رواية ندي الجزء الرابع الاخير

الفصل الرابع
أريدك أنت بجانبي لا أريد أحدا غيرك أنتي الأمان الذي لا أريده أن يفارقني أبدا لن أتركك ولن أسمح لشئ أن يفرقنا
وفي الطريق.
ملك أنا عايزة أنام يا هاشم ممكن نروح
هاشم مش هنتعشي
ملك ماليش نفس
هاشم أنتي مضايقه نفسك ليه
ملك أنا مش مضايقه أنا عايزة انام
هاشم متأكده إن ده وش واحده مش مضايقه
ملك أيوة ممكن نمشي بقي
هاشم حاضر يا ملك.
ذهبوا إليه الفندق وابدلوا ملابسهم.
هاشم طب نطلب حاجه من تحت
ملك لو جعان أطلب أنت
هاشم لا. طب نتفرج ع  في فيلم جديد جاي
ملك مش عايزه
هاشم طب أنا خارج بره اتفرج وأنتي خدي راحتك هنام بره ع الكنبه.
بعد نصف ساعه لم تستطع ملك النوم فقررت أن تخرج إليه ولكنه غفي بمكانه. ذهبت إليه وجدته غافي فأغلقت التلفاز ولكن ما أن اطفئ الصوت حتي أنتفض هاشم. هاشم في اي
ملك أنت ال في اي دا أنا طفيت التلفزيون بس
هاشم مسح بيده شعره. اممم
ملك ممكن تدخل تنام جوه
هاشم طب تعالي نام
ملك لالا نام أنت أنا مش عايزه
هاشم خلاص هعد معاكي
ملك تقعد اي أنت نايم ع نفسك
هاشم لا فين ده أنا سامعك
ملك أنا متكلمتش
هاشم بس جيتي عشان تتكلمي
ملك شعور إنك فاهمني ده مربك جدا
هاشم ده وحش ولا حلو
ملك مش عارفه بجد مش عارفه أنا عمري ما حسيت بكده أنا حاسه بالتقصير ناحيتك
هاشم ليه كده
ملك حاسه إنك حاسسني بذيادة بكل حته فيك
هاشم المفروض تفرحي
ملك أنا فرحانه فرحانه اوي كمان بس ال موترني إني مش قادرة ابادلك كده متفهمش غلط ومتبصليش كده
هاشم عايزني أقولك اي
ملك متقولش حاجه. بس أنا ا أنا اتلخبت
هاشم عايزة تقولي اي يا ملك من غير لف ولا دوران
ملك اووف. علا
هاشم مالها
ملك كانت تقصد اي
هاشم تقصد اي بإيه بالظبط
ملك قالتلك أنت كل يوم بتفتكرني
هاشم دي غيره
ملك أبدا
هاشم وقد تحولت عينيه إلى صقيع بارد أرعبتها كميه البرودة التي زرعت بها في ثواني 
ملك اي ف اي مالك!
هاشم مالي اي ما أنا زي الفل
ملك خليك عندك. اي! خلعت التيشرت ليه
هاشم اي! احتريت
ملك بتستعبط الجو تلج.
وهو يخلع قميصه.
هاشم لا ما أنا مقولتلكيش
ملك لا
هاشم عايزك تشوفي حاجه
ملك طب بس اقعد بالله عليك.
لم يستمع إليها وإنما خلع قميصه أمامها دي.
وأشار إلي چرح طويل إلي حد ما بجانبه الأيمن.
هاشم يعني أما بشوفها وأنا بغير أو اخد شاور بفتكرها بيه.
صمتت كما فعل حقا يبغض ذلك الچرح. لطالما ذكره بچرح قلبه قبل جسده والخيانه التي تعرض لها لكنه أبدا لا يذكر به حبه لعلا. اهذا اختبار يالله لقلبي إذا ما كنت باقي علي ما مضي
ملك الچرح ده سببه علا يا هاشم
هاشم متجمعيش أسمي بإسمها لو سمحتي
ملك أنا أسفه
هاشم أسمعي ال هقوله ده لأني مش هكرره.
نطق كلماته بسرعه قصوي كأنه حملهم لمده طويلة أو إنه اراد أن يتخلص منهم مرة واحدة.
هاشم مفيش ارتبطت بيها سنتين وف آخرهم طلبت ايديها وحددنا ميعاد الخطوبة بس قبلها بفتره بدأت تتغير وترتبك وبقت تخبي عني حاجات وموبايلها مبقاش يفارقها وآخر خناقة كانت ع الموبايل عشان جالها مسدج وهي ف الحمام وجت لقيته ف ايدي أصلا كانت قفلاه ب باسورد فمشوفتهاش فنزلت م المكتب عندي بعد أنه إزاي ادور ف تلفونها وأنا مش يثق فيها ومعتش ينفع نكمل والكلام ده فنزلت وراها زي الاهبل اصالحها وكان خالد مستنيها تحت الله اعلم كانت صدفه ولا اي. لقيتها ركبت جمبه وأنا لحقتها وركبت ورا واتخانقنا إحنا التلاته كان بيقولي متزعقلهاش واتعصبت عليه.. تخيلي بدل ما تهديني قالتلي جمله چرحتني أكتر من چرح جمبي.. قالتلي متتعصبش هتجيلك الازمه وتفضحنا ف الشارع كانت بتتكسف م الربو.. مش عارف ازاي وليه بقيت اتغاضي عن المواقف ال زي دي قبل كده واي العيب أصلا فالربو عشان تتكسف منه وفجأة خبطتنا عربية نقل محمله فيها حديد العربية اتقلبت بينا... فوقت ف المستشفي بعدها بحوالي 3 ساعات عشان كنت قاعد ف الكرسي الخلفي الحمد لله ايدي بس ال اتكسرت وكدمات بسيطة.. بس خالد كانت حديدة دخلت ف جمبه ډمرت الكليه وكان عايز زرع بدالها وانسجتي طلعت مناسبة له كنت بفكر فيه أكتر من نفسي كان اكتر من أخويا عشره السنين اديتهاله من غير لحظة تردد.. هي كانت كويسه رجلها اتكسرت وكدمات بسيطة برده والحمد لله الأمور بقت تمام والعمليه نجحت وأنا مش بحب المستشفيات فخرجت قبله وسبحان الله العربيه ال عملنا بيها الحاډثه كانت بتاعتي لأن مكنش في فرق بيني وبين خالد حاجاتنا واحده. المهم وأنا بجيبها من عند الميكانيكي اداني تلفون لقاه ف الدواسه وقع من علا يومها. روحت لبتاع الصيانه وفتحته لقيتهم بيراسلوا بعض بقالهم ست شهور بيحبوا بعض وبيتفقوا هتسيبني ازاي.. مش هقولك طبعا عن احساس الغدر والطعن ف ضهري فواجهتهم ما انكروش وعلا قالتلي إنها عايزه تسيبني عشانه.. مريت بفتره صعبه وقررت ارمي كل ده وري ضهري فضيت الشړاكه وكل حاجه بتجمعني بيهم وسافرت ابتدي من جديد والحمد لله الشركة كبرت زي ما أنتي شايفه وبنيت إسم وربنا كرمني جدا وعوضني بيكي يا ملك اقسم برب العز ما في ف قلبي غيرك من يوم ما شوفتك وما بتمني غيرك يا حبيبتي.
كان يجلس علي اريكة مكور قبضتيه بين قدميه منهك من تلك الكلمات التي أخرجها.. جلست علي ركبتيها قبالته وأمسكت بيديه فتلاقت العيون بحديث صامت طويل.
ملك ايديك.
نظره لها مستغربا وهي تتفحص أنامله.
هاشم مالها
ملك أنت بتعزف حاجه
هاشم لاء
ملك اصل الايدين دي مخلوقه للعزف ما شاء الله فيها حنية كتيرة اوي
هاشم ده ال هو ازاي.
نظرت له نظرة مشاكسة أعلمك بص يا سيدي فيه احتواء كده وأمان لدرجة إني مش عايزه اسيبها. تحسها بتعزف ناي.
هاشم بس أنا مش سامع
ملك أنا بس ال اسمع العزف ده
هاشم أنتي بتردهالي
ملك ضحكت ضحكتها التي تسحره. لا والله دي حاجات بكتشفها فيك لأول مرة
هاشم يعني 
قامت من مكانها وجلست ملتصقة به ورفعت وجهها إلي أذنه وقالت بصوت هامس وهو أغمض عينيه يستمع بقلبه لا بأذنه.
ملك ده أول سر اقولهولك لعشقي ليك
هاشم يالله.
قامت من مجلسها لكنه أسرع وامسك معصمها واجلسها بحركه سريعه علي قدميه.
ملك هااشم!
هاشم بتتعلمي بسرعه أوي ياملك
ملك طول عمري شاطره
هاشم أنتي ممتازة.
أغلق عينيه كعادته واستنده برآسه علي رآسها.
هاشم قدرتي تحولي مودي مية وتمانين درجه ف ثواني طلعتيني لسابع سما بعد ما كنت ع الأرض. ربنا يخليكي ليا
ملك ويخليك ليا. وحاولت أن تنهض
هاشم خليكي شوية كده
ملك لا لازم ننام
هاشم ليه المدرسه بكره والميس هتعاقبنا
ملك هنسافر بكره
هاشم اي!
ملك أنا عارفه إنك مش عايز تقعد هنا اكتر من كده ومكسوف تطلب مني كده عشان بقالنا يومين بس
هاشم لا طبعا مش كفايه مفيش فرح اقووم مسافر بسرعه كده
ملك أنا كده هبقي مرتاحه طول ما أنت مرتاح
هاشم أنا كويس
ملك لا هنسافر كده احسن.
عشان خاطري
هاشم امم.
حاولت أن تتخلص منه لكنه احكم عليها قبضته.
هاشم هسيبك بس ببلاش كده!
ملك عايز اي
هاشم عايز أسمعها
ملك ملهاش اهميه لو أنت ال طلبتها
هاشم امم معاكي حق هستناها