رواية داوي چروحي من 19-22

نيفين
عمرو ايه يا ملك انتي كويسه 
ملك اتنهدت وقالت حظ غريبه انا ما صدقت ابعد اصلا عنهم
عمرو طبطب على ايدها بحنان وقال احنا اللي هنبعد ومش هنتجمع غير في المناسبات بس عشان خاطري خليكي واثقه فيا
ملك بصتله بحب وقالت ماشي
بعد شويه دخلت ندى ومعها نيفين 
وقفت نيفين قدام ملك بدموع 
ملك فتحت دراعها عشان تحضنها قربت عليها وحضنتها وقالت بدموع وحشتيني اوي يا ملك
ملك خرجتها  من حضنها ومسحت دموعها وقالت بلاش دموع يا نوفا خلاص احنا هنكون في بيت واحد وابتسمت
نيفين ابتسمتلها وسكتت بصت لعمرو وقالت حمد لله على سلامتك يا استاذ عمرو
عمرو ايه يا استاذ دي انا زي اخوكي خليها عمرو بس قوليلي الولا عمار عامل معاكي ايه 
نيفينمسحت دموعها وقالت بقاله تقريبا اسبوعين مسالش فيا
عمرو لما يجيلي بس هملصلك ودانه حد يسيب القمر ده وما يسالش فيه
ملك رفعت حاجبها وبصتله وهي متغاظه منه 
عمرو كان بيكتم ضحكته عليها 
في الوقت ده دخل عمار وقال سلاموووووز وبيبص لقي نيفين 
قال ..نيفين انت جيتي هنا ازاي وليه من غير ما تقوليلي
نيفين على اساس انك بتسال يعني عشان اقولك 
عمار بصلها وقال طب يلا عشان اوصلك
نيفين لا شكرا انا هروح لوحدي وسلمت على ملك وعمرو وخرجت
عمار بص عليها وسكت 
عمرو هتفضل واقف كده يلا روحلها  وصالحها 
عمار مش هتتصالح بسهوله 
ملك مين قالك كده نيفين طول عمرها بتتراضي من اقل كلمه
عمار بس انا بقالي فتره فعلا مسالتش عليها وبص لملك باستغراب وقال طول عمرها ليه.. انتي تعرفيها
ملك اتوترت وبصت لعمرو 
عمروأ أنت لسه هتسال يلا بسرعه وراها وصالحها 
وخرج عمار ورا نيفين 
ملك قعدت بدموع وعيطت
عمروا راحلها و اخدها في حضنه عشان تسكت وطبطب عليها 
عمروخرجها من حضنه ومسك وشها بايده الاثنين وبص في عيونها بحب وقال وحيات  غلاوتي عندك مش عايزه اشوف دموعك دي تاني لاي سبب مهما كان 
ملك بدموع خاېفه اكون سبب في زعل حد منكم في يوم يا عمرو 
عمرو بحب انتي يا ملك انتي من يوم ما شوفتك وانتي سبب  فرحتي دلوقتي هتكوني سبب في زعلي عمرك ما هتكوني سبب في زعل حد انتي هتفضلي طول عمرك سبب فرحتي وبس يا ملك 
وبهمس قالها....... بحبك
ملك همستله وقالت وانا كمان بحبك
عمرو فرح ومكنش مصدق نفسه لما قالتله  اخيرا اخدها في حضنه وقال اخيرا ياملك نطقتيها وفرحتيني 
خرجها من حضنه وقال وانا بعشقك ياقلب عمرو  وبص ف عيونهاوكان لسه عايز يقرب عليها  يبوسها ......
ندىهوب هوب هوب ايه يا ابيه انا مش قفص جوافه واقف
عمرو بصلها بغيظ وقال بني ادمه فصيله
ملك سابتو وبعدت عنه
عمرو عمرو بص لندى بغيظ وقال عاجبك كده يا اختي
ندي ضحكت عليهم وقالت عن اذنكم بقى وخرجت تجري وهي بتضحك 
عمرو بص  لملك لقاها مكسوفه وقال انا اسف يا قلبى من حبى فيكي بس مصدقتش نفسي لما سمعتها
ملك مفيش مشكله يا عمرو بس انا مش هجيلك المستشفى تاني انت بقيت كويس
عمرو بزعل ليه يا ملك
ملك لما تخرج بالسلامه بقى ابقى احدد مع محمود كل حاجه عشان كده مينفعش
عمرو اتنهد وقال حاضر يا حبيبتي
ملك مسكت في شنطتها وقالت انا همشي
عمرو طب استنى شويه 
ملك لا يا عمرو مع السلامه خرجت ملك
فى مكان هادى كان قاعد فيه عمار ونيفين بيتكلموا
عمار هتفضلي زعلانه كده يا نيفين 
نيفين عمار انت بقالك اكتر من اسبوعين متعرفش عني حاجه ولا سالت فيا ولا اتطمنت عليا 
عمار اتنهد وقالت والله ڠصب عني يا نيفين حاډثه عمرو دي شقلبتلي كياني  خالص بقيت انا المسؤول عن الشركه وانا معرفش فيها حاجه اصلا وكله اتكركب  فوق دماغي
نيفين صعب عليها عمار وقالتله طب اشتغلت ازاي وانت مش فاهم
عمار ابدا احمد كان معايا لما كنت عايزه اعرف حاجه في ملفات او كده وملك كمان كانت بتجيلي و بتساعدني كتير 
نيفين ابتسمت وقالت ملك..
عمار اه صحيح هو انتي تعرفيها منين
نيفين اتنهد وقالت بص هي حكايه طويله بس لازم تعرفها ........وحكتله كل حاجه عن ملك ومعامله اخوها وامها ليها ومۏت اولادها 
عمار سكت معرفش يرد
نيفين فهمت انه ڠضبان من اهلها وقالت ليك حق تسكت طبعا بعد اللي عرفته عن اهلي
عمار لا  لا  لا انتي فهمتي سكوتي غلط والله انا سكت عشان متضايق من نفسي اننا زعلت لما عرفت ان ملك كانت متجوزه قبل كده واتطلقت بس دلوقتي زعلت من نفسي اني فكرت فيها كده
نيفين ملك طول عمرها طيبه جدا وحماله اسيه بتضحك من اقل كلمه ومبتزعلش من حد
عمار بصلها بحب وقال  زيك كده
نيفين احم مش يلا بقى عشان اتاخرت
عمار ضحك عليها وقال مش عارف امتى بس هتكوني رومانسيه معايا عموما يلا بينا وراح يوصلها
في المستشفى
كان عمرو قاعد سرحان في اللي حصل وعارف ان ملك خرجت زعلانه وقال لنفسه ان شاء الله اول ما اخرج نتجوز على طول انا كده بنهار وابتسم 
قطع تفكيره خبط على الباب واذن عمرو بالدخول دخل منه مصطفى وسلم عليه
مصطفى حمد لله على سلامتك يا عمرو
عمرو الله يسلمك يا مصطفى
مصطفى بتردد ك كان في حد بره عايز يطمن عليك
عمرو مين ده
مصطفى لحظه واحده هخرج انادي عليه
خرج مصطفى ودخل معاه شخص
عمرو باستغراب مين ده يا مصطفى
مصطفى بتردد د ده مازن اخويا
عمرو ايه!!!!!!!!!!!!
الفصل العشرون 
في المستشفي
كان عمرو مستغرب من زياره مازن
مازن ابتسم وقال ممكن متستغربش من زيارتي ليك 
عمرو بجديه لا مستغرب بصراحه واخر حد اتوقعوا يزورني هو انت 
مازن عمرو ممكن تهدي وتسمعني وبعد كده لو كلامي مش عجبك كاني مقولتش حاجه و اوعدك عمري ما اضايقك انت وملك
عمرو بعصبيه انت متقدرش تضايقها اصلا وانا موجود
مازن ابتسم بحزن وعيونه دمعت وقال هي تستحق اكتر من كده والله يا عمرو بس انا اللي كنت غبي وغبائي عماني بس فوقت متاخر لما اولادي ضاعوا مني 
عمرو صعب عليه مازن وقال احم هو انت عايز ايه بالضبط 
مازن بترجي عايزكم تسامحوني 
عمرو احنا مين بالضبط
مازن كلكم وخصوصا انت وملك محمود
عمرو انت معملتش ليا حاجه اسامحك فيها حاليا بس لو فكرت تقرب من ملك وقتها هتزعل مني جامد ومش مسؤول عن غبائي انما محمود براحته مقدرش اضغط عليه لان ده حق اخته وملك دي حاجه تخصها انها تسامحك او لا 
مصطفى عمرو ممكن تسمع كلام مازن للاخر وبعد كده قول رايك صدقني مازن  عايزك تسامحه وهو هيبعد هو مسافر معايا ايطاليا وعمره ما هيتعرضلكم تاني بس عايز السماح واسمع كلامه للاخر لو معجبكش صدقني مش هيضايقك و هيسافر برضه
عمرو سكت شويه وبص لمازن وقال عايز ايه يا مازن
مازن ابتسم بفرحه وقال هقولك .......
مره اسبوع وخرج عمرو من المستشفى خلاص وراح وهو واهله واتفقوا على معاد فرحه هو وملك 
بس كان عمرو محضر مفاجاه تانيه لملك انه كتب كتابهم في نفس اليوم اللي راحوا فيه علشان يتفقوا على كل حاجه 
واتفقوا يقعدوا معاهم في الفيلا مؤقتا وبعد كده ملك اللي تحدد اذا كانت هتعيش معهم او يعيشوا لوحدهم 
واتفقوا ان الفرح يكون بعد اسبوعين وبدا عمرو ملك ينزلوا كل يوم يشتروا حاجات نقصاهم 
وفي يوم كان عمرو وملك مع بعض
عمرو بقولك ايه تعالي نروح مشوار كده
ملك باستغراب مشوار ايه
عمرو تعالى بس 
وشدها وروحوا على كافيه ولقيت فيه محمود اخوها وكان معاه اتنين كمان على الترابيزه بس كانوا بضهرهم
ملك استغربت وبصت لعمرو
ابتسملها بحب وشاورلهم محمود وراحوا عنده على الترابيزه بس ملك لقيت مازن ومصطفى
ملك اتوترت اكتر ومسكت في محمود
محمود طبطب عليها وقالها مټخافيش اقعدي
بصت لعمرو طمنها بعيونه وقعدت ما بين محمود وعمرو 
مصطفى مټخافيش يا ملك مازن بس عايز يقولك كلمتين 
ملك بصتله بقرف وقالت انا مش خاېفه منه ومش عايزه اسمع منه حاجه انا مفيش بيني وبينه اي كلام
مازن سكت  وحط وشه فى الارض
عمرو  لا يا ملك لازم تسمعيه 
ملك بصتله باستغراب وقالت انت اللي بتقول كده يا عمرو
عمرو بص  لمحمود وقال ما تتكلم يا محمود 
محمود اسمعي يا ملك هو كل اللي طالبه منك انك تسامحيه وهو هيسافر خلاص بس سامحيه وانسى اللي حصل 
ملك وهو اللي عمله يستاهل عليه سماح يا محمود
محمود طول عمرك بتسامحني 
مازن بص لملك بترجي وقال انتي لو ما سمحتنيش ده حقك والله بس ربنا بيسامح وانتي طول عمرك قلبك كبير 
ملك بصت لمحمود وعمرو لقيتهم بيبصولها  عشان تسامحه
بصت لمازن وقالت مافيش مشكله يا مازن احنا مهما كان ولاد عم
مازن بصلها وابتسم وبص لعمرو قال انا عارف ان ربنا عوضك بعمرو  هو راجل بجد ربنا يسعدك
ملك ابتسمت وبصت لعمرو وقالت اكيد طبعا
محمود باس راسها وقال حبيبتى ربنا يسعدك 
عمرو مش يلا يا ملك عشان نكمل حاجاتنا
ملك اه طبعا يلا بعد اذنك يا محمود
محمود سلام يا حبيبتي
ومسك عمرو ايد ملك ولسه هيمشي
سمع محمود وهو بينادي على عمرو
عمرو لفله وقال نعم
محمود ايه مش هتعزمهم على فرحك
عمرو بص لملك وابتسم وسابها وراح عندهم وقالت يا ريت تشرفني  يا مازن ان شاء الله وانت يا مصطفى اكيد مش عايز عزومه
مازن قام حضنه وقال ان شاء الله ربنا يسعدك
مصطفى لف لعمرو  وحضنه وقال مبروك يا صاحبي 
عمرو عقبالك ياديشه 
مصطفى حبيبي خبط علي كتف وقالت يلا روحي شوف  اللي وراك وغمزله 
عمرو ضحك وسابهم وراح لملك ومشيوا
مازن بص لمحمود وقال مش عارف اقولك ايه يا محمود بجد متشكر اوي انك وقفت جنبي انت وعمرو 
محمود ربنا معاك يا مازن احنا اهل مهما كان  وسكت شويه وقال ه هو انت هتيجي الفرح بجد
مازن لو مش هتضايقو  من وجودي
محمود لا طبعا مفيش مضايقه بس ياريت امك واختك ميعرفوش حاجه 
مصطفى من غير ما تقول يا محمود ان شاء الله 
محمود وقف وقال عن اذنكم انا همشي و سلم عليهم ومشي
مصطفى طبطب على مازن وقاله مرتاح يا حبيبي 
مازن اوي يا مصطفى وفرحانلها بجد من كل قلبي
مصطفى ربنا يسعدك انت كمان يلا بينا
وروحوا على البيت
في العربيه
كانت ملك راكبه جنب عمرو وكانت دموعه نازله على خدها
عمرو شافها بټعيط وقف العربيه بسرعه وبصلها بلهفه وقال ايه يا حبيبتي زعلانه ليه
ملك بدموع نفسي انسى بقى يا عمرو عايزه انسى و اعيش حياتى 
عمرو مسك ايديها بحب وقال هتنسي  يا حبيبتي و هنعيش مع بعض وهنسيكي كل حاجه
ملك يارب يا عمرو عشان بجد انا تعبت نفسي اعيش حياتى بقى
عمرو ابتسملها بلؤم وقال اوعدك هتنسي كل حاجه اصل انتي متعرفيش ان حضڼي بينسي كل حاجه 
ملك من بين دموعها ابتسمت وقالت مش بقولك قليل الادب
عمرو انا قليل الادب يا ملك
ملك هزت راسها وربعت ايدها على صدرها وقالت ايوه قليل الادب يا عمرو
عمرو غمزلها وقال بس لذيذ
ملك بضحكه هنشوف
عمرو اتنهد وقال عشان خاطري مش