رواية سليم من 11-20

قد ايه بتعمل كل حاجه ببراعه كانها مش اول مره تقف ف المطبخ 
نيران حاسه انه باصصلها بس هي مش عايزه تبص عليه بس هي مبسوطه اني بيساعدها ولنفسها بستغراب انامبسوطه !
ادهم واضح انك مش اول مره تقفي ف المطبخ ..كنت فكرك ..
نيران قطعته ف الكلام .. مدلعه !
ادهم حاجه زي كده 
نيران قفلت البوتجاز .. لا هي دي الرسمه اللي انت رسمهالي ف دماغك .. وبهدوء الاكل جهز خلاص انا هروح اظبط الاطباق ع التربيزه 
ادهم غريبه حقيقي ست غريبه نفسي افهمك ..
ف بيت سعد ..
سعد صحي ملقاش دنيا دور عليها ف الجناح كله ملقهاش 
نزل تحت لقاها وقفه ف المطبخ مع الخدم 
سعد بصوت خشن دنيا 
الخدم اتنفضوا من الخۏف 
دنيا هي اتخضت بس حاولت مايبنش عليها .. صباح الخير 
سعد عايزك 
دنيا ببرود بعد الفطار 
سعد قولت عايزك 
دنيا بصت لواحد من الخدم لو سمحت يا عم ابراهيم اطلع صحي استاذ كريم عشان هنفطر مع بعض 
ابراهيم بس يا هانم مش هينفع ده مش بعيد يرفدنا 
دنيا دنيا بس مش هانم يا عم ابراهيم انا زي بنتك وغير مافيش حاجه زي دي هتحصل اطلع صحيه 
سعد واقف مراقب اللي بيحصل وهيطلع ڼار من ودانه من كتر ماهو متعصب 
دنيا قربت من سعد .. لعله خير ان شاء الله 
سعد شدها وطلع بيها برا .. هو انا مش قولت 
دنيا قطعته ف الكلام .. بس انا دلوقتي ست البيت ده واي حاجه كانت فيه هتتغير ممكن تثق فيا 
سعد بصلها بصه هي مفهمتهاش بس هي كانت بنسباله بصت حب وسابها ومشي 
بس سمعوا صوت كريم بيزعق بهيستريا 
سعد بصلها اما اشوف هتحلي ده ازاي 
عم ابراهيم نزل وشه غرقان مايه 
دنيا ايه ده ف ايه يا عم ابراهيم وايه اللي غرقك كده 
ابراهيم بأنكسار البيه الصغير حدفني بالمايه 
دنيا پصدمه نعم وبصت لسعد ابنك قليل الادب ومحتاج اعاده تربيه 
كريم مين ده اللي عايز اعاده تربيه يا بت 
دنيا بصت لعم ابراهيم وبهمس هتلي الجردل اللي جوا اللي ف الارض 
ابراهيم پصدمه نعم
دنيا اسمع الكلام وهاته ياعم ابراهيم 
دنيا بت اما بتك .. ايوه عايز اعاده تربيه اللي يهين راجل كبير يبقا مشفش تربيه طول حياته 
كريم كان لسه هيكلم لقي كوبايه مايه اتحدفت ف وشه 
دنيا دي عشان قله ادبك معايا ومسكت الجردل ورميت المياه اللي فيه عليه

دي عشان اھانتك للراجل ده .. دي مايه المسح اللي فيها كل قذاره الارض ولا لا خلينا نقول الكلمه بمعنها الصح وساخه الارض يمكن تغسلك وانت بصراحه كتر خيرك تستاهلها كنت ناويه ارميها ف الحمام بس انت اولي بيها وقربت منه .. اطلع بقا خد شاور وغير هدومك وانزل عشان في فطار هنتجمع عليه ولو منزلتش هيكون فيه تصرف تاني وحش اوووي وبستهزاء يا كريم بيه 
كريم كان هيكلم وهيزعق تاني 
دنيا يلا ريحة الفنيك بدات تظهر قلبت معدتي ومسكت مناخيرها ايف بجد تبقي امرش نفسك بقا كويس يمكن انت تتغسل كويس وتنزلنا ع نضافه
سعد كان متابع الحوار ومنبهر باللي هي بتعمله بطريقه فظيعه ولنفسه شرسه شرسه مافيش كلام
كريم لسه واقف فضله ثانيه وينقض عليها ېقتلها 
دنيا ختني كام صوره انت هتنحلي يلا ولنفسها والله لربيك وبصت لسعد بفخر وسابته ودخلت المطبخ 
ف الجامعه ..
ف الكافتريا 
نيره انا حقيقي نفسي اخد اجازه 
يوسف نفسك تاخدي اجهزه ايه احنا لسه ف الاول
نيره عايزه اخدها برضو 
ملك ع فكره هي عندها حق يا يوسف دول بيضغطوا علينا اووي 
زين صباح الخير يا شباب 
نيره صباح الزفت ع دماغك هي الشرطه مبتسألش عليك ليه لا حقيقي نفسي افهم طلقاك علينا ليه نفسي اعرف بقيت مقدم ازاي ده انت بتقعد معانا هنا ف الجامعه وبتحضر محاضرتنا وحاجه اخر اهانه ليك يعني .. هو انت معندكش شغل 
زين ضحك جامد يا بنتي دي ميزه الرتبه .. وغير ارحمي انتي بتقري عليا وغير انا مسافر اسبوع يعني مش هتشوفيني الفتره الجايه ياررب تكوني ارتحتي 
ملك ايه ده ليه .. قصدي يعني فجأه كده 
نيره بهمس يا حنينه 
زين هرجع ع طول متقلقيش 
نيره نجيب اتنين ليمون بشمسيه بقا عنيكوا بطلع قلوب والكيوبيد خرم عيونا من كتر الاسهم ارحمونا 
زين اللي مش عجبه يعمل زينا 
نيره احمينا ياررب شكرا يا ابن خالي يا غالي .. كانت معرفتك معرفه سودا هو انا معنديش غير سليم العاقل الراسي غير كده لا 
ف بنت جت عليهم شكلها دلوع ومايص اووي 
جيرمين هاي يا جماعه 
ملك الوحيده اللي ردت 
نيره ايه اللي جاب البت الملزقه دي هنا 
جيرمين جو بليز انا كنت عايزاك تشرحلي حاجه كده 
نيره بتلقائيه كنتي شايفه دكتور ولا دحيح الدفعه .. زوقي عجلك يا جيرمين بدل ماخليكي ماشيه من غير عجل 
ملك وزين ويوسف ف حاله من الصدمة من طريق نيره 
جيرمين انتي بقيتي بيئه اوووي يا نيره بجد وخصوصا بعد مانزلتي الحته الشعبيه دي كان اسمها ايه ماعلينا مش فكراها .. ارجعي لشخصيتك تاني عشان انتي بجد بقيتي بيئه اووي 
نيره لو ممشيتيش بجد متلوميش الا نفسك 
جيرمين انا همشي عشان مش عايزه اتعامل مع اللي زيك وبصت ليوسف و بدلع هبقا اكلمك كول بليل يا جو باي يا جماعه 
نيره انت بتكلمها 
يوسف مش كتير هي لما بتكون عايزه حاجه بتكلمني 
نيره ياراجل وانت طبعا مبسوط وبقت تقلدها بليز يا جو ممكن تشرحلي حاجه هكلمك كول بليل .. هي ازاي بدلعك
يوسف ببرود انتي مضايقه ليه 
نيره اتلجلجت عشان يعني .. عشان انا مبطقهاش 
ملك وزين كانوا كاتمين الضحك 
نيره انا قايمه اروح اشوف الكتاب نزل ولالا وبصت ل ملك هتيجي معايا 
ملك ها اه طبعا هاجي 
وبعد مامشيو
زين بقا يضحك بهيستريا اقسم بالله البت نيره بنت خالي دي عسل انا اول مره اشوفها بتغير .. دي كانت غيرانه يا يوسف 
يوسف عسل 
زين اسف يا ريس مقصدش .. بس حقيقي كانت فين جيرمين من زمان 
يوسف انا مستغرب بس مبسوط .. ان اخيرا حسيت انها بتحس ع الاقل
زين يا بني هي دايما بتحس بس بتقاوح هي ونيران دماغهم زي بعض ضبه ومفتاح استحاله يعترفه بالحاجه بسهوله ده من زمان من واحنا عيال 
ف البيت المشبوهه 
ايمان بصت من العين السحريه بتاعت الباب .. يا لهوووي دي منار 
ياسر طب اعمل ايه استخبي فين 
ايمان معرفش واتنيل اخفي الناس دي كلها 
ياسر يلا بسرعه 
ايمان فتحت وهي ف قمه توترها 
ايمان خشي يا منار يا حبيبتي ايه الزياره الحلوه دي 
منار مالك يا بنتي وغير ايه ريحه السجاير دي 
ايمان ده الواد حمص اخويا مانتي عارفه صاحب مزاج الله يخربيته 
منار ربنا يهديه ان شاء الله

.. انا كنت جيالك عشان اقولك ..
ودخل عليهم بوليس الاداب ..
منار پخوف ايه ده ف ايه 
ايمان بقت تلطم ع وشها يا لهوي يا لهووي 
الظابط بقا بيطلع ناس من اوض النوم وحاجه مقززه جدا واللي ملفوفين ف ملايه 
منار هو ف ايه انا مش فاهمه حاجه 
الظابط هتعرفي ف القسم يا روح امك 
منار انت ازاي تكلم معايا بالطريقه دي 
الظابط خدها يابني ع البوكس انا مش ناقص قرف 
ادهم ونيران قعدوا يتغدوا وكان معجب بالاكل جدا 
ادهم تسلم