رواية شيماء من 15 للاخير وبداية الجزء الثاني

سنه ومكانته علشان يرضيها طارت من فرحتها
ام بوسى البسى حاجه وانزلى لجوزك إللى يعمل كل ده علشان يرضى مراته يستاهل انها تضحى بعمرها علشانه
بوسى سمعت كلام امها ودخلت تلبس وتنزله لكن امها نادتها تانى وهى بتشاور على شاشة العرض لقت مكتوب عليها
..انا اسف وبحبك وعمرى ماحزعلك تانى ده وعد منى قصاد الدنيا بحالها لو وافقتى ترجعى معايا تانى ......
بوسى قرأت كلمات سمير ودموعها بينزلوا زى الشلالات
امها زقتها تنزله وهى وماصدقت نزلت تجرى
وجريت عليه واول ماشافها نزل من العربيه اخدها فى حضنه وفضل يلف بيها وسط الشارع وعلت صوت الكلاكسات وصوت الزغاريد من البلكونات والتصفيق وصفارات الشباب
الناس كلها كانت فرحانه لبوسى إللى جوزها اعلن عن حبه ليها قصادهم كلهم
بعد لحظات من الفرحه والسعادة طلع بوسى وسمير لبيت اهلها
ام بوسى وهى بتفتح الباب ههههه يعنى ياست بوسى كان لازم الدنيا كلها تتفرج علينا علشان ترجعى لجوزك
سمير انا كل إللى يهمنى بوسى ولو كانت رفضت كنت حرجع تانى واحاول انا حياتى وقفت من يوم ماسابتنى
بوسى مس عاوز تشوف ادهم
سمير حشوفه لكن بعد مااشوف ام ادهم
بوسى تعالى شوفه طيب
اخدته ودخلت أوضتها وجابت ابنها من السرير
سمير وهو بيحضنها هى وابنه مع بعض انتى إللى وحشتينى اوى قدرتى تبعدى عنى
بوسى بلاش تعاتبنى وانسى إللى فات انا لوعاتبتك حتكون خسران
سمير حقك عليا عمرى ماحزعلك تانى
بوسى انا عارفه
سمير بحبك
بوسى وانا كمان بحبك وتعبت من بعدى عنك اكتر من قربى منك
سمير وانا عمرى ماحتعبك تانى ومش حتعيشى غير ايام كلها حب وحنان وبس
شددت بوسى على حضڼ سمير وكأنها بتقوله أوعى تسيبنى ابعد تانى
سمير يلا بينا بيتك فى انتظارك وجيبتلك مربيه لأدهم علشان انتى ماتتعبيش
بوسى انا فعلا مش بعرف اتصرف معاه ماما هى إللى بتغيرله وتاكله
سمير ولا يهمك ياحبيبتى انا معاكى وحنتعلم مع بعض ازاى نربيه مابينا
بوسى بس لازم استنى بابا مش حقدر امشى من غير رأيه
سمير طبعا ياحبيبتى حنستناه
شويه مش كتير ووصل عبد الله من شغله
عبد الله اهلا وسهلا يا استاذ سمير
سمير اهلا بحضرتك
عبد الله سمعت من الناس فى الشارع إللى حصل ده مافيش حد قابلنى الا اما نصحنى اقنعك يابوسى ترجعى لجوزك
بوسى وانا بعد اذنك يابابا حرجع مع سمير
عبد الله وانا ياحبيبتى وعدتك ووعدت الأستاذ سمير انى حنفذ رغبتك
بوسى شكرا يابابا
سمير انا متشكر جدا يا استاذ عبد الله
ام بوسى ولو ان ادهم حيوحشنى اوى انا بقى مش حسيبكم تمشوا غير لما توعدونى ان تيجيبيه ليا كل اسبوع اشوفه
سمير انا اوعدك كل اجازه حنييجى نزوركم وكل ماوقتكم يسمح انا ابعتلكم تذاكر الطيران تيجوا تشوفوه
ام بوسى ان كان كده ماشى
سمير أخد بوسى وابنهم ومشيوا رجعوا على الغردقه
ورجع معاها زى الأول واكتر وهى بدأت تتعود على غيرته احيانا وعلى التعامل مع ابنها عدت شهور وأيام وادهم كمل سنه وكان يوم عيد ميلاده
سمير حجز قاعه فى اوتيل وزينها بأجمل زينه ووصل اهل بوسى وأصحابهم وموظفين سمير وكان عيد ميلاد فوق الخيال
لكن فى وسط عيد الميلاد سمير إللى كان ماسك ايد بوسى مش بيسيبها لقاها بارده جدا وحس ان بوسى بتمسك فى ذراعه سندها لكن بوسى كمان حست بالقئ
ولحسن حظهم ان الدكتور بتاعها كان موجود فى عيد الميلاد بعد ماصارت بينه وبين سمير صداقه حميمه
سمير اخدها لغرفه فى الاوتيل من غير ماحد يلاحظ وطلب من الدكتور يطلع معاه وبعد الكشف
الدكتور بابتسامه استاذ سمير المدام حامل
سمير بفرحه بجد حضرتك متأكد
بوسى ههههه تانى
سمير لا والله ياحبيبى مش حعمل زى الأول تانى
ضحك الدكتور وسمير وبوسى ونزلوا لضيوفهم بعد ماارتاحت شويه وبشروهم بالخبر السعيد
الجزء الثاني من الرواية
الحلقه الأولى
أعلنت الهيئة العامه لمجموعة المستثمرين عن انعقاد اجتماعها السنوى بفرنسا وتم دعوة كل رجال الأعمال التابعين للهيئة ومنهم رجل الأعمال السكندرى أسر الطاروطى وزوجته ورجل الأعمال القاهرى جسور الشامى وزوجته ورجل الأعمال كامل العدوى وتنوب عنه القائمه بأعماله السيده سيلين الشامى وزوجها ورجل الأعمال سمير الكردى وزوجته
وصلت الدعوات لكلا من رجال الأعمال المدعوون للاجتماع
.............................................فى اسكندريه
وصلت الدعوه لمجموعة شركات الطاروطى واستلمتها سكرتيرة آسر ميرام
ميرام شكرا يا عم سعيد حوصلها للباشا حالا
الساعى العفو يا انسه ميرام عن اذنك انا تؤمرى بحاجه
ميرام لا شكرا اتفضل انت
قامت ميرام وراحت تخبط على مكتب أسر
أسر اتفضل
دخلت ميرام المكتب
ميرام مستر أسر الدعوه دى وصلت حضرتك من هيئة الاستثمار
آسر ماشى ياميرام سيبيها هنا وسارة بايده على مكتبه
ميرام يابت الدعوه وخرجت وهى خارجه بتكلم نفسها ده ايه ده حتى مش بيبص للبنى ادمه إللى بتكلمه
آسر بعد ماخرجت ميرام وخلص شغله اللى كان مركز فيه مسك الدعوه وقراها وعرف ان الاجتماع بعد يومين فى فرنسا وان الدعوه ليه هو ومياده مراته
مسك تليفونه وضغط على رقم حب عمرى زى ماهومسجلها على التليفون وبعد ثوانى جاله الرد من احلى صوت بتسمعه ودانه
مياده حبيبى
آسر عيون حبيبك قلب حبيبك
مياده وحشتنى لسه قدامك كتير
آسر والله لو واحشك اوى كده انا ممكن اجى حالا
مياده انت واحشنى فى كل وقت وكل دقيقه وكل ثانيه وشغلك واخدك منى ومن الولاد
آسر ياقلبى انا مافيش حاجه فى الدنيا تاخدنى منك ده انتى روحى فى حد يعيش من غير روحه
مياده أيوه ايوه اضحك عليا بكلامك الحلو ده
آسر كلامى ده من قلبى علشان كده وصل لقلبك وضحك عليكى
مياده حتيجى امتى بجد
آسر لسه عندى شوية شغل لكن عندى خبر حلو ليكى
مياده خير ياحبيبى
اسر انا وانتى مسافرين فرنسا بعد بكره ان شاء الله
مياده انا وانت وبس
آسر ايوه ياقلبى فى اجتماع مهم والدعوة جاتلى انا وانتى
مياده طيب والولاد ياحبيبى
آسر يقعدوا مع ماما توحه
مياده لكن انت عارف انهم متعلقين بيا اد ايه
آسر يووه ياميمو يعنى الفرصه إللى مكن نكون مع بعض لوحدها فيها ترفضيها
مياده يا حبيبى مش برفض والله انا بس خاېفه يتعبوا ماما توحه
اسر هى حتعرف تتعامل معاهم دى ربت أبوهم مش حتعرف تقعد معاهم يومين
مياده مش عارفه يا آسر
آسر بعصبيه مياده كل واحد من رجال الأعمال حتكون معاه مراته مش معقول حقولهم المدام قاعده مع الولاد
مياده خلاص ياحبيبى حاضر حنزل اكلم ماما توحه وأشوف حنعمل ايه
آسر خلاص يامياده خلاص يلا سلام
مياده بحزن كده ياحبيبى بتتعصب عليا
آسر ياميمو انتى بقيتى مهتمه بالولاد وناسيانى خالص
مياده انا اقدر أنساك برده لا انا بجد زعلانه منك اوى
آسر لاااااا انا راجع حالا وانا اقدر على زعلك
مياده مستنياك ياحبيبى
آسر سلام ياعمرى
قفل آسر التليفون واخد مفاتيحه وتليفونه ونزل من شركته وراح على قصر الأحلام كان فى نفس وقت وصوله وصل آدم ابنه إللى عمره بقى خمس سنين من مدرسته آدم كان واخد نفس ملامح آسر ووسامته جرى آدم على باباه
آدم بابى وحشتنى اوى كده مش بشوف حضرتك خالص
آسر وهو بيحضنه حبيب بابى وانت كمان وحشتنى انا اسف ياحبيبى بس انت عارف يادومى شغل بابى صعب جدا
آدم عارف يابابى لكن بتوحشنى انا وسيلا دى كل يوم بټعيط قبل ماتنام علشان تشوفك
آسر انا جيت انهارده بدرى علشان اقعد معاكم ونلعب سوا
فرح آدم وشدد