رواية داوي چروحي من 14-18

بصيت عليه التليفون لقيته مؤمن ما صدقتش نفسها من الفرحه وفتحت الخط
ندى اخيرا يا مؤمن حنيت عليا كنت هتجنن واسمع صوتك
مؤمن انا اسف يا حبيبتي بس كان عندي شغل كتير
ندى بفرحه حبيبتك اخيرا يا مؤمن
مؤمن احم بقولك ايه بطلي سهوكتك دي لبعد الجواز عشان كده هيبقى غلط عليكي
ندى ههههه حاضر هوفرها 
مؤمن طمنيني عمرو عامل ايه دلوقتي
ندى باستغرب عمرو عامل ايه في ايه
مؤمن يعني فاق ولا لسه الدكتور قالكم ايه 
ندى بقلق فاق من ايه ودكتور ايه يا مؤمن فهمني قصدك 
مؤمن باستغراب افهمك! هو انتي فين يا ندى 
ندى هكون فين يعني في الفيلا 
مؤمن فهم و عرف ان محدش قالهم حاجه وسكت
ندى مؤمن  اتكلم وابيه عمرو في حاج
ه مؤمن بصي هحكيلك بس وحياتي عندك ما تقلقي
ندي بدموع يا مؤمن اتكلم بقى
مؤمن حكالها على اللي حصل و انهم اخدوا جاكي
ندى كل ده وما تتصلش بيا يا مؤمن وعيطت اكثر
مؤمن ڠصب عني يا حبيبتي عشان خاطري كفايه عياط
ندى طب اقفل  هاشوف ابلغ ماما ازاي ونروحلهم
مؤمن ماشي يا حبيبتي خلي بالك من نفسك 
وقفلت معاه ونزلت لهناء  كانت قاعده تحت مستنيه اي احد فيهم يجي ونزلت 
ندى قالت بتوتر  ا ايه يا ماما  م مالك قاعده ليه كده
هناء بقلق مفيش يا حبيبتي بس عمرو مجاش لحد دلوقتي وابوكي قال هروح مشوار مع عمار بسرعه وهاجي ولسه مجاش
ندى ط طب ما تكلميهم على التليفون
هناء كلمتهم وكلهم تليفوناتهم مقفوله وانا قلبي مقبوض ومش مرتاحه 
ندى عيطت واترمت  في حضنها 
هناء بقلق في ايه يا ندى بټعيطي ليه انت تعرفي حاجه
ندى بصتلها وقالت ايوه
هناء هزتها من كتافها جامد وقالت انطقي في ايه 
ندى ابيه عمرو في المستشفى وبابا عمار هناك عنده
هناء ما حستش بنفسها وقعت علي الارض 
ندى بقلق ماما ..ماما وحاولت تفوقها ونادت علي الشغالين يفوقوها واخذت امها وراحوا  المستشفى لعمرو
في بيت ملك 
كان الوقت متاخر بس هي مش عارفه تنام قاعده على السرير وساكته بتفكر في كل اللي حصلها 
قطع تفكيرها خبط على الباب ودخل محمود بابتسامه وقال كنت متاكد انك لسه صاحيه 
ملك بفكر في كل اللي حصل يا محمود من اول يوم جوازي من مازن لحد النهارده في جاكلين اللي كانت عايزه تقتلني دي...
لولا عمرو ضحى بنفسه عشاني ومستغربه هو ليه عمل كده
محمود بلؤم اممممممم  يا سلام يعني مش عارفه 
ملك رجعت شعرها لورا وقالت احم قصدك ايه يا محمود 
محمود سيبك من قصدي المهم انت يا ملك
ملك باستغراب انا ايه مش فاهمه
محمود انتي حبيتيه يا ملك 
ملك حطت وشها في الارض واتكسفت
محمود رفع راسها وقال يا بنتي عيب عليكي ده انا اللي مربيكي وعارف كل حاجه فيكي معناها ايه فرح ولاخوف ولاحزن معقول مش هعرفك لما تحبي
ملك بدموع بس مينفعش للي في ظروفي دي 
محمود بابتسامه سخريه للي في ظروفك اللي هو ازاي يعني ليه يا حبيبتي هو انتي معوقه انت ليه بتقللي من نفسك كده
ملك لا مش معوقه بس مطلقه يا محمود
محمود  بشده عمرو  عمره ماعمل حساب للكلمه دي يا ملك والا مكنش دخل البيت من بابه على طول 
ملك انت بتقول ايه يا محمود
محمود ابتسم وقال ايوه يا ملك عمرو متقدملك من زمان 
ملك باستغراب امتى وازاي وليه معرفتش
محمود ابتسم وقال هحكيلك يا ستي...........
فلااااااااش بااااااااااك 
كان محمود سايق التاكسي بتاعه ورن عليه رقم غريب رد عليه وقال الو 
عمرو محمود معايا
محمود ايوه مين حضرتك
عمرو انا عمرو الشامي مدير ملك لو تفتكرني 
محمود ابتسم وقال اه طبعا فاكرك ازيك اخبارك ايه
عمرو الحمد لله بس كنت محتاج اقابلك ضروري في حاجه خاصه
محمود بقلق ملك فيها حاجه
عمرو لا ابدا والله لما نتقابل هتعرف ممكن
محمود اه طبعا اجيلك فين 
عمرو قابلني في كافيه(........) دلوقت
محمود اوكي ربع ساعه و هوصلك سلام
وقفل معاه وراح على الكافيه وكان عمرو مستنيه سلم عليه وقعد معاه 
محمود اتاخرت عليك
عمري لا لا ابدا ولا يهمك تحب تشرب حاجه 
محمود اه يا ريت قهوه مظبوط 
عمرو نده على الجرسون وطلب منه القهوه
محمود ايه خير كنت عايزني في ايه
عمرو بابتسامه ايه يا عم انت زهقت مني ولا ايه هو انا كنت نايم في حضنك عايزني امشي بسرعه كده
محمود بضحك لا ابدا مقصدش اكيد بس انت قولتلي في التليفون حاجه خاصه 
عمرو ابتسم وقال ماشي مش هطول عليك هجيبلك من الاخر وما تفهمنيش غلط
محمود ما تنجز يا عم دوختني
عمرو وهو بيضحك قال من الاخر يا محمود انا بحب ملك وعايز اتجوزها 
محمود بابتسامه هز كتافه وقال ببرود عارف 
عمرو باستغراب من رده وقاله عارف
محمود ضحك وقال ايوه عارف وحاسس من اول ما ملك اشتغلت عندك كنت حسيت فرحتها ولمعت عيونها دي وراها حب بس انا محبتش اسالها هي كانت دايما بتحكيلي بس عشان التجربه اللي عدت هتخاف تدخل فى اى تجربه جديده وهتحاول تبعد على الرغم انها محتاجه لحد في حياتها بس هي شايفه ان لقب مطلقه دا كفيل أنه يهدم اي علاقه وكمان كان معاها طفلين لوحدها كفيله بانها تخلي اي حد يبعد عنها عشان كده مضغطش عليها في اني اقنعها بغير كدا بس لما شوفتك يوم المستشفى حسيت بعيونك اللي كان ظاهر فيها خۏفك وحبك لملك وحتى ماما كمان لاحظتها
عمرو ابتسم وقال احم ..هو انا عيوني ڤضحاني اوي كده
محمود ضحك وقال والدكتور فضحك اكتر كمان
عمرو باستغراب دكتور مين
محمود دكتور ملك اللي كان بيكشف عليها في المستشفى جه قدامنا وقال جوز حضرتك كان هيتجنن عليكي
عمرو ضحك وقال انا مفضوح مفضوح
محمود ههههه
عمرو طب ايه قولت ايه
محمود يعني مفضوح وقلنا ماشي انما غبي كمان 
عمرو وليه الغلط ده بس أحوده
محمود ضحك وسكت 
عمرو انطقها بقى ابوس ايدك 
محمود يا ابني هو انا لوحدي لسه امي عايشه ربنا يديها الصحه لازم اخد رايها الاول وبعدين تسيبنا فتره نرد عليك
عمرو نعمممم  لا انتو كده هطولو  بقى
محمود وهو بيشرب القهوه  من حقنا يا ابني 
عمرو قام من مكانه وقاله قوم يا عم الحاج يلا 
محمود وهو محمود بيضحك على فين يا عم المچنون انت
عمرو زقه قدامه وقال على بيتكم يلا هنروح لمامتك دلوقتي وهخطب ملك منكم وهتسمعوني الرد حالا والا هخطفها وهتجوزها 
محمود وهو بيضحك والله مچنون يا ابني
عمرو اعمل ايه جننتني خالص بنت الايه
محمود لم نفسك احنا لسه في البدايه
عمرو بترجي ابوس ايدك جوزهالي بقى مش انت في المستشفى كنت بتقول مش عارف اشكرك ازاي تشكرني بقى وجوزني ملك 
محمود ضحك على كلامه وقاله تعالي معايا اركب وانا هرجعك  تاني لعربيتك
وفعلا عمرو ركب مع محمود وراحوا على بيت ملك ودخل محمود الاول يبلغوهم   ان حد معاه
ودخلوا قعدوا كلهم مع بعض
نبيله يا اهلا وسهلا يا عمرو يا ابني
عمرو اهلا بيكي  يا طنط والله انا كنت عايز كنت اجيب اهلي معايا  وتبقي فرحه كبيره بس هعمل ايه ماقدرتش بصراحه
نبيله ضحكت عليه وقالت ولا يهمك يا ابني ربنا يعلم انا حبيتك ازاي لما سترت  بنتي ووديتها المستشفى 
عمرو ابتسم وسكت
محمود ايه يا عم الراديو سكت ليه ما تنطق ولا هنجت 
عمرو حاضر.... هو انا بصراحه