رواية سليم من 11-20

سميره ربنا يسمحها ماليه دماغهم بسمومها اللي كانت بتقولهالهم زمان لازم يعرفوا انك انتي امهم الحقيقيه مش سميره 
نيره پصدمه نعم 
هدي وفاطمه بصوا لبعض پخوف 
فاطمه نيره هفهمك 
بنت جميله قاعده جمب كريم ف مكان كله خضره
كريم انتي غيرتي حياتي انتي كنتي فين من زمان 
البنت ربنا دايما بيبعتلنا ناس عشان يغيرو حياتنا 
كريم هتفضلي معايا 
البنت انت عايزني معاك 
كريم طبعا عايزك معايا وجمبي دنيا تجوزيني 
المكان كله ضلم فجأه 
بنفسك .. نهايتها هتكون المۏت 
كريم اتنفض من النوم ووشه كله عرق وبينهج دنياااااا .. انا ازاي بفكر فيها ازاي 
وسمع خبطه ع الباب 
احد الخدم احم كريم بيه .. دنيا هانم بتقول لحضرتك انزل عشان الفطار جاهز 
كريم ماشي نازل 
ودخل الحمام ووقف قدام المرايا ولنفسه 
انا ازاي ملامحها مبتروحش من بالي دي بقالها يومين بس قدامي ليه مش عايزه تخرج من دماغي ليه .. دي في يومين خليتني بقت انزل افطر واتغدا واتعشا وانا عمري معملتها عشان مافيش مكان بيجمعني ب سعد باشا هي ف يومين غيرت ده 
العقل انت لازم توقف ده 
القلب لا انت بتحبها 
العقل ف يوم وليله كده ماينفعش
القلب الحب مايعرفش معاد بيقتحم القلب بدون سابق انذار 
العقل دي مرات ابوك 
القلب بس مجبوره عليه وهو اكبر منها يبقي اكيد تاعيسه معاه انت اولي بقلبها 
العقل انت نسيت نيران ولا ايه 
القلب قلبك عمره ماكان ملك نيران .. انت دايما بدور ع اللي بيبقا همه ع مصلحتك ودنيا مصلحتك مش همها عليها بس 
العقل نيران انت عملت عشانها كتير حتي قټلت عشانها 
القلب بس ندمت .. يعني قلبك لسه بخير .. امشي ورا قلبك .. قلبك محتاج دنيا .. دنيا هداوي جروحك 
كريم مسك دماغه وبصوت عالي بااااااااااس 
دنيا نعم .. انا قولت مچنون محدش سمع كلامي 
كريم انتي ډخلتي اوضتي ازاي 
دنيا اكيد من الباب ايه السكر ده انا بقالي ربع ساعه بخبط وانت واقف ف نفس الوضع ده لو انت مبتعرفش تربط الكرافت متلبسهاش 
كريم بعدم فهم ايه ولقاها وقفت قدامه وشديته من الكرافت
دنيا كانت بتعملها وهي حاسه ان عنيه عليها بس احساس غريب هي حاسه بيه بس مش فهماه 
كريم كان مستمتع اوووي بقربها منه كانه كان عايز اللحظه متقفش ابدا هو عايزها قدامه كده 
بس ياريته مفكر ف كده ولقها بعدت 
دنيا بصتله من فوق لتحت .. حلو بس انا مكنتش اعرف انك بتشتغل يعني افتكرتك من الناس اللي بيقا ف بوقهم معلقه دهب ومبيحبوش يهلكه صحتهم وعايشين ع قفا اهلهم 
كريم نعم لا طبعا .. وبصلها اوووي انا مبعتمدش ع حد ف حياتي .. انا كده من زمان 
دنيا حست بنبره حزن ف صوته وهي اصلا عزمت ع انها تغير اسلوبه هي دايما حاسه انه كأنه

ابنها وهي مسئوله عنه والاحساس ده دايما بيحاوطها .. ممكن نعمل اتفاق 
كريم بستغراب اتفاق 
دنيا اه اتفاق .. ممكن اكون بقالي يومين هنا .. بس انا وانت من ساعه ماجيت وانا وانت مبنعملش حاجه غير اني احنا پنتخانق فايعني ممكن نعمل صلح 
كريم ضحك ع طريقتها 
دنيا بتضحك ع ايه هو انا قولت حاجه تضحك لسمح الله 
كريم لا انا بضحك ع طريقتك حاسس اني واقف قدام عيله صغيره مصروفها ضاع فبتطلب المصروف تاني من بابها وهي ف قمه الكسوف واستغرب اووي من نفسه 
العقل بابها 
القلب يعني انت بتعتبرها بنتك اهو يعني حبتها انا فوزت .. انا فوزت 
دنيا تصدق اني انا غلطانه وكانت هتمشي بس لقته سحبها عليه واتوترت جدا
كريم كان مبسوط اوووي من وشها اللي احمر جدا من الكسوف .. فبعد عنها موافق نبقا صحاب 
دنيا بصتله ومستغربه جدا ومكنتش متخيله هي سمعت من الخدم اني هو شديد جدا ف معاملته بس هو دلوقتي عادي وكمان مش مضايق من اللي هي عاملته فيه .. بالسرعه دي وافقت وكمان بتعرض عليا اني نبقا صحاب 
كريم هو مش انتي عايزه كده 
دنيا اه عايزه .. ورفعت حاجبها انت مش ناويلي ع حاجه صح ولا ناوي ټنتقم مني ع اللي انا عملته فيك صح 
كريم ضحك جامد .. لا متقلقيش مش هنتقم ولنفسه يمكن فعلا اكون محتاجك ف حياتي 
ف شقه ادهم ..
نيران ايوه ام فتحي هي الوحيده اللي هتقدر تجمعلي كل الناس اللي انا عايزها 
ادهم انا حقيقي مش عارف افهم دماغك 
نيران ولا هتفهمها وكانت هتمشي بس اتكعبلت ف السجاده ولقت ادهم مسكها من وسطها وقربها ليه
نيران ل اول مره نيران تحس بتوتر من قرب راجل ليها .. ولنفسها ليه دايما حاسه اني عنيك عارفها .. وبعدت ايده شكرا 
ادهم بخبث ماحنا كنا كويسين 
نيران نعم .. لا بقولك ايه احترم نفسك وافتكر اني 
ادهم جوازنا لفتره معينه عارف الجمله اللي دايما بتقوليها وقرب منها .. انا عايزك تعرفي اني انا مش حقېر ومش انا اللي اجبر حد ع حاجه وسابها ومشي 
نيران مكنش قصدها انها تضايقه ولنفسها مايزعل انتي اصلا مايهمكيش زعل حد يلا كويس انه نزل اما انزل اشوف عم محمد ..
نيره بزعيق انا فعلا عايزه افهم انتي ازاي امي فهميني 
هدي اهدي يا نيره وافهمي اللي هتقوله فاطمه 
نيره اتفضلي سامعه 
فلاش باك ..
محسن فاطمه انا عايزك 
فاطمه خير يا حبيبي ف ايه 
محسن بابا عايزني اتجوز سميره 
فاطمه ايه ازاي هتجوز اختي 
مختار المنياوي دخل اياكي تقولي عليها اختك .. هي نفسها مش معترفه بده .. 
فاطمه حضرتك بتكرر نفس اللي عمله بابه زمان ليه بتعمل كده ليه عايز تحرمني من محسن وتحرمه هو من بناته 
مختار بتكبر ابوكي غلط وبقرف حب خدامه وجابك منها وكان طبيعي يصلح غلطته ويجوز واحده تليق بيه وتليق بمجتمعنا انتي عمرك ماهتليقي بمجتمعنا انتي مش شايفه نفسك ولا ايه .. ومين قالك اني هحرمه من بناته انا هاخدهم مهما كان هما حفيداتي 
محسن بابا اتكلم مع مراتي كويس 
مختار اللي كانت مراتك 
فاطمه مش فاهمه حاجه 
مختار ابني طلقك خلاص هو للاسف اختار حياتك مقابل اني يسيبك وقرب منها نفسي اعرف انتي وامك عاملين ايه للعيله بتاعتنا 
فاطمه بصت لمحسن لا انت معملتش كده صح .. انت مش هتسبني .. متعملش كده ارجوك .. انا ماليش غيرك ارجوك يا محسن لا 
محسن بص لمختار امشي انا عايز اتكلم معاها 
مختار لحظات الوداع دي بجد حاجه مقززه هستناك ف العربيه ومتتأخرش وسابهم ومشي 
محسن فاطمه اسمعي 
فاطمه بهيستريا عياط وزعيق .. اسمع ايه .. اسمع انك طلقتني وكمان هتحرمني من بناتي 
محسن وانتي كنتي عايزاني اسيبه يقتلك 
فاطمه وانت كده مقټلتنيش .. انت ډبحتني .. انت كل حاجه ف حياتي ماينفعش تسبني يا محسن ارجوك 
محسن فاطمه اهدي عشان خاطري يا حبيبتي 
فاطمه متقلش حبيبتي انت كدااااااااب اطلع برا انا مش عايزاك ... براااااا
محسن فاطمه ارجوكي يا فاطمه متعمليش فيا كده فاطمه معملش فيك ايه .. انت اللي عملت مش انا 
سميره دخلت وبصتلها من فوق لتحت .. فاطمه شكلك فظيع وانتي بټعيطي اظن كفايه تمثيل انتي اصلا مهما كان بنت خدامه وهو محتاجني

انا مش انتي 
محسن اياكي تكلميها بالطريقه دي دي انضف منك وكان هيمد ايده عليها بس ايد مختار منعته 
مختار كنت