رواية شيماء من 5 الى 7

ما تفرجيش علينا الناس 
شوق علي فكره انا كده هتأخر وبابا 
قاطعها محمود مالكيش دعوه بابوكي انا هتصرف معاه قوليلي في ايه  وما تخبيش عليا 
شوق اترددت للحظه بس محمود وهيا اصحاب جدا من صغرهم.. وعلي طول كان هو درع الامان والحمايه ليها.. والعيله كلهم عارفين انهم ما بيستحملوش علي بعض حاجه.. محمود كان اخ لبنات عم سيد وخصوصا شوق بس ده اللي العيلتين مش فاهمينه 
شوق حكت لمحمود كل اللي حصل من ساعت ما دخلت بيت حازم لحد ما هيا قاعده معاه دلوقتي 
هو سمعها بصمت تام واستناها لحد ما تخلص وتسكت
محمود يعني انا مش عارف اقولك ايه 
شوق حازم بيحبني علي 
صړخ فيها محمود اخرسي ما تكمليش...  يعني في الزمن ده ومع النت والتليفزيون والافلام وبرضه تيجي بنت متخلفه واحد يقولها كلمتين حلوين تقوم مسلماله كل حاجه...  يعني انا قلت اكيد البنات المتخلفه دي انقرضت من التوعيه لكن اتفاجئ ان بنت عمي تربعت علي عرشهم...  يعني شاب مستهتر حصلتله حاډثه عمال يندب حظه وكل يوم امه تجيبله واحده جديده يقولك بحبك تصدقيه ده ايه كميه التخلف دي 
للدرجه دي لغيتي عقلك  اهو رماكي رميه الكلاب وسابك وسافر  يعني حتي مش هتعرفي توصليلو.  هتعملي ايه بقي سيادتك  خدتي ايه من حبه
شوق بټعيط انا حاسه ان في حاجه غلط حازم مش كده...  حازم بيحبني يا محمود 
محمود هيتجنن من بنت عمه وعايز يضربها 
محمود طيب بيحبك مصدقك...  هو فين  سافر ليه  ليه ما قالكيش قبل ما يسافر  انتي اقل من انه يهتم انه يعرفك انه مسافر  انتي مجرد خدامه عنده بتريحه باي طريقه ان كانت...  انتي بقي متخلفه وسلمتيله نفسك فدي مشكلتك انتي مش مشكلته هو.. 
انتي غبيه فده مش ذنبه.... 
وبعدين ده مشلۏل يعني حتي لو حبيتي ترفعي عليه قضيه انه اعتدا عليكي او غرر بيكي نظره واحده ليه وهتتحبسي انتي...  هيقولولك ده مشلۏل يعني انتي اللي روحتيله برجلك ومحدش ضغط عليكي... 
انتي بكل الاحوال والطرق متخلفه 
شوق رافضه تسمعه وبتهز دماغها 
شوق حازم بيحبني 
محمود فوقي واعرفي حاجه مهمه مفيش راجل بيحب واحده يعمل فيها كده.....  اللي بيحب بجد ما بيمسكش حتي ايد حبيبته وبيحميها من نفسه قبل اي حد تاني...  عمر ما كان الحب كده ابدا.... 
الحب يعني خوف علي حبيبتك...  بتحبها هتروح بيتها وتدق بابها غير كده مش حب.... 
معادله بسيطه قوي 
بتحبها تروح بيتها ما بتحبهاش اتسلي واتمتع 
هيا بسيطه قوي بس نعمل ايه بقي للبنات المتخلفه امثالك...  اول ما الشاب يقولها كلمتين حلوين تقول اه بيحبني وتسلمله كل حاجه...  هاين عليا اقوم افضل اضرب فيكي لحد ما اقټلك لان هو مش غلطان....  هو مش غلطان 
شوق خلاص انا هسيبلكم الدنيا واطفش 
محمود وابوكي  وامك  واخواتك  وسمعه بيتكم  والعيله  طبعا الحاجات دي اخر اهتماماتك صح 
شوق طيب اعمل ايه انت قولي 
محمود ما حكيتيليش ليه عنه من الاول واخدتي رايي فيه ليه  جايه دلوقتي تقوليلي اعمل ايه  ما اعرفش انا تعملي ايه  ما اعرفش... 
شوق بابا لو عرف.... 
محمود دلوقتي خاېفه من ابوكي  انتي لو ابوكي عرف هتاكدي نظريته عن البنات انهم فعلا بيجيبوا العاړ وبس...  بس هو كمان غلطان...  هو حرمكم من الحب والحنان يمكن لو كان شبعكم من حبه وحنانه مكنتوش تضعفوا قدام كلمه حلوه من اي راجل 
قومي اروحك وبكره اشوف حل 
المهم صح انتي حامل في قد ايه 
شوق خمس اسابيع 
محمود يعني لازم نتصرف بسرعه قومي وربك يسهلها 
محمود اخد بنت عمه روحها واستسمح ابوها انه اخرها شويه وابوها تقبله لانه بيتمني.......
تاني يوم شوق اتفاجئت بمحمود وعمها احمد ابوه عندهم في البيت مع ابوها 
شوق الفضول والقلق هيقتلوها خاېفه لمحمود يقولهم ويحاول يتكلم بالعقل 
مش عارفه طيب تهرب ولا تروح فين  لازم تهرب بسرعه ويدوب هتتحرك لقت ابوها بيناديلها 
بصتله والخۏف هيخليها تقع من طولها 
شوق ن نن نعم 
سيد مالك يا بنتي خاېفه ليه  تعالي...  النهارده اسعد يوم في حياتي 
شوق مستغربه خير 
سيد محمود طلب ايدك وانا وافقت وفرحكم اول الشهر 
شوق  مش مستوعبه اللي حصل وعقلها توقف عن التفكير ومره واحده وقعت من طولها 
ابوها نادي علي محمود والكل طلع يجري عليه 
سيد ماسك بنته ومحمود جاله وشالها وحطوها علي سريرها 
سيد سمر روحي هاتي الدكتور اللي علي الناصيه بسرعه 
محمود خاف وقلق انهم يكتشفوا حملها 
محمود لا مالوش لازمه هيا بس من فرحتها ما استوعبتش هاتي قزازه البرفان دي يا سمر 
محمود فوقها وفاقت فعلا وبصتله ويدوب هتنطق 
محمود خضيتينا عليكي يا شيخه...  يعني توقعت انك ټعيطي من الفرحه مش يغمي عليكي...  الكل حواليكي اهوه خوفتيهم وابوكي عايز يجيب دكتور 
شوق اتعدلت وفهمت لا انا كويسه يا بابا 
احمد خضيتينا يا شوشو قومي بقي خلينا نجهز للفرح..  انا اصلا مش فاهم هو  متسربع علي ايه 
اقوله نستني شهرين تلاته نجهز مش راضي و مصر الشهر ده... 
شوق بصت للارض وما ردتش وهما فهموا ده كسوف 
احمد شد اخوه سيد تعال عايزك في كلمتين 
اخده وطلع بره وسمر سابتهم وخرجت هيا وامها 
شوق انت ايه اللي عملته ده  هو ده الحل 
محمود عندك غيره 
شوق ايوه ان انا اهرب 
محمود وتفضحي العيله كلها صح  بطلي انانيه بقي 
شوق طيب وسميه  مفكرتش فيها  حبيبتك 
محمود فكرت فيها بس مش كل حب بيكمل...  هيا هتتفهم او لو ما اتفهمتش هتكمل حياتها وعادي بقي 
المهم حاليا ان احنا نتصرف صح...
شوق انت بتدمر حياتك 
محمود احنا متربين مع بعض وطول عمري انا مسؤل عنك ايه اللي اتغير 
شوق مسؤل عني كأخ مش تتجوزني 
محمود بقولك ايه الكلام خلص وده الحل الوحيد وكويس اصلا ان العيله من زمان فاكرينا بنحب بعض وعلشان كده ما استغربوش اني مستعجل نتجوز بسرعه 
شوق وهنتجوز فين 
محمود انا اشتريت شقه صغيره ويدوب مخلص توضيبها هتتفرش بس 
شوق اشتريتها علشان سميه...  لا انا مش هوافق انا جربت چرح الحبيب ومش هرضهالكم انتو الاتنين 
سميه هتتجرح قوي وخصوصا انها ديما كانت شاكه ان في حاجه بينا 
محمود الموضوع خلص خلاص واخر الشهر هنتجوز
العيله كلها بتجهز للفرح والكل فرحان ومبسوط الا تلاته..  شوق..  محمود..  سميه 
سميه عرفت بخبر خطوبه حبيبها وكانت هتتجنن 
حست قد ايه كانت مخدوعه وغبيه 
قررت انها لازم تشوف محمود بنفسها 
راحتله شغله  واول ما شافها كان عايز يجري عليها ينفع 
اخدها ونزلوا يتكلموا بعيد عن زمايله 
سميه انا بس عايزه افهم..  انت اكدتلي ان مفيش حاجه بينكم 
محمود مالوش لازم الكلام انا فرحي خلال عشر ايام 
سميه من حقي عليك بس افهم...  يعني انت كنت بتتسلي بيا ولا
محمود انا عمري ما اتسليت بيكي ابدا 
سميه طيب فهمني...  انا غلطت في حاجه  زعلان مني مثلا  طيب لو غلطت او زعلان قولي وانا اصلح غلطي او اصالحك ما تسيبنيش كده...  طول عمرك راجل معايا بتتخلي عني ليه كده 
نص كلامها مش مفهوم من عياطها 
محمود هيعيط هو كمان...  دي حبيبته اللي قدامه ومڼهاره من العياط 
سميه طيب ما حبتنيش مثلا  ماهو انا لازم افهم... ريحني ارجوك 
محمود لا ما حبتكيش...  كنت فاكر اني بحبك وان اللي بيني وبين شوق اخوه بس مره واحده اكتشفت اني بحبها هيا وبس... خلاص كده ريحتك انسيني بقي وشوفي طريقك وربنا يوفقك