رواية هبة الجزء الاول

لأ و مالها روز انتي ليه ناسيتي أن حالنا كان أسؤ منها احنا كنا في الشارع مش لاقين حته تلمنا كان ممكن منكملش تعليم ولا عاصي يوصل لكل اللي احنا فيه ده مش لازم ننسا اصلنا 
قالت الأم بنفس نبرة الڠضب
وماله اصلنا يا رنا بصي انتي كلامك كله بيعصبني اسكتي لحد ما نعرف ايه الشرط اللي مخلي اخوكي عامل كده 
ضحكت رنا منا قلتلك بس انتي اللي مش عاوزة تصدقي 
قالت هبه بغيظ
ما تبطلي بقا يا رنا مش ناقصة هبله بذمتك دي واحده ممكن عاصي يبصلها مش شايفة لبسها ولا شكلها
رفعت رنا حاجبيها وقالت
وماله شكلها علي الاقل هي دكتورة الرك بقا علي معاه ثانوي منازل واخده بطلوع الروح 
الټفت هبه نحو خالتها وقالت
خالتوا عجبك اللي رنا بتقوله ده بجد بايخة قوي بتشبهني الفلاحة دي علي الأقل يا رنا انا معايا ثانوي الرك بقا علي بيتكسف يروح المدرسة و بيتخدها منازل علشان يا حرام مش قادر 
قالت رنا ضاحكة واخفت دموعها 
لا يا هوبا انا مشبهتكيش بيها انا بقول أنها احسن منك هي دكتورة وانتي ولا حاجة غير أن انا ما خترتش اكون علي الكرسي ده صحيح كنت بحول منازل بس في الاخر اتخرجت من كليه العلوم والحمد لله الدكاترة عطوني أمل أن ممكن امشي وانا عايشة علي الامل ده 
قالت الأم وقد تملك الڠضب منها أقصاه
ما خلاص خلصنا بقا يا رنا خلينا نشوف بقا اخوكي هيقول ايه كفايا محاضرات عنك و عن ازاي تقدري تمشي متفلقناش 
قام عاصي واقفا واتجه نحو رنا وكأنه استشعر الچرح الذي امتلك قلبها وقال
طول عمرك يا مفعوصة بتلقتيها وهي طايرة
قالت متحمسة 
احلف بالله عليك هو كده صح 
هو كده يا مفعوصة انتي ما شوفتهاش طالعه من جوا والشياط بيطلع من دونها 
غمزت بعينها وقالت
بس انا شايفاك هديت كده خير لتكون هتوافق علي الشرط 
انتي شايفة ايه يا مفعوصة
شايفه أن البت ما تتسبش البت قمر .
قالت الأم غاضبه وبصوت حاد 
باااااااااس منك ليها انا محتاجة افهم اللي بيحصل حد فيكم ينطق علشان كده كل حاجة دخلت علي بعض انا مش فاهمة 
قال عاصي وهو يمسح على رأسه 
في ايه في الكلام مش مفهوم يا امي رضوان لعبها صح باع لينا المزرعة ونفس الوقت ضمن حق بنته حط شرط علشان يكتمل البيع وتنتقل الملكية أن اتجوز روز و لو أردنا الانفصال مده لا تزيد عن سنتان مده عقد الجواز
قامت هبه منفعله
وانت موافق بالتخريف ده يا عاصي اكيد طبعا انت مش هتوافق 
جلس عاصي وضع ساق فوق الآخر وقال بهدوء مسستفز
وانتي عندك حل تاني يا هبه لو عندك قولي 
قالت الأم بڠصب 
ده كلام فارغ انا ما صبرتش كل ده و صممت أعلمك علشان تيجي حته فلاحة وتاخدك علي الجاهز الكلام ده لا يمكن يحصل لو انطبقت السما علي لارض
رفع عاصي حاجبية وقال
تمام اوي انا تحت امركم اللي شايف
أن في حل تاني يقولي 
ضحكت رنا وهي تنظر لأخيها وقالت
انا عن نفسي معنديش حل اللي انت شايفة صح اعمله 
قالت الأم بنفس نبرة الڠضب
بس انا مش مواقفة رجع ليها المزرعة و هي حره مع ديون ابوها ملناش علاقه بيها ويلا نمشي من هنا
لكن جواز من الفلاحة دي استحاله فاهم
استحاله 
قال عاصي يتهكم
واسيب
حلمي أن اخد المزرعة لاء طبعا انا مستحيل اعمل كده انا كبرت وانا بحلم امتلك المزرعة اللي كانت سبب في اننا نكون قي الشارع و لو علي الجواز هتجوز وهي اللي جابته لنفسها هيكون جحهمها مش جوزها انا هكون عملها في الدنيا وتبقي تفرجني هتهرب مني تروح فين بنت الأكابر واللي عمله فينا جدها زمان تستحمله هي بقا دلوقتي كل واحد يشيل واصمة عائلته انا مليش في
وعند روز حالها لم يكن بخير فكانت في قمة ڠضبها وهي غير مصدقة ما كتبه والدها في الوصيه ظلت تحدث نفسها عن السبب الذي جعل والدها يفعل ذلك قطع حبل افكارها صوت رنين هاتفها نظرت لهاوية المتصل كان المحامي
أجابت مسرعة بصوت غاضب 
الو استاذ فؤاد أنت كنت عارف باللي كان مكتوب في الوصية عارف بابا عمل كده ليه انا محتاجة تفسير أنا عاوزة افهم بلظبط ليه بابا عمل كده وايه إصراره الغريب أن اتجوز من الشخص ده بالذات 
اجاب فؤاد بهدوء المعتادء
ممكن تهدي يا روز علشان اعرف اتكلم اديني فرصة اتكلم وافهمك 
لو علي الوصية أيوا كنت عارف اللي فيها وتأكدي أن والدك عمل كل حاجة لمصلحتك
قطعت كلامة غاضبه 
وايه مصلحتي أن اتجوز واحد معرفهوش ولا يعرفني ولاء بيكرهني وبيكره عائلتي كلها واحد مغرور مش شايف غير نفسة 
انا عارف شعور عاصي من عيلتكم وهو ليه أسبابه بس اتاكدي ان رضوان عمل الصح عاصي اكتر حد ممكن يخالي باله عليكي حتي لو بيكرهك
وانا مطلبتش من حد ياخد باله مني انا كبرت كفايا انا دكتورة و اظن انا مش محتاجة لحد 
غلطانه يا ياروز انتي دلوقتي في أمس الحاجة لحد تحتمي ليه
احتمي من مين وليه يا استاذ فؤاد انا بجد مش فاهمة حاجة
الفصل السادس
بصي يا روز انا ما كنتش عاوز أتكلم اتني استغربتي ازاي والدك خسر كل فلوسة كده مرة واحد و توصل أنه يبيع المزرعة اللي كانت اعز حاجة عنده احب اقولك أن أبوكي معلهوش ديون ولا حاجة وهو اتعمد يبع المزرعة علشان محدش ياخدها منك كان مجبر يعمل كده
معلش يا استاذ فؤاد انا مش فاهمة حاجة
تمام علشان كده انا كلمتك بصي انا رتبت معاد مع عاصي انهاردة. بعد المغرب وهيجيبك معاه بعد ما تكونوا هديتم
أغلقت روز الهاتف وظل عقلها شارد في كلام المحامي ظلت تفكر ولكن لم تجد أي إجابة أو تفسير مقنع لنا فعله والدها اسحق له أن يربط مصيرها بشخص لم تعرفه من قبل بشخصية كل نظره منه تحمل لها كره شديد
تخشي روز أن يكون والدها قد ظلمها بما فعل
وبعد المغرب سمعت روز صوت طرقات علي بابها وكانت متوقعة هاوية الطارق فتحت الباب وجدت عاصي يقف أمامها ووجه خالي من اي تعبير وقال بهدوء مبالغ 
اظن المحامي كلمك و عرفتي أنه مستنيا سوا
هزت راسها. بالموفقة وخرجت أمامه جاءت ريح قوية اطارت شعرها للوراء فلامس وجه دون قصد
شعر بارتعاشه في جسده لا يعلم مصدرها تجاهل هذا الشعور وركب سيارته وركبت بجواره وهي لم تتحدث بأي كلمة
طول الطريق التزموا الصمت ولكن عين عاصي كانت تختلس النظر لها ولاحظ ارتباكها وصلا إلى مكتب المحامي الذي قابلهم باستسامته المعتاده وقال بهدوء 
تمام اتقضلوا اقعدوا واظن كل واحد فيكم هدا ونقدر نتكلم
قال عاصي بجدية تامة
ياريت تقصر في الكلام علشان انا معنديش وقت اضيعة في كلام ملهوش لازمة انا ميهمنيش الحاج رضوان مديون أو مش مديون انا كل اللي يهمني أنه باع المزرعة وانا اشتريت ووجود شرط ملهوش أي لازمة علشان استلم مزرعتي وانا جيت علشان اشوف حل الشرط المهبب ده
تجاهلت روز كلامه و اتجهت ببصرها نحو المحامي وقالت 
تمام كده بابا معلهوش ديون طيب عندي سؤالين ومحتاجة منك اجابه
ليه باع المزرعة ده اول سؤال
السؤال