رواية مريم 20--21-22 بقلم مريم نصار

بارت ٢٠
بسم الله نبدأ .
ف شقة خالد .
خالد قام من النوم. واخد شاور . وخارج من الحمام لابس بنطلون فقط . والفوطه ع كتفه . ودخل المطبخ يعمل قهوه . وبعد ما القهوه جهزت. بيفتح التلاجه . وطلع منها فطار . وحطه ع تربيزة المطبخ . ومسك فنجال القهوه .عشان يشربه ويفطر . ويروح لسليم عشان يمضو العقد .
.. وسمع جرس الباب بيرن .
خالد استغرب . وبص ف الساعه وكانت الساعه ١ وقال مين الل جاى ياترى وساب الفنجال . وراح يفتح الباب . وقال بتعجب . انتى 
سوسو خبطته ف كتفه . وزقته ودخلت . ايوه انا ايه نسيتنى 
خالد قفل باب الشقه . ونفخ بديق . لأ منستش ولا حاجه . بس ممكن اعرف ايه الل جابك 
سوسو بتقرب منه . اخص عليك ياخالود . وانا الل كنت فاكره إن المفاجأه دى هتعجبك . انت بعدت عنى ليه قلبك خلاص مبقاش عايز سوسو حبيبتك ..
خالد غمض عينيه واتنهد بنفاذ صبر . وشال ايديها . وقال حبيبتى مين وبعدين ياحلوه انتى رجلك متعتبش هنا غير لما انا اقولك .. وبعدين خلاص شطبنا ماليش مزاج . واتفضلى بقى روحي شوفي حد غيرى . يلااا.
سوسو بتقرب منه . اخص عليك . ايوه حبيبتك وانت كنت بتطلبنى ليه اجيلك إلا لو مكنتش حبيبتك . ها تعالى بس ندخل جوه . وبعدين نشوف موضوع الراجل التانى ده . هههههههههه..
خالد بعد عنها . يستى مش عايز هو بالعافيه . ويلا بقى من هنا . ورجلك ماتخطيش هنا تانى . انا لو احتجتلك هتصل عليكى . وراح يفتح الباب ..
سوسو مسكت ايده بسرعه . وبتقرب منه اكتر .
خالد بيحاول يبعد عنها . لكن قرب منها ف لحظة ضعف ..
سوسو حست انه متغير على غير العاده . وبتقرب منه.
خالد بيقرب منها . وفجاءه . شاف صورة حنين قدامه . وفتح عينيه . ورجع خطوه لورا بسرعه . وفتح عينيه بدهشه . ومسح وشه بايديه ونفخ بديق حقيقي وقال غبى ياخالد . وبص ليها بغيظ . اطلعى برا ومتجيش هنا تانى ..
سوسو بعدم فهم . مالك كدا انت اتغيرت كدا ليه مش انت خالد الل متعوده عليه ..
خالد صك ع اسنانه بغيظ . وشدها من أيدها جامد . وهي بتتالم .
. وقال ايوه انا مش خالد .. واطلعى برا بيتى يارخيصه . وماشوفش وش امك هنا تانى . وفتح باب الشقه وزقها بره وكانت هتقع ..
وقفل الباب ف وشها . وسمعها بټشتم فيه ونزلت ..
خالد مستغرب نفسه . ومبقاش حابب انه يعمل حاجه زى كدا .. وغمض عينيه وفكر ف حنين .. وف اللحظه دى اتأكد من حبه ليها .
.وقال ايه الل بيجرالى .. ولف وشه للحيطه . وضړب الحيطه بايدو . ولعڼ نفسه اكتر من مره . غبى . غبااااى انت لازم تنضف نفسك. لازم تتغير للأحسن .. حنين لو عرفت مش هتبص ف وشك . 
مش هتشوفك غير واحد زباله وبس . وانت مش كدا . لا انت مش كدا . ومش لازم تخسر ..
. انت خسړت . امك لما ماټت . وخسړت ابوك رغم انه عايش . 
.انا معنديش استعداد اخسر اكتر من كده . 
.ايوه انا متأكد انى بحبها . ومش بس بحبها . انا معنديش حاجه اعيش عشانها غير حنين . حنين وبس . لازم تتغير ياخالد . لازم تغير الماضي بتاعك . انا عارف انك كنت طايش الاول .ومعندكش هدف تعيش علشانه ومفيش حد نصحك ده صح وده غلط .. 
.بس دلوقتي تفرق يابن الشرقاوي . دلوقتي تفرق . في حنين . البنت الل دوبت قلبك برقتها . وكسوفها . حنين تستاهل إنك تتغير ياخالد . تستاهل بجد . فوق ياخالد . فوووق .
. ومسح وشه بايديه . وشال الفوطه من ع الأرض بنرفزه . ودخل يلبس وهو مخڼوق واخد المفاتيح والفون . وخرج وساب القهوه . ونزل .. 
سليم ممكن انا الل ابدء معاكى الجلسه 
فتون بعدم فهم . جلسة ايه
سليم يعنى اعتبرينى انا الاستاذ وانتى التلميذه . ها ايه رايك 
فتون اتنهدت وابتسمت بتعب . ياريت ارجع واكون تلميذه من تانى .
سليم أتأكد من أنها موجوعه .. وقال احنا فيها اهو .. وحب يفكها . احب اعرفك بنفسي انا مستر سليم . انتى اسمك ايه ههههه.
فتون ابتسمت . وسكتت ..
سليم ع فكره انا بتكلم جد . انا متأكد انك مش ع طبيعتك .وزي ما انتي سمعتينى قبل كده واتكلمتى معايه وحسيت بارتياح بعدها . انا كمان ممكن اسمعك. ويمكن اكون سبب ف انك تستريحي 
.وياريت تعتبري إننا اصدقاء. ده لو مش يضايقك طبعا ..
فتون بتهيده وجعت قلب سليم . لا ابدا مش مضايقه ولا حاجه . وبجد بشكرك ع اهتمامك . وانك حسيت انى مش بخير ..
ف اللحظه دي سليم قلبه دق ..
سليم اتنهد بحب وقال . مفيش داعى للشكر بس انا هتفق معاكى اتفاق .بعد كدا كل واحد فينا ف حاجه مضيقاه يقولها للتانى اتفقنا
فتون بصتله كتير بحب . وقالت امم اتفقنا ..
سليم هز راسه تمام . قوليلى مالك بقى 
فتون بصت ف عينيه بدموع وقالت بۏجع كبير. هو احنا ليه بنقابل ناس وحشه في حياتنا
. ناس نثق فيهم و بعدين يكسرو الثقه دي 
وقامت وقفت وكملت بحزن .
السؤال ده مفيش حد مسألهوش لنفسه بعد اكتشاف الحقيقة وسط الخذلان !!
ليه ديما بنقع ف ناس پتكره لينا الخير رغم ان نوايانا ربنا هو الل عالم بيها وشاهد عليها !
ليه نتقابل بالإساءه رغم اننا بنقدم إحسان و حب و طيبه و بندخل بقلبنا جامد و بكل ثقة ! 
ليه بيضحك علينا !
سليم قاعد بيسمعها . وافتكر رهف . ومعاملته ليها . وكان بيقدم ليها كل حاجه . وف اول مطب اتخلت عنه .. وف نفس الوقت زعل ع حالة فتون اكتر . وحس بۏجعها . لأنه موجوع زيها .ونفسه يضمها لقلبه. وفكر كتير ف أجابه لسؤالها ..
سليم اخد نفس عميق واتنهد بتعب . انا مش هسالك ايه الل حصل معاكى . لانك مش حابه ولا هجبرك ع ده !. 
.لكن انا لما فكرت ف كلامك لقيت إن تقريبا مفيش حد سلم من الناس دي ف حياته !!
بس الل لقيته برده اننا قبل مانعرف ناس بالشكل ده بنتغير بعد ما بيدخلوا حياتنا تماما !! 
تغيير جذري !! بيتحول من سذاجه لوعى .
فتون بصتله بعدم فهم . وقالت ازاى 
سليم لأننا فعلا بنبقى طيبين بزياده الل هو بناخد إن الناس كلها طيبين و أهل ثقه و اكيد الل بيقولوه هو اللي جواهم وا .. وا ..وا
و بعدين نكتشف حقيقتهم.. و بعدين صډمه .. 
و بعدين نقع من الخضه و نتوجع .. 
و بعدين وعى !
فتون بصتله باستغراب ..
سليم حس بيها

انها بتبصله . وقام وقف قصادها. وابتسم وقال ايوه وعى . فتون 
. لولا الناس دي انا وانتى أو غيرنا اتكعبلنا فيهم ف حياتنا مكناش فهمنا .. مكناش اتعلمنا .. مكناش وقفنا بعد ما وقعنا .. مكناش هنبقى بالقوة دي دلوقتي ... 
مكناش هنعرف نفرق الناس النضيفه والصافيه من الناس الاستغلاليه 
مكناش هنعرف قيمة الناس الصح .. الناس الل تستاهل .. و نقدرهم أكتر و نفرح بيهم أكتر ..
الناس الانانيه دي علمونا و فادونا كتير ڠصب عنهم و قلوبهم السوده و نواياهم الشړ و سړقة الثقه مننا .لكن ف نفس الوقت علمونا .. 
و لولاهم مكناش قدرنا نفرق بين الطيب والشرير ..
الناس دي بعد الوعى لازم يترموا من حياتنا و تفكيرنا و قلوبنا . ارميهم يافتون .. ارمي كل الل خذلك . ابعدى عن الل بيتمنالك الشړ .
فتون واقفه وعينيها متعلقه بعينيه . وبتسمع سليم بكل جوارحها .وقالت جواها كأنه كان موجوع زي بالظبط !.كلامه فعلا حقيقي . ده الل بيحصل بالظبط .. 
.واندهشت من تغيير سليم للأفضل . وحست إن كلامها قبل كده مع سليم جاب نتيجه .. يعنى تعبى معاك جه بفايده اخيرا ياسليم 
سليم فتون 
فتون ..........
سليم فتون انتى معايه 
فتون انتهبت . ها . احم ايوه معاك . بس سرحت شويه ..
سليم ابتسم . طبعا انتى مستغربه إن سليم المعقد بيتكلم كدا . ههههه. بس انا عايز اعترف قدامك بحاجه ..
فتون ايه هي 
سليم اتنهد . انا قبل ما اتعرف عليكى كنت فعلا حاسس انى تايهه ومش عارف أتقدم خطوه واحده لقدام .
. كنت كاره حياتى . حابس نفسي في أوضتى ومستنى المۏت . لأنى فقدت لذة الحياه من بعد الحاډثه . 
.لكن بعد ما اتكلمت معاكي . وكلمتينى عن القرب من ربنا والرضا بالقضاء والقدر . والايمان والقوه والصبر . وحجات كتير جدا . وكمان قوة تحملك وبتثبتى ذاتك . ومتأكد إنك سوبر مان حقيقي .. ومبتخافيش .. كل ده غير جوايا حجات كتير..
فتون بتسمعه وجواها بدء يزهر من جديد.
. وفرحت باعتراف سليم . وكمان بنتيجة تعبها معاه .
لكن ضحكت بكسره وضعف. وقالت بصوت مبحوح . انا مبخافش مين قالك انى مبخافش 
.انا يمكن اكتر واحده خاېفه ومړعوبه . انا خلاص حاسه اني بدءت انهار تماما ..
سليم بدهشه غريبة اوي . ونفسه يضمها لقلبه . وقرب منها خطوه وقال. 
.عمري ما حسيت إنك پتخافي ... عمري ما حسيتك ضعيفة كدا 
فتون اتنهدت بۏجع .. ايه الغريب ف اني أخاف 
. انا انسانه ومن حقي أخاف .. من حقي ابين اني خاېفه. من حقي أقول واعبر .. من حقي اواجه نفسي قبل أي حد بالل انا خاېفه منه...
ليه الناس ديما حطانى ف قالب التمثال الل مهما حصل مش ممكن يبان عليه تعبيرات تعب او خوف او اڼهيار!!
انا بعد ۏفاة ابويا شيلت المسؤوليه . واتعودت ع اني لازم أكون قويه وانه مهما حصل مش ممكن ابوح لحد برغباتي وچنوني واحتياجي ..
.. اتعودت ... اني اخبي كل مشاعري كأنها مشاعر ممنوع البوح بيها .
وطول ما انا كده ... يبقى انا اكيد قويه وتبقى فتون يا جبل ما يهزك ريح ..
..بس الل عرفته بعد كده انه الجبل ممكن يتهز من الريح .ده كل ذره فيه بتتهز ...
. هو صحيح بيفضل ثابت ف مكانه بس من جواه لكن براه مهزوز .. الحاجات الصغيرة الل اتراكمت جوايا في قلبي وكياني خلتهم هش وضعيف وبدل ما تخليني قويه خليتني اضعف من اضعف كوم قش ... 
.ولعلمك بقى