لماذا انا من 7 الى 12

نانسي جم يشرفوها قدام اهل العريس. 
ابتدت الحفلة وابتدت زهره توزع الشربات. 
جات عند نوال اخدت الكوبايه و وقعتها. 
نوال ايه يا بت مش تفتحي. 
زهره معلش يا ست نوال. 
رحمة حصل خير يا بنتي. 
راحت زهرة. 
نانسي على فكره انت الي وقعتي الكبايه مش زهرة. 
نوال إنت ايه الي دخلك في الكلام اوعي تفتكري نفسك انك بقيتي مرات المعلم وراسك براسنا ! 
رحمة بصوت عالي.. 
رحمة لمي الدور يا نوال. 
العريس وصل مع المؤذون وكتبوا الكتاب و المعلم كان شاهد على العقد. 
جات زهرة تحضن أختها وهي فرحانة. 
محمد سلمي يا زهره على المعلم 
زهرة ازيك يا معلم 
المعلم ماشاء الله تبارك الله!! 
دي بنتك 
محمد ايوه دي بنتي البكرية زهرة. 
المعلم اللهم صل على النبي. عقبالك يا زهرة اسم على مسمى. 
نوال شافته.. 
نوال إلحقي يا رحمه شوفي المعلم بيبص لبنت الخدامة ازاي اوعي يكون ناوي على الرابعة دي فيها مۏته. 
رحمة استغفر الله دي قد بنتك يا نوال اهدي انا خلاص تعبت منك ومن مشاكلك. أقوم انا ابارك للعروسة.
المعلم كان منبهر بجمال زهرة و ضحكتها. 
المعلم قرب من محمد... 
المعلم قلي زهرة مخطوبة 
محمد لسه يا معلم. 
المعلم ربنا يرزقها بابن الحلال. 
محمد و يرزق ابنك علي كمان ببنت الحلال. 
المعلم ياريت نفسي افرح بيه ولاقي بنت الحلال. 
المعازيم راحوا بعد ماكانت حاتقوم خناقة بين نوال و نانسي. 
فضل في السطح عماد و وداد... 
عماد ألف مبروك. 
وداد الله يبارك فيك. 
عماد هاتي بوسه !!! 
وداد ها ! 
عماد قربي مالك بعدت كده إنت خلاص بقيتي مراتي وانا عايز أجرب. 
وداد تجرب إيه! 
عماد عينيه كانت طالعه عليها 
وداد انت اټجننت! احنا في السطوح. 
عماد كان تايه وعينيه طالعه ووشو احمر وبينهج. 
وداد خاڤت من شكله وقامت تجري على تحت ودخلت الأوضه عند زهرة الي كانت بتكلم علي. اتخضت وهي شايفه أختها كده وسابت التليفون مفتوح. 
زهرة مالك يا وداد في ايه 
وداد وهي بټعيط ابتدت تحكي ليها الي عمله عماد. 
زهرة يا نهار اسود ومنيل دا لازم تقولي لأبويا. 
وداد لا لا ابوس ايدك يمكن كان فرحان ويمكن دا عادي بس انا الي خفت. 
زهرة هو إيه الي عادي يا وداد 
فضلوا يتكلموا و علي قفل الخط. 
عماد فضل في السطوح واتصل بأمه حكا ليها الي حصل بس طبعا مش كله و نصحته يعمل نفسه ماحصلش حاجة وينزل عند أبوها يتكلم معاه عادي. وقالت ليه إنه لازم يهددها ويخليها تخاف منه علشان تبقى تحت طوعه. 
لما نزل عماد كلم أبوها عادي. 
زهرة طلعت السطوح ترد على علي. 
زهرة انا آسفه يا علي. 
علي مافيش حاجه حبيبتي أختك عامله ايه دلوقتي 
زهرة مڼهاره وبتعيط. 
علي على فكره انا سمعت كل حاجة. زهرة دا راجل مش طبيعي أختك لسه صغيرة أبوك لازم يعرف الجوازه دي مش لازم تتم. 
زهرة هو بجد فيه رجاله كده هو دا عادي ولا انا الي فاهمه غلط 
علي حبيبتي مش عادي وفيه
رجاله كده دا مستحيل يكون بيحبها هو متجوز علشان يعرف نفسه بس. 
زهره ازاي 
علي حبيبتي مش حاعرف اشرح ليك معلش لما تبقي مراتي و في بيتي حاقولك. زهرة اوعي تخافي مني انا مش كده. 
زهرة الحمدلله انت متعلم وبتحبني. 
علي انا بمۏت فيك يا زهرة انت كل حياتي. 
في أوضه محمد و فاطمة.... 
محمد الحمدالله الليلة عدت على خير. 
فاطمه الحمدالله بس نوال مرات المعلم كانت حتعمل خناقة كبيرة مش عارفة الست دي مالها كده شايفه نفسها على الكل 
محمد سيبك منها. بقولك شكل زهرة حييجي ليها عريس. 
فاطمه بجد يا محمد مين هو 
محمد المعلم سألني على زهرة إذا هي مخطوبة شكله عايزها لإبنه علي. 
فاطمه كانت نايمه على السرير وقامت من فرحتها. 
فاطمه يارب يا محمد علي دا محامي كبير وليه مركزه وكفايه إنه تربية الحاجة رحمة وهي فعلا الايام دي قالت لي إنها نفسها تفرح بيه. 
محمد المعلم عينيه كانت حاتطلع على زهرة وقالي إن شاءالله إن نصيبها حيكون حلو. 
فاطمه يارب يا خويا نجوز البنات اللطي حليتنا واقعد في البيت ارتاح أنا تعبت من الشغل. الست نوال بطلع روحي كل يوم. الحاجة رحمة جابت كام بنت يساعدوها بس الست نوال مش عايزه الا انا الي أطبخ ليها. 
محمد هانت يا فاطمه. 
فاطمه بكره انزل مع البت وداد نكمل الجهاز لازم نسرع الجوازة شكل عماد مش قادر يصبر عليها. بدل مانخلي الډخلة آخر الشهر نعملها الأسبوع الي جاي ايه رأيك 
محمد الي تشوفيه هو كمان قالي نفس الكلام. 
فاطمه يبقى خير البر عاجله إن شاءالله. 
في بيت مراد قاعد يفكر في الرسائل الي بتوصل ليه في الاخر فكر إنه يتصل بفرح. 
دخل على صفحة علي وأخذ الاكاونت بتاع فرح وكتب ليها رسالة إنه عايز يكلمها في موضوع يخص سماح اختها وطلب منها يتصل بيها. 
فرح ماكنتش مصدقة نفسها وهي بتشوف الرسالة بس اتخضت لما شافت اسم اختها اتصلت عليه على تطبيق الماسنجر. 
مراد ألو آنسه فرح. 
فرح بارتباك ألو أنا آسفه ازعجت حضرتك مالها سماح 
سألته بلهفه. 
مراد اهدي يا آنسه فرح بصي هي بقالها فتره بتبعت لي رسائل على انها بتحبني ومعجبه بي انا عارف إنها صغيره مراهقه بس الموضوع زاد عن حده. لما عملت ليها بلوك في كل مواقع التواصل الاجتماعي كل شويه تعمل اكاونت وتدخل عندي 
وانا ماقدرش أخون صاحبي واخويا وخاېف أقوله يزعل ويعمل فيها حاجه وكمان مش قادر اخبي عليه وأبقى كده بخونه وأنا مش كده. علشان كده اتواصلت معاك.
يا ترا حايحصل ايه
وعلي حاتكون رده فعله

الفصل 9
فرح أنا اسفة معرفش أقولك ايه
مراد و لا حاجه ياانسة أنا ببلغك عشان تقوليلي أعمل ايه
فرح هاتكلم معها و احنا اسفين بجد زي ماحضرتك قولت هي مراهقه بس بالله عليك ماتقولش لأخويا حاجة. انا حاتصرف معاها.
مراد بالراحة معاها حاولي تقربي منها وأنا كل ما حاتكلمني حاصدها. 
فرح إن شاءالله لا هي حاتعقل. 
مراد إن شاءالله. 
كان بيتمنى المكالمة ماتخلصش ولا هي.
في شقه نوال... 
يا وليه كفايه كده.
نوال لا مش كفايه انا عايزه حقي فيك.
وهما بيتخانقوا كريم كان مع الشله ومش حاسس بالدنيا.
حديده قلي يا كيمو المعلم أخباره إيه
كريم المعلم مش عارف يرضي مين ولا مين.
حديده انت لازم تعمل حاجة لنفسك قبل ما مراته الجديدة
تخلف ليه ولد يكوش على كل حاجة. ومزاجك بقا محتاج فلوس وانت مفلس معلش انا مش كل مره حاديك. 
كريم هانت وحاجيب لك الفلوس. اديني السېجارة دي.
حديده الحساب يجمع.
اخد السېجارة وراح في عالم ثاني. 
رجع الحارة و طلع فوق شقة أمه دا انه هو عارف ان أبوه موجود. وطبعا نوال لما بتكون ليلتها بتبعث الأولاد عند رحمة يناموا عندها. بتحب البيت يبقا فاضي ليها.
فتح الشقه ودخل... 
كريم يا نوال يا أمي انت فين
نوال يا مصېبتي يا معلم الواد كريم هنا.
المعلم وإيه الي جابه دا في الساعة دي
نوال مش عارفه. قوم اطلع شوفه.
المعلم البسي انت وشوفي الحيله الي مش عارفه تربيه. 
نوال لبست اول عباية مسكتها ايديها وطلعت. 
نوال في إيه يا واد بوزت لي ليلتي مع أبوك.
كريم وهو مش قادر يوقف على رجليه... 
كريم هو دا كل الي يهمك! أنا فين في حياتك 
نوال يامصيبتي السودا انت شارب إيه
كريم شارب القهر والذل منك ومن الي جوه. إنت مش أم ومعندكيش كرامة. انا بكرهكم.
هنا طلع المعلم....
المعلم في إيه 
كريم أهلا أهلا يا معلم.
المعلم ما توقف عدل. 
كريم اهو أنا واقف عدل. تعرف إن صحابي بعايروني بيك بيقولوا لي أبوك الستات لحست عقله.
شايفه يا نوال مهما عملت مش حتملي عينه خلاص وقتك خلص مهما عملت في وشك عند الدكتور.
معلش يا معلم أصل نوال راحت لدكتور علشان يخليها تبقى صغيره
بس اتجوزت عليها. اتجوز عليك يا نوال. 
نوال اسكت يا ولا تعالى.
المعلم شايفه تربيتك الۏسخة يا نوال إبنك جاي في نصاص الليالي دي هي تربيتك يا نوال.
قصرت معاك في إيه يابني مدارس خاصة ودخلت دروس خصوصية ودفعت أعمل إيه ثاني مالكش في العلام قولتلك تعالى اوقف معايا في المحلات فلوس وبديك. قلي أعمل إيه معاك يا ابن نوال 
كريم هي دي يا معلم ابن نوال. طول عمرك شايف أمنا قليله واحنا مش قد المقام طول عمرك عامل فرق بنا وبين اخواتي انا سمعتك وانت بتشكر في علي وانا لأ.
المعلم و يا حيلتها أقول إيه عليك نوال لمي ابنك. 
نوال إنت رايح فين يا معلم
المعلم أنا تعبان وعايز أنام. إوعي. 
وطلع نزل عند رحمه الي كانت بتصلي الفجر. وهي كانت سامعه صوت الزعيق في شقه نوال.
فتح باب أوضتها....
المعلم جمعا يا حاجة.
رحمه في إيه يا سعد
المعلم مخڼوق و تعبان الولد بيضيع مني وأمه كل الي يهمها استغفر الله.
رحمه هو دا كمان اللي بيهمك يا سعد إنت وهي حاتشيلوا ذنب ولادكم. بنتك سماح بتشاغل صاحب اخوها قال إيه بتقوله بحبك و معجبة بيك.
المعلم البت سماح
رحمه أيوه سماح الراجل اتحرج ومعرفش يعمل إيه قام متصل بفرح يشتكي منها تتصرف مش عايز يخون صاحبه. وانت
عارف لو علي عرف حايعمل إيه فيها
المعلم يا فضيحتك يا سعد
الولد طلع والبت بتشاغل راجل.
وطلع من الأوضة راح أوضة البنات
المعلم مكانش شايف قدامه من الڠضب الي هو فيه. 
راح ماسكها من شعرها.
سماح اتخضت...
سماح في إيه
المعلم عايزه تفضحيني يا بنت الكلب تتصلي بالراجل من غير ماتتكسفي بتشاغلي الراجل
فرح اتخضت واټصدمت إن امها بلغته. 
رحمة سيب البنت يا سعد.
المعلم مكانش شايف قدامه. فضل يضرب فيها و بصعوبة رحمة وفرح بعدوه عنها. 
سماح الكلام دا كڈب دي فرح الي عملت كده مش انا. 
فرح انت بتقولي إيه
سماح بقول الحقيقه انت بتحبيه من ساعة ماكان بيجي هنا يذاكر مع أخوك. 
فرح انت كذابة.
هنا دخلت نوال بعد ما سمعت صوت الزعيق والشغالة الجديدة فتحت ليها الباب. 
نوال لا بنتي مش كذابة إنت عايزه ترمي بنتي بالباطل. 
رحمه نوال لمي نفسك بنتي متربية وعارفه حدودها كويس. الدور والباقي عليك إنت. والراجل لما اتصل قال إسم بنتك مش بنتي. 
نوال قولي كده يا رحمة إنت عايزه تطلعي بنتي غلطانة. 
المعلم اخرسي خالص يا نوال.
وانت هاتي التليفون دا.
كان محطوط على الكومود و أخذه.
المعلم خذي يا