رواية شيماء الجزء الثاني الفصول الاخيرة

على سلامتكم اتبسطوا
جسور ايوه كانت حفله جميله 
سيلين و ميسون كانوا ساكتين و مريم انتبهت لده
جسور انا مش قادر انا هطلع انام علشان بكره فى ناس عازمين ناس فى المنتجع 
مريم اطلع حبيبى أرتاح وانت يا مالك انا هتكلم مع البنات ويحصلوكم
مالك اوك انا كمان فاصل ھموت وانام ماتتأخريش ياروحى 
سيلين حاضر ياحبيبى 
جسور يلا وانا طالع بسرعه بقى يا مريومه علشان ميسون تلحق ترتاح شويه
مريم امشى ياواد انت وهو قال ترتاح قال
ضحك جسور و مالك وطلعوا 
مريم مالك م شكلكم فى حاجه 
سيلين بصراحه يامريومه احنا عملنا مصېبه 
مريم خير عملتوا ايه 
ميسون و سيلين حكوا ل مريم إللى حصل مع بوسى  
مريم انتوا غلطانيين وبتحكموا على الناس بالمظاهر 
سيلين المشكله بقى ان بابا كامل عازم الراجل ده ومراته بكره وانا لازم اكون موجوده لان فى شغل مع شركته 
مريم كويس جدا دى فرصه تصلحوا غلطكم وتعتذروا ليها بشكل غير مباشر 
ميسون ازاى 
مريم اولا تعاملوها كويس لانها هتكون ضيفتنا 
سيلين وثانيا 
مريم تجهزى مكان خرافى تقضى فيه وقت خاص هى وجوزها 
سيلين دى سهله 
مريم وتانى مره حافظوا على مشاعر الناس وعموما انا بكره هكون موجوده 
سيلين طيب تصبحوا على خير اطلع احصل مالوكى 
مريم وانتى ياحبيبتى اطلعى حصلى جسور ك 
ميسون حاضر تصبحوا على خير 
مريم و سيلين وانتى من أهل الخير 
طلع البنات اوضهم 
مريم لنفسها ربنا يهديكم ويصلح أحوالكم يلا لما اطلع أشوف كامولى انا كمان هى جت عليا 
......... 
الحلقة 7 
الحلقة 8
الحلقه السابعه
بدأ نهار يوم جديد فى مدينه العشق والجمال باريس 
الكل فى فيلا كامل العدوى كانوا بيجهزوا نفسهم علشان يروحوا المنتجع السياحى بتاع كامل يستقبلوا ضيوفهم 
مريم صباح الخير يابنات جاهزين 
سيلين صباح النور يامريومه ايوه حبيبتى انا و مالك والولاد جاهزين 
ميسون صباح الفل ياقمر جاهزه طبعا من بدرى انا وياسو و جسور  
مريم تمام يلا بينا انا هتحرك انا و كامل وكل واحده تجيب ولادها وتيجى مع جوزها 
سيلين و ميسون اوك يلا سلام 
مريم سلام وماتنسوش إللى اتفقنا عليه 
ميسون و سيلين هزوا رأسهم بالموافقه 
خرجت مريم و كامل راحوا على المنتجع امر كامل بتجهيز غرف للضيوف استعدادا لاستضافتهم اكتر من يوم 
و مريم كانت بتجهز احتفال بسيط للترحيب بيهم وخصوصا بوسى و سمير إللى لسه هتتعرف عليهم لأول مره لكن حست ان واجب عليها تراضيهم على غلطة بناتها فى حقهم 
وصل مالك و سيلين و جسور و ميسون  
مريم يلا يابنات علشان تساعدوني 
مالك فى ايه ياماما أول مره تهتمى بضيوف اوى كده 
جسور لا حرام عليك مريومه طول عمرها بترحب بأى مصريين بييجوا هنا 
مالك معاك لكن المره دى زياده شويتين 
سيلين معلش علشان دول فى شغل معاهم 
مالك عمر امى مابتهتم بالكلام ده 
مريم عادى يا مالك بعدين هتعرف
جسور ايه ده يعنى ابنك عنده حق وفى سبب لاهتمامك ده اااااه وانا إللى اتغشيت فيكى ياميرو
مريم نكزته فى كتفه وبعدين يا ولد انت ماتعرفش تكمل حاجه من غير هزار 
جسور اطلاقا ده معاكى انتى بس حتى اسألى ميسون  
ميسون ده جسور المرعب ده مش بيضحك غير معاكى يامريومه
مريم ماشى ياحبايبى يلا متضيعوش وقت
سيلين جهزتى إللى اتفقنا عليه 
سيلين هروح احضره حالا 
كل واحد اخد طريق وبدأوا كلهم ينفذوا أوامر مريم وبيساعدهم فى كده العاملين فى المنتجع 
................... فى الاوتيل 
آسر حبيبى ايه رأيك نروح عزومة كامل العدوى 
مياده براحتك ياحبيبى إللى انت شايفه 
آسر حسيت انك اتضايقتى منهم امبارح 
مياده لا عادى قولى هو بوسى وجوزها رايحين 
آسر اعتقد أيوه 
مياده خلاص خلينا نروح 
آسر ليه يعنى ياقلبى 
مياده علشان مش حابه اسيب البنت الغلبانه دى لوحدها وسطهم 
آسر حبيبى انت ياحامى الضعفاء بس ماتخافيش ياحبيبتى جوزها يقدر يحميها سمير الكردى مش سهل زى ماانتى فاكره 
مياده تعرف انا حاسه انها ماقلتلوش إللى حصل 
اسر لو عاوزه تروحى قومى اجهزى بسرعه 
مياده وهى بتنط من السريرحالا هجهز 
آسر يا سلام للدرجه دى صعبانه عليكى 
مياده بحزناكتر مماتتصور 
بدأ آسر و مياده فى تجهيز نفسهم 
...................
فى جناح سمير و بوسى
بوسى كانت لسه نايمه سمير صحى قبلها على رسالة وصلته على تليفونه من كامل بيأكد عليه الدعوه بعد ماشاف الرساله عدل نفسه وحضن بوسى وباسها من شعرها 
سمير بسبوسه 
بوسى وهى بتمسح فى عيونها بأيديهاهااااا صباح الخير يا حبيبى 
سمير صباح النور ياعيون وقلب وروح حبيبك
بوسى قامت قعدت نص قعده وسندت بضهرها على السرير
سمير حبيبى عاوزك تفطرى وتجهزى علشان خارجين 
بوسى هنروح فين ياحبيبى بدرى كده 
سمير معزومين فى منتجع بتاع واحد صاحبى 
بوسى وافقت وهى مش عارفه مين صاحب الدعوه اكيد لو كانت تعرف انها هتقابل سيلين و ميسون تانى كانت هترفض قامت من سريرها ودخلت أخدت شاور وجهزت لبس للنهار و سمير كمان قام يجهز 
بوسى يلا حبيبى انا جاهزه 
سمير انا كمان جاهز فطرتى الأول 
بوسى لا ماليش نفس 
سمير انا مش عارف فيكى ايه من امبارح لكن مافيش خروج قبل ماتاكلى أى حاجه 
بوسى حاضر يا حبيبى هشرب نسكافيه 
سمير اظن كلامى واضح تاكلى مش تشربى 
بوسى مسكت قطعة توست وقطعة جبن وبدأت تاكل ماهى عارفه ان سمير مش هيسيبها غير بعد ماتفطر
خلصت ونزلوا الاتنين 
وفى بهو الاستقبال فى الاوتيل اتقابلوا مع آسر و مياده  
سمير صباح الخير 
اسر صباح النور 
مياده صباح الخير يا بوسى عامله ايه 
بوسى صباح النور الحمد لله انتى عامله ايه 
مياده الحمد لله ياقمر 
آسر نستأذن احنا 
سمير اااه اتفضلوا
خرج كل واحد منهم ومايعرفش ان التانى رايح على نفس المكان 
سمير عجباكى انتى مرات آسر  
بوسى طيبه وتحس انها محترمه
سمير اكيد طبعا آسر شخصية مرموقه واكيد مراته هتكون محترمه
بوسى مش دايما
سمير تقصدى ايه ياحبيبى 
بوسى لا عادى بس الوسط بتاع رجال الأعمال ده احيانا بيكون فيه ستات مش كويسه 
سمير اكيد ياحبيبتى كل وسط فيه الكويس وفى الۏحش 
طبعا بوسى كان قصدها على ميسون و سيلين وأنهم متكبرين وبيتكلموا على الناس لكن سمير ما فهمش كده
وصل آسر و مياده للمنتجع ورحب بيهم الجميع 
كامل اهلا اهلا نورت المنتجع 
آسر اهلا بحضرتك يا كامل بيه 
كامل اهلا يامدام اعرفك مريم مراتى و مالك ابنى ومراته 
مريم مقاطعه اهلا ياحبيبتى ماهما اتعرفوا فى الحفله يا كامل وكمان مدام مياده صاحبة ميسون جدا 
مياده بابتسامه ميرسى اهلا بيكم ااه طبعا اتعرفنا 
سيلين وهى بتسلم على مياده اتفضلى يا مياده دى كمان بكره تبقى حماة ياسو 
مريم لا ده الموضوع كبير وانا لازم اعرف ده انا جدته برده
ضحك الجميع و مياده كانت حاسه ان مريم شخصيه مرحه وودوده 
كامل وصلهم المكان إللى هيقعدوا فيه 
آسر جميل المنتجع انا أول مره اجى هنا 
جسور ايه ده فعلا مع ان زياراتك لباريس كتير
آسر لكن بقضى شغلى ومش بخرج من الاوتيل غير للاجتماعات بس 
مريم بحب انا الراجل إللى مايتمتعش بالفسح غير مع مراته 
مياده آسر مابيخرجش من غيرى انا والولاد حتى شهر العسل بتاعنا كان فى باريس 
كامل علشان كده انا قررت انكم تقضوا معانا هنا فى المنتجع يومين قبل ماتسافروا ومجهز الغرف 
آسر لا حبيبى ربنا يخليك انا ورايا شغل 
كامل والله أبدأ انا عامل حسابى واحنا كمان انا وعيلتى ودلوقتي ينضم لينا سمير الكردى وحرمه 
آسر انا لسه مقابله فى الاوتيل لو اعرف كنا جينا مع بعض
كامل ايوه سمير جاى هنا اسف دى غلطتى كان المفروض اعرفكم 
آسر لا حصل خير 
جسور اهو جاى هناك اهو 
كامل بعد اذنك استقبله 
قام كامل ومعاه مريم و سيلين وراحوا يستقبلوا سمير و بوسى وكانت المفاجأه بالنسبه ل بوسى  
كامل اهلا بالناس إللى مش بتسأل على صحابها
سمير وهو بيسلم عليه لا أبدأ انا ماستغناش عنك ياحبيبى 
كامل اعرفك مريم مراتى 
سمير اهلا يامدام تشرفنا 
مريم الشرف لينا احنا 
سمير بسنت مراتى 
كامل اهلا بيكى يامدام بسنت 
بوسى اهلا بحضرتك 
مريم وهى بتسلم عليها وتحضنهااهلا اهلا تشرفنا يا حبيبتى تعالى اتفضلى 
مريم أخدت بوسى من سمير ودخلت بيها للمكان إللى الكل قاعد فيه لانها حست ان بوسى مصدومه بعد ماشافت سيلين وفهمت انها ماكنتش تعرف انهم موجودين 
مريم تعالى يا بوسى اقعدى جنبى 
مياده اااه بوسى تعالى اتفضلى 
سمير آسر كنت قول انكم جايين هنا كنا جينا مع بعض
آسر والله لسه قايل نفس الكلام
كامل يلا حصل الخير المهم ان كلنا مع بعض وهنقضى اجمل يومين مع بعضنا هنا فى المنتجع 
بوسى اتضايقت هى هتستحمل تقعد معاهم كام ساعه بالعافيه وخاڤت ترفض سمير يفهم حاجه 
سمير لا احنا مش عاملين حسابنا
اسر قولتله كده والله قبلك 
مريم انتوا مش هتحتاجوا أى حاجه لاحضراتكم ولا المدامات بتوعكم انا مجهزه كل حاجه
سمير مسك ايد بوسى حبيبى ايه رأيك نقعد نغير جو 
بوسى براحتك حبيبى 
مريم شافت همسهم 
مريم احنا نستأذن الرجاله بقى وانا هاخد البنات ونقعد براحتنا سيلين مجهزالنا قاعده حلوه 
آسر هز راسه ل مياده انه موافق و سمير طبطب على ايد بوسى تروح معاهم لكن بوسى كان جواها خوف ليضايقوها لكن مياده مسكتها من ايدها وحست ان مياده بتطمنها 
مشى البنات مع مريم سيلين و ميسون و مياده و بوسى  
وراحوا قعدوا فى كوخ من الخشب على النجيله الخضراء ومفروش بكنبه وكراسى مصنوعه من البامبو ومغطاه بقماش منقوش لونه احمر وملقى على الارضيه المفروشه بالسجاده الحمراء خوداديات محشوه بالفايبر 
مريم بقولكم ايه بقى انا عاوزاكم تعتبرونى امكم هنا زى سيلين و ميسون  
بوسى كانت قاعده والدموع فى عينيها هى مخنوقه منهم ومش عاوزه تقعد معاهم 
مريم انا عارفه يا بوسى انك متضايقه ومش عاوزه تقعدى معانا 
بوسى بكدبلا أبدأ ليه حضرتك بتقولى كده 
مريم اولا انا مش حضرتك خالص انا تقولولى مريومه زى ولادى دول كلهم 
ثانيا انا عارفه انك زعلانه مت سيلين و ميسون وعندك حق هما غلطوا فى حقك 
بوسى بعد ماسمعت كلام مريم اڼفجرت فى البكاء وزى ماتكون كانت حابسه دموعها 
مريم قامت أخدتها فى حضنها اهدى حبيبتى والله هما اتضايقوا من نفسهم جدا علشان كده أول مارجعوا حكولى وهما عاوزين يعتذرولك وبصت ل سيلين و ميسون  
سيلين قامت باست بوسى انا بجد اسفه ماكنتش اعرف انك سمعانى 
ميسون حقك علينا احنا حكمنا من بعيد مانعرفكيش 
مريم خلاص بقى ياقلبى قبلتى اسفهم ولا تحبى اعاقبهم علشان تسامحيهم 
مياده خلاص يا بوسى انا عارفه انك زعلانه لكن علشان خاطر مريم هانم 
مريم وهى بټضرب مياده على ايدها بهزار انتى كمان هتقولى مريم هانم عاوزين تكبرونى ده انا أصغر منكم 
ضحكوا كلهم وضحكت بوسى من وسط دموعها 
مريم ايوه كده اضحكى ده انتى قمر وانتى بتضحكى 
سيلين ايوه يا ستى يابخت إللى مريومه ترضى عنه 
مربمبس يابنت ده انتى حسابك معايا انا حعمل فيكى شغل الحموات 
ميسون ماتعرفيش يامريومه تبقى حماة
مريم والله يابنات الحموات دول مظلومين لو مرات ابنها عاملتها كويس عمرها ماترد الخير بالشړ لكن هو انطباع ورثناه من الافلام إللى ظهرت الحماه بشكل سئ
سيلين انتى ماعندكيش حماه يا مياده صح 
مياده لأ متوفيه
مريم ولا انتى طبعا يا بوسى  
بوسى لا ماعنديش 
مريم يلا بقى خلينا نتصافى وقولى ايه إللى زعلك منهم 
بوسى پبكاء زعلت انهم اتهمونى انى بستغل سمير انا عارفه انه أكبر منى بكتير لكن احنا حبينا بعض وعيشنا مشاكل كتير جدا بسبب فرق السن ده 
مريم اكيد اهلك ماكانوش موافقين 
بوسى ايوه طبعا ووقتها اختارته هو طبعا ده كان غباء منى او تسرع بنت
صغيره خاېفه على حبها لكن هو عندى بالدنيا ومافيها
مريم يعنى ندمانه
بوسى لا طبعا انا اقصد انى لما تخيلت انى لو اختارت أهلى انه هيزهق منى ويسيبنى وان أهلى مسيرهم هينسوا 
مريم طيب من غير بكى احنا مش بنفكرك بحاجه تضايقك احنا عاوزين نخرج إللى مزعلك بس
بوسى انا مش متضايقه انا بحب سمير ولو رجع بيا الزمن هختاره هو 
مريم ربنا يسعدكم ياحبيبتى 
سيلين احنا آسفين بجد يا بوسى  
بوسى خلاص والله مافيش حاجه 
مريم دى سيلين مجهزالكم مكان تحفه تعيدى فى ذكرياتك مع جوزك
مياده وانا كمان عاوزه أعيد ذكرياتى
مريم وانتى كمان يا حبيبتى وانا كمان هو كامل مالوش نفس يعيشله يومين
ضحكوا كلهم على خفة ډم مريم  
........ ...عند كامل و سمير والباقيين
سمير هما الجماعه اتأخروا كده ليه 
كامل سيبهم براحتهم هى مريومه كده عشريه وزمانها مجنناهم معاها
جسور تحب اروح اشوفهم واناديهم 
سمير خدنى معاك 
قام جسور و سمير وراحوا لمكان قعدة مريم والبنات 
جسور مريومه ايه ياحبيبتى اخدتى المدامات من اجوازهم
مريم وانتوا عاوزين مننا ايه 
بوسى كان باين على عيونها البكاء حاولت تمسح عينيها لكن على مين سمير أول ماشافها اخدها فى حضنه 
سمير مالك حبيبتى انتى بتعيطى 
بوسى بكدبلا أبدأ ده عينى دخل فيها تراب 
سمير بحنيه بوسى مافيش تراب هنا تعالى معايا نتمشى ... بعد اذنكم ياجماعه هنتمشى شويه 
الجميعاتفضلوا
سمير فضل اخد بوسى فى حضنه وهو ماشى بيها بعيد عنهم ووقف ووقفها قصاده
سمير حبيبى بيكدب عليا ليه 
بوسى لا مش بكدب عليك ايه بتقول كده
سمير بوسى حبيبتى انا بفهمك من عينيكى إللى مدمعه دى 
بوسى عادى والله كنت بقولهم بس انا بحبك اد ايه وعيونى دمعت
سمير طيب انتى من امبارح متغيره ليه وايه السبب إللى خلاكى تحكيلهم على حبك ليا 
بوسى عادى كل واحده كانت بتحكى عن جوازها
سمير وانتى بكيتى علشان ندمانه على جوازك منى بعد ماسمعتى قصص جوازهم من شباب 
بوسى پصدمهلا طبعا انت ازاى تقول كده 
سمير پغضب اومال من امبارح متغيره ليه مشككانى فيكى ليه 
بوسى مشككاك فيا ازاى 
سمير خلتينى طول الليل بفكر بتخونى ندمانه على جوازك منى 
بوسى سألتنى وانا قولتلك لأ ولو رجع الزمن بيا كنت هختارك انت انت مش أى راجل
سمير فهمينى حالا فيكى ايه من امبارح 
بوسى انا هقولك لكن توعدنى انك ماتتكلمش فى الموضوع تانى 
سمير افهم فى ايه 
بوسى اوعدنى الأول 
سمير حاضر يا بوسى اوعدك 
بوسى حكيتله على إللى حصل فى الحفله وعلى تصرف مريم معاها وطبعا ده منعه ياخد أى تصرف يرد بيه على سيلين و ميسون  
سمير حضنها جامد وفضل يمسح بايده على ضهرها يهديها 
سمير حبيبى انا اسف انا كمان ظلمتك 
بوسى انا عمرى مااشوف راجل غيرك انا بحبك 
سمير وانا عمرى كله فدا دمعه تنزل من عيونك 
بوسى انت وعدتنى خلينا ننسى ونقضى يومين حلوين 
سمير حبيبتى هنقضيهم لكن لوحدنا بعد مانمشى من هنا 
بوسى علشان خاطرى حبيبى خلينا دى مريومه مجهزالنا قاعده رومانسيه 
سمير لا ياشيخه مريومه ده انتوا اخدتوا على بعض اوى 
بوسى هى قالتلى انا و مياده نقولها كده 
سمير هشوف يا بوسى انا مش عارف هقدر اتعامل معاهم وانا عارف انهم ضايقوكى ولا لأ 
.
الحلقه الثامنه
سمير من جواه كان مقرر ياخد