رواية مريم من 23-26 بقلم مريم نصار

بحيره وبتفرك ف أيدها بتوتر ومش عارفه تقول ايه  
لكن قالت انا حاجه مخوفانى انا لأ ابدا انا يمكن بس عشان اول مره اتعرض لموقف زى ده لكن لكن مش خاېفه ولا حاجه 
سليم هز راسه انتى متأكده 
فتون بلعت ريقها بتوتر وحست بدوخه بسيطه وسكتت 
سليم تفهم سكوتها وقام طيب انا هنزل دلوقتي للمقدم وانتى البسي وحصلينى 
فتون هزت راسها وقالت بتوتر ماشي 
سليم خارج من باب الاوضه ووقف ولف ليها وقال فتون 
فتون رفعت راسها ها ايوه يا سليم
سليم عايز اقولك اوعى تخافى طول ما انا موجود جمبك وسابها وخرج من قبل ما ترد عليه 
فتون قلبها دق جامد وبتترجف ومشاعر متلخبطه وبتتنفس بصعوبه وقامت بتعب ولفت حواليها بتعجب وقالت أنا جيت هنا ازاى ومين الل جابنى معقول سليم بس ازاى
عزيزه دخلت وابتسمت وقالت ايوه سليم بيه الل جابك بنفسه واقولك انا ازاى 
فتون قعدت ع طرف السرير ياريت يا عزيزه عايزه اعرف 
عزيزه من عيوني ياهانم 
فتون ابتسمت هانم هانم ايه يا عزيزه خلى البساط احمدى انا وانتى ع باب الله المهم قولى 
عزيزه حاضر اتفضلى البسي الاسدال ده وانا هقولك كل حاجه اصل بينى وبينك لما شوفت سليم بيه شايلك بين ايديه وطالع بيكى ع اوضته انا تنحت ومكنتش فاهمه حاجه بس لما سألت طاهر حكالى ع كل حاجه ااااه تقولى بطل فيلم اكشن 
فتون وشها اتحول لجمرة ڼار وهمست بكسوف سليم شالنى بين ايديه 
عزيزه بتحكليها ع كل حاجه طاهر قالها عليها لحد ما اغمى عليها وشالها ع المستشفى عزيزه كملت وراجع بعد الفجر وشايلك وبينادى عليا بصوت عالى قومت بسرعه وجريت ع فوق وحصلته وشوفته شايلك وساعدته وهو الل غطاكى بايديه  
بصراحه ومن غير كدب كان خاېف عليكى اوى انا شغاله هنا اكتر من خمس سنين عمرى ما شوفت سليم بيه خاېف وقلقان كدا سليم بيه رغم أنه بيتنرفز بسرعه وعصبى جدااا بس الشهاده لله حنين جدا 
فتون بتلبس الاسدال وسرحانه ف كلام عزيزه وابتسمت بحب لانه قدر يحميها وشالها واتنهدت لكن بعدها فاقت من أفكارها واستغفرت ربنا وبعدها حست پخوف مبهم من أحداث امبارح وحست بتشويش ف الرؤيه 
عزيزه شافتها وقربت منها وسندتها مالك يا استاذه فتون 
فتون مسكت راسها بايدها لا ابدا مفيش حاجه 
عزيزه مفيش اى بس ده وشك اصفر خالص بصى تعالى انزلى معايه وهعملك كوباية عصير فريش وبعدين تاخدى علاجك 
فتون لا شكرا يا عزيزه انا هنزل اشوف المقدم عايزنى ف ايه وربنا يستر 
عزيزه إن شاء الله بس هو موجود ف المكتب مع سليم بيه وهيطولو شكلهم تعالى بس انتى مش قادره تقفى ع رجلك وسندتها ونزلو 
عزيزه اقعدى هنا دقيقه واحده اجيب العصير ومشيت بسرعه 
فتون غمضت عينيها شافت علاء وفتحت بسرعه وخاڤت وبصت حواليها وبتتنفس بصعوبه وخاېفه 
عزيزه جت من وراها اتفضلى ياحبيبتي 
فتون اتخضت وشهقت بصوت عالى وبعدها غمضت عينيها بتعب بسم الله 
عزيزه بسم الله مټخافيش يااستاذه دى انا وحطت العصير والميا اتفضلى اشربى العصير انا هطلع اجيب علاجك وطلعت 
فتون بتحاول تهدى وتقنع نفسها ان علاء كابوس مزعج وخلص وبتشرب العصير وجسمها كله بيترعش 
عزيزه نزلت وجابت ليها العلاج ودخلت المكتب تبلغ سليم إن فتون ف الليفنج وراحت ع المطبخ 
فتون اخدت العلاج 
سليم ف المكتب مع المقدم وحكاله الل حصل وشكرو ع مساعدته ليه وقامو خرجوا من المكتب عشان ياخد أقوال فتون
فتون قامت بتوتر 
المقدم شاف فتون وهز راسه حمدلله ع سلامتك يا آنسه فتون 
فتون بتوتر ا الله يسلمك 
سليم فتون احب اعرفك المقدم أحمد الوكيل وده الل بفضله بعد ربنا الل سهل عليا كل حاجه ف انى اوصل ليكى بسرعه 
فتون ابتسمت اهلا بحضرتك انا متشكره جدا وربنا يجازيك خير 
المقدم انا معملتش حاجه وده واجبى سليم بس بيحب يبالغ كتير المهم انتى احسن دلوقتي 
سليم اضايق جدااا وواقف مخڼوق من طريقة احمد هي عاديه لكن هو شافها غير كدا 
فتون هزت راسها الحمدلله احسن بكتير وده بفصل ربنا ثم سليم 
سليم أخد نفس عميق واتنهد 
الكل قعد وفريده وفاطمه نزلو وقعدو والمقدم قال اقوال علاء والكل كان مزهول خصوصا فتون وفاطمه 
فتون بنرفزه محصلش ده كدااب كل كلمه قالها علاء كدب ياسيادة المقدم صدقنى علاء هو الل خبط ع الباب واتفاجئت بيه 
فاطمه اه والله يابيه صدق بنتى وعلاء كل حاجه قالها كدب ف كدب منه لله 
المقدم بص ل فاطمه حضرتك كنتى موجوده وقت الل حصل بالظبط ياحاجه
فاطمه ايوه من اول ما الل ربنا ينتقم منه ده خبط ع الباب بس اغمى عليا اول ما لقيته ومكملتش 
المقدم هز راسه بتفكير طيب يا حاجه ممكن تيجى معايه مكتب سليم وتقوليلى ع كل حاجه حصلت بالظبط وبعدها اسمع من الانسه فتون 
فاطمه ومالو يبنى لا مؤخذه اصل انا متعوده اقول لل ف سنك كدا يبنى متأخذنيش ياسعادة البيه 
المقدم ابتسم وهز راسه مفيش مشكله قولى الل يريحك اتفضلى معايه 
واخدها ودخل المكتب ياخد أقوالها وبعدين أقوال فتون ويشوف فرق الأحداث 
فتون حاطه وشها بين ايديها بتوتر ومتغاظه من علاء وكلامه عليها وبتحسبن عليه 
سليم مش ااقل خنقه منها وقلبه بيغلى 
فريده قاعده جمب فتون بتهدى فيها 
شريف داخل الفيلا مساء الخير 
كلهم مساء الخير 
فريده ايه يا شريف ياحبيبى راجع بدرى 
شريف قعد بتعب ابدا انا لسه مروحتش الشركه كنت ف المستشفى عند خالى ورجعت اخد ملف مهم 
فريده هزت راسها ربنا يشفيه ويعافيه يارب 
شريف يارب اذيك يا انسه فتون وحمدلله ع السلامه 
فتون اتنهدت بۏجع الله يسلمك يا استاذ شريف 
شريف بص ل سليم وقام بسرعه قعد جمبه سليم مال وشك 
سليم بعتاب مفيش حاجه شكرا ع سؤالك 
شريف اتنهد انا عارف انك زعلان منى بس والله امبارح اخدت شاور وريحت ع السرير وقولت هتصل عليك اطمن محستش بنفسي من تعب امبارح والحفله وطول اليوم واقف
ع رجلى ولما نزلت الصبح وبشرب القهوه سألت عليك عزيزه وقالتلى إنك نايم ف المكتب وجبت الانسه فتون قولت طيب كويس الحمدلله متزعلش ڠصب عني
سليم هز راسه مفيش حاجه حصل خير 
فتون قاعده عينيها ع چرح سليم وكمان قلقانه وجواها حجات كتير ملخبطاها 
شريف نده ع عزيزه تجيب علبة الإسعافات وشريف عقم چرح سليم 
فريده شافت خوف شريف ع سليم دعت ربها انهم يفضلو ېخافو ع بعض ديما 
المقدم خرج مع فاطمه وقعدو ف الليفنج مع الكل وشريف سلم ع المقدم أحمد 
المقدم ها يافتون تحبى تتكلمى هنا ولا ع انفراد 
فتون محتاره وتعبانه ومش عارفه تفكر 
شريف قام بعد اذنكم انا رايح الشركه ودخل المكتب واخد الملف وخرج 
فتون ف الليفنج وبدءت تتكلم ووضحت طبيعة شغلها مع سليم  
وايه سبب إن العربيه راحت ليها الحاره 
وحكت عن علاء حجات من قبل الحاډثه وانه مش سايبها ف حالها  
وقالت كل الل حصل امبارح من بعد رجوعها من الحفله  
عدا كلامها مع سحر بخصوص الفون 
وكملت بدموع ورعشه وقالت كان هيضربنى انا بالمطوه وقولت خلاص المۏت اهون عليا مېت مره من إن حد يلمسنى وفجاءه سحر وقفت قدامى واطعنت هي ونزلت ع الأرض وانا مصدومه ومش عارفه اعمل ايه حسيت ساعتها انى متكتفه 
وبعدها حسيت بخبطه ع راسي ومحستش بنفسي غير وانا ف بيت غريب وبعدها وقالت ع كل حاجه مع تحفظات تخص سحر لحد ما سليم جه ينقذها وشافت المطوه وضربها لعلاء بالازازه ع راسه 
وبس حضرتك ده كل الل حصل بالظبط إنما الكلام الل قال عليه علاء كله كڈب ف كڈب دا واحد مفترى مابيخفش ربنا وكمان ممكن تسأل عليه أهل الحاره كلها مفيش حد سلم منه علاء ده شيطان شيطان وحطت وشها بين أيديها وعيطت وفاطمه قاعده جنبها وضمتها بحب وبتعيط علشانها 
فريده بتسمع فتون ومزهوله حرفيا من الل حصل قبل كده والل حصل امبارح وقلبها دق جامد پخوف ع سليم لما علاء كان هيضربه بالمطوه وأنه ممكن كان بټأذي وحمدت ربنا إن فتون شافته وانقذته 
سليم بيسمع وبيتخيل قرب علاء منها وأنه وقعها ع الأرض وكلامه ليها وملامح وشه اتغيرت واتخنق جدا وغيران بطريقه ملحوظه وقام وقف واتحرك ووقف بعيد شويه وصك ع اسنانه بغيظ وقبض ع أيديه پغضب ومبقاش قادر يسمع اكتر من كده ولا قادر يسمع صوت عياطها وهي بتتكلم 
المقدم سمع من فاطمه وفتون ونفس الكلام متطابق وهز راسه 
وقام وقف تمام انسه فتون انا مش عايزك تقلقى وحقك هيرجعلك وهيبقى ف طب شرعي وشوية اجراآت كدا لازم تتم علشان نقدم كل حاجه بالأدله والاثبات للمحكمه وبكده مبقاش فاضل غير اقوال الانسه سحر 
فتون شهقت پخوف وقامت بسرعه لأ لأ سحر لا ا انا ا انا قولت كل حاجه ارجوك بلاش سحر 
الكل انتبه ومش فاهم حاجه 
المقدم بشك انتى مش عايزانى اخد اقوال سحر ليه 
فتون حست انها مكشوفه قدامهم وخاڤت اكتر وكملت بتلعثم لأ ا انا احم هوا اصل ابدا بس كنت 
سليم فتح عينيه بعدم فهم واتأكد إن فتون مخبيه حاجه مهمه وقطع كلامها وقال اكيد فتون خاېفه ع صحة سحر ياسيادة المقدم مش كدا يافتون 
فتون بلعت ريقها بتوتر وهزت راسها ا ايوه ايوه انا مش عايزه اتعبها كفايه الل حصل ليها بسببى 
المقدم شاف توتر فتون وقال انسه فتون ياريت لو في حاجه تخص القضيه ياريت تقوليها لانى مش مقتنع تماما وسحر انا هاخد أقوالها لأن دي إجراءات أمنيه وغير مسموح التهاون فيها ابداااا 
فتون بتترجف بسيط جدا وخاڤت ومش عارفه تتكلم 
سليم قرب منها سيادة المقدم ممكن اتكلم مع فتون لوحدنا شويه 
المقدم مط شفايفه وهز راسه تمام مفيش اى مشكله بس عايزك تعرفى يا انسه فتون لو خبيتى معلومه صغيره ممكن تضرك ف القضيه وتضعف موقفك يستحسن تفكرى 
فتون بټعيط بشهقات ومحتاره وخاېفه ع عمها محمد م الڤضيحه 
سليم سمع عياطها اضايق ومسك أيدها بنرفزه قدام الكل واخدها ع المكتب وقفل الباب  
فريده بتدعى ربنا انه يجيب العواقب سليمه وطلبت من عزيزه تعمل قهوه للمقدم وتجهز الفطار عشان فاطمه 
فتون واقفه ف نص الاوضه وبتتنفس پخوف ومش عارفه تعمل ايه
سليم متغاظ لكن حاول يهدى ومسح وشه بايديه ووقف قدامها ممكن اعرف مالك وخاېفه من ايه 
فتون هزت راسها بعياط لأ انا مش خاېفه من حاجه بس ارجوك ابعد سحر عن المشكله دي هي ملهاش ذنب دى واحده أنقذت حياتى ليه تدخل ف سين وجيم ارجوك ياسليم لو تقدر تتكلم مع المقدم ويبعد سحر عن القضيه دى 
سليم شكه اتحول ليقين وقرب منها اكتر وقال بتحذير فتون انا قولتلك طول ما انا موجود جمبك ومعاكى مټخافيش من اى حاجه 
لكن انتى مش عايزه سحر ليه تدخل ف القضيه بما انها طرف مساعد يعنى مفيش اى خطړ عليها ممكن افهم 
فتون بحيره وخوف وبتفرك ف أيدها بتوتر ولفت ضهرها ليه 
لو سمحت انا مش هقدر اتكلم الموضوع حساس وممكن يأذي سحر وكمان انا ممكن أتأذي بس انا مش مهم  
ولفت ليه المهم عمى محمد الراجل ده ميستاهلش ابدا أنه يتعرض لأى اذي وا 
سليم قاطعها انتى بتثقى فيا 
فتون شافت ملامحه وأنه زعلان وقالت سليم افهمنى الموضوع ملوش علاقه بالثقه ده موضوع حساس جدا وعيله كامله هتتدمر افهمنى ارجوك وعيطت بۏجع 
سليم غمض عينيه بنفاذ صبر وهيتجنن ويعرف ايه الل ممكن يأذيها لانه يفرق معاه جدا سلامتها وحاول يهدى وقال بطلى عياط وشاور ليها بايدو تعالى يافتون اقعدى هنا 
فتون قعدت بتعب 
سليم قعد قصادها اسمعينى كويس يافتون دلوقتي انتى بطريقتك دخلتى الشك جوه المقدم أحمد 
واستحاله هيسكت غير لما يعرف ايه سبب رفضك لأقوال سحر وتصميمك 
وهيفكر ف احتمالات كتيره واولهم إن كلام علاء ممكن يكون الصح وانتى الل بتزورى ف الأقوال والحقايق 
فتون بدهشه بس ده محصلش 
سليم انا عارف أنه محصلش بس انتى بطريقتك وصلتيه للفكره دى فهمانى ف ارجوكى
لو بثقى فيا خلينى اقف جمبك ونعدى الازمه دى سوا وقوليلى ع سبب رفضك لسحر وخۏفك ده ليه ارجوكى 
فتون شافت صدق ف كلام سليم وڠصب عنها اطمنت وقالت أنا هقولك ع كل حاجه وانا عارفه انك ممكن تتغير من ناحيتى وترفض تساعدنى بعدها 
بس ياريت تفهمنى كويس وانى ماليش اى ذنب ف الل حصل قبل كده وف نفس الوقت بتمنى انك تقف جمبي وتبعد المقدم انه ياخد اقوال سحر ارجوك ياسليم ارجوك 
سليم هز راسه انا عمرى ما هتغير بس انا سامعك للآخر وهقولك تانى طول ما انا معاكى اوعى تخافى فاهمه 
فتون هزت راسها بدموع حاضر وغمضت عينيها وبدءت تحكى بعياط كل حاجه عن حياتها باختصار من اول ۏفاة باباها وخطوبتها لحسن وأنه سابها ف يوم بتاريخ وقالت ع سحر والفون والشات بين سحر وعلاء والصور المزيفه وندم سحر وأنها عايزه تصلح غلطها وتابت  
وقالت كل حاجه ل سليم وكملت بشهقات ارجوك ياسليم لو ف ايدك تعمل اى حاجه 
سليم بيسمعها بكل تركيز وفتح عينيه پصدمه كبيره وبعدها اتفاجئ من طريقة تفكير علاء وسحر 
وكمان اټصدم جدآ لما حسن بعت الدبله ل فتون وقال جواه ده نفس اليوم الل رهف بعتت فيه خاتم الخطوبه  
وبعدها انتبه وقبض ع أيديه پغضب كبير لما قالت إنهم صوروها وسمع منها كل حاجه 
فتون قلقت من شكل سليم وقالت سليم هتعرف تبعد سحر عن القضيه 
سليم قام وقف پغضب ده انا هوديهم ف ستين داهيه 
ف شركة سليم وخالد 
خالد ف المكتب وكل شويه يتاوب وعايز ينام  
طبعا