يابيه أنا هلكانه والوقت اتأخر وب...
آسر قاطعها 
المفيد أن آمر دخل تحدي وعند مع واحده ليها اسهم في المجموعه إن ملقاش المودل اللي هيدخل بيها المسابقه في خلال شهر هيتجوزها نفس اليوم.
هدهد بخضة 
إيه يتجوزها ...
وفي ثواني رجعت لملامح الجمود مره ثانيه ردت عليه بانفعال
طب وأنا مالي ما يتجوز أنا يخصني إيه في الموضوع ده..
آسر بتريقه 
بجد مفهمتيش مانا كل ده بحكي في إيه و عمال أقوللك محتاجك يا هدهد انجديني يا هدهد وانتي كل ده مش فاهمه وحكت لك قصه آمر من ساعه ما اتولد لحد اللي حصل وأنا قاعد معاكي فيها برضو كل ده ما فهمتيش
آسر اتنهد
عايزك تكوني انتي الموديل بتاعنا.
هدهد مصدومه ومبلمه بعد ما استوعبت ضحكت بهستريا وكل ده آسر بيفحص رد فعلها واستنى لحد ما تخلص ضحك وسألها
هااا إيه رأيك!
بقى عايزني أنا ابقى البنت اللي هتخش بها المسابقه في شركه آمر سالم يا سبحان الله لا وإيه كمان الراجل كان فاضل له ثانيتين ويرجع في وشي من كثر ما هو قرفان والنبي متتكلم عدل يا بيه.
أنا عارف نظرة آمر وعنده وغروره بس انتي الوحيده اللي تقدري تنقذيه من الموقف ده الوقت ضيق لو موافقتيش مش حنلقى حد وآمر هيضطر يتجوز صافي ڠصب وعند وأنا ما قدرش اشوفه بيدمر نفسه بإيده واتفرج عليه.
هدهد احاسيسها ملخبطه مش قادره تستوعب هي ازاي في إيدها تنقذه ومين آمر بشحمه ولحمه وبدأت رأسها تغلي من ان ازاي بنت تفرض نفسها على راجل ومن آمر بالأخص استني كده انتي استحليتي اسمه ولا ايه مش هو ده اللي طردك وهانك بس البت دي بارده اوى عابو شكلها تربيه واطيه بصحيح.
هدهد