لا ارغب بنسيانك ج1

الحوار بينهم فارس بلهفةانتى كويسة دلوقت لم تعلق فقط اومأت برأسها ايجابا فارس بصوت هادئالحمد لله طيب يلا قومى خدى الدوا بتاعك اندهشت ومن ثم قالت بصوت متهدج دوا دوا اية هو اية اللى حصل عاد وتحدث بنفس النبرة الهادئةاغم عليكى ف طلبتلك الدكتور بعد محاولات منى انك تفوقى المهم الدكتور جة وطمنى وقال بس شوية نقص فيتامينات واردف مبتسما..يلا بقى قومى خدى الدواء حاولت النهوض والاعتدال لتتمكن من ارتشاف الماء واخذ حبوب الدواء ساعدها فارس وامسك كتفها واجلسها ومن ثم جلس هو وراءها واسند ظهرها الى صدرة شعرت يارا بنبضات قلبة وبدفء جسدة فأنتابتها رعشة ممزوجة بالاندهاش امسك فارس كوب الماء الممتلئ بيدة اليمنى وباليد اليسرى كبسولتين احداهما مهدئ والاخرى فيتامين فتحت فمها ف اعطاها الدواء واحد تلو الاخر ومن ثم ساعدها على الاسترخاء جلس فارس على حافة الفراش ظل يرمقها شاهد مقاومة عينيها للإنغلاق وبعد برهة استسلمت تماما للنوم بفعل المهدئ . فى حجرة اسيل دلف اسر الى غرفتها فوجدها منهمكة امام احدى صفحات الانترنت انتى يابنتى .قالها اسر بهتاف انتفضت اسيل ونظرت الية التقطت انفاسهاومن ثم قالت بأستياء .اية يااسر خضتنى حرام عليك ضحك اسر مقهقها من رأيتها هكذا وقال اتخضيتى احسن تستاهلى اسيل پغضب خفة اووى حضرتك عايز اية وازاى متخبطش قبل ما تدخل قال لها اسر وهو يعقد ساعديه امام صدره.. خبطت ياغلسة وشكلك كنتى مشغولة ومسمعتيش خبطتى اسيل وهى تزفر الهواء طب عايز اية دلوقت اقترب منها اسر وجلس على طرف المقعد التى تجلس هى علية وقال بخفوت..ممكن اطلب من اختى حبيبتى طلب نظرت الية اسيل وابتسمت وقالت خير عايز اية فلوس معنديش انحنى اسر وحاوط كتفها وهو يومأ براسة نفيا. تؤ تؤ اطمنى مش فلوس انا عايزك تيجى معايا النادى بكرة اسيل وهو تضيق عيناها وتضع قدم على الاخرى اممممممم انا كدا فهمت الصوت الحنين والرجاء دة لية انت عايز تخرج مع الست مها صح اومأ اسر بالآيجاب ومن ثم قال. ماانتى عارفة اخوها احمد منبة عليها متخرجش معايا لوحدينا ولازم تكونى معانا واردف باستياء..انا مش قادر اعرف اشمعنى انت يأمن عليها معاكى وانا اللى خطيبها ميأمنش انها تخرج معايا لوحدها ضحكت اسيل ملئ قلبها ومن ثم قالت. علشان انت متهور ومحدش يضمنك زفر اسر الهواء ومن ثم قالطب هاة هتيجى معانا بكرة اسيل بامتعاضهروح اعمل اية ياااسر ماهى يارا مش هتكون موجودة مش عارفة اية اللى جرالها من ساعة مااتجوزت وهى مبقتش تخرج كتير زى زمان وانا بتخنق لما بروح النادى واقعد لوحدى وانت ومها بتروحوا تركبوا خيل وانا بفضل مستنية لوحدى لما بطق من الزهأ نهض اسر ووقف مقابلها وقالمتبقيش بايخة بقى انا زهأت من مقابلتى لمها ف الكلية نفسى نخرج نشم هوا برة كليتهاواردف بتوسل..وحياتى ياسولى داانا اخوكى حبيلك متكسريش بخاطرى وبعد توسلات اسر اذعنت اسيل الى رغبتة ووافقت ان ترافقة بصحبة مها غدا الى النادى 
فى الصباح الباكر فتحت عينيها ببطء وثقل شديد شعرت بشئ ثقيل يحاوط خصرها وعندما فتحت عينيها بالكامل وجدت جسدها بين ذراعيه نائم بجوارها داخل فراشها يحاوط جسدها الممشوق بذراع والذراع الاخر كانت وسادتها التى تبين انها غفت عليها طوال الليل اغمضت عينيها استنشقت رائحة عطره الفواح المميز الممزوج برائحة عرقة ارتجفت بدأت خفقات قلبها بالتسارع وانفاسها بالتلاحق تململ فارس داخل الفراش فأسرعت تتصنع النوم وأغمضت عينيها افاق فارس من نومة وشاهد ذراعية المحاطان بها توتر بشدة أخذ نفسا عميقا وكأنه يسيطر على توتره ومن ثم حاول النهوض بهدوء لكى لا يوقظها وتشاهد هذا الوضع وتعلم انة طوال الليل نائم بفراشها يضمها لاحضانة نهض من الفراش تأملها وهى نائمة او كما كان يظن بدى على وجهها الشحوب فقد كانت ليلة عصيبة بالنسبة اليها غادر غرفتها واتجة الى غرفتة انعم بحمام منعش استبدل ملابسة ومن ثم هبط الدرج الى اسفل واثناء هذة اللحظات هاتف الفيلا يدق قامت فتحية برفع السماعة واجابت على المتصلالو مين معايا . اهلا ياخالد بية . لاء هما نايمين حضرتك اتت المربية واخذت منها السماعة وقالت لها ان تذهب الى المطبخ لتنهى عملها وانها ستجيب على المكالمة دادة كوثر صباح الخير ياخالد بية انا كوثر .. .. اة فعلا هما اتأخروا ف النوم النهاردة شوية مش عارفة هما قافلين الموبايلات ولا اية لاء فارس بية لسة نايم مرحش شغلة . لالاء مفيش حاجة متقلقش حضرتك يمكن النهاردة اخد اجازة او معندهوش شغل مهم بالشركة .. حاضر من عنية اول ما تصحى هخليها تتصل بحضرتك مع السلامة مع الف سلامة كان يهبط الدرج وبيدة علبة السچائر والقداحة شاهد المربية وهى تغلق سماعة الهاتف فسألها قائلا مين يادادة ومن ثم اشعل سجارتة واخرج دخانها من صدرة ابتسمت المربية وقالت..صباح الخير يافارس بيةدا خالد بية كان بيسأل عليكوا وقلقان لانة اتصل بالموبايل لقاة مقفول فااتصل ع الارضى قلتلة انكوا لسة نايمين جلس فارس على الاريكة المتواجدة ببهو الفيلا نفض رﻣﺎد ﺴﻴﺠﺎرتة داخل المطفأة المتواجدة على الطاولة ومن ثم قال محذرا اوعى يادادة تكونى قلتيلة ع اللى حصل ل يارا امبارح مش عايزينة يقلق دادة كوثر..لالاء يافارس بية هو انا عبيطة انا ست عديت الستين من عمرى واقدر اوزن الامور كويس دى حاجة بسيطة والحمد لله الدكتور طمنا عليها يبقى لية نقلقة انا لما لقيتة قلقان وبيسأل عنكوا قلتلة انكوا نايمين فارس وهو يأخذ نفسا من سجارتة ومن ثم يخرجة من صدرة. هو عمى عرف ان مرحتش الشغل النهاردة دادة كوثر المقصوفة رقبتها فتحية هى اللى قالتلة انك لسة نايم بس اطمن انا قلتلة انك يمكن تكون واخد اجازة اطفأ فارس سجارتة داخل المطفأة ومن ثم قال لها تمام يادادة..بعد اذنك حضرى الفطار ومتنسيش طبق العسل الاسود انتى عارفة انة مهم جدا فى علاج الانيميا واردف راجيا وبلاش يادادة وحياتك مج النسكافية اللى بتعملية ل يارا دة ع الصبح تفطر الاول وبعد كدا تشرب اللى يعجبها دادة كوثر عيونى يافارس بية اللى تؤمر بية حضرتك وقالت متسائلةهى ست يارا عاملة اية دلوقت فارس وهو يبتسم لها..الحمد لله يادادة شوية تعب وراحوا لحالهم دادة كوثر وهى ترفع يدها الى رب السموات.. يارب يشفيها ويعافيها ويهدى سركوا ويرزقكوا بالذرية الصالحة يارب ربت فارس على كتفها وشكرها على دعواتها دلف الى حجرة مكتبة واخذ يفكر وضميرة يأنبة ويتمتم بصوت لا يسمعة سواة اية اللى انت عملتة دة ازاى نمت ف سريرها ومحستش بنفسك وازاى ازاى اخدتها ف حضنك بالشكل دة مش عارف مش عارف انا اكيد راحت علية نومة ومش فاكر امتى وازاى اخدتها ف حضنى احمد ربنا انك قمت قبليها ومشفتش المنظر كنت قلقان عليها دى بنت عمى وهو اى حد يحضن بنت عمة كدا ويسهر جمبها