رواية شيماء الجزء الثاني الفصول الاخيرة

بوسى و يمشى من المنتجع لكن بعد مارجعوا للمكان إللى مجتمعين فيه كلهم 
سمير معلش ياجماعه احنا هنستأذن منكم مش هنقدر نقضى اليومين معاكم 
كامل لا والله هزعل منك جدا انا مرتب كل حاجه 
سمير معلش يا كامل فعلا حصلت حاجه غيرت كل ترتيبى كان نفسى انا و بوسى نقضى معاكم وقت لطيف لكن تتعوض 
مريم تسمحولى اتكلم 
الجميعطبعا اتفضلى 
مريم سمير بيه حضرتك معاك حق تاخد مراتك وتمشى لكن انا طمعانه انكم تقعدوا معانا لحد مااحس انى قدمت ل بوسى بنتى الترضيه الكافيه 
كامل ليه يا مريم هو حصل ايه 
مريم حبيبى كان حصل خلاف بين البنات فى الحفله وانا انهارده صالحتهم على بعض لكن واضح ان سمير بيه لسه ماوصلوش الترضيه والاعتذار الكافى
سمير مريم هانم تصرف حضرتك مع بوسى وصلنى هى نفسها رافضه تمشى وحابه جدا العلاقه معاكم كلكم 
مريم ربنا العالم انا حبتها زى بنتى واكتر 
1. سيلين وميسوطيين وشهم فى الارض وكل واحده عارفه انها غلطانه وكمان عارفه جوزها هيعمل فيها ايه 
سمير كان واقف وايده حاضنه بوسى بحب وخوف على مشاعرها 
مالك كان بيبص ل سيلين بكل غضبه من تصرفاتها 
آسر و مياده كانوا مبسوطين من احترام مريم وان حق بوسى بيرجعلها 
بوسى دموعها كانت فى عينيها من حب سمير ليها وخوفه على مشاعرها 
لحظات عدت والكل مستنى قرار سمير انه يمشى او يكمل الدعوه 
سمير خلاص يا مريم هانم انا بعد كلام حضرتك مش هقدر امشى 
كامل أيوه كده ياراجل خليك معانا نقضى يومين حلوين 
مريم وانا اوعدك انك مش هتندم انك وافقت 
مالك سيلين لو سمحتى عاوزك 
مالك اخد سيلين بعيد عنهم 
سيلين ايه ياحبيبى فى حاجه 
مالك ايه إللى انتى عملتيه مع مرات سمير  
سيلين حكتله إللى حصل يوم الحفله واللى مريم عملته انهارده 
مالك مش ملاحظه ان نظرتك للناس بقت سطحيه ومش بتراعى مشاعر حد 
سيلين اسفه يا مالك ماكنتش اقصد 
مالك سيلين ارجعى حبيبتى علشان انتى عارفه انى مش حابب سيلين دى 
سيلين وانا مش حبيبتك 
مالك انتى حبيبتى وقت ماتحبى الناس وتراعيهم مش تتكبرى عليهم انتى كنت بتكرهى ده فى طنط عايده صح 
سيلين بخجل من افعالهااسفه مش هتتكرر 
مالك وهو بيحضنها اتمنى علشان ماتشوفيش مالك تانى هو كمان 
سيلين بدلعده ټهديد 
مالك بهمس وهو بيقرب من رقبتهاانا أكبر من انى اهدد وانتى عارفه
سيلين انا بحبك فى كل حالاتك
مالك وأنا بعشقك مش بحبك بس
............اما عند مريم
مريم يلا اتفضلوا ارتاحوا فى أوضكم ساعتين وهبلغكم تنزلوا 
قام الجميع و مريم و سيلين وصلوا آسر و مياده لجناحهم فى المنتجع و سمير و بوسى لجناحهم 
وبعدها نزلت مريم و سيلين يجهزوا المفاجأه لضيوفهم 
وكان طلع جسور و ميسون على جناحهم 
....................فى جناح جسور و ميسون
جسور ليه عملتى كده يا ميسون  
ميسون والله ماكنتش اقصد 
جسور ميسون انتى اتغيرتى اوى 
ميسون اااااه ماانا إللى اتغيرت صح 
جسور ليه حاسك بترمى بالكلام عليا 
ميسون وتحس ليه ياقلبى ودى الحقيقه 
جسور أى حقيقه اقولك انا الحقيقه إللى انتى بتهربى منها 
ميسون اتفضل قول 
جسور الحقيقه انك بقيتى انسانه تانيه مش بتفكر غير فى ابنها إللى هو ابنى انا كمان ومش مقصر فى حقه لكن كمان عاطى شغلى حقه وبدى لحضرتك حقك لكن انا فين من حياتك تعرفى انتى زمان قبل مانتجوز كنتى بتستنينى اكتر من وانتى مراتى حاليا 
انتى كنتى بتهتمى بكل تحركاتى اكتر من دلوقتى او اقولها بشكل أوضح انتى كنتى بتحبينى يا ميسون لكن دلوقتى تؤتؤ مااعتقدش
ميسون انا إللى مش بحبك انا عمرى ماحبيت حد قد ماحبيتك انت النفس إللى بتنفسه واهتمامى بأبنى سبق وقولتلك سببه وكنت مفكراك قدرت 
جسور أكيد قدرت لانى لو مش مقدر كان زمانى عرفت عليكى واحده واتنين وتلاته كمان 
ميسون وايه إللى مانعك قال يعنى انت مافيش حد فى حياتك 
جسور لا فيه يا ميسون وهنزل اروحلها علشان هى بتهتم ليا وپتخاف عليا 
ميسون اتفضل روح براحتك 
جسور خرج متنرفز من برودها لكن هى كانت من جواها براكين هى سابته يخرج علشان تروح وراه وتعرف مين إللى هتاخد جوزها لكن على ماخرجت كان هو اختفى رجعت جناحهم تانى لحد ما مريم خبطت على بابها
...... .......... ...فى جناح سمير و بوسى  
بوسى حبيبى شكرا انك اقتنعت وسيبتنا نقعد معاهم 
سمير وهو بيلف ويحضنها انا وافقت علشان حسيت انك عاوزه كده وعلشان مريم هانم بجد عاوزه تعوضك عن أى زعل 
بوسى انا خاېفه تكون انت قاعد ڠصب عنك 
سمير لا ياقلبى انا مايفرقش معايا المكان طول ماانتى فيه انتى وجودك بينسينى الدنيا 
بوسى حبيبى أحضنى اوى 
سمير وهو بيحضنها جامد اوى وبيمسح بأيده على شعرها تعالى حبيبى حضنى ده امانك ودفاكى 
بوسى هو كده بالظبط انا مش بحس بالراحة بجد غير وانا فى حضنك سمير انت كل حاجه ليا انا بخاف من الدنيا أوى وانت
مش معايا 
سمير أوعى تخافى من أى حاجه انا مش ممكن أسمح لأى انسان يضايقك او ېأذيكى 
بوسى حبيبى بحبك اوى 
سمير انتى روحى وعمرى وحياتى انتى عشقى الوحيد 
قطع عليهم كلامهم خبط مريم على بابهم 
...................... . فى جناح آسر و مياده  
آسر وهو بيشد مياده لحضنهحبيبى وحشتينى اوى مش كنا هربنا منهم 
مياده بدبعانت كمان وحشتنى بس ليه نهرب منهم مااحنا لوحدنا اهو 
آسر أنا لو عليا عاوز أهرب بيكى لجزيره مايكونش فيها حد فينا احنا وبس عاوز افضل واخدك فى حضنى اتنفس نفس النفس إللى طالع من جواكى احس ان احنا بس إللى عايشين فى العالم ده 
مياده أنا كمان بحب اوى اللحظات إللى بنسرقها لوحدنا صحيح الولاد وحشونى لكن بصراحه انت كمان كنت واحشنى اوى ومش عاوزه الأيام تخلص
آسر عمر أيامنا مع بعض ماتخلص ولا عمر عشقى ليكى يخلص ده حب العمر كله 
قطع كلامهم هما كمان خبط مريم على بابهم
......................
مريم كانت بتخبط على كل باب من أجنحة ضيوفهم وتاخدهم توصلهم كل واحد ل كوشمن هو السياره الصغيره المخصصة لتنقل النزلاء داخل المنتجعات 
علشان يوصلهم للاماكن إللى هى جهزتها بعنايه لضيوفها وابنها ومراته مريم كانت حابه ان كل واحد يستمتع بوقته بحريته وطبعا الكل فى الأول كان مستغرب لكن كل واحد كان بيوصل لمكانه كان بينبهر بروعة المكان 
............. . .وصل الكوشمن الأول ب آسر و مياده  
وكان المكان عباره عن طربيزه وسط صخور فى مياه البحر محاوطه بالشموع على شكل قلب مع صوت موسيقى هاديه
مياده ايه المكان الوهم ده 
آسر مريم هانم دى كلها ذوق حقيقى مكان رائع 
مياده دى كأنها كانت عارفه انت بتفكر فى ايه 
آسر سيبك انتى المهم اننا لوحدنا تعالى 
ضمھا لحضنه ورقصوا على الموسيقى
.................... اما الكوشمن التانى كان فيه سمير و بوسى وماقلش انبهارهم بالمكان عن انبهار آسر و مياده بالرغم من اختلاف المكان لكن كان رائع الجمال وكان عباره عن طرابيزه على الرمال أمامها البحر وارضيه الرمال مفروشه بالمصابيح والشموع مع شرايط البيبى لايت المتدليه من الأشجار إللى بتغطى المكان مع الموسيقى الهاديه
سمير من غير مايتكلم حضڼ بوسى وكانت لغة العيون هى سيدة الموقف ومع سمعاهم للموسيقى بدأوا يرقصوا مع بعض
...............الكوشمن التالت كان فيه ميسون بعد مااقنعتها مريم انها عرفت مكان جسور وهتبعتها تشوفه متلبس بالخېانة لكن طبعا ده كان اتفاق بين جسور و مريم واول ماوصلت ميسون للمكان كان فى انتظارها جسور وهو فاتح ذرعاته ليها وانبهرت بالمكان وبوجود حبيبها المكان كان عباره عن جلسه عربى على الرمال أمام البحر والصخور والأشجار المضاءه بالمصابيح ومحاوط الجلسه المصابيح والشموع
ميسون أول ماشافت جسور جريت عليه ورمت نفسها فى حضنه ودموعها هى إللى وصفت مشاعرها 
جسور كان حاضنها بكل قوته وايده بتمسح دموعها 
.........اما الكوشمن الرابع كان فيه مالك و سيلين  
وكانوا متفاجئيين بالمكان لان سيلين ساعدت مريم فى كل الاماكن السابقه ومكانتش تعرف
ان حماتها مجهزالها هى كمان مكان خاص زيهم ويمكن اجمل كمان كان عباره عن جلسه مستديرة على الرمال أمام البحر محاوطه بالشموع ومظلله بالنخل
مالك واااو والله مريومه دى عسل 
سيلين طبعا انت أول مره تعرف 
مالك مسك ايدها وهى بتتفرج على المكان وشدها خبطت فى صدره ضمھا ليه جامد 
........................
كل واحد كان بيقضى اجمل لحظات غرامه مع نصه التانى وهو فرحان وبيثبت للعالم كله انه احد أسياد العشق. 
.
الحلقة 9 .. قبل الاخيره
قضى الجميع وقت تاريخى لا يمكن نسيانه مريم فعلا قدرت تراضى الكل رجع كل كوشمن علشان يرجع إللى كان موصلهم للاوتيل لكن مفاجأت مريم منتهتش لسه محضرالهم كتير كل واحد دخل الجناح المخصص له 
....................فى جناح سمير و بوسى  
بوسى ياااااه انا بجد مبسوطه أوى 
سمير وهو بيضمها ليهوانا اهم حاجه عندى انى أشوف الفرحه إللى فى عينك دى 
بوسى وهى ناظره لعيون سمير أنت ازاى كده 
سمير ازاى كده يعنى ايه 
بوسى ازاى انت حنين وطيب وقلبك كله حب ليا ازاى بتقدر تسعدنى اوى كده ازاى بتعرف تكون أبويا واخويا وصاحبى وجوزى وحبيبى ازاى بتجمع كل رجالة العالم فيك انت وحدك 
سمير بحبأنا عشقتك وعلشان كده عرفت ازاى أكون أبوكى وأخوكى وصاحبك وجوزك وحبيبك 
بوسى انا ساعات بحس انك كتير اوى عليا 
سمير ياااااه يبقى مش واخده بالك انك أنتى الحلم بالنسبه ليا 
بوسى بابتسامه أنا حلم 
سمير طبعا حبيبى انتى أجمل حلم حلمته فى حياتى انتى بنوته صغيره رقيقه جميله كل شباب الدنيا تتمناها انا راجل كبير فى السن الحياه خلاص فى اواخرها معاه لكن انتى قدامك العمر كله ومع ذلك وافقتى بيا وحبتينى وسامحتينى على غلطى فى حقك فى وقت من الأوقات .......قوليلى بقى يبقى أيه رأيك انتى حلم ولا لأ
بوسى انا عمرى ماحسيت بسنك طول الوقت انا بحسك من سنى اما بقى بالنسبه لشباب العالم كله ولا يعجبونى أنا بحبك أنت وبس 
سمير وأنا بمۏت فيكى يامجنونتى 
بوسى امممممم طيب انا هفرجك الجنان بجد
مسكت تليفونها وشغلت اغنيه يا عسل لسامو زين
يا عسل يتضرب بيك المثل يا عسل فى الرقه والدلال رمشك شبك بنا ووصل اه يا عسل وعمل فيا البدع شقلبت حالى ايه جرالى دى الحاله دي جديده عليا توهت في مكاني وفي ثواني 
وفضلت ترقص وشدته يرقص معاها لكن طبعا وقار سمير منعه وفضل يصفقلها ويمسك ايديها ويلفها يحضنها لحد اخر الاغنيه 
سمير وضحكته بأعلى صوته ده جنانك تعالى بقى اوريكى جنانى وشالها ولف بيها وهو پيصرخ بأعلى صوته بحببببببببك وبعدها حضنها وقربوا من سريرهم 
.
....وسكتت شهرزاد عن الكلام المباح
.....اما فى جناح آسر و مياده
مياده اليوم كان جميل حقيقى مدام مريم دى ذوقها عالى جدا 
آسر اه ياحبيبتى فعلا 
مياده حبيبى عاوزين نطمن على الولاد 
آسر كلميهم ياعمرى اطمنى عليهم 
مياده مسكت تليفون آسر واتصلت بدادا توحه
توحه أهلا ياحبيبى 
مياده انا مياده ياماما توحه  
توحه وحشتينى ياميمو انتى وأسر 
مياده وانتى ياحبيبتى وحشتينا اوى والولاد وحشونى جدا 
توحه الولاد بخير ياحبيبتى اطمنى وقضيلك يومين حلوين كل حاجه عندنا تمام 
مياده احنا مبسوطين اوى ياماما هنا اتقابلنا بناس صحاب آسر وعارفه ميسون الشامى 
توحه أيوه ياحبيبتى ماما ياسين 
مياده أيوه هى معانا هى وعيلتها وبنقضى معاهم ايام جميله جدا 
توحه ربنا يبسطكم يا حبيبتى ويسعد قلبكم سلميلى على آسر  
مياده هو الولاد صوتهم مش طالع ليه 
توحه نايمين ياحبيبتى الوقت متأخر 
مياده معلش بقى مااخدتش بالى 
توحه ولا يهمك ياقلب امك 
مياده خلاص ياماما انا هكلم حضرتك بكره الصبح علشان اسمع صوتهم ومعلش انى صحيتك من النوم تصبحى على خير
توحه وأنتى من أهل الخير يابنتى
قفلت مياده التليفون وبصت ل اسر لقته باصص عليها ومركز معاها اوى 
مياده ايه بقى مركز اوى كده ليه 
آسر بحمد ربنا على اجمل زوجه واحن ام 
مياده انت ياقلبى إللى اعظم راجل فى الدنيا 
آسر طيب ياترى أعظم راجل ممكن ياخد اجمل زوجه فى حضنه يقولها كلمه سر 
مياده بخجل امممم أعظم راجل يؤمر 
قرب آسر من مياده وحضنها بشده حضڼ يعبر عن حبه واعتزازه بيها 
...........وسكتت شهرزاد عن الكلام المباح.......
وطبعا كان نفس الحال عند ميسون و جسور و مالك و سيلين سكتت شهرزاد بعد اليوم الجميل ده
مريم بقى مانمتش وقررت انها تكمل مفاجأتها الصبح وتاخدهم زياره للريف الفرنسي 
ومع اشراقة شمس جديده على عاصمة الحب والجمال باريس 
مريم اتصلت بكل جناح من المقيم فيهم ابطالنا ودعتهم لتجهيز نفسهم للخروج من المنتجع 
وبالفعل الكل نفذ فى انتظار مفاجأة مريم إللى كانوا قرروا يسيبوا نفسهم ليها ولمفاجأتها بعد انبهارهم باول مفاجأه 
..........
وبعد ساعه اتجمع الكل وركبوا السياره المخصصه
لنقلهم من غير حتى سؤال وصلوا الريف الفرنسى
او بمعنى أصح عند البيت إللى مريم أستأجرته علشان ضيوفها يقضوا يومهم فيه
البيت كان عباره عن دورين من الطوب الابيض الحجرى الكبير الحجم مغطى بالشكل الهرمى من البلاطات الحمراء بمدخنه عاليه وشبابيك خشب قديمه مدهونه بالطلاء الاحمر محاط بالأشجار الخضراء 
....الكل كان مبهور بجمال البيت وكانت مريم مجهزه بنات فرنسيات لخدمة الضيوف 
اجتمع الرجاله كلهم مع بعض واجتمعت البنات مع بعضهم ومعاهم مريم طبعا 
مريم ايه رايكم نخرج نتمشى فى الزراعات بره 
سيلين واااو فكره حلوه يلا يامريومه 
ميسون أنا موافقه طبعا 
مياده اكيد موافقه بس أبلغ آسر  
بوسى أنا طبعا موافقه انا بحب كده اوى 
خرجت مريم والبنات وراحوا يتمشوا وسط الزراعة ويلعبوا ويجروا كانوا فرحانيين جدا ومنطلقين لكن حصل إللى ماكانش فى الحسبان بوسى دخلت الزراعات وبدأت تبعد عنهم وتجرى بفرحه وهى مش منتبهه انها بعدت جدا عنهم 
بدأت الشمس تغيب وحاله من الفزع عند الكل وهو بيدور على بوسى مريم اتصلت على كامل وبلغته ان بوسى تاهت منهم وطبعا لان تليفون بوسى مافيهوش خاصية التجوال ماقدرتش تكلم سمير  
الكل بيدور و بوسى خۏفها بيزيد وماشيه بتحاول ترجع للبيت لكن كانت بتبعد اكتر وبعد دقايق اتقابلت مع راجل عجوز من اهل الريف 
بوسى پبكاء وخوفانا مصريه 
الرجل ماكانش فاهم كلامها 
بوسى بدأت تبكى بهستيريه 
العجوز فهم انها مش بتتكلم اللغه الفرنسيه لكن هو كمان مش عارف يكلمها بأى لغه تانيه لانه للاسف هو كمان مش بيتكلم غير فرنساوى 
بوسى كانت خاېفه من الظلام ومن العجوز لكن هو بدأ يهديها ويطبطب عليها حست وقتها بالأمان افتكرت انها صورت البيت على تليفونها فتحت الصوره وفرجتها للعجوز وبدأت تشرحله بالاشارات انه يوصلها للبيت ده 
العجوز هز راسه بالموافقه وأنه عرف المكان إللى المفروض ترجعله ومسكها من ايديها وبدأوا طريق الرجوع
.....
طبعا حال سمير كان يصعب على أى انسان لانه بدأ ينهار وخاف