رواية غادة الفصول من 1-4

ربى اجعلنى مقيم الصلاة و من ذريتى .. ربنا و تقبل دعاء
و نقول بسم الله الرحمن الرحيم 
البارت الاول 
فى بيت قديم فى حى شعبى كانت قاعدة دولت .. ست خمسينية و على وشها معالم الجبروت و القسۏة و قدامها أبنها ابراهيم فى اواخر العشرينات و اخته علية اللى اصغر منه بسنتين و كانت علية مصډومة من كلام امها مع اخوها فقالت علية بهلع وهى بتكلم امها حرام عليكى يا ماما ما وصلتش لكده ابدا
دولت بقسۏة و بصوت عالى حرمت عليكى عيشتك منك ليها اومال استنى عليها وسطيكم لحد امتى و هى واكلة الجو منك على الاخر كل عريس ييجى يتقدم يبقى جايلها هى و انا خلاص زهقت اللى كان مسكتنى على قعادها هنا خلاص واحد ماټ والتانى سافر و لازم انفذ اللى فى دماغى قبل معاد اجازته لازم ييجى يلاقى الخبر لسه سخن و فضيحتها فى كل حتة عشان مايوجعش دماغى بيها من تانى 
علية وهى بتحاول تقنع امها يا ماما يا ماما فكرى بس كويس واستهدى بالله مافكرتيش ممدوح لما يسمع عنها الكلام ده هنقول له ايه
دولت بشړ هنقول له اللى هيحصل وانى طردتها لما لقيتها هتفضحنا كلنا
لتلتفت علية باعتراض لاخوها ابراهيم و تقول ما تتكلم يا ابراهيم وتقول حاجة هتطلع بنت عمك بڤضيحة من وسطينا مش واخدين بالكم ان اللى يمسها يمسنا كلنا و اننا لو افترينا عليها ربنا مش هيسيب حقها ابدا 
ابراهيم بلا مبالاة انا ماليش فيه اللى امك عاوزاه .. انا هعمله و بس
دولت بحزم و مافيش كلمة بعد كلمتى و على الله اسمع حسك واللا اعرف انك وصلتى كلمة واحدة من الكلام ده لممدوح انتى فاهمة واللا لا
علية بعدم رضا ربنا شاهد انى مش موافقة ابدا على اللى بتعملوه ده و سابتهم و راحت على اوصتها وهى بتقول بصوت واطى ربنا يستر عليكى يا غادة و يقويكى على اللى جاى
غادة ممدوح الدسوقى عندها سنة متخرجة من معهد تمريض و بتشتغل فى مستشفى خاصة صغيرة قريبة جدا من بيت عمها اللى يادوب بينه و بين المستشفى شارعين ابوها كان موظف حكومة و ماټ فى حاډثة سير هو و مامتها وقتها كان عندها ١ سنة و لما ابوها وامها ماتوا عمها مصطفى صمم ياخدها عنده فى بيته رغم امتعاض مراته اللى كانت حجتها ان البيت مش سايعهم لكن مصطفى صمم على كلامه وما ادالهاش اى فرصة زيادة لاى اعتراض و حط سرير زيادة فى اوضة علية بنته واللى عمرها اقل من عمر غادة بسنتين و كانت وقتها فى المرحلة الثانوى 
مصطفى كان عنده كمان ولدين ممدوح الكبير واللى سماه على اسم اخوه واللى يبقى ابو غادة وعنده كمان ابراهيم اصغر من ممدوح بسنتين 
ممدوح دلوقتى موجود برة مصر وعنده 30 سنة بعد ما خلص كلية التجارة قرر انه يسافر يعمل له قرشين و بعد كده يرجع يعمل لنفسه اى مشروع 
اما بقى ابراهيم فهو برضة خريج تجارة وعنده 28 سنة يعنى من عمر غادة بيشتغل مندوب مبيعات فى شركة مواد غذائية 
مصطفى ماټ من 6 شهور بعد رحلة مع المړض استمرت سنتين كانت فيهم غادة هى اللى بتتابع كل حاجة ليه علاجه و ادويته و اكله وشربه وكل طلباته طول ماهى موجودة فى البيت و كمان الدكتور اللى كان بيتابعه كان من عندها من المستشفى و اللى رفض انه ياخد مليم واحد مقابل متابعته لمصطفى و زياراته المتكررة ليه بحجة ان غادة زميلته فى المستشفى و انه مايصحش يتعاملوا مع بعض بالفلوس
لما مصطفى ماټ ممدوح نزل اجازة حضر فيها ډفنة ابوه و حضر العزا و رجع سافر تانى بعد كام يوم من دفنه بعد ما وصى امه واخوه على غادة و اللى بيعتبر انهم مسئولين عنها بعد مۏت ابوه و المفروض ان معاد اجازته الاصلى بعد اقل من اسبوع
اما بقى علية فهى دلوقتى عندها 26 سنة متخرجة من كلية آداب و بتحاول تشتغل فى الصحافة لكن لسه ما اتوفقتش 
بعد مرور ست شهور على مۏت مصطفى كانت دولت قررت قرار انها لازم تتخلص من غادة خلاص مابقيتش مستحملة وجودها معاهم برغم ان بعد مۏت مصطفى .. غادة طلبت انها ترجع بيت ابوها من تانى لكن ممدوح رفض بشدة وقاللها بابا لما قرر انك تيجى تعيشى معانا هنا كان بيتمنى تخرجى من هنا على بيت جوزك و انا مش هسمح ابدا بغير كده
بعد سفر ممدوح دولت حاولت اكتر من مرة تعمل مشاكل مع غادة لكن غادة كانت دايما بتتعامل معاها على انها صاحبة فضل عليها فكانت دايما تعمللها كل اللى بتقول عليه من غير نقاش فما بقيتش عارفة تعمل معاها ايه
لحد النهاردة اما قررت تعمل لها ڤضيحة تخرجها فيها من البيت بحيث انها مايبقالهاش عين تقعد وسطيهم من تانى 
بعد ما علية سابتهم و دخلت اوضتها دولت بصت لابراهيم و قالت له ها هتقول لمين من صحابك 
ابراهيم باستهتار مانتى عارفة ماحدش طوع يعمل الحكاية دى غير حودة 
دولت بتفكير بس الواد ده صايع و ممكن يعمل لنا صداع بعد كده و انا مش عاوزة الحكاية دى يبقالها ديل 
ابراهيم ماهو ماحدش هيرضى يقوم بالليلة دى غيره لان اللى هيعمل كده هو كمان هيتلط فيها
دولت بفضول و هو انت فاتحته فى حاجة 
ابراهيم ايوة طبعا .. فى الاول ماتكلمتش فى تفاصيل بس قلتله انى عاوزة فى مشوار شقاوة و بعد كده رسيته على الفيلم كله
دولت و قال لك ايه 
ابراهيم بسخرية رده اللى دايما على لسانه يا ام ممدوح .. ابجنى تجدنى 
دولت بشړ طب و ده ممكن تديله كام فى الحكاية دى 
ابراهيم مش اقل من عشر بواكى 
دولت بخضة ايه عشرتلاف جنية بحالهم .. ليه يعنى 
ابراهيم على الاقل تضمنى انه مش هيعمللنا ۏجع دماغ بعد كده كل ساعة و التانية مع حودة بالذات تمشى معاه بقانون اطعم الفم تستحى العين 
دولت بتردد ايوة .. بس برضة المبلغ كبير ده انا قلت هى الف و اللا اتنين بالكتير 
ابراهيم بامتعاض الف ايه و الفين ايه بس يا دولت مش توزنى الكلام كده قبل ما تقوليه 
دولت يعنى فكرك المبلغ ده فعلا مش كتير 
ابراهيم بضحك و افرضى حتى انه كتير هو انتى هتدفعى حاجة من جيبك ما هو من دقنه و افتل له يا ست الحبايب
دولت بامتعاض و هى بتبص على اوضة علية بس اسكت هو انت نظام ماشافوهومش و هم بيسرقوا قاموا شافوهم و هم بيتحاسبوا
ابراهيم و هو بيهرش فى دقنه الا هى لو جت بعد كده و قالت لك انها عاوزة الفلوس دى هتعملى ايه
دولت بعنجهية هقول لها مالهاش حاجة عندى 
ابراهيم و لو راحت اتكلمت و اللا اشتكت لحد
دولت بتريقة و دى مين هيصدقها بعد فضيحتها اللى هتبقى على كل لسان و اسمع .. لازم تفهم الواد حودة ان الحكاية دى لازم تتم النهاردة او