رواية شيماء من 15 للاخير وبداية الجزء الثاني

من حضنه لباباه وأسر كمان حس بحضن ابنه وضمھ جامد لصدره
دخل آدم يجرى وهو بيشد آسر من ايده وبينادى بأعلى صوته
آدم سيلا ياسيلا يامامى يا تيتا
خرجت دادا توحه من المطبخ هى ومياده على صوت آدم مفزوعين لكن راح كل خوفهم بعد ماشافوا ابتسامته وهو حاضن ايد آسر وفهموا انه بينادى عليهم علشان يبلغهم بوجوده
توحه اهلا اهلا بقى انت يا استاذ آدم عامل كل الدوشه دى علشان بابى معاك
آدم طبعا ياتيتا اصله واحشنى انا وسيلا
توحه وواحشنى انا كمان والله يا آدم
آسر وهو بيقرب يحضنها ايه ياجماعه محسسنى انى كنت مسافر ماانا كل يوم برجع البيت
مياده بس بيكون كل إللى فيه ناموا
آسر حتى انتى ياحبيبى حتيجى عليا
قربت مياده منه وحضنته وهى بتهمس فى أذنه انا مقدرش اجى عليك ومتزودش زعلى منك
آسر وهو بيرد بنفس الهمس وانا جيت اصالحك علطول اهو
توحه اومال فين سيلا دى اكيد يانايمه يابتعمل مصېبه
آسر ههههههههه طالعه لمامتها ياتوحه
مياده وهى بتنكزه فى جنبه بخفه انا كنت بعمل مصايب ده انا طول عمرى هاديه
طلعوا كلهم على اوضه سيلا علشان يشوفوا رد فعلها لما تشوف آسر فتح آسر الباب ولقى سيلا مشغله اغنيه وبتطير شعرها بأيديها لان سيلا أخدت نفس جمال مياده وشعرها الطويل بالرغم من أن سنها ثلاث سنوات لكن شعرها كان واصل طوله عند نص ضهرها
آسر بص لمياده وهو مبتسم مش قولتلك طالعه لمامتها
ضحكت مياده لان فعلا بنتها عندها نفس جينات امها
سيلا أول مانتبهت ان آسر بيتفرج عليها جريت عليه ونطت وهو نزل وشالها وفضل يلف بيها وهى متعلقه فى رقبته
آسر حبيبتى ونور عيونى وحشتنى اوى اوى
سيلا بصوت طفولى وانت كمان بابى وحشت سيلا اوى
توحه ومياده كانوا واقفين فرحانين بحب آسر لأولاده وحبهم ليه ومين ممكن مايحبش آسر بحنيته وكرمه وخصوصا ان كانوا اولاد وحب عمره مياده
آسر يلا جهزوا نفسكم علشان حنخرج نتفسح حالا
آدم لكن انا عندى هووم وورك
مياده خلاص ياحبيبى أول ماترجع من بره انا حقعد معاك ونخلصه لكن دلوقتى يلا نجهز ونخرج مع بابى
سيلا يلا يلا يادومى بسرعه
آسر هههههه ايه يادومى سيلا مسيطره ولا ايه
توحه لا ياحبيبى ده ابنك طالعلك بالظبط
آسر ايوه كده لازم يطلع راجل
مياده لا والله اهو كلامك ده إللى بيخليه يضايق اخته
آسر تؤ تؤ تؤ لا يادومى الراجل ياحبيبى مايضايقش البنات خالص بالعكس يخلى باله عليهم وېخاف عليهم ويكون حنين وطيب معاهم
آدم حاضر يابابى انا مش حزعلها تانى خالص
سيلا كل شويه قول كده وبعد كده زعق لسيلا
آدم وبصالحك تانى بسرعه ياسيلا
آسر طيب يلا بقى اجهزوا كده حنتاخر ومش هعرف اوديكم المكان إللى انا عاوز افرجكم عليه
مياده فين ياحبيبى
آسر يلا بس خلصوا وبعدين حتعرفى
طلعت رحمه إللى بتشتغل فى القصر عند آسر تجهز الولاد وتلبسهم ومياده وأسر راحوا على أوضتهم يجهزوا
آسر وهو بيقرب من مياده ويلف ايده على وسطها ويحضنها من ضهرها كان فى ناس زعلانه منى وانا جيت مخصوص اصالحها
مياده انا عمرى مابعرف ازعل منك
آسر بس انا جيت اصالحك وسيبت شغلى مخصوووووص علشان اصالحك
مياده وهى بتلف بين ايديه ووشها فى وشه اممممم تصالحنى وبالنسبه للخروجه إللى وعدتهم بيها
آسر وهو مصطنع الزعل يعنى مش هعرف اصالحك
مياده ههههههه لما نرجع صالحنى وانا اوعدك انى افضل زعلانه لحد ماترجع
آسر ان كان كده ماشى يلا بقى ياعمرى حضريلى لبس كاجوال
مياده آسر باشا حيلبس كاجوال ليه احنا رايحين فين
آسر هنروح افريكانو بارك إللى فى الطريق الصحراوي
مياده علشان كده حتلبس كاجوال فاكر لما روحنا قبل كده وماكنتش عارف تتحرك بالبدله
آسر ههههه ايوه علشان كده قررت البس كاجوال وكمان علشان اعرف العب مع الولاد
مياده دول أول مره يروحوا هناك
آسر ماتقوليش وخليها مفاجأه
مياده حاضر ياحبيبى ربنا مايحرمنا منك
آسر ولا منكم ياحبيبتى يلا اجهزى بسرعه بقى احسن اغير رأيى واقعد اصالحك
ضحكت مياده وضحك آسر ولبسوا ونزلوا كان الولاد كمان جاهزين
آسر يلا ياتوحه انتى ليه مش جاهزه
توحه لا ياحبيبى اخرجوا انت ا انا تعبانه مش هقدر اخرج والله
آسر مالك فى حاجه تعباكى اجيبلك دكتور
توحه لا ياحبيبى السن برده كبر ياابنى
آسر كبرتى ايه ياتوحه ده انتى قمر طول عمرك
توحه هههههه ماشى بتعاكسنى قدام مراتك كده عادى
مياده انتى الوحيده إللى مسموح له يعاكسها قدامى ومن ورايا غير كده فى كلام تانى
آسر لالالا نمشى بسرعه قبل ماالاقى سكاكين وأكياس بلاستيك بتطلع
ضحكوا كلهم وخرج آسر ومياده وأولادهم آدم وسيلا
طبعا كان آسر وعيلته راكبين عربيه آسر ووراهم عربية الحراسه إللى مش بتفارق آسر
طول الطريق واسر ومياده ماسكين ايد بعض وفى الكراسى إللى ورا آدم ماسك التابلت بتاعه وسيلا بتسمع الاغنيه إللى باباها مشغلها فى الكاسيت
وصلوا افريكانو بارك ومن أول مادخلوا البارك كانت الحيوانات ظاهره قدامهم والقرود الصغيره بتتنطط على العربيه والزراف ماشى جنبهم والفيل والغزلان على جوانب الطريق فرح الولاد جدا بالحيوانات وماقلتش فرحة مياده عن ولادها ولا فرحة آسر بسعادتهم كلهم
آدم بفرحه الله يابابى حلوه اوى البارك دى
سيلا حلوه القرده بابى انا عاوزه قرده تلعب معايا فى البيت
ضحك آسر ومعاه مياده على كلام بنتهم وطلبها
مياده لا ياحبيبتى دى لازم تعيش فى البارك ماينفعش تعيش معانا فى البيت
سيلا لا مامى ياسو صاحبى عنده قرده
آدم وانتى عرفتى منين انا مش قولتلك مش تلعبى معاه تانى
آسر مين ياسو ده ياميمو
مياده ده ابن ميسون الشامى بيقابلونا فى النادى وابنها من سن سيلا وبيحب يلعب معاها لكن الأستاذ آدم مش بيوافق وبياخد اخته من ايديها ويقعدها جنبه
آسر مقهها ههههه والله راجل
مياده طالع لباباه
آسر ماله باباه وحش باباه
مياده ياخبر ده انت قمر ياقلبى
آسر انا بقول نرجع اصالحك
آدم وسيلا لاااااا مش نرجع يابابى عاوزين نشوف القرود ونتصور معاهم
آسر وصل بالعربيه لمكان آمن بعيد عن الحيوانات ونزلوا منها كان فى مطاعم على اعلى مستوى اختاروا منهم مطعم ودخلوا قعدوا وطلبوا الغدا وبعدها خرجوا اتصوروا مع الحيوانات الاليفة لكن آدم صمم يتصور مع الشبل الصغير
آسر حاضر ياحبيبى لكن أوعى تخاف او تصرخ وانت ماسكه
آدم انا راجل يابابى ومش پصرخ ولا بخاف
مياده لا بلاش يااسر ماتسمعش كلامه
آدم مش تختفى يامامى
آسر صوره مع الشبل وآدم كان فرحان اوى وحس برجولته اكتر خلصت فسحتهم ورجعوا على القصر فرحانين
توحه استقبلتهم بابتسامتها المعتاده لكن كانت بتحضن الولاد وكأنهم غابوا سنين مش ساعات قليله جدا
آسر ياااه ده انتى بقيتى تحبيهم اكتر منى
توحه اعز الولد ولد الولد دول احفادى
مياده ربنا مايحرمنا منك ياماما توحه أبدأ
آسر توحه انا ومياده مسافرين يومين والولاد هيغضلوا معاكى هتقدرى عليهم ولا كده تتعبى
توحه لا ياحبيبى دول عيونى وجوه عيونى سافروا وانتوا مطمنيين
آسر قوليلها لان ميمو خاېفه تسافر والولاد يضايقوكى
توحه كده برده ياحبيبتى انتى عارفه انا بحبهم ازاى وهما كمان بيسمعوا كلامى مش كده ياام انت وسيلا
آدم وسيلا ايوه ياتيتا
آسر شوفتى بقى يا ستى يلا نجهز شنطنا علشان السفر بكره ان شاء الله
مياده بسرعه كده
آسر مش انا قولتلك ياقلبى ان الاجتماع بعد يومين يعنى يادوب نسافر ونرتاح من السفر وأحضر الاجتماع