رواية زواج سريع من 22-27

بالسلامه .
فضحك عليا كالعاده.
وكنت عايزه اغير انا كمان بس طلب البس من لبس العرايس .
ففضلت انا بالفستان .
اصل هالبس اكتر من كده مكشوف . لا طبعا .
وهو قال طيب مش هنام غير لما تنامى الاول وهاشوف ازاى هتعرفى تنامى بالفستان .
وفعلا نمت بالفستان . هههههههه.
وتانى يوم صحينا صلينا ورجعنا كملنا نوم لاننا ما شبعناش نوم .
وبعدها فطرنا وقالى ايه رايك عايز اعمل حفله عشان اصحابنا وقرايبنا بمناسبه جوازنا .
اصل الكل بيكلمنى وزعلانين انى معملتش فرح كبير وعزمتهم .
انا بقى بحب الحفلات والافراح وفرحت خالص بالفكره .
بس قلت نعملها هنا فى البيت .
اصل هو كان عايز يعملها بره .
بس انا قلت يحسب العدد المتوقع يجى .
ونكلم مهندس ديكور وهو هيخلى المكان احلى من القاعه .
وقلت بس يا وليد تشترط انها تبقى مهندسه ديكور يعنى بنت مش ولد عشان انا اعرف اتكلم معاها براحتى .
وبصتله وقلت واعمل حسابك انك ما فيش تعامل معاك خالص .
وان هيا كلمتك قولها تسالنى وانا هارد عليها .
وانا هتفق معاك على كل حاجه وهابلغها .
فضحك وقال ودى غيره ولا ايه .
فقلت غيره او مش غيره مش بحب اشوفك تكلم بنات او بنات تكلمك.
فضحك وقال طيب تحبى اشترط كمان تكون وحشه.
فقلت لا مالكش دعوه حلوه وحشه انا الهكلمها انت بس اتفق مع صاحب المكتب وبس ماشى .
فضحك وقال ماشى .
بس يا رب تبقى ليله حلوه عشان منظرى قدام الناس .
فقلت لا ما تخفش ان شاء الله هتبقى جميله.
المهم هتعملها امتى .
فقال يوم اجازتى ان شاء الله .
فقلت لا طبعا قبل الاجازه بيوم .
فرفع حاجبه وقال بس هيبقى عندى تدريب مش هينفع يا رونى .
فقلت افهم بس هيا الحفلات اصلا بتبقى بالليل .
واصحابك هيبقوا بيدربوا معاك .
يعنى كلكم هتبقوا تعبانين ومحتاجين تروحوا تناموا .
ولما يصحوا هيبقوا يجى الحفله .
وانت كمان محتاج تنام وترتاح .
فقال لا ازاى مش هينفع بلاش نوم اليوم ده .
فقلت مش هينفع تبقى يبقى الفى الحفله نايمين وجايين مصحصحين .
وانت قاعد فى النص بتتاوب وعايز تنام وكانك كده بتقلهم يلا روحوا وانت ممكن يجى صحفيين ويصوروك وانت بتتاوب
وضحكت 
وقلت يا سلام وانت بتتاوب فى حفله جوازك هتاخد تعليقات واو .
فضحك وقال ماشى لما اجى ان شاء الله هنام شويه .
فضحكت وقعدت ورفعت رجل على رجل .
وقلت ومين قال انك هتيجى تنام هنا .
فبصلى وتنح وقال طيب اروح انام فين .
فضحك وقلت فندق يا حبيبى .
اصلا هنا هيبقوا طول اليوم عمال بيوضبوا فى المكان والبيجيب طاولات.
والبيزوق فى المكان غير بتوع الاكل والمشروبات يعنى هيصه .
وانت اصلا نومك خفيف خالص ومش ممكن هتبقى نايم فى الجو ده. والنوم المتقطع هيتعب اعصابك يبقى تاخد بدلتك من الصبح فى العربيه تحضر تدريبك وتطلع على الفندق تتغدى وتنام ساعه او اتنين. وتقوم تاخد دش وتلبس وتتشيك وتيجى وهيبقى لسه على ميعاد وصول الناس ساعه او اتنين .
فقال طيب انتى هتعرفى تظبطى كل حاجه لوحدك .
فقلت اصلا انت هتكلم النهارده المكتب وقدامنا خمس ايام نوضب فيهم .
ونرتب وانت هيبقى عندك علم بكل صغيره وكبيره ومتفقين عليها .
يعنى اليوم ده تنفيذ وبس وغير كده انت هتيجى قبل المعاد يعنى لو ليك تعديل او ملحوظه نقدر نعدلها .
فقال طيب انتى هتعرفى تتعاملى مع العمال .
فقلت وانا اتعامل معاهم ليه .
انا هاتعامل مع مهنددسه الديكور يعنى لو حاجه مش عاجبانى هطلبها منها وهيا تقولهم ما هما هيبقوا تبعها.
فقال طيب والطباخين .
فقلت زيهم بالظبط هنطلب الهيجيبوا الاكل يكون فى ناس بتقدم الاكل.
ومنهم تكن بنت لانى هيا الهتعامل معاها لغايه لما انت تيجى .
فقال طيب انتى مش هتنامى اليوم ده .
فقلت لا هاصحى متاخر او انام بعد ما تمشى شويه وخلاص وانا اصلا مش بحب نوم الضهر قوى .
او مش بيفرق معايا زيك انا بنام بس عشانك وبس .
وقلت يلا بقا ننزل النهارده نلف على المطعم ونتفق معاه .
وعلى مكتب الهندسه ونشوف شويه تصميمات ونشوف الحلويات ونجهز كل حاجه.
وفعلا قمنا لبسنا ورحنا المكتب الاول واتفقنا معاهم .
وبعدها على الفندق الهيجيب الاكل واتفقنا على الاكل والمشروبات السخن والبارد على الناس الهتقدم الاكل .
واتغدينا هناك .
وروحنا اتفقنا على تورته عليها صوره لفرحنا والجاتوه والحلويات التنيه .
ورحنا اتمشينا شويه على البحر وطبعنا اكلنا دره وشربنا حاجه ساقعه واتعشينا بره ورجعنا..
الحلقه السادسه والعشرين ..
وروحنا اتفقنا على وتورته عليها صوره لفرحنا والجاتوه والحلويات التنيه .
ورحنا اتمشينا شويه على البحر .
وطبعنا اكلنا دره وشربنا حاجه ساقعه واتعشينا بره .
ورجعنا ونمنا .
وتانى يوم رحنا النادى .
ووليد حكى لخالد ومحمد على العزومه .
وخالد قال هيبعتلى مراته تساعدنى ووليد عزم كل النادى اصحابه والبيشتغلوا وصحفيين .وروحنا البيت.
واتصل على ناس قرايبه .
و قلتله ايه رايك عايزه نعمل حاجه تكون تذكار لليجى الحفله عشان يباركلنا.
فابتسم وقال حاجه زى ايه .
فتحمست وقلت ايه رايك فى مج مثلا يكون عليه صوره من صور فرحنا .
فقال مج ماشى بس الصوره لا .
فقلت ليه .
فقال يا سلام وعايزه الشعب المصرى يكون عنده صوره ليكى لا طبعا مقبلش انتى بتاعتى وبس .
وكمان ماضمنش يوصل لايد مين الصور فمش هينفع .
لو موافقه نخلى المج وعليه اسمينا وجمله حلوه تحته .
فضحكت وقلت عارف كنت متاكده انك مش هتوافق على موضوع الصور بس حبيت اختبرك .
فرفع حاجبه وقال بتختبرينى يا رونى .
طيب ماشى .انتى لازم تتعاقبى .
وقام وقعد يزغزغ فيا وانا اقوله خلاص والله حرمت .
وقمت وقلت انا هاخد شور سريع قبل ما انام .
وفعلا دخلت اخد شور وانا تحت الدش سمعت حركه فى السخان وبصيت شفت ديل وعرفت انه فار فطفيت الدش ولبست بسرعه وطلعت وعماله ابكى وصحيت وليد .
وهو اتخض اول ما شاف دموعى .
وقالى مالك ايه الحصل وانا مش قادره انطق وشاورت على الحمام .
فقام جرى وډخله مالقاش حاجه غريبه .
وجه قومنى من جنب السرير .
وقالى ايه الحصل فشاورت على الحمام .
ووقعت واغمى عليا.
وبعد شويه فوقنى وكان قلقان جدا .
وقالى فهمينى فيه ايه .
حاولت اتكلم وصوتى مش طالع 
فقالى انتى مش قادره تتكلمى .
فهزيت راسى باه .
فجاب ورقه وقلم وعنيا كانت كلها دموع .
وكتبت وانا تحت الميه حسيت بحركه فى السخان ولما بصيت عليه لقيت ديل فار .
خاېفه تكون الڼار حرقته او اتلسع من سخونت السخان او جراله حاجه.
انا مش هسامح نفسى على العملته فيه .
فقعد يقراى فى الرساله مره واتنين وانا مڼهاره من العياط وبصلى شويه وهو ساكت .
فقالى بعدها رونى انتى الحاله الانتى فيها والعياط وصوتك الراح وكمان يغمى عليكى عشان الفار .
فبصتله بغيظ وكتبت هو ذنبه ايه عشان اتخلق فار فاحنا نحرقه .
اعمل ايه انا دلوقت اطمن عليه ازاى .
فتنهد وقال يعنى انتى بتحبى الفران قوى كده .
فقلت لا طبعا ولااقدر المسه حتى .وبخاف منهم .
بس ده مش معناه انى احرقه .
فقال طيب انتى عايزه ايه دلوقت 
فكتبت مش عايزه غير اطمن عليه.
ذنبه فى رقبتى مش هسامح نفسى .
ازاى ما حستش بيه وشغلت السخان .
هو استخبى عندنا واستائمنا على نفسه واحنا خناه وحرقناه .
وانهرت فى العياط .
فتنهد وقام بص على السخان .
ورجع قال هو مشى مش هنا .
يبقى ان شاء الله كويس .
قومى انتى بقا عشان اخدك للدكتور عشان نشوف صوتك الراح ده.
وفعلا لبسنا وروحنا كشفت.
وقالنا من الخضه فى الحمام والمفاجئه هيا الخلت صوتى راح .
ولازم يبقى عندى اراده واحاول اتكلم عشان يرجع صوتى .
وفعلا قعدت يومين مش بنطق خالص والتالت هو البتدى يخرج منى صوت ضعيف لغايه لما بقيت كويسه .
ووليد كان زعلان جدا عليا وخاصه ان حالتى النفسيه كانت سيئه ومش ببطل عياط .
وحكى لااهلى عليا .وماما قالتله هيا اصلا لو شافت فرخه عند حد والفرخه دى كانت تعبانه او متعوره ممكن تعقد ټعيط عليها .
وتبعت تشتريلها دوا وتبقى مڼهاره على ۏجع الفرخه دى .
لدرجه لو حد مربى فراخ او حيوانات عنده مش بخليها تشوفها عشان الحاله البتبقى فيها لو عرفت انه تعبان.
ووليد كان عايز يلغى حفلت جوازنا عشان تعبى .
بس انا طلبت منه يستنى لو فضلت حالتى كده .
نلغيها قبلها بيوم ولو خفيت نكملها .
والحمد لله خفيت قبلها بيومين .
وكلمت المهندسه اننا نعمل فريق عمل مكثف ونشتغل فيه اليومين دول .
ويوم الحفله وان شاء الله تطلع حلوه وفعلا جات شافت الشقه وكان المكان واسع واتفقنا هنفتح اوضه المكتب على الصاله بما انها فيها صالون وعندنا الصالون والسفره عدنا ترتيب مكانهم .
عشان نجيب كراسى تانى وشافت الصالون البابا جابه. وظبتنا مكانه بحيث ندخل فيه قاعده تانى واتفقنا هنعلق الزينه يوم الحفله هيا هتيجى بفريق العمل الساعه 11 الصبح .
واتفقت على المجات العليها اسمنا وصوره قلب فى النص .
بس انا اصريت انى مش هاكتب راندا هاكتبه رونى .
ونزلت مع مرات خالد اشترينا فستانين سواريه ومشتملاتهم .
وحجزت مع بيوتى سنتر عشان يجوا يعملولى ماسكات ولفت طرحه بدون ميكب .
وده طلب وليد وقالى كفايه قوى خليتك تحطى الميكب يوم الفرح قدام الناس .
وانا كنت سعيده بغيرته .احلى ابتسامة .
ووافقته .مع انى كنت متاكده ان زوجات اصحابه هيبقوا عملين البدع .
بس عشان حبيبى وخاطر ربنا قبل كل حاجه مع عملتش ميكب .
وجه يوم الحفله ووليد راح التدريب وخد بدلته والحاجات الهيحتاجها وكان حاجز فى الفندق من قبلها بيوم .
وراح التدريب الصبح وبعدها على الفندق .
اما انا صحيت على 10 الصبح خدت شور ووضبت الشقه وكان معايا مرات البواب هنيه .
وجات المهندسه وعمالها واشتغلوا وعلى الساعه اتنين. طلبت غدا من المطعم ليا وليها والعمال وهنيا .
واتغدينا وكملنا شغل والجاتوه اتفقنا يجى العصر عشان كنا عايزينه طازه .
معمول فى نفس اليوم وشلناه فى التلاجه .
والعشا واكل الحفله جم بعد المغرب على الساعه 6 .
ووليد جه سته ونص .
ومشى العمال ماعدا هنيه وطقم السرفيس الهيقدموا الاكل وكان كل حاجه جاهزه .
حتى وليداتفاجئ وكان عاجبه جدا النظام .
وانا سبتهم ودخلت خدت شور وكنت متفقه ان الساعه 7 هتيجى الهتلفلى الطرحه ولبست وحطيت كريم بشره وتفتيح بس وبالعافيه بعد ما اتحايلت على وليد كحله .
ولفيت الطرحه.
بس اشترط ان افضل جنبه طول الحفله .
وفعلا اغلبها كان قريب منى .لغايه لما جه واحد اسمه كابتن محمود وسال عليا .
فاستغربت لما جالى وقال انتى مرات كابتن وليد.
فابتسمت وقلت ايوه يا فندم شرفتنا حضرتك .
فمدايده ليا وقال ازيك .
انا كابتن محمود