رواية داوي چروحي من 1-8
ولا في حاجه شغلاكي خليتك منمتيش
ملك اتنهدت وقالت بالعكس دي اول مره انام فيها كده من زمان
عمرو ياااااه من زمان للدرجادي
ملك وفي عيونها دمعه قالت واكثر من كده انا كنت الاول بنام بفضل اتفزع من مكاني بسبب الكوابيس اللي بشوفها انما امبارح روحت نمت علطول ولسه صاحيه اكني بعوض الايام اللي فاتت
عمرو لما شاف الدموع ف عيونها قرب عليها قوي وقال بصوت هادي ليه الدمعه اللي في عيونك دي يا ملك عيونك بتحكى ۏجع وچرح وحزن كبير اوي جواكي وبصراحه نفسي اعرفه لانك ما تستهليش كده حاسس انك طيبه اوي من جواكي
ملك بابتسامه حزن ودمعتها نزلت خلاص قالت ولا اي كلام ممكن يتحكي ويتقال في اللي عشته وشفته وجربته وحسيته بس كله كوم ۏجع الفراق ده كوم لوحده الفراق اخد منى روحي كلها خلاني عايشه بجسم وسط الناس انما عقلي وقلبي راح معاهم خلاص
عمرو قرب عليها وطبطب على كتفها وقال يمكن مش فاهم كلامك بس عايز اقولك اني حاسس بۏجع والم الفراق لاني جربته وحسيته بس برضو ما تنسيش ان ربنا اداني اكبر نعمه من غيرها كان ممكن يجرالنا حاجه فعلا ادانا نعمه النسيان يا ملك وربنا كريم علينا اوي ممكن يكون الابتلاء ليكي امتحان يشوف قوة صبرك وايمانك وقتها هيكافئك عليه
ملك ابتسمت وهي بتمسح دموعها قالت تعرف انا عمري ما تكلمت مع حد كده
عمرو ابتسملها وقال وانا مستعده اسمعك في اي وقت تحتاجيني فيه
ملك شكرا يا مستر عمرو
عمروالعفو وضحك
لسه ملك هتمشي نده عليها وقال ملك ملكافندم
عمرو لسه زعلانه مني على اللي حصل امبارح
ملك ابتسمت وقربت منه وقالت انت لسه قايل ربنا انعم علينا بنعمه النسيان صح
عمرو ابتسملها وقال شكرا يا ملك بجد على ثقتك فيا
ملك بابتسامه العفو عن اذنك
وخرجت تشوف شغلها وهو كمان بدء يشوف شغله وكل ما واحد فيهم يفتكر الثاني يبتسم ويكمل شغله
في الجامعه كانت ندي و هدى مستنيين وصول نيفين
مؤمن وصلها خلاص ونزل ماعها واتكلم وقل متزعليش من اختك انا رديت عليها
نيفين بدموع انا مش عارفه هي عايزه ايه ما هي عملت اللي في دماغها واكثر كمان و ډمرت حيات مازن كلها عايزه ايه ثاني بس وعيطت
مؤمن باستغراب هو في حاجه احنا منعرفهاش يا نيفين
نيفين بتوتر ل. لا طبعا ليه بتقول كده
مؤمن لسه يتكلم تاني بس قطع كلامه صوت صحاب نيفين وهما بيقولوا اتاخرتي ليه يا نوفا
نيفين مسحت دموعها بسرعه وقالت ابدا مفيش
هدى ايه يا نوفا مش تعرفينا
نيفين اه طبعا ده مؤمن اخويا او بمعنى اصح الرائد مؤمن
هدى اهلا وسهلا يا حضره الظابط
ندي كانت بتبص لمؤمن ومنزلتش عيونها من عليه
مؤمن هو كمان كان بيخطف نظرات ليها وسلم على هدى وبص لندى وقال اهلا وسهلا ومد ايده
ندى كمان مدت ايدها وكل واحد مسك ايد الثاني واتمنى لو عقرب زمن يقف عند اللحظه دي وكانت عيونهم في عيون بعض
هدى ونيفين ببصوا لبعض وبيضحكوا هدى وشوشت نيفين وقالت ايه النظام هي غمزت ولا ايه
نوفا معرفش والله انا مستغربه زي زيك بالظبط ده مؤمن اخويا كنا بنقول عليه اعمى عشان عمره ماحب حد
هدى طب ايه بقى شكلهم بقى وحش قدام الناس فوقيهم من الغيبوبه دي
نيفين ضحكت وقالت ازاي بس
هدى استني وقفت هدى قصادهم وقالت بصوت عاااالي طب ما تتفضل معنا يا سياده الرائد
ندى ومؤمن انتبهوا لصوت هدى
كانت ندى مكسوفه وحطت وشها ف الارض
مؤمن بتوتر ل لا عشان ما تتاخروش وبص لنيفين وقال هعدي عليكي نروح مع بعض
وبص على ندى كانت حاطه وشها في الارض ومبتسمه ابتسم على شكلها وقال سلام يا نوفا اتشرفت بمعرفتك يا انسه هدى وانتي كمان يعني يا ندي
ندى ابتسمت وقالت انا كمان
هدى بمزاح احنا اشرف والله
ندي ونوفا ضحكوا عليهم
ومؤمن بصلهم وضحك ومشي
ندى كانت بتبص عليه وهو ماشي
هدى غمزتها وقالت اي النظام
ندى اتكسفت وقالت انتي رايقه
هديهاااااا ماخدتيش بالك انتي يا بنت يا نوفا وغمزتلها وضحكت
نيفين لا طبعا اخدت بالي وضحكت
ندى ااااااه انتو هتحفلوا علىا يلا عشان المحاضره وسابتهم ومشيت
هدى ونيفين ضحكوا عليها
وقالوا شكل الموضوع هيطول وراحوا المحاضره
مرت الايام على ملك وهي في شركه عمرو وكانت كل يوم بتثبت نفسها اكثر في الشغل ورجعت للحياه من ثاني ولاهلها وكانت دايما تسهر معاهم لما ترجع من الشغل كان جواها دايما احساس انها مشدوده لعمرو بس بتحاول ټقاومه لانها مش عايزه تخوض التجربه دي ثاني بسبب الخۏف من كلمه مطلقه وفي نفس الوقت بتقول لنفسها الحب ما بيجيش بسرعه كده بس متعرفش ان القلب مالوش سلطان
واتقربت لهاجر جدا وبقوا هما الاثنين اصحاب
عمرو كان كل يوم يتعلق بملك اكثر واكثر وكان بين بينبهر من شغلها وازاي قدرت تثبت نفسها بسرعه و بيحاول يتقرب لها وحنان تقريبا على مبتجيش على باله ورجع لحياته الطبيعيه من تاني مع أهله وهما كانوا ملاحظين عليه ده وبيدعولوا
نبيله ومحمود وسها كانوا فرحانين بتغيير ملك و انها رجعت لضحكتها من ثاني ومحمود مستني ملك تحكيله على اللي مفرح قلبها بس مش عايز يسالها عشان ما يحرجهااش ويتعبها ويفكرها باللي فات
مؤمن كان كل يوم يتحج ويوصل نوفا الجامعه عشان يشوف ندى
امان ندي كانت بتستنى اللحظه اللي مؤمن يوصل فيها نيفين للجامعه علشان تشوفه هي كمان
وفي يوم ملك كانت في الشركه بتشوف شغلها خرج عمرو من مكتبه وقال
عمرو جهزي يا ملك ملف الشحنه تبع شركة التهامي علشان هنمضيها عليها دلوقت
ملك بعدم فيه دلوقتي ازاي يا فندم والشريك الاجنبي
عمرو الشريك الاجنبي وصل الفندق وهنروحله دلوقتي عشان يمضي معانا لانه للاسف قدامه 24ساعه بس ف مصر ولازم نروحله حالا
ملك باستغراب نروح هو مين بالظبط يا فندم اللي هيروح
عمرو انا وانتي واحمد
لسه هتتكلم عشان تعتذر..........
عمرو قطع كلامها وقال مفيش اعذار يا ملك استاذني منهم في البيت عندك وجهزي الملفات بسرعه عشان هنمشي
دخل عمرو مكتبه وقعدت ملك على مكتبها بحيره وفكرت تتصل بمحمود عشان تستاذن منه وفعلا اتصلت بمحمود
محمود ايه يا لوكا خير يا حبيبتي
ف الوقت ده كان عمرو خارج من مكتبه ملك وهي بترد علي محمود وبتقول ابدا يا حبيبي كنت عايزه اطمن عليك وكنت عايزه اطلب منك طلب
عمرواستغرب وقال لنفسه حبيبي!!!!!!!!!
