رواية روعة الروعة الفصول من التاسع للثاني عشر

اللي هتقعدي فيها طول الوقت وأنا هاكون ضيف وعشان بس مرضيتش أروح اتفرج عليها لاغني خالص وبيعمل كل حاجة من غير ما يعبرني أنا حظي كده اخلص من العقربة أم سالم يطلع لي ابن نعمات.
خرجت حزينة لتسأل والدتها عن  أن كانت ترغب بشرب الشاي معه ليصل لها حديثه الخاڤت لوالدتها لتتسمر مكانها قبل أن تصل إليهم.
محمود بخفوت أنا قصدي أنكم أكيد قبل نزلتم اتفرجتوا ونقيتوا السيراميك وطقم الحمام.
زينب بحيرة طبعا يا ابني مش دخلتهم كانت قربت.
محمود بغيرة دخلة سودا على دماغه هو وأمه أنا اللي عايز أعرفه أنت فاكرة شكل السيراميك وطاقم الحمام اللي كان عاجب نورا وقتها.
زينب بحنق اه يا حبة عيني كانت كل ما تنقي حاجة أمه تطلع فيها القطط الفاطسة.
محمود بحنق يا حاجة سيبك من أمه دلوقتي بدل ما انزل أولع لك فيها أنت فاكرة شكل الحاجات دي.
زينب ببساطة اه ما هي كانت منقيهم من المعرض اللي في الميدان الكبير وكل ما كنا نعدي هناك تتفرج عليهم وتقعد تحسبن على أمه.
محمود بحنق ربنا ېخرب بيته على بيت أمه باهتمام المهم أنك بكرة تتحججي لها بأي حاجة وتنزلي نروح المعرض سوا وتشاوري لي على الحاجات اللي كانت عايزها.
تراجعت بخفة للمطبخ تنطق ملامحها بالسعادة لتكمل اعداد الشاي بحماس وهي تتغنى بأغنية مرحة.
على أحد المقاهي يجلس محمود بصحبة أحد الرجال
الرجل بتوتر لا ده موضوع لبش يا حودة. 
محمود بدهاء ليه يا امين توفيق ده أنا هاجيب لك القضية لحد عندك بيضة مقشرة.
توفيق بقلق مش بتكلم على القضية أنا باتكلم على اللي أنت عايزه بعدها.
محمود بثقة لو عايز تدخلني رسمي مفيش مشكلة هاشوف أي حد يشتكيني بأي حاجة وبعدين نتصالح. 
توفيق ضاحكا لا مش للدرجة دي بس أنا برضه قلبي مش مطمن.
محمود بخبث باكوين زيادة يجمدوا قلبك ويخلوه حديد واختار أنت يوم نبطشية ظابط حبيبك.
توفيق زافرا ربنا يستر أنا مش خاېف من القسم أنا خاېف يشتكي في النيابة.
محمود بدهاء لو القضية متظبطة النيابة مش هتديه أقل من خمستاشر يوم احنا نضرب ضربتنا بعدها علطول وعقبال ما يجي ميعاد العرض اللي بعده يكون مسك نفسه وبعدين يعني هو أول واحد تتعمل له حفلة استقبال في التخشيبة هي بس هتبقى حفلة على الضيق.
توفيق بحسم بس لازم قبل ما تكلمني تكون مالي أيدك أنهم في وضع تلبس لو طلع بلاغ كيدي صعب أن تطلع لهم حملة تانية.
محمود بثقة متقلقش أنا حطه تحت عيني كويس.
بغرفة القبو
نعمات بسعادة حمد الله على السلامة يا حودة من يوم كتب الكتاب مابقيتش اتلم عليك خالص يا عريس.
محمود بابتسامة أيه ده هنبتدي شغل الحموات من أولها أنت بتغيري ولا أيه يا نعومة.
نعمات ضاحكة بس يا واد أنا أغير برضه من فرحتك أنا بس ملاحظة أنا مزاجك بقى رايق عن الأول وأنت بطلت تيجي تحكي لي قولت انكشك هو الجميل حن ولا أيه.
محمود بحيرة والله ياما ما عارف هي بحالات ساعات احس أنها رضيت عني واشوف راحة في عينيها وأنا داخل كأنها مستنياني بس برضه بتغلس عليا بتغلبني عقبال ما تاخد حاجة جايبها بس بقيت تستخدم الحاجات دي مش بتركنها زي الأول وبعدين بتعملي العشا بايديها وساعت عينيها بتضحك وأنا باعكسها بس بتداري من يومين كنت حاسهها مش طايقاني وفجأة قلبت والفرحة بقيت بتتنطط في عينيها لوحدها كده من غير سبب وبقيت حاسسها وكأنها هاين عليها تشربني الشاي بايديها بس مكسوفة. 
نعمات بسعادة بسم الله ما شاء الله كل ده ومش فاهم يا نبيه ده البت شكلها وقعت ومحدش سمى عليها بس أكيد بتتكسف.
محمود بضيق ساعات باعشم نفسي بده بس برجع واكدب نفسي واتأكد أنها لسه مڠصوبة كل ما احايلها تيجي تشوف الشقة وما ترضاش هي في عروسة تبقى شقتها خلاص هتتفرش وهي لسه ماشفتهاش وبينهم ناصية مش في بلد تانية.
نعمات بحنان معلش يا حبيبييمكن مكنتش عايزة تسكن في العمارة دي.
محمود باستنكار ما أنا سألتها قبل ما اشتري وهي