رواية نور الفصول من 9-16

رهف لها بضجر وعادت بنظرها الى الأمام
أردفت علا بأبتسامة قائلة أنا مبسوطة أنى اتعرفت عليكي
نظرت لها رهف وقال شكرا
هتفت علا بحزن وضيق وهى تقول أنا عارفة اللى حصلك
نظرت لها رهف پصدمة وخلعت نظرتها وقالت بدهشة عارفة ..
قهقهت علا من الضحك بسخرية  وقالت مټخافيش محدش يعرف .. انا عارفة عشان شوفته وهو واخدك .. انا اللى قولت لدكتور رجب .. أصل حصل معايا اللى حصل فيكي .. بس أنتى محظوظة لاقيتى اللى يسترك
أردفت رهف بسخرية قائلة محظوظة هههه
قالت علا بضيق وحزن صدقنى محظوظة أحمدي ربنا ... أنتى مش عايشة حياتك على كف عفريت يوم لما تتجوزى هتتفضحي ولا لا .. صدقنى انتى ربنا رحمك من ۏجع كتير مكنتيش هتقدرى عليه
قالت رهف بحزن عميق انتى محدش عندك يعرف
أجابتها علا وهى تبتسم أبتسامة تخفى خلفها الكثير والكثير من الألم لا
قطع حديثهم مجئ شاب يكبرهم بخمس سنوات .. جلس بهدوء وهو يقول أيه يابنتى اللى قعدك وراء كدة انتى قررتى تفشلى من تاني سنة لكى ...
توقف عن الحديث حين رأي رهف تجلس بجوارها ويبدو وأنهم كانوا يتحدثون سويا
أكمل حديثه وهو ينظر لرهف بأشمئزاز وقال أنتى أيه اللى مقعدك جنب الأشكال دى
وقفت رهف بحزن وضيق وهى تحمل شنطتها ونظارتها من فوق البنج بأحراج .. أمسكتها علا من معصمها النحيف
أردفت علا بعصبية وهى تجذب رهف وتجعلها تعود إلى مجلسها بجوارها قائلة ملكش دعوه ياعم عاصي .. خليك فى حالك
زفر بضيق ونظر إلى الأمام وألتزم الصمت ...
قالت علا بابتسامة تخفف بها أحراج رهف صحيح أحنا متعرفناش .. أنا علا معاكى فى سنة أولى عايدة .. فمش هتلاقي بحضر كل المحاضرات .. وده عاصي عايد سنه رابعة مرتين بسبب دكتور رجب .. والدك
سألت رهف ببراءة وسذاجة وهى تنظر لعاصى هو بابا شرير أوى كدة
قهقهت علا من الضحك وقالت لا ياحبيبتى مش شرير .. عاصي اللى فاشل
زفر عاصي بضيق وهو يقول لا والنبي انتى بتجاملها على قفايا .. على فكرة مفتري وظالم كمان بسببه هو متخرجتش من المخروبة دى
نظرت رهف له مبتسمة برقتها وعفويتها
هتفت علا وهى تنكز رهف فى ذراعها وقالت على فكرة مبيطقش حاجة اسمها ياسر ومستني أنه يتخرج بفارغ الصبر عشان ېقتله ههههه ده كلمه
قال عاصي وهو يغلق قبضته بقوة متقفلى الموضوع ده هشتم وهترجعى تقوليلى راعي انى بنت وعيب .. أسكتى احسن
قهقهت علا عليه .. دخلت دكتورة المادة
أكمل عاصي حديثه وهو يقف أنا ماشي هستناكي فى مكاننا ..
خرج وبدأت المحاضرة
يجلس منتصر فى الأرض مع عاصم والغفير ( صالح  ) .. شارد مهموم حزين على ما يحدث ولما يحدث كل ذلك معه وهو لا يأذي أحد ...
سأله عاصم وهو يمد له كوب الشاي   وبعدهالك يامنتصر .. هتفضل أكدة على حالتك دى
أجابه منتصر وهو يأخذ منه الشاي مالى يابو حازم
قال عاصم بثقة هادئة لما أنت بتحبها أكدة طلجتها ليه .. أنت اللى أديتها المفتاح منشان تخرج من بيتك .. كان على الأجل تخليها فى بيتك وأتحببها فيك .. كان لزومه أيه الطلاج
نظر له بصمت .. بمقدار حبه لها بنفس مقدار كرهه لتقيدها وجبرها على العيش معه .. تزوجها من البداية حتى لا يترك الزمن يفضح حبيبته وينظر لها الجميع نظرة قليلة أو نظرة على أنها عاهرة تنازلت عن شرفها بأرادته .. والان زاد على عاتقه حزن ظلمه لها وأهانته لها بحديثه وقسۏتها عليها ... فكيف يبقيها على ذمته وزوجته وهو يقسو عليها .. كيف تكون زوجته وهو أول من ترك ذلك الحيوان يهرب بعد ما سلبها أعز ما تملك ... كيف يحق له بأن يكون سندها وهو أول من دبحها بظلم ... فما فعله چريمة كبري فى حق حبيبته لا تغفر ولا تمحو ...
تقف هاجر فى غرفة حازم ... تغير له ملابسهبعد أن أخذ دوشه وهو يشاكسها ويهز رأسه بقوة لكى تتساقط قطرات المياة من خصلات شعره على وجهها
صړخت به بضيق وهو تقول أجف أومال تعبتنى وياك
قال حازم ببراءة وهو يعاندها ويكمل ما يفعل لا لا مهبطلش
كادت أن تصرخ به أكثر .. ولكنها شعرت بدوران فى رأسها .. تركته وجلست على السرير بهدوء ..
قال حازم بحزن وهى يراها غاضبه مرهقة خلاص يامي مهعملش أكدة تانى
وضعت يدها على رأسه بحنان أم .. وسقطت للخلف على السرير فاقدة الوعي
صړخ حازم بها بقلق وهلع أمي .. أمي ...
البارت الثاني عشر
وصل الدكتور إلى بيت علام لفحص هاجر وجلست حكمت وسميحة وعاصم ينتظروا فى الخارج وحازم يمسك فى يد سميحة ... بعد نص ساعة خرج الدكتور من الغرفة .. أسرع له عاصم
هتف عاصم وهو يقف بجوار الدكتور قائلا خير ياداكتور طمنى هى زين
أعطه الدكتور الروشتة وهو يقول أحنا محتاجين نعمل الأشعة والتحاليل دى واللى فى الخير يقدموا ربنا
قال عاصم بقلق شديد وهو يأخذ الروشتة أيوة ياداكتور يعنى هى زينة
رد عليه الدكتور وهو يتجه إلى الباب معه نعمل بس الاشعة عشان نكلم بيقين .. وخير أن شاء الله
ذهب الدكتور .. دخل الجميع لهاجر ..
قالت سميحة ببرود وهى تجلس على الكرسي ايه يامرت اخويا مالك .. خلعتى ولدك من الخۏف
صعد حازم إلى سرير أمه وجلس بجوارها ...
خرجت رهف مع علا من المحاضرة ووضعت نظارتها فوق رأسها
أردفت علا وهى تضع كشكولها فى شنطتها وراكي حاجة تعمليها ولا هتروحي
هتفت رهف وهى تمسك كشكولها فى يديها لا موريش حاجة هروح
قالت علا وهى تضع يدها على كتف رهف خلاص تعالى أقعدى معايا أنا وعاصي شوية وهنروح
أزدردت رهف لعوبها بأحراج وقالت بلاش عشان مضايقيش عاصي .. هو شكله مضايق منى
أخذت رهف من معصمها وهى تخطو بها وتقول تعالى بس عاصي قلبه طيب
ذهبت علا مع رهف إلى مكان عاصي بجوار الكافتيريا وهو يجلس مع أصدقائه الشباب .. رأهم قادمين نحوه .. استئذان من أصدقائه وذهب لهم
تحدث موجها حديثه إلى علا خلصتى محاضراتك
أجابته بعفوية مبتسمة قائلة اه أنت قاعد شوية مع صحابك نروح أحنا
قال وهو ينظر لرهف بأشمئزاز لا خلاص هقعد معاكى
قالت علا وهى تنكزه فى ذراعه طب مش هنأكل ولا ايه .. انا جعانة
نظر عاصي لعلا بضيق وقال مفيش مانع نأكل
أردفت رهف بهدوء وهى تتحاشي النظر له بأحراج أنا مش جعانة .. أنا ممكن أطلب عصير
أبتسمت علا لها وهى تقول خلاص براحتك يلا بينا
وذهبوا معا إلى الكافتيريا
جلس علام مع منصور فى الوكالة معا
قال منصور وهو يضع الأموال فى الخزانة يعنى هاجر زينة دلوجتى
أجابه علام وهو ينظر للخزانة اه بس هتعمل الأشعة اللى جال عليها الداكتور
هتف منصور بهدوء خلاص أماها هتيجي تشوفها وتتطمن عليها
قال علام بهدوء تنور الدار كلتها
أردف منصور بهدوء وأخبار بتك ايه .. لسه مرضياش على العريس
قال علام وهو يشير بالنفي لا مرضياش .. معجبهاش
رمقه منصور بنظرة حادة وهو يقول انت مدلعها هبابه بتك .. الولد زين وميتعايبش .. مهتلاجيش زيه واصل
قال علام بخبث وهو ينظر له هى مرضياش