رواية داوي چروحي من 19-22

الفصل التاسع عشر 
في العنايه
كانت ملك فرحانه ان عمرو فاق وقالت عمرو انت فوقت
عمرو بتعب لا لسه قولت اخد فاصل وارجع تاني الغيبوبه
ملك بدموع فرحه مسحت دموعها وقالت فيك حيل تهزر 
عمرو_ بتعب اعمل ايه بس لمسه ايدك دي حركاتن وحركت كل حاجه فيا
ملك اتكسفت وحطيت وشها في الارض
عمار ضحك وقال اهدي علي نفسك شويه ياعم النحنوح انا هخرج انادي الدكتور بسرعه 
ملك بصت لعمرو وقالت حمد لله على سلامتك 
عمرو بتعب حاف كدا طب مفيش اي حاجه كده مع حمد لله على سلامتك
مالك بجديه عمرو بطل قله ادب بقى
عمرو انا قليل الادب يا ملك
ملك بتهز راسها ومربعه ايدها على صدرها وقالت اه قليل الادب يا عمرو 
عمرو غمزلها وقال بس لذيذ 
ملك ضحكت عليه 
وفي الوقت ده دخل الدكتور وكلهم بره عرفوا ان عمرو فاق والدكتور كشف عليه وطمنهم ان حالته استقرت بس كان لازم يقعد كام يوم عشان يتابعوا 
خرج الدكتور ونقلوه لغرفه عاديه والكل كان معاه يطمن عليه
احمد وعزيز وعمار و محمود وملك 
محمود حمد لله على سلامتك يا عمرو مش عارف اقولك ايه على اللي عملته مع ملك بصراحه انك تفديها بنفسك دي عندي بالدنيا 
عمرو بص لملك بحب وقال وانا عندي مين غيرها عشان انا اضحي بعمري عشانها
عمار اخص عليك يا سونه يا خاېن وانا ايه
عمرو انت عملي الاسود يا عمار
الكل... ههههههه
عمرو صحيح يا بابا ماعرفتوش  مين عمل كده 
الكل بص لبعض وسكت
عمرو في ايه يا بابا عرفتوه مين 
عزيز اتنهد وقال ايوه يا ابني جاكي هي اللي عملت كده كانت مسلطه العربيه دي عشان تخبط ملك بس الحمد لله انها جت على قد كده 
عمرو بغيظ بنت ال......... البنت دي ايه جننها كده
عمار ما انا قولتلك يا ابني دي لبانه
احمد قاعد جنبي وقال وحشتني يا صاحبي ياااااااااه  انا اكتشفت اننا من غيرك ما سواش والله 
عمرو طبطب عليه وقاله طول عمرك ما تسواش حاجه من غيري
الكل ضحك عليه
محمود مش يلا بقى يا ملك عشان الوقت اتاخرت 
عمرو باندفاع لا خليها تبات معايا
ملكبصتله بجديه وقالت نعمممم 
عمروبهزار خذ اختك وامشي يا محمود الوقت اتاخر
الكل ضحك عليه
محمود وهو بيضحك هجيبهالك الصبح
عمرو وياريت ما تجيبش معاها برعي دا
محمود باستغراب برعي! برعي مين ده
عمرو اللي طلع من شويه وبصوت ملك قال نعممممم 
الكل كان بيضحك عليه
ملك كده تخليهم يضحكوا عليا ماشي يا عمرو 
عمروخلاص بقا ياملوكه قلبك ابيض
ملك ابتسمت وبصت لمحمود
محمودطب عن اذنكم 
استاذنت ملك منهم وروحت هي ومحمود
اما عمار بات مع عمرو في المستشفى
واحمد اخد عزيز وروحوا على الفيلا وهو كمان روح بيته
في بيت مازن
كان مؤمن قاعد مع نيفين ومصطفى وحكالهم على اللي حصل لعمرو 
نيفين فهمت بسبب انشغال عمار الفتره اللي فاتت عنها 
مصطفى طب هتعمل ايه في موضوعك مع ندي
مؤمن هاجله شويه لحد ما عمرو يتحسن واتكلم معاهم
مصطفى ط طب في حاجه كده لازم تعرفها 
مؤمن بقلق حاجه ايه دي
مصطفى بص لنيفين وقال احم.... عمار طلب يد نفين مني
نيفين سمعت كده اتكسفت وجريت على الاوضه
مؤمن ضحك عليها وبص لمصطفى وقال انت قولتله ايه
مصطفى قولتله اجلها شويه عشان عندنا ظروف في البيت
مؤمن ليه مش فاهم قصدك 
مصطفى اتنهد وقال عمرو اكيد هيتجوز ملك بعد ما يقوم بالسلامه 
مؤمن اه ندى قالتلي انه بيحبها 
مصطفى هي ندى تعرف انها كانت مراة  مازن 
مؤمن لا متعرفش هي قالت انها كانت متجوزه قبل كده واطلقت لكن متعرفش مين
مصطفى اتنهد وقال تفتكر لما عمرو يتجوز ملك امك هتوافق بندي  وعمار ليكم
مؤمن وهي مالها دي حياتنا احنا مش هي
مصطفى وقال عارف يا حبيبي بس هي مش هتسكت وهتعمل مشكله كبيره وخصوصا بقى الست عبير هتشعللها اكتر 
مؤمن بغيظ عبير مش عارف دي اختنا ازاي والله خربت حياة مازن اخوك وأهو اخرتها حابس نفسه بين اربع حيطان زي المسجون وكمان عايزه تبوظ حياتي وحيات نيفين مش هسمحلها ابدا لو حصلت اقټلها ھڨتلها 
مصطفى ولو عرفت بقى بملك انها اتجوزت عمرو ربنا يسترها عليها والله خاېف تعمل حاجه تبوظلهم حياتهم 
مؤمن وليه نستنى اللي هيحصل نتوقعه ونعمل حسابنا على اي حاجه تعملها
مصطفي باستغراب مش فاهم قصدك
مؤمن ابتسم وقال هقولك.............
اشرق صباح يوم جديد على عمرو في المستشفى فتح عيونه لقي ملك قاعده قدامه ابتسم 
ملك ابتسمت وقالت صباح الخير
عمرو بحب وقال احلى صباح ده ولا ايه
ملك وهي بتضحك هجيبلك الفطار عشان تفطر وتاخد  الدواء
عمرو ايه لا لا مش قادر خالص 
جابتله ملك الفطار وقربت الترابيزه منه وراحت عنده عشان تقعده وقالت يلا عشان تفطر ومسكت ايده وباليد الثانيه كانت على ضهره وعدلته 
عمرو كان بيبصلها بحب
ملك اخدت بالها من نظرته ليها وقالت احمم... بتبصلي كده ليه 
عمرو نفسي اشبع منك عايزه افضل باصصلك ومشيلش  عيني عنك 
ملك ط طب ممكن تسيب ايدي وتفطر بقى
عمرو قرب ايده لبوقه  وباسها وقال طب ممكن تفطري معايا
ملك طبعا هنفطر مع بعض
وقعدو يفطروا مع بعض واديته الدوا
بعد شويه دخل عمار وهناء وعزيز 
هناء جريت عليه وفضلت تبوس فيه وبدموع حمد لله على سلامتك يا قلبي
عمرو باس ايدها هو قال الله يسلمك يا ماما 
عزيز عامل ايه دلوقت يا عمرو اخدت الدوا
عمرو الحمد لله يا بابا اه اخدته وفطرت كمان وبص لملك وابتسم
هناء بصت لملك وقالت تسمحيلي يا بنتي نتكلم شويه مع بعض على انفراد
ملكا اه طبعا اتفضلي
وخرجت هناء وملك 
عمرو باستغراب في ايه ماما عايزاها ليه يا بابا
عزيز ابدا حاجه خاصه يمكن 
عمرو خاصه ازاي يعني 
عمار ضحك عليه وقال يا بابا قوله حرام عليك
عزيز ضحك وقال ابدا مصره تخطبهالك
عمرو بفرحه بجد يا بابا وحضنه
هناء كانت قاعده مع تتكلم مع ملك
هناء شوفي يا بنتي احنا اه حالتنا كويسه وكل حاجه لكن انا عمري ما انسى اصلي عشان ربنا اداني من وسعه وكنت دايما ادعي ربنا ليل ونهار ربنا يوقع عمرو وعمار وندى في اولاد حلال يقدرو يسعدهم ولما عمرو حب حنان الله يرحمها ومكنش ليهم نصيب مع بعض وربنا اختارها هو كان وضعه صعب اوي و حالته وحشه بعدها وبعد ۏفاتها وكان كل اللي مركز فيه شغله وبس لحد ما بدات احس ان عمرو بدا يرجع زي الاول وبدا يتكلم ويضحك معانا ولما بدا يطلب شاي بنعناع دي كانت مفاجاه لينا كلنا
ملك باتسامه واستغراب ليه شاي بالنعناع
هناء لان عمرو ما بيشربوش  الا لما يكون مزاجه رايق وفعلا بعدها اتكلم مع ابوه عنك  انا اولادي مش قريبين مني زي ما هما قريبين من ابوهم بس انا بحسب بيهم دايما ولما عمرو عمل الحاډثه وشوفتك قلبي ارتاحلك مش عارفه ليه ولما سالت عزيز عنك قالي انك انتي اللي عمرو بيحبها وعايز يتجوزها 
ملك ابتسمت وانكسفت
هناء انا فرحت من قلبي والله وحكالي عزيز عن ظروفك اللي مريتي بيها وانا معترضتش بالعكس انا شوفتها من زاويه تانيه خالص انكم انتم الاتنين ربنا عوضكم ببعض انت تعوضي عمرو ابني عن فرحته اللي اتكسرت ورجع يحب من تاني وقلبه يدق ليكي وهو يكون عوضك عن كل اللي مريتي   من حياتك و شوفتيه و انا مش عايزه منك حاجه يا بنتي والله هي راحت ابني وسعادته وبس وقتها تكوني ريحتيني اوي......
وسكتت شويه وقالت ها قولت ايه
ملك ابتسمت وقالت عارفه يا طنط لو ان شاء الله حصل نصيب يعني بيني وبين عمرو انا هكون اسعد واحده في الدنيا دي عشان احس ان ربنا عوضني بكل حاجه زوج زي عمرو واب  زي اونكل عزيز وحماه  زي حضرتك 
هناء حضنتها جامد وقالت افهم من كده انك موافقه
ملك هزت راسها بمعنى ايوه 
هناء حضنتها وطلعوا تاني لعمرو
مر اسبوع تاني على حاله عمرو بدا حالته تتحسن جدا وكانت ملك معاه دايما في المستشفى
وفي يوم كانت قاعده معاه على حرف السرير وبتهز  رجلها وبتتكلم معاه
وعمرو مربع رجله وقاعد قصادها 
عمرو يعني مش هتحني عليا بقى وتقوليهالي
ملك بدلع تؤتؤ لما نكتب كتابنا الاول يا قليل الادب
عمرو انا قليل الادب يا ملك
ملك هزت راسها وقالت ايوه قليل الادب يا عمرو 
عمرو غمزلها وقال بس لذيذ
ملك ضحكت عليه وقالت طب مش ناوي تشد حيلك بقى وتقوم ولا عجبتك القعده هنا
عمرو مسك ايدها بحب وقال هخرج ان شاء الله بس انا نتجوز على طول
ملك اتكسفت وقالت احم.. ان شاء الله
عمرو مسك ايدها وباسها بس الباب خبط
دخلت ندى على طول وشافته وهو بيبوس ايدها وقالت سيدي يا سيدي على الحب ايوه بقى مقضيها انت رومانسيه هنا 
عمرو اهلا يا ام لسانين
ملك بصتلها وقالت انتي ندى
ندى ابتسمتلها وقالت ايوه اكيد انتي ملك
ملك ايوه وسلمت عليها 
وبصطلها ندى وقالت لعمرو بس يا ابيه عرفت تنقي بجد مزه مزه و غمزتله
عمرو عيب عليكي وغمزلها 
ملك ضحكت عليهم و قالت طب اقعدي ولا هنفضل واقفين كده
عمرو لا لا تقعد فين عشان ما تتاخرش يلا يا ندوش على الفيلا 
ملك بصت لعمرو قالت عمرو انت بتقول ايه وبصت لندى وقالت اتفضلي
ندى ضحكت عليهم و قالت مش هقدر اقعد والله
عمرو حبيبه اخوها
ندى وهي بتضحك لا يا ابيه انا بس صاحبتي معايا بره ومش هينفع اسيبها واقفه مستنياني كتير 
ملك وده ينفع دخليها اشربي حاجه
عمرو لو حلوه دخليها طبعا
ملك بعصبيه عمرو نهارك اسود من اولها
عمرو ضحك عليها وماسك ايدها وشدها عليه وبص في عيونها وقال وانا اقدر اشوف حد احلى منك يا ملكة قلبي من جوه انتي ماليه عليا  حياتي و عيوني وقلبي انا بحب اناغشك  بس مش اكثر ما تزعليش مني وباس ايدها الاتنين 
ملك ربنا يخليك ليا يا عمر ولا يحرمني منك ابدا 
عمرو ويخليكي ليا يا قلب عمر يا ملكة قلب عمرو ولا يحرمنى منك
يا ندى ولا يحرمنى من محنكو ابدا انا مش قادره اصدق اني هشوف المحڼ ده اونلاين 24 ساعه عندي في البيت
عمرو ملك ضحكوا هههههههه
عمرو ايه سي مؤمن مش بقولك كده
ندى يا راجل مؤمن ايه بس ده هيجيبلي جلطه في الامعاء
ملك انتي مخطوبه يا ندى
ندى لا دا لسه تعارف كده بس شويه على ما ابيه عمرو يشد حيله عشان يجي لان عمار هيخطب اخته برضه اللي هي صاحبتي دي 
عمرو يا سلام معرفتش انا يعني
ندى وهو حضرتك فاضي لينا يا ابيه خليك في المحڼ ده  وغمزتله
عمرو اسمها ايه اخته دي 
ندى نيفين صحبتي لو تعرفها
ملك باستغراب مؤمن ونيفين هما اخوات مصطفى 
عمرو طبطب على ايدها وقال ايوه يا حبيبتي ما تقلقيش 
ملك سكت ومردتش
ندى في ايه انتي تعرفيهم يا ملك
ملك هزت راسها بمعنى اه 
ندى لسه هتتكلم......
قطعها عمرو قال خلي صحبتك تدخل عشان ملك تتعرف عليها
ندى بعدم اقتناع ماشي عن وخرجت تنادي