رواية سامح الفصول الاخيرة

تبكي ثم استكملت 
ركان هو الأمان اللي كنت بدور عليه يا جنة.. حضنه زي حضڼ بابا.. مبخفش وانا معاه.. بس للاسف دبحني باللي عمله.. انا كنت حاسة معاه اني طفلة صغيرة لسه بتتعلم الرسم.. وعملت لوحة جميلة اوي وكنت طايرة من الفرحة بيها.. وبكل بساطة هو اخدها مني وقطعها ورماها تحت رجليه.. انا تعبانه.. تعبانة اووووي
استمع خالد لبكاء عتاب وكلماتها وبدأ في فهم سبب الخلاف بينها وبين ركان.. ظل يفكر قليلا ثم اتخذ قراره وعزم علي التدخل ومحادثة ركان
ببيت ماجد وذكية.. مازالت تعاقبه بتجاهلها له.. 
ويشعر هو بتسرعه وندمه
خلاص كده.. كفاية بقي قلبي وجعني من خصامك.. عرفت اني غلطان اوووي المرة دي ومش هتتكرر
ذكية لا هتتكرر.. طالما انت واثق اني بحبك وهسامحك هتتكرر.. وهتضيع الحب اللي بينا يا ماجد 
ماجد والله ما هكررها تاني بس كفاية كده متبقيش انتي والدنيا عليا 
رق قلبها له ولحزنه فلم تجد ما تفعله سوى ان تسامحه
احتضنها ماجد بسعادة.. لكنها ابعدته بهدوء لتتحدث بدلال وهدوء عاوزني اصالحك.. اتصل علي مامتك كلمها واطمن عليها
ماجد بضيق بعدين انتي وحشاني وبعيده عني من زمان 
ذكية كلمها يا ماجد وانا هدلعك واحبك خالص
ماجد مبتسما لا والله.. ټهديد ده يعني
ذكية بالظبط ياقلبي.. روح كلم امك.. وانا هخلص الأكل وافضالك 
ماجد مقبلا يديها ورأسها حاضر يا كوكي
اكتفي حمزة بالصمت.. لم يتحدث مع شهد فيما حدث بينهما.. فهو المخطئ ولابد من تصحيح ذلك الخطأ.. سوف يلجأ للعلاج النفسي فهو بالفعل وصل الي مرحلة الادمان.. يود الابتعاد ولكنه يعود الي ما يفعله مره اخري.. لكنه لن ييأس وسوف يتلقي المساعدة
بايطاليا وبعد مرور ثلاثة اشهر.. يجلس سامح يفكر بحياته.. لابد ان يبدأ من جديد.. نعم مازال يحب عتاب وسوف يحيا علي أمل رؤيتها.. لكنها اصبحت ملكا لغيره ويتمني لها السعادة
سوف يترك قلبه يهديه الي حياة جديدة.. تذكر وعد وابتسامتها.. شخصيتها المرحة التي تجمع بين انطلاق الفتاه الغربية مع الحفاظ علي عادات وتقاليد رباها عليها والدها
توجه خالد الي مقر عمله.. انتظر قليلا ثم اجري اتصالا للتحدث مع ركان وحل تلك المشكلة.. فيكفي ما فات.. 
خالد السلام عليكم كابتن ركان
ركان بلهفة وسعادة وعليكم السلام ورحمة الله.. كيفك استاذ خالد وكيفها مدام جنة والأولاد
خالد كلنا بخير.. بس لو عاوز تطمن علينا كان ممكن تتصل
ركان والله ڠصب عني.. انا حبيت اسيب عتاب تاخد وقتها وما اضغط عليها
خالد عتاب محتاجة لوجودك جنبها.. تحتويها وتعوضها.. للاسف هي رافضة تفهمنا سبب المشكلة بينكم.. بس بكاها ليل نهار بيأكد انها تعبانه 
ركان انا بحاول اكلمها كتير بترفض
خالد لو ابنك الصغير قرب من الڼار وشفته هيتحرق يا كابتن هتسيبه يتحرق ولا هتجري عليه تلحقه وتحميه
ركان فهمت عليك.. بس انا خاېف ترفض او تصمم... انها تطلق
خالد ولو.. المفروض تحاول تاني وتالت.. ده طبعا لو انت عاوزها ومتمسك بيها لكن لو... 
قاطعه ركان بثقة مافي لو انا عارزها وبحبها واموت عليها.. وبكرة بكون عندك بمصر وهتحمل اللي هي بتعمله.. بس الله يخليك تخليك جنبي وتساندني لانها عنيدة جداااااا
ابتسم خالد تمام.. واكيد عنيدة متنساش انها بنت عمي وبعتبرها بنتي الكبيرة.. وعيلتنا كلها عنيدة ياسيدي.. اسألني انا اختها مطلعه عيني
استعد ركان للسفر.. توجه هو والعنود لشراء بعض الهدايا لعتاب واهلها 
العنود اسمع يا ركان.. خليك هادي معاها واتحمل انفعالها.. هي خامل وبتكون اعصابها تعبانه بالاضافة لعملتك السودة كمان
ركان خلاص حبيبتي شنو صار الحين كلكم بصفها.. أنا خاېف انها ترفض ترجع معاي
العنود مش هترفض بس انت ما تيأس بسرعه وراضيها
جنة يا عتاب بلاش خروج النهاردة 
عتاب لأ عندي شغل ضروري.. وكمان دي مستشفي خاصة ولسه متعينة فيها جديد مش كل يوم هقولهم اجازة.. هيرفدوني
جنة طيب.. بس متتأخريش علشان هعملك محشي يعجبك
عتاب تسلميلي يا جنة.. واسفه تعباكي معايا انتي وخالد بس ڠصب عني مش هقدر ارجع المنصورة ومش عاوزة افتكر اللي حصلي هناك ولا اقابل حد اعرفه
تحدث خالد بجدية لو جنة مش عجباكي فالمفروض اني اخوكي وده بيتك.. ولا انتي شيفاني غريب
عتاب طبعا اخويا يا أبيه.. ولو مكنتش شيفاك اخويا كنت رجعت عند ماما.. ربنا يخليك لينا ولجنة 
خالد طيب حاولي متتأخريش لأني مش رايح الشغل النهاردة وعاوزك في موضوع مهم
عتاب موضوع ايه
خالد فضولية زي اختك.. لما ترجعي ان شاء الله هقولك
بدأت عتاب ممارسة عملها بالمشفي الجديد وسط نظرات زملائها.. البعض منهم معجب بها وباخلاصها بالعمل.. البعض الاخر يري انها تبالغ في بذل الجهد.. وبعضهم معجب بها كفتاة جميلة تجمع العديد من الصفات الحسنة ومنهم شهاب طبيب يعمل معها بنفس المشفي ويراقبها باهتمام
شهاب متحدثا الي احد زملائه متعرفش دكتورة عتاب دي متجوزة ولا مطلقه
اجابه زميله معرفش.. هي مبتتكلمش مع حد ياعم بس بصراحه بت زي القمر واخلاقها عالية
شهاب أصل مفيش في ايدها دبله.. ودايما حزينة ولابسه الوان غامقه.. اكيد مطلقة او ارملة
وصل ركان الي بيت خالد متلهفا لرؤية عتاب.. لكنه متخوف من رد فعلها
خالد بترحاب شديد نورت بورسعيد يا كابتن
ركان منورة بأهلها حبيبي.. ماشاء الله جميلة بورسعيد.. اول مرة ازورها
خالد ان شاء الله تشرفنا مرة تانيه.. ها بقي تحب تدخل تريح شوية علي ما عتاب ترجع.. ولا تتغدي الأول 
ركان ترجع منين.. هي خرجت
نظر خالد ناحية جنة التي اشارت له بعدم معرفتها لشئ
خالد هو انت متعرفش ان عتاب نزلت شغل.. أنا سألتها وقالت انك عارف
ركان بتوعد لا عادي ولا يهمك.. خليها تدلع بكيفها.. ثم أكمل محدثا نفسه.. والله وقعتك سودة يا عتاب يابنت المصري
انا حابب اعملها مفاجأة واروح علي شغلها بس ياريت تديني عنوان المشفي
خالد لأ هاجي معاكي
ركان لالا.. خليني اقابلها لحالي ونصفي الخلاف بينا.. وبعدها اجيبها وارجعلكم ونتغدي سوا

البارت الأخير 
الثلاثون...
ركان مستفسرا من احدي الممرضات اذا بتسمحي.. وين دكتورة عتاب المصري
الممرضة مبتسمة وناظره اليه بسعادة ماشاء الله هو حضرتك قريبها
ركان انا زوجها
الممرضة شاهقة بتعجب زوجها.. اومال بيقولو انها أرملة ليه
ركان بتعجب وصدمة شنو ارملة.. ومين اللي بيحكي الكلام الفاضي ده.. الله يخليكي قوليلي وين الاقيها.. ماعندي وقت
اشارت الممرضة الي الطريق المؤدي لغرفة الكشف الخاصة بالأطباء
توجه ركان لمكان وجودها.. اخذ نفسا عميقا قبل ان يدخل لكنه توقف عند سماعه لصوت عتاب تتحدث مع احد ما
عتاب متشكرة لحضرتك دكتور شهاب.. انا كويسه بس مفطرتش وممكن ده سبب الصداع
شهاب خلاص بنطلب فطار وناكل انا وانتي
عتاب بخجل متشكرة لحضرتك.. بس انا مباكلش من برة.. وكمان اختي منتظراني عالغدا
شهاب هو حضرتك قاعدة مع اختك
عتاب ايوة انا من المنصورة بس قاعدة مع اختي وجوزها.. بعد اذنك هستأذن واروح
شهاب ممسكا يدها بتلقائية لا خليكي انتي شكلك تعبان انا هوصلك للبيت
لم يتحمل ركان اكثر.. دخل اليهم والڠضب يملؤه
لم تتخيل عتاب ان تراه امامها.. ثواني وكانت بين يديه فاقدة للوعي فهي تشعر بالتعب منذ الصباح لكنها تقاوم
حملها ركان پخوف بينما استوقفه شهاب انت مين وواخدها ورايح فين
ركان مالك شغل.. خليك في حالك
شهاب انت مچنون يعني ايه اخليني في حالي.. دي زميلتي ومش هتخرج من هنا الا لو شفت بطاقتك