رواية قلوبنا من 8*15
إيه سما حاولت تتصل بيه وشاف الرسالة اللي بتقوله أخرت ليه يا حبيبي فمشي بسرعة وراح قابل سما وقالها إن كل شئ بينهم إنتهى وبعد ماروح سما البيت رجع المستشفى وطلب من الدكاترة يدخل لابوه وأول ما دخل قعد جنبه
نور بابا قوم يلا خلاص أنا سيبت سما طلعت من حياتها يا بابا
محمد بص بأتجاه أبنه بعد كدة بص في الاتجاه التاني
نور بابا أرجوك سامحني أوعدك إني مش هدخل حياتها تاني
بااااااااااك
أبو نور بس يا بنتي هو دا كل اللي حصل وقتها وأنا دلوقتي جاي علشان أصلح غلطتي لأني أتأكدت إن نور مستحيل يقدر يعيش من غيرك
سما قاعدة ومصډومة من اللي بتسمعه وما بتردش عليه وفجأة الباب خبط ودخل أنس وساهر
أنس أحنا أسفين للمقاطعة
أبو نور لا مافيش مقاطعة ولا حاجة
أنس مد أيده يسلم طيب حضرتك أنا البشمهندس أنس شريك سما في الشركة
أبو نور سلم عليه وأنا محمد عز وكنت بتكلم مع البشمهندسة في موضوع شخصي بس خلاص خلصنا
محمد بص على سما وقالها
أبو نور أنا خلصت يا سما وأحب أعرفك إن أنا ونور هنيجي نزوركوا النهاردة في البيت الساعة 9 عن إذنكم
بعد ما محمد مشي
أنس وساهر مين ده يا سما
سما ما رتش عليهم وسرحانة
أنس سما سما
سما بخضة ها في إيه
ساهر هو إيه اللي في إيه مالك يا بنتي
سما ماليش أنا كويسة بس أنا هقوم أروح علشان أنا مرهقة شوية
أنس مرهقة وعايزة تروحي غريبة عمرك ماعملتيها
ساهر سما هو دا محمد عز أبو نور عز ولا دا تشابه في الاسماء
سما بعيون مغيمة وتايهة هو هو
أنس وإيه اللي جابه هنا وقالك إيه وهييجي يزورنا باليل ليه
سما قامت وقفت معرفش أنا عايزة اأروح
ومشيت سما من غير ما تسمع لحد وراحت جرى على بيتها ودخلت أوضتها وطلبت من أمها تسيبها ترتاح
محمد عز راح لابنه مكتبه الساعة 5 المغرب وقاله
أبو نور أنت لسه هنا يا نور
نور أيوة يا بابا يعني هكون فين
أبو نور طيب يلا قوم روح وأجهز علشان رايحين مشوار مهم على الساعة 8 ونص
نور مشوار إيه يا بابا اللي هجهزلوا قبلها. بي 3 ساعات ونص
أبو نور رايحيين نخطبلك
نور متأفف أووووف بابا أنت عارف إني مش هخطب حد فياريت تريح نفسك وتريحني أنا مش هتجوز خالص
أبو نور ولا حتى إذا كانت العروسة سما
نور قام وقف إيه بابا إنت عارف إنت بتقول إيه
أبو نور أيوة عارف أنا روحت لسما النهاردة مكتبها وحكيتلها على كل حاجة وأخدت معاد نروح نخطبها الساعة 9
نور نزلت على خده دموع الفرح جرى حضڼ أبوه وباس أيده ودماغه وقاله
نور ربنا مايحرمنيش منك أبدا
الساعة قربت على 9 وسما في البيت وقاعدين معاها ساهر وأنس وتالين أما مديحة وسلوي فكانوا في المطبخ
أنس ممكن أعرف في إيه والراجل دا قالك إيه مخليكي ساكتة كدة وهو جاي ليه هنا
سما أنس ماتضغطش عليا وسيبني دلوقتي
جرس الباب رن وأنس قام فتح وكان نور وأبوه في اللحظة دي ساهر دخل الأوضة اللي قاعد فيها مع أنس علشان نور مايشتبكش معاه وسما دخلت أوضتها أما أنس فدخلهم ورحب بيهم
أبو نور مش أنت بردوا شريك سما في الشركة
أنس أيوة حضرتك بس أنا كمان أعتبر أخو سما الكبير ودي تالين شريكتنا في الشغل وخطبتي
أبو نور أهلا أتشرفنا أومال فين سما وأمها
سلوى خرجت من المطبخ إيه دا محمد هو إنت أبو نور
نور إيه دا هو حضرتك تعرفي بابا
محمد بتصنع المفاجأة إيه دا سلوى بنت جيراني
سلموا على بعض وخرجت مديحة كمان سلمت عليهم وبعد السلامات والتحيات
محمد عز سلوى أنا يشرفني إني أطلب أيد سما لنور إبني !!!!!
________________________
نكم
15
_____________________________
أنس حضرتك بتقول إيه
أبو نور بقول عايز أطلب إيد سما لنور
سلوى بس أنت مش عارف حاجة يا محمد سما ونور كانوا يعرفوا بعض قبل كدة و
قاطعها أبو نور عارف كل حاجة وللأسف أنا السبب إنهم متجوزوش لحد دلوقتي
سلوى إيه أزاي يعني
أبو نور يعني أنا اللي رفضت سما من غير حتى ما أشوفها ولا أعرفها وكمان أخدت على نور وعد إنه مايشوفهاش ويبعد عنها
مديحة بزهول طيب ليه تعمل كدة يا أبو نور
أبو نور ظروف والله وكان ڠصب عني أنا اللي مربي نور لوحدي وبخاف عليه ذيادة وكنت قلقان على نور وأفتكرت تمسكه بسما طيش شباب بس لما شوفت حاله من بعدها وأتأكدت من صدق مشاعره ماقدرتش أمنعه عنها وروحت لسما النهاردة شغلها وشرحتلها كل حاجة
أنس يعني حضرتك قولت الكلام دا لسما
أبو نور أيوة قولتلها وشرحتلها كل حاجة
سلوى ماتتكلم يا نور ساكت ليه
نور وعينه في الأرض مش عارف أقول لحضرتك إيه بس كل اللي أقدر أقوله
إني بوعدك لو وافقتي على أرتباطنا عمري ماهبعد عنها تاني أبدا وهخليها أسعد واحدة في الدنيا
أبو نور ها إيه رأيكم يا جماعة
أنس والله يا عمي الرأي في الموضوع ده يخص سما هي اللي تقدر تقرر
أبو نور طيب هي فين عروستنا
مديحة تالين لو سمحتي نادي لسما من أوضتها
الكل قاعد سلوى ومديحة وأنس حاسين بزهول ومحمد فحاسس بالندم أما نور حاسس بقلق وخوف ومش مصدق كل اللي بيحصل حواليه وبيقول لنفسه متعشمش نفسك إنت عارف إن سما مش هتكون ليك
تالين دخلت الأوضة عند سما
تالين سما يلا علشان الكل بيسأل عليكي
سما قاعدة سرحانة ومابتردش
تالين سما سما
سما بصت لتالين بهدوء إيه يا تالين
تالين سما أنتي كويسة
سما أيوة كويسة
تالين طيب يلا أخرجي معايا علشان بيسئلوا عليكي برة
سما طيب روحي وأنا جاية وراكي
تالين مشيت وسما بصت لنفسها في المراية وخرجت بس حاسة إنها ضايعة حاسة إنها مش حاسة بحاجة أساسا وعقلها بيقولها خلاص إنتي قلبك ماټ
دخلت سما الصالون
سما سلام عليكم
الكل وعليكم السلام ورحمة الله
أبو نور إيه يا سما مش عايزة تقعدي معانا ولا إيه
سما وملامحها جامدة وببرود ومش عايزة أقعد معاكوا ليه يعني دا أنتوا ضيوفنا
نور بيبص لسما اللي من أول ما دخلت مابصتش حتى عليه ولو مجرد نظرة
سلوى سما أنتي عارفة نور وأبوه جايين ليه
سما بنفس برودها وأنا هعرف أزاي يا ماما وأنا لسه جاية ولا حضرتك ما أخدتيش بالك وأنا داخلة
الكل كان مستغرب من برودها ومن ملامح وشها اللي محدش قادر يفهم هي حزن ولا فرح ولا قلق ولا خوف كله حيران منها
أبو نور أحنا جايين علشان نطلب إيدك يا سما لنور
سما ماردتش عليه
أبو نور ها إيه رأيك يا عروستنا
سما بصت بأتجاه نور وحطت عنيها في عنيه وقالت إيه يا أستاذ نور ساكت ليه مش تتكلم وتقول حاجة
نور عايزاني أقول إيه يا سما
سما نعم هو إيه أصله دا أبوك بيقول إنه جاي يطلب إيدي لابنه أنت بقى جاي ليه
الكل ساكت وكأنهم بيتفرجوا على مسلسل وأنس مستغرب جدا لأنه عمره ما شاف سما بالمنظر ده ومش قادر يحدد هو قوة ولا ضعف
نور أنا جاي أطلب إيدك يا سما وعايزك تكوني مراتي وشريكة حياتي
سما وأنا مش موافقة
هي قالت الكلمة دي والكل أتهز ليها ماعدا نور اللي كان متوقع الرد ده
أبو نور بس يا بنتي مش أنتوا بتحبوا بعض وأنا وضحتلك الموضوع
سما وأنا بقول مش موافقة
نور ليه يا سما
سما بضحكة هو إيه اللي ليه أنا بقول مش موافقة
سلوى سما عيب اللي أنتي بتعمليه دا
أنس سما فكري شوية وبعدين أبقي قولي رأيك
سما أنا قلت رآييي وخلصت
سما قامت وهتخرج من الصالون
نور بس أنا عايزك يا سما ومش هسيبك حتى لو ڠصب عنك مع إني متأكد إنك لسه بتحبيني
سما لفت وشها وراحت وقفت قصاده
سما بستهزاء هههههههه اللي كانت بتحبك ماټت وشبعت مۏت
ماټت من كتر ما كانت بټعيط عليك
ماټت من كتر ماكانت بتستناك وإنت مابتجيش ماټت علشان الحلم الوحيد اللي حلمته لنفسها مكانش ليها
أيوة أنت كنت الحلم الوحيد ليا
أنا دخلت كلية هندسة علشان أحقق حلم أبوية وتفوقت في دراستي لأن دي رغبة أمي عملت آي حاجة في حياتي علشانهم هما إلا أنت كنت حلمي وأماني
ثم أكملت بۏجع
عارف لما سيبتني مابقيتش أحس بالأمان
ولا الراحة ولا الفرحة كل حاجة سابتني معاك مش إنت لوحدك اللي سيبتني كل حاجة سابتني معاك
وأستكترت عليا حتى تقولي إيه السبب يمكن لو كنت قولتلي كان بقى حالي أحسن
يمكن ويمكن ويمكن
كنت فاكرة هرتاح لما أعرف إنت ليه سيبتني بس طلعت غلطانة
أنا جوايا كلام كتير أوي مش قادرة أقوله
أنا ما أنفعكش يا نور لأن سما سماك ضاعت وسط أحزان كتيرة وأنا دلوقتي بقولك خلاص خلصت
نور لا يا سما مافيش حاجة خلصت أنا بحبك وماقدرش أعيش من غيرك
سما إفهم بقى بقولك أنا مش سماك أنا واحدة تانية غيرها مختلفة عنها في كل حاجة هي ضاعت
نور وأنا هلاقيها وهرجعها
سما أنت مالكش مكان في حياتي أنا عايزة أعيش حياتي زي ما أنا عايزة أنا واحدة هتعيش حياتها بالطول والعرض
نور إنتي ملكي ومش هسيبك لغيري وهديكي مهلة أسبوع أظن وقت كفاية علشان تفكري في كلامي
يلا يا بابا علشان نمشي ونسيبها تفكر براحتها مشي الأب وإبنه وسما قعدت مكانهم وأهلها حواليها حتى ساهر دخل بعد ما مشيوا لأنه سمع كل حاجة
سلوى بحزن ليه عملتي كدة يا سما
مديحة مالكيش حق يا بنتي الناس جوم لحد عندك وأعتذرولك
سما ههههه وأعمل إيه بأعتذارهم هيفدني بإيه
أنس فكري يا سما براحتك أدامك أسبوع وماحدش يقدر يضغط عليكي بحاجة
القاعدة خلصت وحضروا العشا وأتعشوا وسما طبعا مشاركتهمش في العشا ودخلت قعدت فى البلكونة اللي في أوضتها وتاني يوم مارحتش الشغل وفضلت على حالتها كأنها في عالم لوحدها مابتخرجش من الأوضة إلا علشان تقعد معاهم على السفرة وترجع تدخل تاني وعدى الأسبوع وسما لسه على حالها لا بتروح الشغل ولا حتى بتتكلم مع حد ونور أتصل بأنس وقاله إنه هييجي بالليل علشان يعرف رد سما وقبل ما يروح بنص ساعة
الكل قاعد في الصالة وسما خرجت من أوضتها وأول ما خرجت وشافوها أتصدموا من منظرها
كانت لبسه فستان قصير جدا جدا يكشف أكثر من ما يستر وفردت شعرها بطريقة عشوائية وحاطة مكياج بطريقة مچنونة
أنس سما إيه اللي إنتي عملاه في نفسك دا
سما إيه عاملة إيه يعني
سلوى هو إيه اللي عاملة إيه إنتي ماشفتيش نفسك في المراية
سما لأ طبعا شوفت وعجبتني جدا لدرجة إني عاكستها
المهم سلام دلوقتي علشان هأخر
سلوي سلام وتتأخري ليه هو أنتي خارجة
سما أيوة خارجة رايحة حفلة واحدة صحبتي
من أيام الجامعة
تالين طيب ونور دا زمانه جاي
سما ماييجي أنا قولتله رآييي وهو حر
أنس سما مافيش خروج بالمنظر ده عايزة تخرجي أنا مش همنعك بس تغيري هدومك دي الأول
سما أنا مش هغير حاجة يا أنس أنا حرة وماحدش ليه حاجة عندي وعن إذنك لأني أتأخرت
سما قالت كلامها وخرجت فعلا وسط ذهول الجميع
سلوى مين دى اللي كانت واقفة دي مش بنتي دي واحدة تانية. أنا عايزة بنتي
ساهر أهدي يا طنط بس وإن شاء الله كل حاجة هتتصلح
سلوى قعدت وبتعيط مافيش حاجة هتتصلح أنا خلاص بنتي ضاعت
شوية وجرس الباب رن وكان نور ودخل وأتفاجأ لما شاف ساهر
نور معلش بس في السؤال هو أنت بتعمل إيه هنا
أنس ساهر قاعد هنا يا أستاذ نور أصله نزل أجازة علشان يشوفنا وأحنا طلبنا منه يقعد هنا معانا
نور جاي علشان يشوفكوا كلكوا ولا علشان يشوف سما
مديحة ملوش لازمة الكلام دا يا أبني
نور فعلا ملوش لازمة أومال فين سما
ساهر أستاذ نور ممكن ننزل أنا وإنت وأنس نتكلم مع بعض شوية في مكان تاني
نور بس أنا مش جاي أتكلم معاك أنت أنا جاي أتكلم مع سما
أنس معلش يا نور وافق لأن سما أساسا خرجت
بعد أصرار أنس نور أضطر يقبل ونزل معاهم وراحوا كافيه قريب
ساهر بص يا أستاذ نور مبدئيا كدة أنا مافيش حاجة بيني وبين سما واللي أنت شفته دا كان خطة منى أنا وأنس وكمان سما بس سما ماتعرفش كل حاجة عن الخطة دي
نور أزاي يعني وخطة إيه دي
ساهر بص أنا أعرف سما تقريبا من سنة ومن يوم ما شوفتها وهي دايما حزينة. عمري ماشفتها بتضحك من قلبها علشان كدة قررت إني أقف جنبها حاولت أنا وأنس معاها بكل الطرق لكن للأسف فشلنا واللي زاد عليها مۏت أبوها للأسف سما مابقتش بتثق في حد حتى فينا كلنا لدرجة إن هي بقت بتتجنب حتى القاعدة معانا
علشان كدة أنا وأنس قررنا نعرف إيه سبب إنفصالكوا ونحاول نرجعكوا لبعض
بس سما ماتعرفش حاجة غير إني هساعدها علشان تعرف سبب بعدك عنها
نور. طيب أنس بيساعدها لأنه بيعتبرها أخته أنت بتساعدها ليه
أنس لأنه هو كمان بي
نور بعد أذنك يا أنس أستني أنت
إيه يا أستاذ ساهر مش عايز تتكلم ليه
ساهر مش مهم بساعدها ليه
نور قاطعه بتساعدها لأنك بتحبها صح
أنس أنت بتقول إيه
نور بقول إنه بيحبها علشان كدة بيساعدها لأنه مش قادر يشوفها بالحالة اللي هي فيها دي
أنس ما تتكلم يا ساهر ساكت ليه
ساهر أيوة أنا فعلا بحبها لكن أقسملك إني عمري ماأتكلمت معاها في أي حاجة ولا في بيني وبينها أي حاجة
نور عارف ومافيش حاجة أنا معرفهاش تحب أقولك أنت كنت بتقابلها سما كام مرة في اليوم ولا بلاش دي تحب أقولك سما كانت بتروح البيت الساعة كام وبتخرج الساعة كام وبتقابل مين وبتتكلم مع مين
أنس يعني أنت كنت بتراقبها
___________
أنا
