رواية ندي الجزء الرابع الاخير

ينتمي لجماعه ارهابيه من بتاعت اليومين دول
ملك بجد
أمينة اه والله
ملك الحمد لله
أحمد اطلعوا استريحوا فوق بقي
ملك اوك.
واخيرا نطق الجسم الواقف معهم بلا صوت.
هاشم نور فين
أمينة نايمه يا حبيبي
هاشم ليه!
أحمد هههههه الأطفال ف السن ده بيناموا كتير. اطلع ارتاح بقي شكلك منمتش.
صعد الغرفه وملك وراءه.
أحمد هو ماله يا أمينة
أمينة مش عارفه بس فيه حاجه
أمينة ربنا يستر.
جلس علي طرف السرير صامت كما هو بينما خلعت حذائها وأقتربت منه وجلست علي ركبتيها أرضا أمامه وتحسست أنامله. كانت بارده حد الصقيع.
ملك ايديك ساقعة جدا.
لم يحرك ساكننا فقط يراقبها بعينيه وقد تحول لونهما إلي دخان داكن.
ملك وحشتني.
وبعد لحظات من الصمت مالك يا حبيبي 
لم يجبها فورا ولكنه انتظر لحظات يمعن النظر بها.
هاشم مفيش أنا كويس
ملك لا فيك اي يا هاشم 
مازال اسمه منها به خدر جميل ويحمل بريق أول مره سحب يديه منها.
هاشم عايز أنام
ملك اوكي. تمدد ودثرته بالغطاء.
ادار وجه سريعا لو سمحتي النور.
في شئ من الإعتراض أو عدم القبول تعلم أنه استغرق قرابة الساعة لينام ولكنه ظل مغمض العينين عاندته ولم تترك له الغرفه رغم أنها تشعر بشئ من النفور جلست علي الأريكة المقابلة للفراش تراقبه وتفكر بصمت حتي استغرقت هي الأخري في النوم.. أول من استيقظ علي صوت طرقات الباب هاشم فعادة نومه خفيف جدا علي عكس عندما يرهق جسده ونفسه فيسقط في النوم لأيام.. جلس علي الفراش لأول وهله ظن أن الذي كان ما هو غير كابوس عابر استيقظ منه لتوه ولكن سرعان ما أدرك حقيقة الأمر.. وجدها نائمة متقوقعة علي نفسها وكعادة شعرها راودها عن نفسها وسقط علي عيونها بشئ من الفخر. نادها برفق
هاشم ملك. ملك.
تثائبت وإبتسمت بكل برائة الكون وحشني وجودك معايا وشكلك وأنت لسه صاحي
هاشم هنزل أصلي ف المسجد
ملك امم تمام
هاشم المحامي جاي الساعة تسعة
ملك بجد
هاشم اه. بعد إذنك عاوزك تسمعيه
ملك أكيد طبعا. بس خير في اي يا هاشم
هاشم خير إن شاء الله. ربنا يسهل. مع السلامه
ملك خود هنا
هاشم نعم!
ملك احم. أقصد
هاشم انجزي يا ملك
ملك هدومك خفيفة. تقوست شفتاها للأسفل بشئ من الحزن.
هاشم مش مشكله. سلام.
حدثت نفسها هو في اي ماله. ممكن يكون إني خرجت وهو مش موجود بس هاشم مش بالتحكم ده. يااارب. دقت التاسعة وحضروا جميعا اربعتهم وخامسهم المحامي.
فريد للأسف يا باشمهندس الأخبار ماطمنش صحيح إنهم اخلو سبيلك بس
هاشم بس اي
فريد هتترحل علي مصر خلال ٣ أيام
هاشم اي! ليه ما طلعت برائة
فريد فعلا. بس دي اجراءات أمنية
هاشم لا حول ولا قوة إلا بالله. طيب والبيت والفلوس ال ف البنك
فريد اتشال الحجز عليهم بس
هاشم اي تاني
فريد حضرتك الناس ال كانت بتشتغل عندك دا غير الصفقات والشروط الجزائية والشغل ال وقف. كل دي فلوس هتدفعها يعني فلوس التأمين بتاعت الشركة والرصيد ال ف البنك وتمن البيت ياريت يكفوا.
هاشم حسبي الله ونعم الوكيل حسبي الله ونعم الوكيل.
ربتت ملك علي كتفه خير يا حبيبي أكيد كل حاجه من عند ربنا خير
هاشم ونعم بالله بس ده ظلم والله ظلم
أمينة لا اله الا الله إن لله وان إليه راجعون أنت مؤمن يا هاشم وده قضاء ربنا ان شاء االله ربنا هيعوضك
هاشم ونعم بالله. اللهم اجرني في مصېبتي واخلفني خير منها
أحمد أيوة كده يا اتش يا ما دقت ع الراس طبول
هاشم لا حول ولا قوة الا بالله
فريد أنا هقوم بالاجراءات ومن راي تعجل بالنزول مصر قبل اليوم التالت منعا يعني للشرطة والقيل وخلال اليومين دول نسدد الفلوس عشان تقدر تسافر بدل لا قدر الله قواضي الديون
هاشم اتصرف يا أستاذ فريد أنا هعتمد علي الله ثم عليك ومتقلقش اتعابك محفوظة خلال يومين هيكونوا عندك
فريد دا واجب عليا يا هاشم م العشرة الطويلة ال بينا
هاشم متشكر جدا
فريد العفو أنا هستأذن وهبدأ ف الشغل وبعد بكره بإذن الله هيكون كل حاجه اتحلت. البيت خود كل الي يلزمك منه
هاشم إن شاء الله هروح بكرة اخد حاجتي وتقدر تباشر الاجرائات من دلوقتي. هعتمد عليك
فريد إن شاء الله خير. استأذن أنا
هاشم مع السلامه
عم الصمت لدقائق قطعة أحمد إحنا اصلا يا هاشم كنا بنفكر نستقر ف مصر بقي وكفاية غربة لحد كده واهو آن الوقت ولا اي يا أمينة
أمينة فعلا أنا عايزة بنتي تعيش وسط أهلها ف مصر وكمان أحمد عايز يفتح مستشفي خاصه بيه ونساعد بيها الغلابه بدل التدهور الصحي ال هناك. وإن شاء الله نلحقكوا علي مصر بعدها بيومين تلاته
هاشم أمينة أنا مش عايز أكون سبب لعدم استقراركوا ومش كل مكان اروحه تيجي ورايا فيه
أمينة اخص عليك. بعدين أنا مبقتش صغيرة ومسئولة عن اتنين غيري وعارفه بعمل اي واصلا الرجوع مصر مش أنت السبب فيه بقولك كنا بنفكر من فتره
هاشم ماشي ال يريحك. وأنتي يا ملك ملكيش راي
ملك أنا مكاني المكان ال أنت فيه إن شالله ع المريخ
أمينة ههههه احم نحن هنا
هاشم من فضلك يا أمينة
أمينة سكت اهو
هاشم أنتي مدركة الوضع يا ملك. أنا بقيت ع الصفر لاء صفر اي أنا تحته بالعافيه ارجع مصر من غير ديون
ملك وفيها اي نبدأ من جديد
هاشم يا بنتي افهمي بقي المستوي ال كنتي عايشاه ده خلاص بح. فيها عشر سنين كمان عما ارجع زي الأول
ملك ميهمنيش عربية ولا غدا ف مطعم ولا شقة من فيلا. طالما أنت معايا خلاص. متفرقش اي حاجه تانيه.
تنهد هاشم وادار وجه عنها.
هاشم ملك أنا مش عايزك تتسرعي. فكري كويس وأنا مستعد لأي حاجه. حتي لو كان. ننفصل
ملك پصدمة نعم! أنت قدرت تفكر فيها كمان لاء وعندك استعداد كمان بيقول اي ده يا أمينة. ده. ده خرف
هاشم احترمي نفسك يا ملك واتكلمي كويس
ملك ما أنت ال بتقول كلام مايتسمعش
هاشم أنا عايز مصلحتك. هتتبهدلي معايا.
ضړبته في صدره بعصبيه.
ملك مصلحتي معااك. وهتبهدل من غيرك أنا كنت بمۏت وأنت بعيد عني كام يوم ازاي قدرت تقولي كده ازاي!
أمينة أهدي يا ملك
ملك ولا أنا بقي اتسرعت واتجوزتني وندمت. قول كده
هاشم أنا ف اي ولا ف اي يا ملك. الحب خلاص هيروح ف مصر مع بهدله المواصلات مع إرتفاع الاسعار مع فستان حلو ولا هدية معدوش هيجوا
ملك أنت مفكرني ايه تافهه ال يهمني الرفاهيات هو ده الحب بالنسبالك يا خسارة يا خسارة يا هاشم.
همت بالانصراف لكنها رجعت الخطوات التي مشتها ورفعت اصبع السبابة في وجهه ال قولته ده هتندم عليه يا هاشم. واياك ثم اياك تفكر بس بس تطلقني. أقسم بالله العظيم لارفع عليك قضية واسجنك إنك طلقتني من غير رضايا وأنت متعرفنيش اجن خلق الله واعملها ومش أنا ال اسيب حاجه بتاعتي.
و صعدت إلي الغرفه.
أحمد يارتني صورتهم يارتني.
لكزت أمينة زوجها ششش أسكت. دا
الواحد ېخاف منهم. قوم نسيبه يفكر براحته 
أحمد يلا بينا حتي نور دلوقتي صحيت م الصوت.
جلس مكانه يفكر كيف لتلك الصغيرة بهذه القوة والتمسك بي وأنا الذي
دفعتها علي النفور مني كيف لي أن أتحمل وأنا اراها تعاني من قسۏة المعيشة كيف لي أنا