رواية داليا من الحلقة التاسعة حيرة الحب 9الى 12

النظر ليها لغاية أما يحصل في الموضوع حاجه.. حرام تشوشر على البنت.
أحمد كويس إنك نبهتني.. علشان محدش يربط الاستئذان بتاعنا في نفس الوقت مع بعضه.
خالد كده إنت صح.
تاني يوم وصلت داليا الشغل بدري عن موعدها نص ساعه وأول ما دخلت مكتبها لقت التليفون بيرن رفعت السماعة لقته المهندس أحمد بيسألها هاه فكرتي ولا لسه
داليا من الصبح كده بتسأل.
أحمد بجد كده آخري
داليا فكرت
أحمد بتحفز والنتيجه
داليا إن شاء الله بكرة بعد الشغل اقدامك ساعه قبل سفرك نقعد في أي مكان.
أحمد بجد يا داليا مقدرش أقول لك أد ايه فرحتيني.
داليا طيب اسيبك بقى لحسن عندي شغل كتير ومش حابة اتعطل.
أحمد الحال من بعضه.. يلا سلام.
داليا سلام
تاني يوم لبست داليا وهي نازله الشغل بدلة سودا بشريط ستان أبيض ولمت شعرها ديل حصان وأخدت معاها في شنطتها أوات مكياج بسيطه مش معقوله تكون غفر قاعده معاه.
وصلت المكتب قابلها المهندس علاء والمهندس وحيد وقالوا مع بعض في حاجه مختلفة فيك اليوم.
داليا لا أبدا .. أصل احنا اليوم هنخرج من الشغل بدري واتفقت مع ماما نخرج مع بعض مشوار.
علاء وماله كلمي مسؤول المواصلات في الموقع ورتبي عربية بيك أب بسواق تنزل بيك مخصوص وتوصل لك المكان اللي أنت عاوزاه.
داليا شكرا بجد لك يا بشمهندس.
علاء ولا يهمك.. صحيح كل سنة وأنت طيبة بكرة آخر دوام قبل حيكون نص يوم علشان اللي عاوز يسافر أعملي حسابك حتمشي بكرة بدري إن شاء الله.
داليا وحضرتك طيب.. حاضر إن شاء الله.
رتبت داليا نزولها واتصلت بأحمد علشان تبلغه بأنها حتتحرك 10 علشان يشوف حيعمل ايه.
أول ما رد عليها قال لها بجد وحشتيني
لخبطتها الكلمة دي وقالت له باشمهندس أحمد بلاش كده لو سمحت
أحمد ليه بشمهندس .. اندهي علي باسمي بس أحمد
داليا سكتت مردتش
أحمد يلا بقى أنا مستني انطقيها
داليا مش لما يحصل حاجه الأول
أحمد هو أنا لسه هستنى إنه يحصل حاجه علشان تندهي علي باسمي يا شيخه حرام عليك بجد.
داليا أنا بس متصله علشان أعرفك.......
قطع أحمد كلامها مش هسمع حاجه إلا لما تقولي اسمي الأول
داليا خلاص براحتك متسمعش.. وكده الخروجه تبقى اتلغت تلقائيا
أحمد پخوف أبوس إيدك اتلغت إيه .. ده أنا لما صدقت الصبح طلع علي علشان أشوفك اللي صبرني حاجه واحدة بس.
داليا ليه فيه إيه إيه اللي حصل.
أحمد هو أنت مش قادرة تفهمي ليه
مش بتحسي حضرتك.. أكون صريح معاك أكتر من كده أزاي.. 
داليا أحمد لو سمحت متتجاوزش حدودك.
صړخ أحمد وسقف بأيده الأثنين أهو نطقتيه أخيرا سمعيني تاني اسمي ده من شفايفك الحلوة.
داليا اتلبخت كفاية كده بجد وإلا مفيش خروج
أحمد لا أرجوكي يا داليا أنا قتيل الخروجه دي.. أنت عمالة تزلي في علشان حتخرجي مرة معايا .. حرام بجد عليك
داليا بضحك ليه كده يعني
أحمد عاوز أخلص واتفق على كل حاجه الوقتي عاوز لما أزوركم مع والدتي نتجوز تاني يوم.
داليا يا سلام بسرعه كده .. 
أحمد قولي متأخر كده .. كل دقيقة بتمر علي أنا بټعذب بجد فيها إنت مش حاسة بيا.
داليا على العموم أنا أخدت إذن والمهنس علاء طلع معايا بيك اب.
أحمد ايه.. بيك أب لوحدك
داليا مفيش أي خيار تاني .
أحمد طيب اقعدي بعيد عن السواق لو سمحت
داليا ده من امتى الكلام ده
أحمد ده علطول
الحلقة 12 المقابلة
ركبت داليا في البيك أب اللي وصت عليها وعدت كل المسافة وفي البلد نفسها سألها السواق عاوزة تنزل فين دلته على عنوان الفندق وشكرته ونزلت دخلت داليا الفندق ولقت أحمد قاعد في اللوبي مستنيها متشيك وزي ما يكون خارج من عند الحلاق الوقتي.
أول ما شافها أحمد قام من مكانه بسرعة يستقبلها وهو بيقول لها بجد كنت خاېف قوي إنك ما تيجي.
داليا أنا وعدتك بكده ومقدرش أخلف وعدي.
أحمد بجد أنا فعلأ سعيد بوجودك هنا معايا تعالي نقعد جوه في المطعم.
داليا مطعم إيه.. كفاية فنجان قهوة أو عصير.
أحمد بصراحة أنا جعان وأخاف معرفش اتكلم كويس وأنا في الحالة دي.
داليا براحتك
أحمد اتفضلي الأول ووسع لها الطريق تمشي الأول
داليا اتحركت وهي مكسوفه لأن ده معناه إنه وراها وبيفحصها بس عملت نفسها مش واخدة بالها.
اختار أحمد طاولة منعزلة عن الباقي علشان محدش يكون مركز معاهم في الكلام وفتح لها الكرسي علشان يقعدها فرحت داليا بالحركة دي من جواها وقالت لنفسها بداية موفقة زي ما كنا بنقرأ في الروايات.
اول ما قعدوا وصل الجرسون اللس سألهم يحبوا ياكلوا إيه داليا طلبت مكرونة اسباجتي بصلصة البولونيز واسكالوب بانيه أما أحمد فكان محتار في الأول وتختار مشاوي مشكلة مع رز بالخلطة طلبوا إن الأكل يكون مع بعضه مينزلوش طلب حد قبل التاني.
بعد ما مشي الجرسون كان في صمت غريب وأحمد مرفعش عينه من على داليا وده شئ حرجها فبدأت الكلام على فكرة الوقت بيمر بسرعة وأنت قربت تسافر .
أحمد عارف يا داليا وبجد مش عارف ابدأ منين
داليا عروستي 
أحمد داليا بجد أنا مش قادر أعرف أنت ليه خطفتيني كده وايه السر اللي خلاني بحبك وعاوزك كده وعارف وحاسس كويس إن دي أول مرة قلبي فيها يحب ويدق كده ولازم تعرفي كويس إن صحوة القلب دي لا بتعرف لا وقت ولا تاريخ ولا يوم ولا مرحلة ولا أي حاجه ولكن......
داليا أيوه أنا حابة اسمع لكن دي.
أحمد لكن الإنسان مع التجارب بينضج وكترة التجارب بتعلم وبتعلم كتير قوي فلما يحصل للقلب صحوة بتحصل مع وجود قوانين كتير قوي وبنود أكتر.
داليا على الرغم من إني معاك في كل كلمة بتقولها بس آسفه مش معاك في النقطة الأخيرة.
أحمد إزاي يعني.
داليا أزاي أنت اللي بتطلب تحط أنت القوانين .. المفروض النقطة دي عندي أنا مش أنت.. معاك إن صحوة القلب بتحصل فجأه وبدون مقدمات بس أكيد ليها سبب وعلشان يكمل مشواره فيها لازم الطرف الآخر اللي هو أنت يوقع بنود وقوانين.
أحمد أفهم من كلامك ده إن قلبك الوقتي دخل في مرحلة الصحوة دي معايا وفي اللحظة دي ضم ايديها الأتنين وقفل عليهم جوه أيده وضغط عليهم جامد.
اتخضت داليا وسحبت ايديها بسرعة من بين إيده وقالت له لو سمحت مش مسموح لك بالتصرفات دي خالص لا من حقك ولا من حقي.
أحمد آسف بجد تصرف تلقائي مش مقصود بس اسمحي لي اعلق على نعومة ايدك.
تجاهلت داليا الجملة الأخيرة وقالت له يا ريت نكمل الكلام علشان بدأت أتأخر.
أحمد مردتيش علي.. دخلت في مرحلة صحوة القلب معايا
داليا بصراحة لا .. لسه لأني خاېفة.. خاېفة بجد لازم أتأكد من حقيقة مشاعرك نحيتي ومشاعري نحيتك...أنت عارف يعني أيه الأول قلبي يصحى......
أحمد بحشرجه ممكن تعرفيني...
داليا لما قلبي يصحى ويفتح أبوابه لك ... ده معناه إنه مش حيقدر يعيش من غيرك.
لما قلبي يصحى ويفتح أبوابه لك ... ده معناه إن حياتي متعلقة بك.
لما قلبي يصحى ويفتح أبوابه لك ... ده معناه إن روحي تكون متعلقة بروحك وحاجات كتير كتير كتير.
لازم شويه نهدى ونقف ونفكر ومنتسرعش علشان منندمش بعد كده.
خلي بالك استسلامي لك حيكون بمزاجي .. بشروطي .. بقوانيني.. لما قلبي يصحى ويفتح أبوابه لك ... ده معناه ........وسكتت.
أحمد سكت ليه كملي لو سمحت.
داليا معناه حاجات كتير .. بس مش حقدر الوقتي اعبر خليها لبعدين.. بس أهم حاجه لازم تاخد بالك منه كويس قوي ولازم متجرحوش أبدا لأني بجد مش حمل تجربة تانية.
أحمد ممكن أطمنك
داليا أزاي
أحمد حتثقي في
داليا لو أنا مش واثقة فيك مكنتش قبلت إني أخرج معاك الوقتي.
أحمد لو سمحت غمضي عينك.
داليا أيه الطلب الغريب ده.
أحمد مش قلتي بتثقي في
داليا آه
أحمد طيب نفذي لو سمحت معندكيش فضول تعرفي حقول لك أيه.
داليا منكرش إن عندي فضول بس مش حابة موضوع تغميض العين ده
أحمد علشان تقدري تحسي بالكلام اللي أنا بقوله لك
داليا تلقائيا غمضت عنيها وهو بدأ يهمس لها بجد يا داليا أنا متيم بيك وكلمة بحبك دي قليلة قوي على أي شعور بحس بيه معاك والحاجه الوحيدة اللي مصبراني على بعدك عن حضڼي إنك كل يوم في الحلم معايا ثانية بثانية ومش بنام إلا وأنا حاضنك وإني بفكر جديا إننا نتجوز خلال شهر بالكثير وهو ده فعلا اللي مخليني استحمل ومعنديش أدنى استعداد تمر دقيقة أكتر من كده وأنا بعيد عنك .
وسكت أحمد وداليا تنحت وفتحت عنيها من الخضة ومعندهاش أي تعليق على حاجه مهما كانت.. 
حس أحمد بحالة داليا وقال لها فتحت عينك ليه.. أنا لسه مخلصتش كلامي.. خلتيني أقطع كلامي.
داليا لأن الكلام ده مش وقته.. ومينفعش اتقبله الوقتي خالص ولا حتى أخلاقي تسمح لي استجيب له وأعلق عليه.. مش معنى كده إني مش مقدرة الكلام ده منك .. أو مش حاسه بيه .. بس ليه وقت لسه مجاش.
أحمد سامعه الأغنية دي ... داري داري يا قلبي مهما تداري قصاد الناس حزننا مكشوف... وهو عادي عادي محدش في الدنيا دي بيتعلق بشئ الا وفراقه يشوف.
داليا أول مرة اسمعها بجد بس حلوة
أحمد اهي دي أنت بتداري بس حزنك مكشوف.
داليا بتضحك مستغربة ده انت قرأتني بقى
أحمد مش ناوية تحكي لي حصل لك ايه بالضبط وايه اللي هزك كده من التجربة اللي فاتت.
داليا صدقني مفيش أي حاجه تخليني أخجل من أني أحكي لك تفاصيل قصة خطوبتي بس أنا متعودتش أنا أكشف اللي جوايا مع شخص لسه مش من حقه إنه يعرف عني حاجه.. بس أوعدك إن لو الموضوع ده تم وربنا أرد أنه يكمل هحكي لك تفاصيل كل حاجه لأنه حقك إنك تعرف كل حاجه حصلت لي قفل كده اللي اقدر اوضحه لك بس إني اتخدعت بجد في الانسان ده.. ورغم إني وقفت معاه كتير إلا وإني اكتشفت إنه ميستاهلش.
أحمد وأنا بحترم فيك ده يا داليا ومش مستعجل بل مش عاوز اعرف خالص خلاص.
ضحكت داليا بينها وبين نفسها لانه بيثق فيها وحست بجد إنه بيحبها وصل الغدا وبدأوا ياكلوا كانوا فعلا جعانين شكرته داليا وهو بدأ يشرح لها كل التفاصيل الخاصه بيه وايه الحاجات اللي عنده جاهزة وناقصه ايه حتى الشبكة اتكلم فيها بس سألها تحبي شبكتك ايه
داليا بكسوف والله الشبكة دي بتكون هدية من العريس لعروسته وبالتالي مقدرش أنا أحدد لك تشتري إيه وتجيب بكم دي المفروض أنت اللي تحددها.
أحمد بجد لو علي أنا عاوز أجيب لك الدنيا كلها .. بس أنا حاطط في اعتباري إن الفرح حيكون بعد شهر بالكتير بإذن الله ففي مصاريف تانية للفرح نفسه وبعديه شهر العسل بتاعنا.
داليا باستغراب حيلك حيلك.. إيه