رواية داوي چروحي من 19-22

عايز اشوف دموعك تاني
ملكعمرو هو ينفع منعملش فرح 
عمرو باستغراب ليه يا ملك
ملك مش عارفه حاسه ان هيكون دمي تقيل اوي لو الناس عارفه ان انا مطل........
عمرو قطع كلامها  وقال ما تقوليش كده عشان خاطري يا ملك انا عمري ما فكرت في كده و انت ملكيش دعوه بالناس انتي خليكي  معايا وبس احنا لو كل خطوه نمشيها نحسب الأول الناس هتقول ايه يبقي مش هنعيش ياقلبي
ملك اتنهدت وقالت بس....
عمرو قطع كلامها تاني وقال ما بسش يا ملك خلينا نفرح شويه و اسكتي عشان مااستغلش الموقف اللي احنا فيه ده واتهور عليكي واحنا لوحدنا 
ملك ضحكت وقالت ربنا يخليك لي يا عمرو
عمرو ضحك  وقال طب هشغلك اغنيه
يا رب تعجبك بقى 
وشغلها اغنيه عمرو دياب عيونك شايفها
مسك ايدها واشتغلت الاغنيه
عيونك شايفها وحاسس إن أنا عارفها
سيبيني براحتي أوصفها مكسوفة ليه
كإنك معايا بقى لك عمر ويايا
بنفس الصورة جوايا من قد إيه
سنين شايفك في أحلامي بنادي عليك ضميني
ليالي كنت مش عايش ومستنيكي تحييني
وحشتيني وحشتيني سنين بعدك على عيني
ليالي كنت مش عايش ومستنيكي تحييني
وحشتيني وحشتيني سنين بعدك على عيني
ليالي كنت مش عايش ومستنيكي تحييني
ملك اتنهدت بحب ورجعت بضهرها لورا وقالت بحبك اوى 
عمرو ابتسم وباس ايدها وقال ركزي بقا في الكوبليه دا كويس وغمزلها
يا أجمل هدية بعتها القدر لي
يا قمري في عز لياليا أوصف لك إيه
والله والدنيا بقت في عيني حاجة ثانية
هواك قابلته وفي ثانية جريت عليه
سنين شايفك في أحلامي بنادي عليك ضميني
ليالي كنت مش عايش ومستنيكي تحييني
وحشتيني وحشتيني سنين بعدك على عيني
ليالي كنت مش عايش ومستنيكي تحييني
وحشتيني وحشتيني سنين بعدك على عيني
ليالي كنت مش عايش ومستنيكي تحييني
عمرو اتنهد وقال بحبك يا ملك وابتسملها وشغل العربيه ومشي
مرت الايام وجه يوم الفرح المنتظر
فرح ملك وعمرو 
كانت ملك نايمه وصحيت علي رنه تليفونها وقالت بصوت نعسان .. الوووووو
عمرو ايه يا عروسه كل دا نوم قومي بقى
ملك ابتسمت وقالت صباح الخير الاول بس 
عمرو صباح الحب يا ملكه قلبي
ملك اممم وبعدين معاك مش كفايه بقى
عمرو كفايه ايه لا النهارده مش عايزه اسمع الكلمه دي خالص
ملك ضحكت وقالت هقوم اخد شاور واصلي وهستناك 
عمرو بتهربي يعني عموما مهما تهربي هتدخلي القفص برجليك النهارده سلام يا قلبي
ملك قفلت التليفون وابتسمت
دخلت نبيله وسها بالزغاريط  ومروان كان ماسك طبله صغيره بيطبل عليها وسها بترقص على طبلة مروان
نبيلهراحت عند ملك وحضنتها وقالت ربنا يفرحك يا بنتي
ملك باست ايدها وبصت لسهي  وقالت اهدي بس لتولدي 
سها ضحكت وقالت اهدي ايه انا مش هبطل النهارده رقص خالص ومسكت ضهرها بتعب وقالت اااااااه   حاسه هعملها النهارده مش عارفه ليه يا بنت يا لوكا
ملك يعني جايه تعمليها النهارده يا اختي حبكت  النهارده
مروان راح لملك وحضنها وقال يعني كده مش هتيجي عندنا تاني يا لوكا زي الاول
سها بصوت عالي مرواااااان
ملك ايه يا سهي هو مش فاهم حاجه وبصت لمروان وقالت لا يا قلب عمتو هاجي على طول عمو عمرو طيب اوي وهيجيبني ليكم وحضنته
نبيله يلا يا بنتي جهزي عشان عمرو هيجي ياخدك 
ملك حاضر يا ماما وقامت جهزت نفسها
وبعد شويه جه عمرو اخدها وصلها هي وندى مركز التجميل
في بيت مازن 
خرج من اوضته كان لابس بدله شيك جدا  وخرج مصطفى ومؤمن ونيفين
وكانت عبير وسعاد قاعدين في الصاله واول ما شافوهم استغربوا 
عبير على فين كده بربطة  المعلم والشياكه دي 
مازن عندنا فرح حد من صحابي 
سعاد والست نيفين رايحه ليه معاكم بالشياكه دي
نيفين كانت لابسه فستان كاشمير بجوبير هادي وكانت تحفه عليها كانت رفعه شعرها لفوق ومنزله خصلتين وميك اب هادي
لسه نيفين هتتكلم .......
قطعها مازن وقال العروسه تبقى صاحبه نيفين
عبير بصتلها  بغيظ وقالت وليه مقولتليش عشان اجي معاكم
مصطفى باتستغرب تيجي معنا فين
عبير الفرح طبعا 
مصطفى مره تانيه بقى يلا عشان ما نتاخرش
عبير وقفت بحزم وقالت لا هتستنوني وهاجي معاكم
مؤمن انا مش هستنى حد يلا بينا
مازن طب خلاص خلاص مصطفى خد مؤمن ونيفين وانا هستنى عبير تلبس وهجيبها وهاجي 
مصطفى ومؤمن ونيفين بصوا لبعض
مازن غمز لمصطفى وقال يلا روحوا انتو يلا يا عبير البسي بسرعه
عبير  هوا ودخلت تلبس 
مازن همس في ودان مصطفى وقاله روحوا انتو انا مش هاجي هعطلها 
مصطفى بصله بحزن وقاله ماشي يا حبيبي
سعادبصوت عالي انتو بتتهمسوا في ايه
مصطفى ولا حاجه عن اذنك
ومشي هو مؤمن ونيفين
مازن بص لسعاد وقال انا في الاوضه لحد ما عبير تخلص وتنادي عليا
ودخل اوضته وطلع صوره ملك من الكومود بصلها بدموع وقال من النهارده هتبقى لغيري يا ملك و في حضڼ حد غيري ربنا يسعدك يا رب
وطلع برشام المنوم اللي كان بياخده دايما واخذ حبايه علشان ينام وعبير متعرفش اتصحيه تاني ونااااااام
في مركز التجميل
كانت ملك خلصت لبس وميكب وكانت شبه سندريلا بفستانها الجميل ومستنياهم 
سها بزغاريط  الف مبروك يا ملك ما شاء الله زي القمر
نبيله ربنا يحرسك من العين يا بنتي 
ندى اوووبا يا بختك ياابيه عمرو
ملك ابتسمتلهم وقالت ربنا يعديها على خير بقى
بعد شويه  دخل  محمود عشان يسلمها لعمرو ودا كان طلب ملك أن محمود هو اللي يدخل مش عمرو 
واول ما شاف ملك عيونه دمعت وباسها من جبينها وقال ربنا يسعدك يا حبيبتي
ملك ربنا ما يحرمني منك يا محمود 
وحضنته 
محمود والله لو على اسيبه كده ونروح انا وانت مع بعض على البيت
ملك ابتسمتله وقالت ويهون عليك برضو
محمود ابتسم لها وقالت  يلا ياحبيبتي
وخرجوا مع بعض 
كان عمرو واقف بره مستنيها وكان لابس بدله شيك جدا عليه والببيون طبعا
واستنى خروج ملك
عمرو اول ما شاف ملك ابتسم بدموع فرحه وسلم على محمود
محمود خلي بالك منها يا عمرو
عمرو شاور علي قلبه وقال في قلبي والله من جوه متخافش
وسلم محمود ملك لعمرو 
عمرو باس ايدها وباسها من جبينها ومشيوا في العربيه عشان يروحوا القاعه
بدات المعازيم تتجمع في القاعه ودخلت ملك وعمرو وسط الزفه وكان فرح جميل جدا بعد شويه دخل عمرو وملك للمكان المخصص لهم والكل راحلهم يسلم عليهم ويباركلهم ويهنيهم 
واتفاجئت ملك بالدكتور حسين البنا اللي كان سبب خروج ملك من المستشفى 
ملك بفرحه دكتور حسين انت عرفت ازاي
حسين ابتسم وقال عمرو ومحمود جم عزموني  و فرحتلك جدا الف مبروك يا ملك ربنا يسعدك 
ملك الله يبارك فيك
حسيناحب اعرفك هبه مراتي و عمر وخالد اولادي
ملك سلمت عليهم وكان شايل علي كتفه بنوته بصتلها قالت هي دي بنت حضرتك
حسين ابتسم وقال ايوه دي ملك 
عمرو اتغاظ  منه وقال لنفسه يا ريتني ما عزمتك يا رزل
سلمو عليهم وقعدوا 
ملك لاحظت عمرو متغير وبصيتله وقالت مالك يا عمرو
عمرو هو ما لقاش غير اسم ملك يعني
ملك ابتسمت وقالت اممم هو مفيش ملك غيري في اسامي ملك كتير اوي بس هي ملك واحده بس لعمرو  وعمرو واحد بس لقلب ملك 
عمرو بصلها بحب وباس ايدها 
جه عليهم احمد وهاجر وسلمو عليهم
هاجروهيه بتسلم ع ملك.. الف مبروك ياملوكه ايه القمر دا
ملكحببتي يا جوجو ولوني زعلانه انك مجبتيليش وانا بجهز
هاجر ڠصب عني سي احمد بقا قال لا هنطلع مع بعض
احمد وهو بيسلم ع عمرو اخيرا يا راجل الف مبروك يا صاحبي 
عمروعقبالك يا حبيبي 
احمديسمع منك ربنا وغمزله
بس في الوقت ده طلب الدي جي من العرسان يرقصوا سلوو  مع بعض 
وقف عمرو وملك في نص الاستيدج  وجه واحد وادي المايك لعمرو 
عمرو مسك المايك وقال بصراحه انا اول مره هغني لحد بس النهارده مش اي يوم ولا هغني لاي حد يا رب صوتي هيعجبكم ولو مش عجبكم استحملوني بقى انا النهارده العريس ومن حقي اعمل اي حاجه 
وشاور للدي جي واشتغلت مزيكا اغنيه لمستك لعمرو مصطفى
قرب عمرو ع ملك وكان حاضنها من وسطها بايد والايد التانيه كانت ماسكه المايك وغني...
لمستك نسيت الحياه
وإنت اللي بحلم أعيش يوم معاه
والليله هي البدايه وخليك معايا ده عمري الليله دي إبتدا
لمستك نسيت الحياه
وإنت اللي بحلم أعيش يوم معاه
والليله هي البدايه وخليك معايا ده عمري الليله دي إبتدا
ولازم نعيش يلا قرب كمان
تعالى حبيبي لأبعد مكان
ننسى اللي ضاع من إيدينا نعيش بس لينا خلاص إللي جوانا بان
ولازم نعيش يلا قرب كمان
تعالى حبيبي لأبعد مكان
ننسى اللي ضاع من إيدينا نعيش بس لينا خلاص إللي جوانا بان
عمرو سند جبينه علي جبين ملك وغني..
سرحت بعيونك لفين
أيوة إنت جنبي وهعشلك سنين
وحياتي قرب عليا يا عمري وعيني نعيش الحياه لو يومين
سرحت بعيونك لفين
أيوة إنت جنبي وهعشلك سنين
وحياتي قرب عليا يا عمري وعيني نعيش الحياه لو يومين
ولازم نعيش يلا قرب كمان
تعالى حبيبي لأبعد مكان
ننسى اللي ضاع من إيدينا نعيش بس لينا خلاص إللي جوانا بان
بعد شويه خلصت الاغنيه والكل سقفلهم واولهم ملك وبحب قالتله صوتك حلو اوي
عند الباب كان دخل مصطفى ومؤمن ونيفين 
وعمار اول ما شافهم راح عندهم سلم عليهم ومسك ايد نيفين بحب وقال ايه الجمال ده بس ما تيجي نعملها النهارده احنا كمان
نيفين ابتسمت وقالت مچنون والله 
سلم مصطفى ومؤمن على عزيز ودخلوا يقعدوا معاه 
بس مؤمن كان بيدور على ندى شافها من بعيد وراحلها
ندى كانت لابسه فستان سيمون منفوش من الوسط وفردت شعرها وميكب كان هادي
مؤمن راح لها وهمسلها في ودانها 
يخربيت جمالك النهارده 
ندى لفتله بفرحه وقالت مؤمن وبصت عليه وقالت جمال ايه بس جنب حلاوتك دي 
مؤمن ابتسملها بحب وقال عقبالنا 
ندى يا رب اصل انا خلاص جبت اخري معاك
مؤمن ضحك وقال طب اتقالي عليا  شويه 
ندى اتقل ايه  انا كده وسالكه معاك
مؤمن ضحك عليها وباس ايدها وقعدوا جنب بعض
في الوقت ده شغلت المزيكا تاني
بس ملك هي اللي مسكت المايك 
عمرو بصلها باستغراب وقالت معقول هتغني عشاني 
ملك ابتسمتله وقالت هتسمع....
واشتغلت مزيكا اغنيه اصاله. هو حبيبي .
شوفت الدنيا ع اديه وبخاف من قلبي عليه
وشايلني جوه عنيه اكتر منا كنت اتمني
وملست ع خده بحنيه وغنت
هو حبيبي اللي اتمنيته يكون ليا
كل ما فيه اجمل من الدنيا دي في عنيا
ووجوده معايا في عمري ده احلى هدية
نساني ايام كانت فعلا صعبه عليا
لم عليا بينادي وباسمي يقول ياحبيبتي
وبشوفه ساعتها قصادي انا بنسى الناس والدنيا
اندمجت ملك اكتر مع الاغنيه وغمضت عيونها وقالت
احلى سنين وانا وياه وفي قلبي مليني هواه
عشت العمر استناه احساسي معاه حاجة تانية
هو حبيبي اللي اتمنيته يكون لي
ووجوده معايا في عمري ده احلى هدية
نساني ايام كانت فعلا صعبه عليا
كان عمرو وكل الموجودين معجبين بصوت ملك جدا وحنيتها وهي بتادي الاغنيه 
وبعد ما خلصت الاغنيه حضنها عمرو جامد وهو قعد يلف بيها والكل يسقفلهم والشباب صفرولهم 
وبدات اغاني الرقص تشتغل والكل تجمع حواليهم ورقصوا معاهم وراحت نيفين وعمار وندى ومؤمن واحمد وهاجر
يرقصوا معاهم واشتغلت اغنيه يتعلموا لعمرو دياب
يتعلموا يتعلموا
من الرقة دي يتعلموا
شوف هما فين وحبيبي فين
ما شافوش